《TGB通訊》ùi 1999年到taⁿ, 已經行過15年, 出刊180期, 內底有goán對台灣社會ê觀察kap批判, 對運動ê反省kap檢討, 對生活對教育ê記錄, 是goán盡力思想基礎khang-khòe ê 1部份. Goán ê基礎khang-khòe iû-goân ē繼續, m̄-koh beh先暫停紙本出刊, 續落來文章ē直接發表tī台灣組合 ê BLOG: http://taioanchouhap.pixnet.net/blog , 請ta̍k-ê繼續指教!
《TGB通訊》從1999年至今，已經走過15年，出刊180期，裡面有我們對台灣社會的觀察與批判，對運動的反省與檢討，對生活對教育的記錄，是我們盡力思想基礎工作的一部份。我們的基礎工作仍然會繼續，不過將先暫停紙本出刊，接下來文章會直接發表在台灣組合的BLOG：http://taioanchouhap.pixnet.net/blog，請大家繼續指教！
[目錄]
寫hō͘奴隸á kiáⁿ (18)／寫給奴隸子 (18)@海á尾
Lán到底ē-tàng hō͘ lán ê gín-á面對siáⁿ-mih款ê未來? Lán無châi-tiāu改變ê困境soah tio̍h留hō͘ in承受, án-ne lán若無châi-tiāu解決困境, kám是tio̍h想看māi, ài án-chóaⁿ hō͘ in大hàn了後, 有能力去面對lán無解決ê問題? 若hām che to無想beh piàⁿ看māi, án-ne lán beh án-chóaⁿ面對lán ê後1代?
我們到底能夠讓我們的孩子面對什麼樣的未來？我們無力改變的困境卻得留給他們承受，我們若無法解決困境，是否必須思考著，要如何讓他們長大後，有能力去面對我們沒解決的問題？如果連這個都不想拼拼看，這樣我們要如何面對我們的下一代？
[目錄]
Kám ē sēng pháiⁿ gín-á?／會不會寵壞孩子？@Tek-hôa
天氣jú來jú joa̍h, tō jú hō͘人感受tio̍h台灣公共空間ê設計chiâⁿ無通. 強調發展, 強調經濟成長, soah kā人ê生活環境kap人性ê考慮犧牲--去, 土地開發, 都市更新, 甚至教育政策, ta̍k項爭論lóng是tiâu tī經濟開發iah是主流價值ê強化, 表面看來jú來jú進步, m̄-koh lán soah jú kap lán ê生活環境脫離, mā jú kap lán ê性命步調脫離. Lán teh看過去日本ê維新, iah是chit-má ê中國, iah是看台灣社會ê後1步, kám m̄是lóng teh強調經濟kap thàn-chîⁿ, 「人」kan-taⁿ pìⁿ做是配合發展ê工具?
天氣愈來愈熱，就更讓人感受到台灣公共空間的設計無通。強調發展，強調經濟成長，卻把人的生活環境和人性的考慮犧牲掉，土地開發，都市更新，甚至教育政策，每項爭論都卡在經濟開發或是主流價值的強化，表面看來愈來愈進步，然而我們卻愈和我們的生活環境脫離，也愈和我們的生命步調脫離。我們在看過去日本的維新，或是現在的中國，或者是看台灣社會的下一步，難道不是都在強調經濟和賺錢，「人」只是成為配合發展的工具？
[目錄]
人teh講, chit ê政府hō͘人民chiok無閒……teh抗爭. 反服貿了後, sûi koh有反核kap自由經濟貿易區ê議題同時teh進行, 各地mā有大大細細ê開發案iah BOT, chit款社會情勢hō͘人感覺chit ê政府bē-su是走路chìn前teh大收割hit樣, ē-tàng ba̍uh--ê緊ba̍uh, ē-tàng khêng--ê緊khêng, ē-tàng賣--ê緊賣. 社會氣氛jú激化, lán tio̍h jú冷靜觀察社會局勢ê變化, m̄-thang kan-taⁿ gia̍h-hiuⁿ tòe拜.
