台灣組合

Kiàn-nā pōng tio̍h選舉beh kap中國黨sio-kiat,「維新」ê口號tō koh hō͘人hiau出來liān.

Siáⁿ-mih是「維新」? Tī台灣, ta̍k-ê teh強調明治政府kā國家變強變hó-gia̍h. 關係日本幕末維新ê歷史, 台灣人kan-taⁿ知影伊藤博文, 福澤諭吉, ke̍k-ke koh聽過坂本龍馬, kā明治維新講kah chhùi角全pho, soah m̄知影29歲tō hō͘幕府(Bakufu)判死刑ê吉田松陰主張「草莽崛起」, 伊藤博文是吉田ê學生內底siōng han-bān, siōng投機--ê, 第一流ê勇將早tō lóng戰死--a. 台灣人koh-khah無想beh知--ê是, 明治政府thang好成功, 是hit當時日本下層武士為tio̍h走chhōe民族ê出路, 用性命piàⁿ--出-來.

Kyushu (九州) ê Satsuma (薩摩)武士是維新成功siōng重要ê力量, 西鄉隆盛kap大久保利通是Satsuma武士成就大事ê核心者. 下層武士出身ê西鄉隆盛是án-chóaⁿ ē pìⁿ做hit-tang-chūn日本不滿武士ê精神領袖? 是siáⁿ款ê思想kap意志, hō͘ in成功kā幕府kiat-tó? In ián-tó幕府ê統治chìn前, 有付出siáⁿ款ê代價?

創建明治政府siōng大ê功勞者是西鄉隆盛, 新政府成立, i無法度忍受新政府內底hiah-ê官僚, 奸商kap投機者, 辭官tńg Kagoshima (鹿兒島), 軍隊內底大部份Satsuma武士mā kui-tīn tòe i辭官tńg故鄉. 西鄉sàng無beh反明治政府, i kan-taⁿ想beh kā Satsuma武士安tah--落-來, 維持in ê武士精神, thèng-hāu新政府無法度hō͘天下順服, iah是外國勢力威脅日本國生存ê時, i tōē chhōa Satsuma武士出面, beh tī徹底毀壞ê土地產生出新ê日本人.

M̄-koh新政府無法度容允西鄉sàng kap Satsuma武士, 終其尾西鄉sàng為tio̍h boài放棄chiah-ê武士, chhōa in chò-hóe造反(西南戰爭), chit場挑戰新政府權威soah koh無phah-sǹg beh戰贏ê戰爭, 結束日本武士ê時代, kā不滿政府ê武士力量ê Satsuma武士chò-hóe chhōa ǹg死亡, hō͘明治政府thèng好鞏固--落-來.

西南戰爭結束hit工, tī Kagoshima ê Shiroyama (城山)決戰, 7萬官軍包圍無到200人ê Satsuma反亂者, 7萬官軍chhoah kah beh死, 面對死亡ê Satsuma武士bē-su chiah是勝利者, 知影西鄉sàng已經犧牲了後, 7萬官軍全體ǹg反亂者ê頭人跪--落, che hō͘人jōa-nī-á oh理解ah?

Lán若看西南戰爭ê歷史, 反亂者西鄉隆盛kap東京政府ê大久保利通, piàⁿ生piàⁿ死piàⁿ出新政府, 為tio̍h日本民族ê出路, tī無kāng ê立場sio對戰, 互相理解koh tio̍h sio輸贏, he是siáⁿ款ê心境? Satsuma兄弟sio-thâi, 心肝頭ê痛苦是jōa-nī-á深沈?

明治維新是日本下層武士用血kap性命piàⁿ--出-來-ê, m̄-koh維新換--來-ê是siáⁿ? 為tio̍h日本ê出路, tio̍h-ài鞏固東京新政府, siōng勇ê武士lóng為tio̍h信念戰--死-a, 新貴族, 官僚, 買辦續leh chiūⁿ舞台, kap既得利益階層tâng-chê割稻á尾, 人民iû-goân無thang好péng身出頭, che tō是維新ê真相!

鼓吹「維新」口號ê台灣人, kan-taⁿ看tio̍h維新了後ê『富國強兵』, kan-taⁿ想beh踏tī別人ê血kap性命頂頭chiūⁿ舞台, kan-taⁿ ē-hiáu計較目chiu前3尺利益ê台灣人, 對幕末維新ê真相kám有chùn-būn--tio̍h?

