5--月是民進黨進行2年1 pái ê黨內黨職選舉, 今年因為年底ê七合一大選, koh本屆黨職(中央) ē-tàng決定2016年總統kap立委ê提名方式, 競爭khah激烈. 今年年頭有chi̍t-kóa所在ê黨員人數hiông-hiông大量增加, tō ná選舉ê幽靈人口kāng款, hiông-hiông出現, 投票了tō koh無--去, 一直到後pái ê投票若有需要, chiah koh la̍p 1 pái 2冬ê黨費, che tō是民進黨hō͘人keng-thé ê人頭黨員問題.
民進黨beh解決人頭黨員, 是先解散派系, 初選採取民調, ta̍k冬ê黨費繳納通知單統一寄去戶籍住所, 黨員tio̍h ka-tī去la̍p-chîⁿ, kioh是án-ne ē-sái解決人頭大戶統一la̍p-chîⁿ ê問題. 結果頂頭有政策, 下底有對策, 黨員大戶若kap地方黨部主委kāng派系, 關係好, iáu是thang直接到黨部統一la̍p-chîⁿ (tī黨部tō ē-tit-thang直接印通知單la̍p-chîⁿ), 問題iû-goân無解決.
人頭黨員其實m̄是造chiâⁿ民進黨cháu-chengê原因, koh-khah害--ê是, 為tio̍h解決人頭黨員所進行ê各種方案chiah是真正cháu-chengê主因. 1 ê基層代表有100-200 ê thiāu-á-kha是chiok sù-siông--ê, m̄-koh解決人頭黨員ê改革方案soah kā基層代表培養基層黨務人員ê必要性消除掉, 親像取消黨員初選ê權益, 改用全民調, 造成基層欠人經營, 只要甘khai-chîⁿ, 透過媒體造勢tō有夠, 無代表願意tī基層栽培新人, 橫直若有chîⁿ ē-hiáu造勢, siōng重要--ê是tòe有tio̍h人, beh tī黨內sa tio̍h參政權tō ná像桌頂ni柑hiah-nī簡單. 過去國民黨beh參選黨職, tio̍h-ài有資產kap借貸證明, chiah有參選資格, 除了有chîⁿ買票, koh ài ē-tàng控制.
Chiah ē現此時民進黨基層lóng是chi̍t-kóa無頭殼, kan-taⁿ ē-hiáu liam-hiuⁿ ê代表, ē-sái講是1代不如1代. 黨內ê人頭hoàn-á kan-taⁿ chhun黨內ê黨職選舉有利頭, 造chiâⁿ黨職ê選舉tō kap國民黨選舉買票kāng款lah-sap, mā hō͘ 民進黨pìⁿ做是有chîⁿ無理想, 投機炒短線ê人出頭ê現象, 理想性jú來jú消風--去.
有chi̍t-kóa號稱入黨chē年ê老黨員, 本底應該是支持民主進步ê觀念, soah pìⁿ做人頭hoàn-á, 為tio̍h利益支持hit-kóa號稱無黨籍, 從政過程ta̍k ê重要決定lóng選擇khiā tī人民ê對立面, 也tō是óa過有資源有黨產ê國民黨, hō͘ chit款人來領導/敗壞kap i個人無chi̍t-sut-á關係ê民進黨.
號稱民主進步ê黨員竟然300 kho͘ tō ē-tàng hông買收, 無的確是in了解民進黨kap國民黨根本tō kāng款, 唯一無kâng--ê是民進黨無黨產做靠山, sui-bóng有台獨chit ê騙選票ê工具, 針對無kāng對象來使用, m̄-koh chit-má chit ê資產早tō hông當做是拖磨ta̍uh-ta̍uh-á破產--a, 結果發現iáu是tio̍h óa過中國chiah有生存ê利頭kap空間, mā早tō hō͘人民看破腳手. Káⁿ若無châi-tiāu tī國民黨hia pun tio̍h肉iù-á, tō tī民進黨內bóng chhńg, 無魚蝦mā好.