人家說，這個政府讓人民很忙……著抗爭。反服貿後，隨即又有反核和自由經濟貿易區的議題同時在進行，各地也有大大小小的開發案或是BOT，這種社會情勢讓人覺得這個政府好像是走路前夕的大搜刮那樣，可以賺的趕快賺，可以搶的趕快搶，可以賣的趕快賣。社會氣氛愈激化，我們愈得冷靜觀察社會局勢的變化，不要只是拿香跟拜。
[目錄]
反核運動beh行去toh?／反核運動要走去哪？@Tōa-thâu-liân
3月中發動ê反兩岸服務貿易協議chit場抗爭, 已經持續3禮拜--a, chit場抗爭無論ē án-chóaⁿ結局, lóng已經對台灣社會造chiâⁿ久長ê影響. 對運動本身現象ê檢驗, 反省kap批判, ē phēng chit場運動主訴求成功iah是失敗koh-khah要緊.
3月中發動的反兩岸服務貿易協議這場抗爭，已經持續三個禮拜了，這場抗爭無論會如何結局，都已經對台灣社會造成長久的影響。對運動本身現象的檢驗、反省和批判，會比這場運動主訴求成功或是失敗更加要緊。
[目錄]
Chit場佔立法院行動, góa beh kā lí講--ê是／這場佔領立法院行動，我要跟你講的是@Tōa-thâu-liân
3月初8是全台灣廢核大遊行, 台北sui-bóng落雨, iáu是有chiâⁿ chē家庭大大細細tàu-tīn出門參加. Lán已經被迫接受核電廠超過30年--a, 反核運動mā持續30年--a, 2011年日本福島核災, hō͘ lán看tio̍h核電廠爆炸ê嚴重後果, chit 2年á, 開始有專冊teh探討核電問題, mā開始有gín-á ê故事冊teh講核能議題, jú來jú chē ma-ma pa-pa khiā出來反核. 人民力量beh án-chóaⁿ kap核電利益集團kà力, 是反核運動組織動員ê重點.
3月8日是全台灣廢核大遊行，台北雖然下雨，仍然有許多家庭大大小小一起出門參加。我們已經被迫接受核電廠超過30年了，反核運動也持續30年了，2011年日本福島核災，讓我們看見核電廠爆炸的嚴重後果，這兩年來，開始有專書在探討核電問題，也開始有兒童繪本在談核能議題，愈來愈多媽媽爸爸站出來反核。人民力量要如何和核電利益集團角力，是反核運動組織動員的重點。
[目錄]
風雨中ê親子反核──記2014/3/8全台廢核遊行@Tōa-thâu-liân
寫hō͘奴隸á kiáⁿ (15)／寫給奴隸子(15)@海á尾
Tī lán成長ê hō-jiah, ùi sī大hia, ùi學校老師hia, 有累積chiâⁿ chē無爽快, m̄願接受ê經驗, tī lán大hàn有gín-á了後, lán soah bē記得細hàm時ê無爽快, kā hiah-ê方式搬來tī lán對gín-á ê教養態度. Lán 1方面ǹg望sī細m̄免koh像lán hit-tang-chūn, bē-tàng有ka-tī ê想法, bē-tàng kap別人無kâng; m̄-koh lán 1方面soah koh用lán細hàn受對待ê方式teh面對in. M̄免怨嘆lán無想beh重來1 pái ê成長經驗, mā m̄免怨嘆社會大環境無變, beh改變真簡單, 反省lán ê成長hō-jiah, hō͘ sī細tī kap lán ê互動--nih感受tio̍h尊重, 支持kap理解, 社會ê改變tō ē tī in成長ê過程--nih開展--出-來.
