A-siâng, lí iáu-bōe滿4歲, lán chia tō發生3/18 學生佔立法院, 3/23衝行政院, 3/30有50萬人靜坐ê tāi-chì. Lí看tio̍h siáⁿ? 感受tio̍h siáⁿ?
Goán kā lí講有1 tīn學生teh抗議政府, mā chhōa lí去現場看. Tī現場chhōa lí sì-kè行ê時, ná看ná kā lí解說ta̍k-ê是teh抗議siáⁿ, in teh講siáⁿ. Tī góa kap lín a-pa討論ê過程, lí ta̍k不時to問goán teh講siáⁿ? 是án-chóaⁿ? 3/23佔行政院隔tńg工, lí一直叫góa kā lí講報紙teh講siáⁿ, lō͘尾lí koh ka-tī tiām-tiām看報紙面頂ê相片chiok久chiok久, lí teh想siáⁿ? 感受tio̍h siáⁿ?
Lí知影lán一直hō͘無kāng人管, khah早lán bē-tàng講ka-tī ê話, 講ka-tī ê故事, 連抗議mā bē-sái. 過去有chiok chē人, 像川伯公, 堅持boài hō͘人管, beh ka-tī管ka-tī, in大聲hoah台灣獨立, 爭取做人ê自由kap權利, in chiah-ê人, 有ê hō͘政府派ê警察kòng kah流血受傷, 有ê hông lia̍h去關, 有ê甚至án-ne死--去. 有in chìn前人ê phah-piàⁿ, lán chit-má chiah ē-tàng講ka-tī ê話, 生活mā khah好過, m̄-koh lán iáu是hō͘人管, 政府講lán bē-sái án-chóaⁿ tú án-chóaⁿ ê規定chiok chē chiok chē, 親像lán tī公園chhit-thô tú--tio̍h-ê hit-kóa限制, 親像chiok chē大人iáu是boài hō͘ gín-á ka-tī決定beh chhòng siáⁿ.
Chit-má chi̍t-tīn大哥哥大姊姊, in發現政府beh kap中國簽ê買賣契約, ē hō͘ lán ê生活受tio̍h chiok大ê影響, m̄-koh政府soah無kā lán講, mā boài hō͘ lán有意見. Chit 1冬來, goán一直beh hō͘ lí練習ka-tī做決定, m̄-koh是án-chóaⁿ lán beh過siáⁿ-mih生活, lán bē-sái ka-tī決定--leh? Lí án-ne問. Chit-kóa大哥哥大姊姊, in去kā立法院佔--起-來, boài hō͘代表lán ê立委開會通過, in chit-pái ê行動, hō͘ chiok chē人知影政府beh kap中國簽契約chit ê tāi-chì, mā chiah有hiah-nī chē人khiā出--來抗議.
Lí問講社會是siáⁿ? Siáⁿ-mih是代表? 政府, 社會, 代表, 警察, chiah-ê名詞對lí來講ē ta̍uh-ta̍uh-á具體, 對lí產生意義.
Lí知影政府一直chhò樹á, 起大樓, 開路, lí講ài kā政府抗議, 叫in bē-sái án-ne做. M̄-koh若政府boài聽beh án-chóaⁿ? Lí講tō叫koh-khah chē人出來抗議, lí beh koh招lí ê朋友chò-hóe去抗議. M̄-koh若政府iû-goân boài chhap--lán beh án-chóaⁿ? Lán kā chit ê “beh án-chóaⁿ” khǹg tī心內, ǹg lí chìn前bat kā góa講ê方向去phah-piàⁿ, 好--無?
Lí tú tio̍h大人用權威kā lí ah ê時, ē大聲hoah無愛. Lí tú tio̍h人kā lí the̍h mi̍h-kiāⁿ ê時, ē siūⁿ-khì搶--tńg-來. 若有人kā lí phah, lí mā ē大力phah--tńg-去. Che是lí自然ê反應kap保護ka-tī ê力量. Lán kap hiah-nī chē人共學, lán mā teh練習討論, 參詳, 想辦法, 尊重別人kap ka-tī ê決定, che是beh hō͘ lán tú tio̍h tāi-chì ê時有koh-khah chē方法, ah góa mā teh練習守護lí繼續有保護ka-tī ê力量.
有tang時á, lí看tio̍h有餅想beh chia̍h, lí走來kā góa講腹肚iau. 有tang時á, lí想beh sńg別人ê chhit-thô-mi̍h, lí走來kā góa講lí chiok無聊. Góa lóng ē問lí, lí想beh講siáⁿ? Lí若無直接kā góa講, góa可能tō the̍h kóe-chí hō͘ lí chia̍h, iah是陪lí去行行--leh khioh樹葉á. Lí kám有發現, lí beh ài góa tàu-saⁿ-kāng iah是替lí想辦法ê時, góa有tang時á bē照lí ê意思, 顛倒kā lí chhōa去góa beh ài lí做ê方向去, kap lí本底beh ài--ê是無kāng款--ê.
