20 thóng歲á ê時, góa離開厝--nih, 來到lán tòa ê chit ê所在讀冊. Hit-chūn決心beh緊chiūⁿ北來到chia, tō是想beh緊thang好chông去lán sio隔壁hit ê大都市街頭, 參與ta̍k不時jia̍t-put-put抗議政府ê示威遊行, 「反核」chit ê議題góa tō是hit-chūn開始知影--ê.
頭起先, góa無特別了解反對起核電廠kap核能發電ê問題, 單純是少年時ê熱情, tī街頭ê遊行koh有tī學校內底kap學生伴ê對話討論--nih chhōe tio̍h siau-tháu. Góa hit時chūn對踏tī lán頭殼頂, 開政府teh kā lán chau-that ê外來頭家真不滿, 對社會chiâⁿ chē無公平ê tāi-chì mā chiok無法度忍受.
像讀高中ê時, tō對tì青帽á ê教官chiok反感, sui-bóng in內底有---ê對學生iáu bē-bái, m̄-koh góa tō是對in chiâⁿ倒彈, 認為in無應該出現tī學校內底. 讀大學ê時, koh bat招同學伴chò-hóe抵制教官ê軍訓課.
Hit-chūn tō是kāng款ê心境.
Lō͘尾認真讀chi̍t-kóa資料, chiah ta̍uh-ta̍uh-á了解核能發電是siáⁿ, 安全性án-chóaⁿ.
Koh到lō͘尾, góa chiah了解, 起核電廠牽涉--ê是chiok大chiok大ê利益分配, 甚至koh關係tio̍h美國大頭家ê利益.
大學beh出業hit年, 反核遊行, chiâⁿ萬人tī立法院頭前hoah出反核ê主張, mā有kap góa年歲sio-óa ê少年學生, 組隊beh衝立法院, 阻擋in通過核電廠ê預算案. 開政府--ê用phùn水車chōaⁿ抗議ê群眾, 調動鎮暴警察kā in趕走. Góa chiok siūⁿ-khì, lán是án-chóaⁿ bē-sái hoah出lán ê主張? Lán是án-chóaⁿ bē-sái ka-tī決定? 是, góa hiah-nī-á siūⁿ-khì, 是因為góa bē記--得lán是奴隸, lán ê運命是頭家人teh決定--ê!
Góa mā bat tú tio̍h bat ba̍uh過核電廠工程ê朋友, 當面聽in講in施工是jōa-nī-á ló-chhó, jōa-nī-á chhìn-chhái, 因為in mā無相信核能四廠有可能ē運轉發電, nah tio̍h做kah jōa téng-chin. 無想到chit-má開政府hiah-ê人soah ngē beh運轉.
運轉--落ē án-chóaⁿ? 3冬前日本大地動, Fukushima ê核電廠故障, tòa tī sì-kho͘-liàn-tńg kúi-nā 10 khí-lo͘h ê人lóng tio̍h搬走, hit-tè土地無法度koh tòa人, in tio̍h離開ka-tī ê土地, chit世人hoān-sè lóng無機會koh倒tńg--去. 核電廠故障, lán看bē tio̍h ê lia̍p-á走--出-來, m̄知有jōa chē人身體受tio̍h傷害, chit世人tō是ta̍uh-ta̍uh-á看ka-tī身體lán--去, 等性命結束hit 1刻降臨, chiah thang結束無尊嚴ê屈辱折磨kap病疼ê拖磨.
Koh接續, góa聽tio̍h紅頭嶼ê消息, lán chia核電廠發電了ê核廢料有chiok chē tàn tī紅頭嶼. Taⁿ有kap lí chit-má差不多大hàn ê gín-á頭殼內生pháiⁿ-mi̍h-á, 到taⁿ做過不止á chē pái艱苦ê治療, 性命chiah chhím beh開展, chit世人i beh án-chóaⁿ渡過?
Lán享受核能發電ê經濟神話, 紅頭嶼人soah kui世人, kúi-nā代人teh承擔痛苦, án-ne lán kám有法度忍受?
日本, chit ê全世界siōng téng-chin, siōng ku-mo͘ ê民族, 核電廠to發生chit款毀滅性ê大災害--a, 對lán chia開政府hiah-ê人ê能力kap良心góa chi̍t-sut-á to無信任, 萬不一lán ê核電廠出tāi-chì, lín生thòaⁿ ê土地無法度koh tòa人, 身體害害--去無可能koh勇健, 有châi-tiāu ê人ē-sái趕緊soan離開, 走bē去mā無想beh走ê人beh án-chóaⁿ?