在我們成長的印記裡，從家人、從學校老師那裡，累積許多不愉快、不願接受的經驗，在我們長大有囡仔後，我們卻忘了小時候的不愉快，把那些方式搬來在我們對囡仔的教養態度上。我們一方面希望孩子不必重蹈我們當年那樣，不能有自己的想法，不能和別人不；但是我們一方面卻又用我們小時候被對待的方式面對他們。不必怨嘆我們不想重來一次的成長經驗，也不必怨嘆社會大環境沒變，要改變很簡單，反省我們的成長記憶，讓孩子在和我們的互動裡感受到尊重、支持和理解，社會的改變就會在他們成長的過程中開展開來。
[目錄]
Siáⁿ-mih是自由? Tī人生中, lán thang自由選擇--ê有siáⁿ? 語言使用kám是其中1項? Iah是lán kioh是ē-tàng自由決定ê tāi-chì其實oan-na是受tio̍h限制--ê? Gín-á beh講siáⁿ-mih款語言kám是gín-á ka-tī決定--ê? Iah是大人提供ê選擇?
Beh tī充滿禁忌kap限制ê社會體制內底, beh hō͘ gín-á自由自在發展, 大人tio̍h keng出jōa大ê空間? 對抗--ê是siáⁿ? Gín-á若是無大人thèⁿ-tiâu--leh, beh án-chóaⁿ生出獨立自主ê能力? Beh án-chóaⁿ面對食人ê體制? Gín-á ê心靈是siōng-kài敏感--ê, 大hàn行chhoa̍h--去ê人生, kiám-chhái是細hàn時無得tio̍h夠額ê照顧kap尊重, chiah tio̍h ka-tī走chhōe安慰.
新ê 1年, 祝福ta̍k-ê有新ê體驗kap收成.
什麼是自由？在人生中，我們可以自由選擇的有什麼？語言使用是其中一項嗎？或者是我們以為可以自由決定的事情其實也是受到限制的？孩子要講什麼語言是孩子自己決定的嗎？還是大人提供的選擇？
要在充滿禁忌與限制的社會體制內，要讓孩子自由自在發展，大人必須撐出多大的空間？對抗的是什麼？孩子如果沒有大人撐住，要如何長出獨立自主的能力？要如何面對吃人的體制？孩子的心靈是最為敏感的，長大後走偏的人生，或許是小時候沒有得到足夠的照顧與尊重，只好自行走尋慰藉。
[活動放送]
今年siōng尾pái ê北區親子共學團父母教養實踐班, 12/28-29 beh tī板橋忠孝公園活動中心舉辦, 招收對象主要針對有意願參與「平日共學團（週一四或週二五）」「農學生活團（週一三五）」以及「假日共學團」的家庭. 歡迎大家參加, 報名簡章請見社團法人台灣親子共學教育促進會.
[目錄]
Lán對現狀不滿, 對hō͘主流洗腦來形成ê價值觀不滿, lán真ǹg望thèng好kā改變, hō͘ lán ê sī細m̄免koh像lán án-ne活kah hiah soe-siâu, hiah無尊嚴. M̄-koh大部份時間, lán m̄-tāⁿ m̄敢去對抗, 去抵制, 顛倒是kā hit套hō͘ lán pìⁿ做認命ê奴隸ê價值觀copy tī lán ê頭殼內, ná怨chheh ná kàn-kiāu, koh ná kā lán想beh kā kiat掉ê體制, tī lán ê生活--nih, tī lán ê頭殼內, tī lán ê思想--nih jú bán jú ân.
