是án-chóaⁿ保護ka-tī ê家園是hiah-nī-á無奈? 是án-chóaⁿ維護ka-tī ê生存尊嚴是hiah-nī-á心酸?
4月中, lán khiā tī台北總督府頭前「無愛告別東海岸」ê遊行群眾內底, 1 ê koh 1 ê東部海岸部落ê代表, tī台á頂講起官商聯合beh搶in khiā起ê土地, in直直強調保護家園ê決志, jú講jú激動, jú講jú心酸, ná講目屎soah ná滴--落-來......
In是tòa tī台東到花蓮海岸線ê Pangcah, hiah長ê海岸線, in世世代代tòa tī hiah-ê óa近海kîⁿ ê部落, in ê生活kap祭典mā lóng kap海有chiâⁿ深ê關連. Chit kúi冬來, 東海岸kúi-nā ê保留自然狀態ê海岸hō͘官商看chiūⁿ目, 直直beh kā BOT, 起觀光飯店kap遊樂區, chiah-ê部落有ê choaⁿ-á無法度koh óa近海kîⁿ, 有ê hām部落tio̍h-ài thiah厝搬sóa.
Goán bat chhōa lí去--過ê士林王--家, in tī hia khiā起kúi-nā 10冬--a, 有seng-lí人看chiūⁿ hia ê土地beh來都市更新, in無同意, 官方soah kā in強制thiah厝......
Lán chia平地一直休耕, kā種choh趕tùi山邊甚至山頂, 造chiâⁿ山崩thô͘ li̍h. 平地本底ê農地, 政府beh交hō͘財團去kho͘地做工業區兼炒房地產, chi̍t世人tī hia khiā起, kap土地pa̍k chò-hóe ê人soah tio̍h離開ka-tī ê所在, m̄走--ê, teh-beh收成ê稻á, soah hō͘政府ê怪手半暝來lu平......
新店ê溪洲部落kap三峽ê三鶯部落, in自kúi-nā 10冬前tō ùi東部搬sóa來台北討thàn, 成就天龍國ê經濟kap生活品質. Kúi冬前, 為tio̍h財團kap hó-gia̍h人khiā-ke ê光景需要, kiōng-kiōng要求in tio̍h sóa--走, 若無tō beh kā in thiah厝koh送法院......
Tī lán tòa ê chia, 淡海新市鎮一期自10 kúi冬前開發到taⁿ, to證明是m̄-tio̍h mā無應該chhui-sak ê政策--a, taⁿ soah koh開始ngē beh徵收比一期koh-khah大片土地ê淡海二期計畫. 本底tō tòa tī chit-tah ê人, 長久來in khiā ê厝kan-taⁿ ē-tàng hoan, bē-tàng重起, m̄-koh soah允准hō͘企業起大片ê廠房, mā允准hō͘ hó-gia̍h人tī山phiâⁿ起大樓別莊.
Koh來, hiah-ê有權有勢有決定權ê人講, 淡江大橋起好了後, 淡海若koh kā規劃做poa̍h-kiáu專區, 淡海新市鎮房地產大起, koh有淡北道路kap輕便車, 中國客ê觀光seng-lí thàn bē了, 用chîⁿ ká chîⁿ, 後piah牽涉ê利益過頭大--leh! 淡水人ê需要, 在地人ê生活品質kap步調, 文化思考, 自然環境ê保存, 水鳥, 田地, 土地情感, 人文特色, 若bē-tàng pìⁿ做in用chîⁿ ká chîⁿ ê工具, tō lóng ná pùn-sò kāng款.
前無jōa久, 苗栗大埔ê土地徵收爭議, 官方thàn當地人去台北陳情抗議pàng空城ê機會, 出動警察kap怪手, 趕緊kā hiah-ê厝thiah掉, 事後koh beh kā in討thiah厝ê費用. Tī另外1 ê sì-ko͘-liàn-tńg lóng lu pêⁿ ê重劃開發區, chit ê ah-pà落命令kā人ngē thiah厝ê縣長, in已經無人tòa ê厝宅soah大大pān chhāi tī路中ng, 新開ê大路tī hia tō自動se̍h-oat tùi邊--á過. Lō͘尾khí-mo͘-bái ê人sì-kè抗議, beh hoah出心內ê憤怒kap不滿, soah hō͘警察粗魯kā lia̍h-lia̍h--去.
「人lia̍h厝thiah, 雞á鴨á lia̍h kah無半隻.」Hiah-ê權勢者為tio̍h ba̍uh開發ê利頭, jú來jú粗魯, mā jú來jú趕狂, ùi in chhùi--nih pok--出-來ê話, m̄知影in ka-tī kám聽ē落--去? 為tio̍h符合既得利益階級ê需要, 無權無勢--ê tio̍h據在in hoa̍t-lo̍h, che tō是in講ê「公益」?