為tio̍h有浮去檯面上, 為tio̍h beh chiūⁿ舞台, koh想beh付出siōng chió ê代價, tio̍h-ài kā原則khàm--起-來, 甚至tio̍h kā原則hiat-kak, kā原則扭曲, m̄願直接thuh對chit ê統治體制kap利益結構ê siōng核心去, koh閃過對台灣人權力者ê嚴肅批判, tō準ē-tàng成功實現目標, tō準thèng好用種種策略思考來解說, m̄-koh因為lán ê投機m̄願去承擔ê代價, 終其尾ē留hō͘ lán ê後1代去承受, 想beh閃mā閃bē lī.

每逢選舉逼近，準備跟中國黨對決，「維新」的口號就不絕於耳。 

什麼是「維新」？在台灣，大家強調的是明治政府發展實業來實現富國強兵的目標。日本維新的人物，台灣人只知道伊藤博文、福澤諭吉，頂多還聽過坂本龍馬，明治維新的事蹟講得嘴角全波，卻不知道29歲就被幕府處死的吉田松陰主張「草莽崛起」，伊藤博文是吉田的學生裡最糟糕、最投機的，第一流的勇者早就都戰死了。台灣人更不想知道的是，明治維新的成功，是當時日本下級武士為了找尋民族的出路，用性命拚出來。 

九州的薩摩武士是維新能夠成功最重要的力量，西鄉隆盛和大久保利通是薩摩武士成就大事的靈魂人物。出身下級武士的西鄉隆盛如何成為當時全日本不滿武士的精神領袖？是什麼樣的思想和意志讓他們成功地將倒幕維新？他們打倒掌握大權與資源的幕府前，又付出了什麼代價？ 

創建明治政府最大功勳是西鄉隆盛，新政府成立，他無法忍受新政府裡貪官、酷吏、奸商和投機者橫行，辭官回鹿兒島，軍隊裡大部份薩摩武士也整群跟著他辭官回故鄉。西鄉沒有要反明治政府，他只想安撫和維持薩摩武士的力量，一旦新政府無法使天下順服，或是外國勢力威脅日本國生存時，他將率領薩摩武士出面迎戰，在焦土中誕生出新的日本人。 

但新政府無法容忍西鄉和薩摩武士，最終西鄉為了不離棄這些武士，帶著他們造反（西南戰爭），這場挑戰新政府權威卻不打算戰勝的戰爭，將不滿政府的武士一起帶向死亡，徹底終結武士的時代，明治政府也因此得以鞏固。 

西南戰爭結束那天，在鹿兒島的城山決戰，七萬官軍包圍不到200人的薩摩「叛軍」，七萬官軍膽顫心驚，準備走向死亡的薩摩武士卻士氣高昂，知道西鄉已經犧牲後，七萬官軍集體跪下向「叛軍首領」致敬，這是多麼令人難以理解啊？ 

而這場西南戰爭，對戰兩方，「叛軍」首領西鄉隆盛和東京政府的大久保利通，一起奮戰開創了新政府，為了日本民族的出路，在不同立場對戰，互相理解卻又必須兵戎相見，那是什麼樣的心境？薩摩兄弟相殘，心底的痛苦又是多麼地深沈？ 

明治維新是日本下級武士用鮮血和性命拚出來的，但維新換來的是什麼？為了日本的現代化必須鞏固東京新政府，但最勇猛的日本武士為信念戰死，新貴族、官僚、買辦登場，與既得利益階層共同收割維新的果實，人民依舊沒有翻身的機會，這就是是維新的真相！ 

鼓吹著「維新」口號的台灣人，只看到維新後的富國強兵，只想踏著別人的鮮血與性命跳上舞台，長袖善舞一番，只知計較眼前三尺利益的台灣人，真的看到了維新幕後的殘酷真相嗎？ 

為了浮上檯面、為了爭取到舞台，又要付出最少的代價，就必須隱藏原則，甚至拋棄原則、歪曲原則，不願直指這個統治體制、利益結構的最核心，更閃避了對台灣人權力者的嚴厲批判，最終即使能成功達到目的，即使能用各種策略思考來自圓其說，但因我們的投機不肯承擔的代價，終將遺留給我們的下一代去承受。

──《TGB通訊》第178期(2014/7)