眾所周知, 蔬菜, 水果收成後, 價格是市場那些販仔在決定, 無論消費市場價格如何起伏, 利頭都被控制「通路」的菜蟲吞食掉.
有個朋友家裡開餅乾工廠, 常說他們現在和農民同命運, 同樣被「通路」壓得快喘不出氣.
產品投入傳統通路, 給中盤定價的3成生意就談得成, 若給經銷商是3成5. 然而現在市場被現代化的連鎖通路占走, 傳統通路只占市場3成多. 傳統雜貨店拚不過連鎖通路, 要求的利潤提高, 給中盤及經銷商要付到3成5和4成.
財團經營的現代化連鎖通路分成超商, 超市和大賣場3種系統. 產品若要在這些通路賣, 價格和給經銷商的一樣是4成, 可是還得額外「買門票」──上架費.
每間連鎖流通公司上架費標準不同, 門市愈多愈高價. 契約1年簽1次, 有的規定若未達到他們訂的營業額就須下架, 有的是同類商品營業額的後幾名得下架, 要重新上架必須重新簽約付上架費; 營業額若超過預定量, 年底又得繳「獎勵金」,「獎勵」流通業者的推銷能力.
流通公司的業務員還會不定時找業者辦產品的打折促銷活動, 減少的利潤通路不負擔. 像1盒餅乾賣10元, 通路要賺4元, 若打8折, 賣8元他們同樣要賺4元, 1塊都不能少, 少掉的利潤廠商自己吸收.
大賣場系統開的條件就更加苛刻了. 有的上架要先付200萬. 大賣場若開新店, 上架的各廠商必須照營業額比例負擔費用; 若遇賣場維修或翻修, 同樣開嘴向廠商討錢, 而且是任由流通公司開價, 不是照實際開銷來分擔; 產品如果有銷路, 隔年簽新約時, 價碼將從4成變做要4成2, 4成3…, 這也是不能殺價的, 他們說, 東西賣得好是他們的功勞, 不是產品好賣.
生產業者為了利用方便的連鎖通路打市場, 反將通路公司愈養愈肥, 至今卻反倒被通路集團食得死死的.
這個通路掌握生死的趨勢, 使生產者任由通路剝削, 逼生產者必須一再壓低成本, 不只勞動條件變差, 原料的成本也得降低, 產品的品質就難以要求了. 致使中小企業愈來愈難生存, 經濟權漸漸地集中至大財團手上. 除了勞動成本, 通路壟斷增加的經營成本, 也是造成台灣中小企業倒閉或出走的重要原因.
我們的生活對資本主義市場運作的依賴愈來愈密切, 若未能反省資本主義的運作機制, 放任它一直運轉下去, 我們終將自食惡果. 我們不但在經濟上如此, 政治, 文化, 社會各層面, 也慢慢地被通路牽著鼻子走. 政客強調要符合主流和民意, 主流是教育, 媒體與宣傳通路所控制的, 民意就是控制通路者製造出來的, 而群眾卻只是跟隨著政客和媒體的口號在起舞.
欲改革, 欲挑戰主流的運動呢? 為了「銷路」必須重視「包裝」和「行銷」, 然後就卡在「通路」的網絡裡跑不出來, 且愈陷愈深, 前提, 原則, 立場及核心價值也都被「通路」的規範與規則舞弄得交雜不清, 到最後, 要「推銷」給群眾的也許已不是原本的東西了, 不是嗎?
Lán lóng 知 iáⁿ, 菜 se, 果子收成了後, 價 siàu 是市 á hiah-ê 販 á teh 決定, 無論消費市場價 siàu án-chóaⁿ teh 起落, 利頭 lóng hō͘ 控制「通路」ê 菜蟲ba̍uh-ba̍uh--去.
有 1 ê 朋友厝--nih 開工場 teh 做餅, tiāⁿ teh 講 in chit-má kap choh-sit 人 kāng 運命, kāng 款 hō͘「通路」ah kah kiōng beh 哀 bē 出聲.
產品 tàn 去傳統通路, hō͘ 中盤 hoah 到定價 ê 3 成, seng-lí tō 講 ē 成, 若 hō͘ 經銷商是 3 成 5. M̄-koh chit-má 市場 hō͘ 現代化 ê 連鎖通路食--去, 傳統通路 kan-taⁿ 占 3 成 khah ke. 傳統 kám-á 店拚 bē 過連鎖通路, 要求 ê 利 sûn 提高, hō͘ 中盤 kap 經銷--ê ài 踏到 3 成 5 kap 4 成 chiah 做 ē 成.