我們對現狀不滿，對被主流洗腦而形成的價值觀不滿，我們很期望可以改變，讓我們的孩子不用再像我們這樣活得如此沒尊嚴。然而大部份時間，我們非但不敢去對抗、去抵制，反而將那套讓我們變成認命的奴隸的價值觀複製在我們的頭殼內，一邊哀怨一邊咒罵，還一邊將我們想幹掉的體制，在我們的生活中，在我們的頭殼內，在我們的思想裡愈陷愈深。
[目錄]
Lán ê生活jú來jú pháiⁿ過, 物價chhèng koân, 生活品質變bái, chia̍h-mi̍h kap生活用品mā jú來jú無thang好hō͘ lán安心使用, 心理上koh jú來jú bē-tit-thang安穩. Lán m̄是無phah-piàⁿ thàn-chia̍h過日子, 是án-chóaⁿ lán soah tio̍h面對jú來jú bái ê生存困境? Lán ê sī細大hàn了後, koh tio̍h承擔siáⁿ款程度ê生存問題? Lán ē不滿, lán ē ná看新聞ná kàn-kiāu, 有時á mā ē chiūⁿ街頭siau-tháu心肝底ê憤怒kap不安. Lán mā lóng ǹg望有法度ùi chit款困境--nih脫--出-來, 想beh改變看bē tio̍h未來ǹg望ê現狀. 除去kàn-kiāu, 除去siau-tháu情緒, lán kám是tio̍h想看māi, lán是toh位做m̄-tio̍h, 是toh位做無夠? 是toh位lán一直m̄願去面對--ê?
我們的生活愈來愈難過，物價上漲，生活品質變差，食物和生活用品也愈來愈難以安心使用，心理上更是愈來愈無法安穩。我們不是沒有努力工作過日子，為什麼卻得面對愈來愈差的生存困境？我們的下一代長大後，又得承擔什麼樣的生存問題。我們會不滿，我們會邊看新聞邊咒罵，有時候也會上街頭發洩心裡的憤怒和不安。我們也都希望能夠從這樣的困境跳脫出來，想要改變看不到未來希望的現狀。除了咒罵，除了宣洩情緒，我們是否該想想看，我們是哪裡做錯了，是哪裡做得不夠？是哪裡我們一直不願去面對的？
[目錄]
目前tī台灣社會hoah kah lāu-jia̍t滾滾ê「非暴力」口號, 對社會趨勢kap運動界ē有siáⁿ-mih影響?〈暴力kap非暴力〉chit篇提出運動面ê思考, chit ê思考kiám-chhái是ùi左派角度切入--ê.〈都蘭行踏〉內底mā tú tio̍h 1 ê德國左派音樂家. 基層人民ê生活, 勞工ê處境, 受壓迫ê情形jú來jú嚴重,〈山頂ê秀琴〉kap〈台灣勞工沒有明天〉2篇thang看tio̍h政府政策, 經濟壓力, 文化弱勢ê起致. 台文小說〈點火〉chit期刊第3 pha, 講tio̍h Lò-kha--ê in家庭ê過去.
目前台灣社會喊得正火熱的「非暴力」口號，對社會趨勢和運動界會有什麼影響？〈暴力與非暴力〉這篇提出運動面的思考，這個思考或可說是從左派角度切入的。〈都蘭行踏〉中也遇到一位德國左派音樂家。基層人民的生活、勞工的處境，受壓迫情形愈來愈嚴重，〈山頂的秀琴〉和〈台灣勞工沒有明天〉二篇可看出政府政策、經濟壓力、文化弱勢的肇因。台文小說〈點火〉這期刊出第3段，提到了長腳仔家庭的過去。
[目錄]
洪仲丘事件, 大埔事件, 核電爭議, 服務貿易協議......chiah-ê議題, chit-chām-á tī lán ê社會引起chiâⁿ大ê議論, chiâⁿ月日來mā tī台北街頭有kúi-nā場抗爭. Tī chiah-ê議題爭議--nih, lán kám是mā有發現, tī lán極力反對kap不滿時勢走向ê同時, lán soah mā直直chhu tùi lán m̄願接受ê hit ê方向去? Lán不滿hoān不滿, kàn-kiāu hoān kàn-kiāu, 不滿soah, kàn-kiāu soah, lán kám是mā tiām-tiām tòe leh行? Lán mā無正經beh用lán ê心思kap khùi力來思考: 若無, lán到底tio̍h行tùi siáⁿ-mih向去? Lán到底tio̍h án-chóaⁿ chiah thang好行tùi hit ê向去?