翻頭來看黨員個人ê問題, 是án-chóaⁿ當lí願意支持1 ê團體ê時, soah m̄願la̍p 1冬300 kho͘ ê年費? Ah若無想beh la̍p-chîⁿ, 是án-chóaⁿ beh入黨(入黨ài交身分證影本, 相片4張)? (1)因為pháiⁿ-sè拒絕親chiâⁿ朋友; (2)因為有tāi-chì beh chhōe代表tàu-saⁿ-kāng khah方便(m̄-koh國民黨ê黨證phēng民進黨koh-khah好用neh); (3)因為無所謂, 有ā好, 無ā好, 有人beh替góa la̍p-chîⁿ tō入黨, hoān-sè koh thang khêng tio̍h chi̍t-kóa好--處, 有beh投票--無無重要; (4)以上lóng是.
Ùi chia thang知影, 台灣人表面上對政治chiok jia̍t--ê, m̄-koh事實上hán leh有立場, mā無願意有任何付出, 甚至是犧牲tām-po̍h-á生活趣味to無不可能, kan-taⁿ ē tòe媒體政客teh khí-tâng, hoah爽--ê! 無判斷能力, kan-taⁿ支持靠媒體phô͘-tháⁿ ê人, 對人無對事, 無問是非, m̄管chit ê人ê過去, 好bái, 甚至beh thīn iah boài thīn民進黨mā無所謂, 有人氣tō好.
Tī「ián-tó國民黨」chit ê前提, chiâⁿ chē人認為ài聯合次要敵人打擊主要敵人, 不得不支持在野siōng大黨, 目屎kâm--leh mā tio̍h投票支持, tō是beh先ián-tó國民黨. 問題是, 民進黨根本無希望國民黨tó, 國民黨若tó in tō無人擋tī頭前做肉砧, 若欠1 ê對照組, in tō m̄是khah bē爛ê蘋果--a, mā失去tī立法院是少數chit ê推辭ê藉口, 無形中民進黨已經chiâⁿ做ián-tó國民黨ê大石頭--a.
Chit-pái ê反服貿運動, 總算開始批判民進黨, 逼kah蘇貞昌, 謝長廷m̄敢mā無理由繼續選黨主席, kiám-chhái in iáu知道心虛, 是講m̄知影是án-chóaⁿ蔡英文iáu有hit ê面敢選, koh敢siàu想2016年ê總統大位?
蔡英文是國民黨培養--出-來ê菁英, 純粹國民黨式ê思維作風, kap民進黨m̄-bat有kau-chhap, 用國民黨ê方式teh chhōa領民進黨, i ê改革kap馬英九kāng款, tō是kā黨變kah ha̍h ka-tī ê khùi口. 2008年反ECFA ê圍城行動, 因為蔡主席ê chhōa領, 本底講好beh kap韓國kāng款無達到目的boài退, 結果hit工e-po͘ 5點tō講活動結束, 有民眾ka-tī走去圓山á, kap警察發生暴力衝突, i sûi tō切割, 因為bē-tàng容忍ka-tī hông講是「暴力小英」, 開始道德苦勸民眾和平理性. 2012年參選總統soah利用黨主席ê位, 優先kā ka-tī競選ê核心幹部排入去不分區立委絕對安全ê名單--nih, 完全無chhap過去不分區tio̍h-ài有弱勢, 勞工, 婦女chit-kóa保障名額ê傳統.
Chit款人soah ē-sái koh 1 pái chiâⁿ做民進黨ê救世主, kám講台灣人hō͘ 國民黨洗腦洗過頭--a, kan-taⁿ ē-tàng接受國民黨iah是kap國民黨khah óa ê人?
