6歲是gín-á入國校á讀冊受教育ê khám-chām; 6ê gín-á已經ùi 5gín-á面對外在世界ê tiuⁿ-tû---準備beh行入去chit ê世界準備beh接受chit ê世界, mā準備beh開展ka-tī ê世界. Chit-má lí tō來到chit ê成長khám-chām.

 

chit ê年歲ê gín-á, 無論是父母iah是學校老師, siōng要緊--ê是關心gín-á生活kap性命ê發展,協助in ta̍uh-ta̍uh-á chhōe tio̍h in面對chit ê外在世界ê方式.

 

大多數kap lí kāng iân ê gín-á, tī chit-chūn入去國校á, in面對--êsiáⁿ? M̄是以gín-á chiâⁿ做主體去思考kap安排ê課程kap活動統一進度ê學習設計管理代替理解kap接納ta̍k ê gín-á個別差異ê教育觀點, lóng hō͘入去學校受教育ê gín-á hō͘外在ê要求拖leh直直ǹg符合大人要求ê學習成果kap秩序禮貌chit ê方向去tòe tio̍h chit ê kha--ê tō ē hông點油做記號.

 

暫且以上ê教育信念hē--leh, lán來看入去學校ê gín-á大部份時間teh chhòng siáⁿ?

 

學校內底佔siōng chē時間比例ê課程是語文課所謂ê『國語』, lán ê gín-á入國校á開始, tio̍h-ài khai chiok chē時間o̍h漢字讀漢字寫漢字下課ài chah tḿng去厝寫ê宿題(siok-tê), siōng大部份--ê mā是寫漢字寫漢字chìntio̍ho̍h注音符號, koh tio̍h了解『部首』kap筆畫, chiahchâi-tiāu查字典寫漢字koh tio̍h認真注重àiē súi, 『筆順』順sū ài tio̍h.

 

台灣組合 發表在 痞客邦 PIXNET 留言(0) 人氣()

大環境ê關係, tī台灣, 母語家庭ê gín-á ê第一外語無疑誤是華語, A-siâng tú好經歷chit ê過程. A-siâng 37個月ê, góa bat寫過1 篇講i語言使用發展ê文章(Ùi gín-á ê語言使用發展講起), taⁿ A-siâng 63個月--a, i kap gín-á伴全華語使用無問題, kan-taⁿbeh iah m̄.

 

A-siâng ê華語ê快速發展kap goán tau替人chhōa gín-á mā有關係. 1 tòa tī附近ê共學家庭因為媽媽4--ài復職上班, tī in大漢gín-á 9--ē-sái讀幼稚園大班ê làng-phāng, góa kā khang-khòe ín---.

 

Sui-bóngchiâⁿ se̍k ê朋友, m̄-koh 1 ê台語, 2 ê華語, chhím開始gín-á互相對話ē chhōe goán做通譯, mā發現對方gín-á ê台語語詞增加chiok chē. M̄-koh通譯chitkhang-khòe, --goán ē siān, 另外mā ē ǹgin聽無對方講iah是對方聽無ka-tīê, ē-sái1句話解說iah是用動作iah是其他方法. 當然chegoán ē pīn-tōaⁿ kap sit-kak-chhat, bē記大漢gín-á用話語溝通ê比例phēng細漢gín-á ê需求koh-khah.

 

Ta̍uh-ta̍uh-á, goántio̍h A-siâng jújú chia̍p kap對方講華語, lō͘-bóe是全部用華語. Goán bat問過A-siâng, i講一--in朋友聽無台語, --i mābeh學「中國話」. Che mā kap goán kap對方gín-á溝通ê語言使用有關係, 因為gín-á聽無台語, goán講台語了ài koh翻譯華語, 1句話ài2, tangá tō ē直接kap in講華語.

 

A-siâng sui-bóng ē-hiáu全華語使用, m̄-koh對外iáu是全台語, kan-taⁿ kúi ê共學ê好朋友有機會聽tio̍h i講華語. I ê華語語詞kap講話思考hām koàn-sì華語使用ê gín-á iáu是有差, tiāⁿ-tiāⁿi講話講到tùn-teⁿ.

 

台灣組合 發表在 痞客邦 PIXNET 留言(0) 人氣()

Okinawa, 古早ê琉球國, 離台灣坐飛龍機chiah點半鐘久ê海島群, góa tī hia phīⁿ tio̍h台灣ê氣味.