Góa想beh hō͘ lí知影, lí ài清楚ka-tī beh ài siáⁿ. Lí若hoah無聊ài góa kā lí講ē-sái sńg siáⁿ, góa ē講若無來giû thô͘-kha. Ka-chài lí bē hiah-nī聽話, tō準是góa kap lín a-pa, lí siōng信任mā siōng愛--lí ê人, lí mā m̄是kiàn-pái lóng hiah信táu.
Chiah-ê tō是chit場佔立法院行動, góa beh kā lí講--ê. 台灣社會chit ê大共學團, 請lí好好á看, goán mā ē phah-piàⁿ hō͘ lí繼續保持lí ka-tī ê khut-sè.
A-siâng，你未滿4歲，我們這裡就發生3/18 學生佔領立法院，3/23衝行政院，3/30有50萬人靜坐的事情。你看到什麼？感受到什麼？
我們跟你說有一群學生在抗議政府，也帶你去現場看。在現場帶你四處行的時候，邊看邊跟你解釋大家是在抗議什麼，他們在講什麼。在我和你阿爸討論的過程，你一直問我們在講什麼？為什麼？3/23衝行政院隔天，你一直叫我跟你講報紙在說什麼，最後你又自己靜靜地看報紙上的相片很久很久，你在想什麼？感受到什麼？
你知道我們一直被不同人管，以前我們不能講自己的話、講自己的故事，連抗議都不可以。過去有很多人，像川伯公，堅持不要讓人管，要自己管自己，他們大聲喊台灣獨立，爭取做人的自由和權利，他們這些人，有的被政府派來的警察打得流血受傷，有的被抓去關，有的甚至這樣死去。有他們前人的打拼，我們現在才能講自己的話，生活也比較好過，然而我們依舊被人管，政府說我們不能怎樣怎樣的規定很多很多，親像我們在公園玩時遇到的那些，親像很多大人仍然不讓小孩自己決定要做什麼。
現在這群大哥哥大姊姊，他們發現政府要和中國簽的買賣契約，會讓我們的生活受到很大的影響，可是政府卻沒跟我們講，也不讓我們有意見。這一年來，我們一直要讓你練習自己做決定，可是為什麼我們要過什麼樣的生活，我們卻不能自己做決定呢？你這樣問。這些大哥哥大姊姊，他們去把立法院佔領下來，不讓代表我們的立委開會通過，他們這次的行動，讓很多人知道政府要和中國簽契約這件事，也才有那麼多人站出來抗議。
你問說社會是什麼？什麼是代表？政府、社會、代表、警察，這些名詞對你來說會逐漸具體，對你產生意義。
你知道政府一直砍樹、蓋大樓、開路，你說要跟政府抗議，叫他們不能這樣做。不過若政府不聽要怎麼辦？你說就叫更多人出來抗議，你要再邀你的朋友一起去抗議。不過若政府仍然不理我們要怎麼辦？我們把這個「怎麼辦」放在心裡，朝著你之前曾跟我講的方向去打拼，好嗎？
你遇到大人用權威壓你時，會大聲喊無愛。你遇到別人拿你東西時，會生氣搶回來。若有人打你，你也會大力打回去。這是你自然的反應和保護自己的力量。我們和那麼多人共學，我們也在練習討論、參詳、想辦法、尊重別人和自己的決定，這是要讓我們遇到事情時有更多方法，而我也在練習守護你繼續有保護自己的力量。
有時候，你看到餅乾想吃，你來跟我說肚子餓。有時候，你想玩別人的玩具，你來跟我說你很無聊。我都會問你，你想要說什麼？你如果沒有直接跟我說，我可能會拿水果給你吃，或是陪你去走一走撿樹葉。你有發現嗎，你要我幫忙或是替你想辦法時，我有時候不會照你的意思，反而把你帶到我要你做的方向去，和你原本要的是不一樣的。
我想讓你了解，你要清楚自己要什麼。你若喊無聊要我跟你說可以玩什麼，我會說不然來拖地。幸好你不是那麼聽話，就算是我和你阿爸，你最信任也是最愛你的人，你也不是每次都言聽計從。
這些就是這場佔領立法院行動，我要跟你講的。台灣社會這個大共學團，請你好好地看，我們也會努力讓你繼續保有你自己的姿態。
──《TGB通訊》第175期(2014/4)
留言列表