財團經營 ê 現代化連鎖通路 pun 做超商, 超市 kap 大賣場 3 種系統. 產品若 beh tī chiah-ê 通路賣, 價 siàu kap hō͘ 經銷商--ê kāng 款是 4 成, m̄-koh ài koh 另外納「門票」──『上架費』.
Ta̍k 間連鎖通路公司『上架費』價 siàu 無 kâng, 門市 jú chē--ê jú kôan 價. 契約 1 冬簽 1 pái, 有--ê 規定若無到 in 訂 ê 營業額 tio̍h-ài 退貨, 有--ê 是 kāng 類商品營業額 ê àu 尾幾名 ài 退貨, beh 重入貨 ài koh 簽約納『上架費』; 營業額若超過預定量, 年尾 ài 納「獎勵金」,「獎勵」通路業者 gâu kā lí 賣產品.
通路公司 ê 業務 koh ē 不時 chhōe 生產業者辦產品 ê phah 折活動, 減 thàn--ê「通路」無 beh 負擔. 像 1 盒餅賣 10 kho͘, 通路 beh thàn 4 kho͘, 若 phah 8 折, 賣 8 kho͘ in kāng 款 beh thàn 4 kho͘, 1 sián 1 lî to 無 beh 減收, 減--ê 廠商 ka-tī ài 吸收.
大賣場系統開 ê 條件 tō koh khah khok-hêng--a. 有--ê 入貨 tio̍h-ài 先納 200 萬. 大賣場若 beh 開新店, 有入貨 ê 廠商 ài 照營業額比例負擔費用; 若 beh 維修 iah 翻修, kāng 款開嘴 kā 廠商討, koh 是由在通路公司開價, m̄ 是照實際開銷來 pun-pheⁿ; 產品若賣 kah 有銷路, keh tńg 年簽新約 ê 時, ùi 4 成變做 beh ti̍h 4 成 2, 4 成 3..., che mā 是無 thang 講價--ê, in 講, mi̍h 件有銷是 in gâu 賣, m̄ 是產品好銷.
生產業者為 beh 利用方便 ê 連鎖通路 phah 市場, kā 通路公司 jú 飼 jú 肥, 到 taⁿ soah 顛倒 hō͘ 通路集團食死死.
Chit lō 通路掌握生死 ê 趨勢, hō͘ 生產者據在通路剝削, 逼生產者 ài 一直 kā 成本 ah 低, m̄-tāⁿ 勞動條件變 bái, 原料 ê 成本 mā tio̍h 降低, 產品 ê 品質 tō oh 要求--a. 到尾--á 中小企業 jú 來 jú oh 生存, 經濟權 ta̍uh-ta̍uh-á 集中 tùi 大財團手頭去. 除去勞動成本, 通路壟斷增加 ê 經營成本, mā 是造 chiâⁿ 台灣中小企業關門 iah 是出走 ê 重要原因.
Lán ê 生活對資本主義市場運作 ê óa 靠 jú 來 jú 深, 若無 beh 反省資本主義運作機制, 據在 i 一直 ká--落-去, lán 終其尾 ē hō͘ i kā kah bē tín bē 動. Lán m̄-taⁿ tī 經濟上 án-ne, 政治, 文化, 社會各層面, mā ta̍uh-ta̍uh-á hō͘ 通路牽 leh 行. 政客強調 ài 符合主流 kap 民意, 主流是教育, 媒體 kap 宣傳通路 teh 控制--ê, 民意 tō 是控制通路--ê 製造--出-來-ê, 到 lō͘ 尾, 群眾 soah kan-taⁿ 是 tòe 政客 kap 媒體 ê 口號 teh 起 tâng.
Beh 改革, beh 挑戰主流 ê 運動--leh ? 為 beh 有「銷路」tio̍h-ài 重視「包裝」kap「行銷」, 了後 tō tiâu tī「通路」ê 網 á 內走 bē 出--來, koh jú liâu jú chhōe 無路, 前提, 原則, 立場 kap 核心價值 mā hō͘「通路」ê 規範 kap 規則 lā kah 霧 sà-sà, 到 siōng 尾--á, beh「推銷」hō͘--群眾-ê hōan-sè m̄ 是本底 ê mi̍h 件--a, kám m̄ 是--leh ?
留言列表