 

Kap Okinawa siōng原初ê機緣是2003年去日本Okayama chhōe Siông--, iThe Boom ê “Shima Uta” hō͘ goán, koh紹介主唱者宮澤和史(Kazufumi Miyazawa)因為chit條歌紅透全世界, soah tī名聲--nih迷失ka-tī, lō͘-bóe發現iáutio̍h hoan頭走chhōe. Kazufumi Miyazawa創作ê chit條“Shima Uta”, i參觀姬百合之塔Himeyuri資料館了後ê憤怒kap反省.

 

怪奇--ê, tńg--來了後góa根本Siông--哥講ê人名kap團體, m̄-koh i ê故事soah一直印心內, bē-su有魔力ê. Tek-hôain pa-pa去日本ê時替goán買 “Shima Uta” chit tè CD, --tńg-soah是另外1 ê Okinawa在地團體“Begin”, mā sǹghō͘ goán加添kap Okinawa ê機緣.

 

2014年知影Cocco ê “ジュゴンの見える丘”chit條歌. 查資料, 開始注意Okinawa ê新聞kap反美軍基地ê消息.

 

1 chōa Okinawa, 發現chē-chē所在琉球確實kap日本chiokkâng--ê, 植物景觀, chia̍h-mi̍h, ê型式, lóng顛倒kap台灣khah sio-siāng. 2tòa tī Nakijin ê日本式舊厝, 厝頭家in a-má bat tòa過台灣, Nakijin êbē-su是墾丁tiāmê庄腳所在. Koh-khah免講kui sì-kè ê sisa石獅kap『石敢當』, 南島海島ê氣味.

 

台灣組合 發表在 痞客邦 PIXNET 留言(0) 人氣()

五日節chi̍t, 表示joa̍h--ê季節--a, chiohē-sái收起來. 天氣joa̍h, sńgêchē, 病毒細菌mā chē, 利用野菜草葉á料理pa̍k, 洗浴淨身, 拜祖先拜神明拜亡魂, 祈求平安kap作物豐收, kāng民族kap族群ta̍uh-ta̍uh-á發展出ka-tī ê民俗儀式, kāng所在有無kāngê文化意義. 中國人有in節日ê傳說; Okinawa有祈求出海平安kap豐收ê pê龍船活動; 台灣平埔族ê pê龍船, siōng-kài出名--ê tōKavalan ê二龍競渡.

 

除去龍船, pa̍k粽食粽ē-sái講是五日節siōng重要ê料理儀式, ta̍kto hō͘the̍h來比phēng ê南部粽kap北部粽, 是台灣南北二路siōng有特色ê食物, m̄-chiah:「五日節, 肉粽節.

 

Lán-lâng 5月初5五日節, góa ê意義m̄-nāthangtio̍h apa̍k ê肉粽, mā是大廟建安宮謝府元帥ê生日, 56 2koh是淡水大拜拜, 祖師公暗訪ûnê日子.

 

肉粽節食肉粽

 

肉粽節ē-sái講是akuithàngsiōng-kài無閒ê節日, 有夠厚工--ê! 立春êtō ài先種土豆, 五日節chìnkhau土豆pha̍k土豆, koh tio̍h割粽葉á硬桃ha̍h-á, siá, sa̍h粽葉á, 洗粽葉á, 款料, 炒料khiàn-phang, pa̍k, khòng肉粽, tio̍h無閒kui禮拜--ê.

 

台灣組合 發表在 痞客邦 PIXNET 留言(0) 人氣()

Lí teh-beh 6, 照規定joa̍h--lâng tio̍h-ài去國校á讀書(tha̍k-chu). Chit-chām-á一直到6--, chē學校ē辦運動會, 校慶iah是出業典禮, 頂禮拜lán tō chò-hóeàn-sǹg beh kā lí掛學籍ê學校參觀.

 

Chit間國校á真用心安排學生gín-á ê課程, 除去正式ê課程, in真強調ài hō͘ gín-á se̍k-sāi ka-tī tòa ê所在, ài hō͘課程kap社區kap tàu-tîn, mā ài hō͘ gín-ákoh-khah chē動手試驗, 試做kap bak thô͘ ê體驗.

 

Hit kang活動ê安排, soah hō͘ góa iáugín-á hit-chūm êtì kap感受koh浮浮---, 30-40冬過---a, 教育體制kap khah早有khahkâng--a, m̄-koh siōng基本ê價值觀念soah無改變jōa chē.

 

辦學校ê目的「ká-su」是為tio̍h gín-á ê學習kap成長, án-ne gín-á chiah是學校ta̍k項課程, 活動koh有教育行政ê主體, 照理講gín-á ê角度kap感受tio̍h chiâⁿchiah-ê安排siōng-kài優先ê考慮.