5月是民進黨進行二年一次的黨內黨職選舉，今年因為年底的七合一大選，且本屆黨職(中央)能決定2016年總統及立委的提名遊戲規則，競爭較激烈。今年年初有些地區的黨員人數突然大增，就像選舉的幽靈人口一樣，突然出現投票完就不見了，直到下次的投票若有需要再一次繳2年的黨費，這就是民進黨為人詬病的人頭黨員問題。
只是民進黨解決人頭黨員，是先解散派系，初選採民調，然後是每年的黨費繳納通知單統一寄送至戶籍地，由黨員自行到便利商店繳交，期能杜絕人頭大戶統一繳費的問題。結果上有政策下有對策，黨員大戶只要與地方黨部主委同派系、關係好，還是可以直接到黨部統一繳費(在黨部就能直接列印繳費單繳費)，問題還是回到原初沒有解決。
人頭黨員其實不是造成民進黨敗壞的原因，諷刺的是，為解決人頭黨員所行的各種方式才是真正敗壞的主因。一位基層民代擁有一、二百個口袋黨員是很正常的事，但解決人頭黨員的改革方式卻省去基層民代培植基層黨務人員的必要性，例如取消黨員初選的權益，改用全民調，造成基層乏人經營，全砸大錢給媒體，只要媒體造勢即可，沒有民代願意在基層培植新人，反正只要有錢會造勢，最重要的是跟對人，就容易在該黨取得參政權。過去國民黨要參選黨職，必須拿資產與借貸證明，才能取得參賽權，除了有錢買票，還要能夠控制。
因此現在民進黨基層盡是些沒腦袋，只會拈香的民代，只能說一代不如一代。所以黨內的人頭販子只剩下黨內的黨職選舉有利可圖了，造成黨職的選舉就跟國民黨選舉買票一樣骯髒污穢，造就現在的民進黨盡是有錢沒理想、投機炒短線的人出頭，劣幣逐良幣的現象。
有些號稱入黨多年的老黨員，本該是支持民主進步的觀念，卻成為人頭販子，為了利益支持那些號稱無黨籍，從政過程的每個重要抉擇點都選擇站在人民的對面，也就是靠向資產龐大的國民黨，任由這樣的人來領導/敗壞與他個人沒有半點淵源的民進黨。
號稱民主進步的黨員竟然三百元就能被收買靈魂，或許他們了解民進黨和國民黨根本就沒兩樣，唯一不同的是民進黨沒有龐大的黨產當靠山，雖然有台獨這個騙選票的工具，視不同對象使用，但現在這個資產早被視為負債逐漸破產了，結果發現還是要靠向中國才有生存的利潤空間，且早被人民看破手腳。既然無法在國民黨分到一杯羹，就在民進黨內罔食，無魚蝦嘛好。
回過頭來看黨員個人的問題，為什麼當你願意支持一個團體時，卻不願意繳納一年三百元的年費？既然不想繳費，為什麼要入黨(入黨可是要繳交身分證影本、照片4張)？(1)因為不好意思拒絕親朋好友；(2)因為有事要找民代幫忙比較方便(可是國民黨的黨證比民進黨好用多了)；(3)因為無所謂，可有可無，既然有人要幫忙繳費就入黨，或許還能撈到點好處也說不定，至於投不投票並不重要；(4)以上皆是。
由此可見，台灣人表面上非常熱衷政治，但事實上根本少有立場，且不願意有任何的付出，甚至是犧牲一點小確幸都不可能，只會隨著媒體、政客起舞，喊爽的！沒有判斷能力，只會一昧支持靠媒體吹捧具人氣的人，對人不對事，不問是非，不管這人的過去、好壞，甚至挺不挺民進黨也無所謂，只要有人氣就好。
在「扳倒國民黨」的前提下，許多人認為要聯合次要敵人打擊主要敵人，因此不得不支持在野最大黨，即使含淚也要投票支持，就是要先打倒國民黨。但問題是民進黨根本不希望國民黨倒，因為國民黨倒了就沒有擋土牆，少了對照組就不再是比較不爛的蘋果，也失去在立法院是少數的怠惰藉口，無形中民進黨已經成為趕走國民黨的阻力。
這次的反服貿運動，終於開始批判民進黨，逼得蘇貞昌、謝長廷不敢也沒有理由繼續選黨主席，或許他們還知道心虛，只是不知道為什麼蔡英文還有那個臉敢選，而且還敢肖想2016的總統大位？
蔡英文是國民黨培養出來的菁英，純粹國民黨式的思維作風，並沒有民進黨的淵源，用國民黨的方式帶領民進黨，她的改革和馬英九一樣，就是把黨變得跟自己屬性相近。2008反ECFA的圍城行動，在小英主席的帶領下，說好跟韓國一樣不達目的不撤退，結果當天下午五點就說活動結束，有民眾自行向圓山前進，與警察發生暴力衝突，就切割，因為不能容忍「暴力小英」的封號，開始道德勸說要民眾和平理性。2012參選總統卻利用黨主席之便，優先將自己競選的核心幹部排進不分區立委絕對安全的名單之內，完全不管過去不分區須有弱勢、勞工、婦女等保障名額的傳統。
這樣的人卻能再次成為民進黨的救世主，難道台灣人被國民黨洗腦洗過頭了，只能接受國民黨或是與國民黨相近的人？
──《TGB通訊》第176期(2014/5)
留言列表