洪仲丘事件、大埔事件、核電爭議、服務貿易協議......這些議題，這陣子在社會上引起很大的議論，幾個月來在台北街頭也有好幾場抗爭。在這些議題爭議中，我們是否也有發現，當我們極力反對並不滿時勢走向的同時，我們卻也朝向不願接受的那個方向走去？我們不滿歸不滿，咒罵歸咒罵，不滿完，咒罵完，我們是不是正悄悄地跟著走？我們沒有認真地花心思和力氣去思考：不然，我們到底要走往哪個方向？我們到底要如何朝向那個方向？
[目錄]
寫hō͘奴隸á kiáⁿ (12)／寫給奴隸子(12)@海á尾
Ài án-chóaⁿ教kiáⁿ? Lán用siáⁿ款態度teh陪伴gín-á成長? Lán teh教示gín-á--ê ē造chiâⁿ siáⁿ結果? 為tio̍h lán ê方便, 為tio̍h lán beh省hùi-khì, 為tio̍h避免別人ê指責, 除去滿足gín-á ê物質需要, lán kám有正經考慮tio̍h in精神上kap心理上ê發展? Lán引chhōa gín-á符合「社會期待」ê做法, kám是顛倒壓制kap限制in性命發展ê可能性? Ùi lán ka-tī ê成長經驗, lán到底kám有反省--tio̍h?
要怎麼教導孩子？我們用什麼態度在陪伴孩子成長？我們管教孩子的同時會造成什麼結果？為了我們的方便，為了我們省麻煩，為了避免別人的指責，除了滿足孩子的物質需要，我們有真正考慮到他們精神上和心理上的發展嗎？我們引導孩子符合「社會期待」的做法，是否反而壓制並限制他們生命發展的可能性？從我們自己的成長經驗，我們到底有反省嗎？
[目錄]
工業化ê發展, 拚經濟, 生活利便, tòe leh來--ê是thàn無夠chia̍h, 生活受tio̍h政府kap財團控制限制, chia̍h-mi̍h有毒, 終其尾lán tio̍h付出siáⁿ-mih代價? 家庭功能消失, 傳統價值瓦解, 政府信用破產, 人ê存在工具化, 是現tú--tio̍h ê困境, 若不滿現狀beh án-chóaⁿ? 先kā做人ê尊嚴chhōe--tńg-來, 表達主張, ùi身軀邊細細ê行動開始.
工業化發展、拚經濟、生活利便，隨即而來的是不夠溫飽、生活受到政府和財團控制限制、食物有毒，最終我們必須付出什麼代價？家庭功能消失，傳統價值瓦解，政府信用破產，人的存在工具化，是現今面臨的困境，若不滿現狀該怎麼辦？先將做人的尊嚴找尋回來，表達主張，從身邊小小的行動開始。
[目錄]
1980年韓國發生「光州事件」期間, 光州高中有1班ê學生hō͘警察tī街頭phah--死, 隔tńg年ê 5月18, 讀hit班ê學生sio招去hit ê學長ê墓園siàu-liām, 自án-ne開始一直到taⁿ.
1960年代, 捷克iáu tī共產黨官僚統治ê時代, in ê作家講:「對chit 1代, lán tio̍h還hō͘ in自信, 信任kap真理; m̄-koh tāi-seng lán ài tī ka-tī心內chhōe tio̍h chiah-ê mi̍h-kiāⁿ.」
Ah台灣--leh? Lán需要siáⁿ-mih? 的確是「蕃薯m̄驚落塗爛, 只求枝葉代代thòaⁿ」ê反抗精神! 詹益樺, 1 ê基層黨工, 為tio̍h台灣獨立獻出i ê青春, 終其尾用ka-tī ê性命點to̍h理念ê光. Goán tī心內一直kā i ê反抗精神記tiâu--leh, 用行動替i ê自焚意義落註解. 5月19 hit 1工, chái-khí 10:30 tī捷運台大病院站2號出口集合, 請kap goán chò-hóe記念詹益樺!