 

Hit kang ê活動頭前段是ta̍k ê年級學生ê「才藝表演」, 有跳舞, 唱歌kap樂器演奏, chiah-ê表演ē-sái展現出gín-á o̍h--tio̍h ê才藝, m̄-koh事先排練--ê節目kap集體一致ê表演, kā ta̍k ê gín-á個別ê成長發展lóng sok tùi kāngê模式內底, 少年性命ê活力kap熱情, 成長kap學習ê自信, mā lóng無法tō͘ tī chiah-ê活動內底hō͘人感受--tio̍h.

 

台灣組合 發表在 痞客邦 PIXNET 留言(0) 人氣()

──PAISIA INAAK TU KAVIAZ

 

從都市邊緣乘著現代文明 來到板塊撞擊地帶

下海 洗淨禁錮的身心

上山 祈求再生的勇氣

遇見一串小米 在中平

 

背著民族的行囊 文化壓在你身上

枯水的豐坪溪 終於盼到你的回航

Tina的守候 是你源源不絕的希望

台灣組合 發表在 痞客邦 PIXNET 留言(0) 人氣()

kúiá góa坐電車ê,góa--á ê ma-ma華語kap英語lām leh, 沿路差不多8-9ê cha-bó͘-gín-á解說ta̍kê地號名,--in tòa tī美國, thàn hioh-khùn chhōa cha-bó͘-kiáⁿ tńgse̍k-sāi sī大人ê故鄉.

 

『淡水雖然靠海邊, 但因為淡水河流過, 所以這裡的水不是鹹的.』『奇岩, 這裡山上有很奇怪的石頭, []上面那個字是mountain, 就是山上的石頭的意思.』『石牌, 你爸爸以前就在這裡長大, 這裡有很多石頭做的牌子, 所以叫石牌.』『士林, 林就是forest, 表示這裡以前都是樹林, []就不知道是什麼意思.

 

Lán chiâⁿ chē地號名kap hông ngē tàu ê漢字chi̍t-sut-á to無關係, 看漢字來解說地號名, koh ē-sái án-nechòaⁿkui大篇故事, che tōlán hō͘華語漢字教育ê結局. 像『關渡』, 在地人號做「Kan-tāu, 是過去tī chia活動ê原住民號ê地號名, 電車chhím通車hit-chūn, soah kā叫做「Koan-tō͘, taⁿ mā iáuchēán-ne; Kan-tāu tī chiok chē古早書--nih用漢字寫做「干豆門」, chiah koh ùi漢字kā chit ê地號名解說做「ùi埔頂看---, chit ê所在四四正正, sêng 1 tè豆干」.

 

Chio̍h-pâi-á (石牌), Ba̍k-sa (木柵), Thô͘-gû-kau (土牛溝)過去lóngkap漢番ê交界;Kong-koán」是大租戶(墾首)招有路無厝ê羅漢腳á開墾, 集中管理羅漢腳á kap收租ê所在.

 

了解chiah-ê地號名án-chóaⁿ--ê, ē-tàng koh-khah了解lán chit tè土地過去發生--ê tāi-chì. M̄-koh知影chiah-ê beh chhòng siáⁿ? 了解chiah-ê kámchiok要緊?

 

台灣組合 發表在 痞客邦 PIXNET 留言(0) 人氣()

chi̍t-chām-á, lí kap共學ê chhit-thôchiâⁿsńg「警察」,「好人」kappháiⁿ人」, 有時á lín互相做無kāng角色, jiokjiok, ná sńg chhùi--nih ná pok出「lán是好人, behphah pháiⁿ人」, iah是「goán是警察, lípháiⁿ, goán beh kā lí---來」......

 

有時á lín sńg-sńg--leh soahphùioan-ke, ē互相罵對方是pháiⁿ, oan-oan--leh koh tiāⁿ ē pìⁿsio-e, sio-phah; 有時á lín無愛hō͘ siáⁿ人加入, choaⁿ-á hoahhit ê gín-ápháiⁿbē-sái sńg; koh有時á lín sńg kah心適興, 不時ē hiông-hiôngsiáⁿ-mih人是pháiⁿ, siolia̍h hit ê gín-á, jiok hit ê gín-á, iah是無愛hō͘ hit ê gín-á kap lín sńg tàu-tīn, 人若óatō kā e--, kā sak, iahkā khiú ân-ân. 換做任何人hiông-hiông hō͘別人án-ne對待, lóng ē感覺艱苦, siūⁿ-khì, 受委屈, lín mā chhiân-chāitio̍h án-neoan-ke.