Goán大人為tio̍h beh hō͘ lín chit代phēng goán khah有出脫, ē-sái mài chhap-chhap hiah chē「êng-á-tāi」, ē-sái tō認真chia̍h頭路thàn-chîⁿ, hō͘ lín koh-khah好ê生長環境, hō͘ lín koh-khah ió͘-to͘h ê物質享受, hō͘ lín siōng有品質ê教育, hō͘ lín有phēng人khah有出脫ê機會. M̄-koh, 據在開政府ê頭家決定lán ê運命, 生活ê安全bē-tit-thang保障, 身體ê健康bē-tit-thang àn-sǹg, 性命iû-goân感受bē tio̍h尊嚴, 人生iû-goân看bē tio̍h未來kap ǹg望, án-ne lán kám有法度吞忍?.
為tio̍h對ka-tī交代, mā為tio̍h thèng好kā lín chit代交代, góa, 反核, 無需要任何理由!
20歲出頭時，我離開家裡，來到我們住的這個地方讀書。那時候一心要快點離家北上，就是想趕快衝去我們隔壁那個大都市街頭，參與不時熱血沸騰、抗議政府的示威遊行，「反核」這個議題我就是在那時候開始接觸的。
起先，我並不特別了解反對建核電廠以及核能發電的問題，單純是少年時的熱情，在街頭遊行還有校園內和同學的對話、討論中尋找出路。我當時對踏在我們頭上，開政府欺壓我們的外來頭家很不滿，對社會許多不公平的事也很難以忍受。
像讀高中時，就對戴帽子的教官很反感，雖然他們之中也有對學生不錯的，但我就是對他們很反彈，認為他們不該出現在學校裡。讀大學時，更曾找同學們一起抵制教官的軍訓課。
那時候就是這樣的心境。
而後認真讀了一些資料，才慢慢地了解核能發電是什麼，安全性如何。
再到後來，我才了解，建核電廠牽涉的是很大很大的利益分配，甚至還關係到美國大頭家的利益。
大學將畢業那年，反核遊行，上萬人在立法院前喊出反核的主張，也有和我年歲相近的少年學生組隊要衝進立法院，阻擋他們通過核電廠的預算案。開政府的用噴水車衝退群眾，調動鎮暴警察趕走他們。我很生氣，我們為什麼不能喊出我們的主張？我們為什麼不能自己決定？是，我那麼生氣，是因為我忘了我們是奴隸，我們的運命是任由頭家人擺佈的！
我也曾遇到承包過核電廠工程的朋友，當面聽他們說他們的施工是多麼地隨便、多麼地草率，因為他們也不相信核能四廠有可能會運轉發電，又何必太認真工作。沒想到現在開政府那些人卻強硬地要運轉。
運轉後會怎麼樣？三年前日本大地震，福島的核電廠故障，住在四周圍幾十公里的人都得搬走，那塊土地無法再住人，他們必須離開自己的土地，這輩子也許不再有機會回去。核電廠故障，我們看不到的輻射粒子跑出來，不知道有多少人身體受到傷害，這一生就只是慢慢地看著自己的身體衰敗，等待生命結束那一刻降臨，也結束無尊嚴的折磨與身體的病痛。
再接下來，我聽到蘭嶼的消息，我們的核電廠發電後的核廢料有很多丟去到蘭嶼。有和你現在差不多大的孩子罹患腦癌，至今已經歷了無數次痛苦的治療，生命才剛要開展，這輩子他要怎麼渡過？
我們享受著核能發電的經濟神話，蘭嶼人卻一輩子、幾代人在承擔痛苦，這樣我們能夠忍受？
日本，這個全世界最頂真、最龜毛的民族，核電廠都發生這樣毀滅性的大災難了，對我們這裡開政府那些人的能力和良心我連一點點的信任都不存在，萬一我們的核電廠出事了，你們成長的土地不能再住人，身體損壞不可能再恢復健康，有辦法的人能夠趕緊跑，走不掉也不想走的人怎麼辦？
我們大人為了讓你們這一代比我們有前途，可以不要管那麼多「閒事」，我們能認真工作賺錢，給你們更好的生長環境，給你們更優質的物質享受，給你們更有品質的教育養成，給你們有比別人更有出頭的機會。但繼續任由開政府的頭家決定我們的運命，生活的安全得不到保障，身體的健康得不到安心，生命依舊感受不到尊嚴，人生仍然看不到未來和希望，我們能靜默地忍受嗎？
為了對自己交代，也為了能夠對你們這一代人交代，我，反核，不需要任何理由！
──《TGB通訊》第174期(2014/3)
留言列表