1980年韓國發生「光州事件」期間，光州高中有一班的學生被警察在街頭打死，隔年的5月18日，就讀那個班級的學生，一起到去年那個學長的墓地紀念他，就這樣一直持續到現在。
1960年代，捷克仍是共產黨官僚統治的時代，他們的作家說：「對於這一代，我們必須還給他們自信、信任和真理；但首先我們必須在自己的心中找到這些東西。」
立場tō是立場, 「ài尊重大多數人ê決定」根本tō是廢話. 「公投」, kap「和平」「理性」kāng款, tī台灣pìⁿ做1款流行病, 公投kám正經tō是「民主」ê進1步實現? 公投kám正經tō有châi-tiāu改變既得利益階級kā lán thún-ta̍h ê事實? 反對tō是反對, 拒絕tō是拒絕, 無需要hiah chē 假sian假tah ê包裝!
立場就是立場，「要尊重大多數人的決定」根本就是廢話。「公投」和「和平」「理性」一樣，在台灣成為一種流行病，公投真的就是「民主」的進一步實現？公投真的有辦法改變既得利益階級欺壓我們的事實？反對就是反對，拒絕就是拒絕，不需要那麼多假惺惺的包裝！
[目錄] 請點選以下連結
是án-chóaⁿ beh chhōa gín-á行街頭／為什麼要帶孩子上街頭@Tōa-thâu-liân
反核, ta̍k-ê lóng有ka-tī ê算盤, 民進黨teh計較in ê選舉操作, 國民黨teh算in ê執政利益, 財團teh tiak in ê投資seng-lí, 一般人民是teh驚惶性命安全. 反核, m̄是選擇ê問題, the̍h人命teh-tù發起公投, 是siōng投機koh夭壽ê行為. 3月初9全台灣廢核大遊行, 請ta̍k-ê tàu-tīn khiā出來主張反核廢核ê立場!
反核，大家都有自己的算盤，民進黨計較著他們的選舉操作，國民黨盤算著他們的執政利益，財團考量著他們的投資生意，一般人民則是擔憂生命安全。反核，是是非題而不是選擇題，拿人命當賭注發起公投，是最投機和夭壽的行為。3月9日全台灣廢核大遊行，請大家共同站出來表達反核廢核的立場！
[目錄]
2013/1/21拜1暗時, lán反淡北道路ê朋友廖文德, chhēng手寫ê「反對興建淡北道路」ê衫跳入淡水河結束性命. Che-che投入運動ê朋友kap sianpai, kiám-chhái有虧欠家庭, 無khah chē時間陪gín-á ê遺憾, hit款心境siáⁿ人thang體會? Gín-á, 是lán對未來社會ê ǹg望kap種子, 透過kap gín-á講chit-kóa為台灣土地phah-piàⁿ ê人ê故事, chhōa gín-á踏óa土地, 關心公共議題, kā反抗kap爭取尊嚴hām自由ê精神傳承--落-去.
2013/1/21禮拜一夜裡，我們反淡北道路的朋友廖文德，穿著手寫的「反對興建淡北道路」衣服跳入淡水河結束生命。許多投入運動的朋友與前輩，或許多少有著虧欠家庭、無更多時間陪孩子的遺憾，那種心境誰人能體會？孩子，是我們對未來社會的希望與種子，透過和孩子講述這些為台灣土地奮鬥的人的故事，帶領孩子踏近土地，關心公共議題，將反抗以及爭取尊嚴與自由的精神傳承下去。
[目錄]
去越南胡志明市4工／越南胡志明市四日行@Gio̍k-hōng
Beh án-chóaⁿ kap gín-á講死亡?／該如何和孩子談死亡？@Tōa-thâu-liân
