台灣組合

又koh beh反核遊行--a, 今年ke kui tho͘-lá-kuh ê有力人士加入反核. Góa teh想, 3月初9 hit工參加遊行ê人應該ē ke chiâⁿ chē chiah tio̍h.

先mài計較chiah-ê有力人士khah早對反核ê立場, mā暫且mài chhap in chit-má sio-cheⁿ搶鏡頭ê情形, góa想beh提醒1點: 反核tio̍h-ài反到底, ài有立場; 同意核四公投tō是無立場, tō是pàng水. 無m̄-tio̍h! 林義雄pàng水, 蘇貞昌pàng水, 馬英九mā知影in想beh pàng水, 反核ê人beh罵馬英九kā核四公投議題pàng--出-來chìn前, 應該tio̍h先去罵林義雄kap蘇貞昌.

核四廠是大屠殺ê機器, 大屠殺kám tio̍h-ài公投? 林義雄hit ê半桶師ê民主概念, kioh是所有ê公共事務lóng用公投來解決tō號做「民主」, chit套kā chiâⁿ chē人騙kúi-nā冬--a, chit-má soah hō͘馬英九軍--tńg-來, 死好!

Lán hông統治, 被迫交稅金飼公務員, 飼政客, in無做tāi-chì tō準soah, o͘-se mā真正常, lán過ka-tī ê生活, 假影in無存在. M̄-koh, lán交稅金飼ê政客kap公務員, chit-má beh做1 ê屠殺機器來thâi lán, lán kám koh tio̍h公投看同意iah是無同意? 萬不一公投bē過, m̄-tō表示lán願意被屠殺? The̍h lán ê稅金去做屠殺lán ê機器, koh ài lán自願被屠殺? Che是siáⁿ-mih? 是民主?

對核四kap核電, 我beh kā立場表達清楚:

1. 拒絕核廢殘害, 制裁擁核政客!

2. 核四屠殺機器, 反對屠殺公投!

3. 反核立場ài堅定, 公投tō是beh pàng水!

又要反核遊行了，今年多了一堆有力人士加入反核。我想，3月9日當天參加遊行的人應該會多很多吧。

先不管這些有力人士以前對反核的立場以及現在搶盡風頭的情形，我想提醒一點：反核就是要反到底，要有立場；同意核四公投就是沒有立場，就是放水。沒錯！林義雄放水、蘇貞昌放水，馬英九也知道他們想放水，一搭一唱，反核的人要罵馬英九拋出的核四公投議題前，應該要先臭罵林義雄和蘇貞昌一頓。

核四廠是大屠殺的機器，大屠殺需要公投嗎？林義雄那個半調子的民主概念，以為所有的公共事務都用公投解決就叫民主，這一套騙了很多人很多年，現在被馬英九將了一軍，活該！

我們被統治，被迫交稅金養公務員、養政客，他們不做事也就算了，貪污也很正常，我們過自己的日子，假裝他們不存在。可是，我們交稅金養的政客和公務員，現在要製造一個屠殺機器來屠殺我們，我們還要公投？投不過就表示我們願意被屠殺？拿我們的納稅錢做屠殺我們的機器，還要我們自願被屠殺？這是啥物？是民主？

對核四及核電，我要把立場表達清楚：

1、拒絕核廢殘害，制裁擁核政客！

2、核四屠殺機器，反對屠殺公投！

3、反核立場要堅定，公投就是想放水！

──《TGB通訊》第162期(2013/3)