 

Chit款情形, lín若是有心內ê想法講---, 像講是siáⁿ-mih因素無愛hō͘ siáⁿ-mihóaiah是加入, 對方siáⁿ-mih話語iah是行為hō͘ lín無爽快chiah beh kā趕走, iahhitchūn lín tōkan-taⁿbeh ka-tī sńg, 暫時無愛別人加入, kā chiah-ê想法講---, hō͘對方了解, kám m̄khahpok1句「pháiⁿ人」? Kāngê情形若是lán hō͘人大聲hoah講是pháiⁿbē-sái óa, lán kám m̄mā ē kui腹肚火?

 

Lō͘尾「警察」,「好人」kappháiⁿ人」chiah-ê語詞lín khahhiah chia̍p--a, 換做「Superman,Batman,「蜘蛛人」,「鋼鐵人」,「美國隊長」chiah-ê美國bàng-kah影片ê英雄角色, chit-chām-á lán--nih時行--ê是〈PolikapFrozenchiah-ê bàng-kah ê故事, lín ē kā ka-tī聯想做 chit-kóa角色, beh kā lín認定ê pháiⁿthâi--iah是趕走, tangá lín聯想入去chiah-ê角色ê, tī chit-chūn hō͘ lín tú--tio̍h êthōa iah是樹áá tō bái-châi--a.

 

Lín chò-hóe sńg ê, mā chhiân-chāi ē puh出「góa beh kā lí thâi--死」,kā lí phah kah流血」,kā lí kòng hō͘死」chiah-ê攻擊性ê話語, 大部份應該lóng是看bàng-kah影片學---ê.

 

台灣組合 發表在 痞客邦 PIXNET 留言(0) 人氣()

Tòa tī離核電廠19公里ê goán,「反核」對goán來講是社會議題, 是生活問題, 安全問題.

 

tio̍h綠色公民行動聯盟beh1ê為核走讀北海岸ê email, góa1時間報名, m̄-koh心內iáutiû-tû, óa核電廠ê行程, 加減有受輻射ê風險, 4歲半ê A-siâng風險koh-khah. 考慮kúi-nā, chiah kā A-siângchittāi-chì, A-siâng sûii beh去看核電廠.

 

Chhōa--ê是在地文史工作者是北海岸反核行動聯盟ê郭慶霖兄, i chhōa goán看台灣siōng súi ê海岸, 核二廠ê入水口kap排水口, ná仙境ê『八煙聚落』, 無對外開放ê tuh-ku, koh紹介北海岸ê地質景觀, 平埔歷史, 人文產業, 環境生態, 核電廠設立ê前後變化kap影響. 行入在地, óa近有核電廠做厝邊ê生活, 北海岸ê美麗kap哀愁, 在地人ê悲情kap希望, 確實有koh-khah深刻ê感受.

 

Pehlih駱駝石, 石壁頂ê hoe-chōa kap sek-tī súi kah A-siâng chi̍t--tio̍h tō嘴笑目笑心花開, 直直chhu--, ichia是海邊á ê『溜滑梯』, behi ê朋友來chia sńg. Chia是大自然siōng súi ê地理教室.

 

經過明光碼頭, 1982年開始核廢料àn chia載去紅頭嶼--ê. 台電30ê土地承租契約早到期, m̄-koh 10萬桶ê核廢料到taⁿ iáukhǹg tī紅頭嶼. 最近台電計畫若是chhōe無所在thang khǹg hit 10萬桶ê核廢料, tō beh chhia tńg核電廠khǹg.

 

台灣組合 發表在 痞客邦 PIXNET 留言(0) 人氣()

TGB通訊》ùi 1999年到taⁿ, 已經行過15, 出刊180, 內底有goán對台灣社會ê觀察kap批判, 對運動ê反省kap檢討, 對生活對教育ê記錄, goán盡力思想基礎khang-khòe ê 1部份. Goán ê基礎khang-khòe iû-goân ē繼續, m̄-koh beh先暫停紙本出刊, 續落來文章ē直接發表台灣組合 ê BLOG: http://taioanchouhap.pixnet.net/blog , 請ta̍k-ê繼續指教!

 

TGB通訊》1999至今,已經15出刊180,裡面我們對台灣社會觀察批判對運動反省檢討對生活對教育記錄我們盡力思想基礎工作的一部份。我們的基礎工作仍然會繼續,不過將先暫停紙本出刊,接下來文章直接發表台灣組合BLOGhttp://taioanchouhap.pixnet.net/blog,請大家繼續指教

 

[目錄]

 

Siáng ê淡水?/誰的淡水?@Tek-hôa  

 

hō͘奴隸á kiáⁿ (18)/寫給奴隸子 (18)@á

 

台灣組合 發表在 痞客邦 PIXNET 留言(0) 人氣()