聽tio̍h in chhàng-chhiu koh hiau-pai不時kā反對in ê人chhiàng聲, góa實在m̄知影lán koh tio̍h án-chóaⁿ對in輕聲細說iah是善意苦勸? In kui心beh kā lán thiah-chia̍h落腹, kui心kan-taⁿ想beh suh lán ê血肉, 來搶tio̍h in強調ê「發展ê利益」, kap in chiah-ê人, lán是beh án-chóaⁿ有法度kā lán ê憤怒ah--落-來, koh好禮á kap in溫和理性講道理?
Lán to iáu無châi-tiāu做lán khiā起chit ê所在ê決定者, lán iû-goân koh hō͘ in「合法」teh chau-that thún-ta̍h, lán若koh用「人權」,「民主」iah是「文明」chiah-ê概念來理解現實, m̄-tāⁿ是kā ka-tī裝siáu--ê niâ, m̄-tāⁿ是kā ka-tī腳手pa̍k死, koh騙ka-tī講:「In tio̍h kā lán當做人án-ne尊重, 若無, tō是in m̄-tio̍h, 是in無照道理行!」
為什麼保護自己的家園是那麼地無奈？為什麼維護自己的生存尊嚴是那麼地心酸？
4月中，我們站在台北總督府前「不要告別東海岸」的遊行群眾裡，一個又一個東部海岸部落的代表，在台上提起官商聯合搶佔他們的土地，他們不斷強調保護家園的決志，愈講愈激動，愈講愈心酸，邊講眼淚卻也邊滴下來……
他們是住在台東到花蓮海岸線的Pangcah，那麼長的海岸線，他們世世代代住在那些緊臨海洋的部落，他們的生活和祭典也都和海洋有著深刻的關連。這幾年來，東海岸好幾個保留自然狀態的海岸被官商看上眼，一直要BOT、蓋觀光飯店或遊樂區，這些部落有的因此無法再接近海洋，有的連部落都得拆除搬走。
我們曾帶你去過的士林王家，他們在那裡已定居幾十年了，生意人看上了他們的土地要來「都更」，即使他們沒有同意，官方仍強制把他們的房子拆了……
我們這裡平地一直休耕，將農作趕往山邊甚至山頂，造成山崩地裂。平地原本的農地，政府要交給財團去圈地做工業區兼炒房地產，一輩子住在那裡，和土地緊密相連的人卻被迫離開，不願走的，將收成的稻穀，卻被政府的怪手半夜剷平……
新店的溪洲部落和三峽的三鶯部落，他們幾十年前就從東部搬來台北工作，成就了天龍國的經濟和生活品質。幾年前，為了財團和有錢人大樓的景觀需要，強制要求他們搬遷，否則拆屋外還得送法院……
在我們住的這裡，淡海新市鎮一期自十幾年前開發至今，早已證明是錯誤且不應該推動的政策，但卻又開始強制徵收比一期更大片土地的淡海二期計畫。原本就住在那一帶的人，長久以來住家只能翻修，不能重建，然而卻容許企業建造大面積的廠房，也容許有錢人在山坡地蓋起大樓別墅。
再來，那些有權、有勢、有決定權的人說，淡江大橋蓋好後，淡海若再規劃成博奕特區，淡海新市鎮房地產必大漲，再加上淡北道路和輕軌，中國客的觀光生意就賺翻了，用錢滾錢，後面牽涉的利益太大了！淡水人的需要，在地人的生活品質與步調，文化思考，自然環境的保存，水鳥、田地、土地情感、人文特色，如果無法成為他們錢滾錢的工具，就都和垃圾沒兩樣。
前不久，苗栗大埔的土地徵收爭議，官方趁當地人去台北陳情抗議的機會，出動警察和怪手，急忙把房屋拆掉，事後還向他們追討拆屋費。在另外一個四周圍都剷平的重劃開發區中，這個鴨霸下命拆屋的縣長，他們已無人居住的房子，卻大剌剌地擋在路中央，新闢的馬路得自動轉彎繞過他家。後來憤怒的人們四處抗議，要喊出心中的怒氣和不滿，卻被警察粗魯地逮捕、驅離。
「人掠厝拆，雞仔鴨仔掠甲無半隻。」那些權勢者為了吞食開發的利益，愈來愈粗魯也愈來愈趕狂，從他們嘴裡蹦出來的話，不知道他們自己聽得下去嗎？為了符合既得利益階級的需要，無權無勢者得任憑他們宰割，這就是他們說的「公益」？
聽到他們猖狂、囂張地不時向反對他們的人嗆聲，我實在不知道我們還能怎麼對他們輕聲細語或是善意勸說？他們全心要吞噬我們，全心只想要啃食我們的血肉，以換取他們強調的「發展的利益」，面對他們這些人，我們是怎麼還有辦法將我們的憤怒硬壓制住，還好禮地對他們溫和理性講道理？
我們都還未能成為我們這塊地方的決定者，我們依然被他們「合法」地糟蹋、踐踏，我們若仍用「人權」、「民主」或「文明」這些概念來理解現實，不止是把自己當傻瓜，不止是將自己手腳綁死，還自欺欺人說：「他們必須把我們當做人那樣地尊重，否則，就是他們不對，是他們沒有講道理！」
──《TGB通訊》第167期(2013/8)
留言列表
