每年的228到底在記念什麼? 228到底有什麼意義?
和往年一樣, 228的此時, 政客又在彈「和解」的濫調, 期能化解「族群衝突」; 運動與學界頭人也猶原將「228」歸因於「政策失當」,「2個社會的文化不合」,「蔣政權威權統治引發的事件」.
他們講的似乎都說得通, 可是沒有人敢清清楚楚告訴我們: 中華民國對台灣是外來「殖民」統治! 雙重匯率, 公職名額的省籍分配, 萬年國會, 軍公教優待......這些都是民族差別的殖民政策; 本土財團的經濟及剝削特權, 地方派系的生存利益, 分化族群的統治手路都是穩固外來體制的基礎; 戒嚴, 228和白色恐怖更是外來「殖民」統治必然的鎮壓手段!
這個「殖民體制」至今仍未結束, 外來殖民政策在政治, 經濟, 文化, 社會各層面至今仍在統治著我們! 我們不曾結束「外來統治」, 台灣人反國民黨運動只是要「民主化」, 只是要「高度自治」──台灣人「統治」台灣人, 不是要清算歷史的不義, 以起造公平的政治體制, 平等的經濟結構和合理的社會價值!
民進黨一直沒有騙我們, 他們1995年就主張「聯合內閣」, 想與「外來」國民黨政權分享統治權; 又與中國新黨喝和解咖啡, 以乞求優勢階級的諒解; 1996年趕緊批判「台獨基本教義派」, 以順利轉型讓「主流」接受......現在, 陳水扁清楚地指明, 確實是我們這些被統治的台灣人「自己在騙自己」!
『扁宋會』的10項共識有什麼意外?「和解」只是落實藍綠精英聯合統治台灣人的事實而已!『扁宋會』後, 台派運動及學界頭人雖然對民進黨大倒彈, 但是他們也很快就會接受民進黨和陳水扁的安撫, 繼續動員被統治的台灣人來「正名制憲」, 將不義的體制「就地合法化」, 沒有脫離統治階級的思考, 也沒有瓦解體制霸權的企圖, 並繼續維持他們的ê地位, 利益與資源.
被統治的台灣人也會「甘願」繼續做奴隸: 奴隸會怨嘆主人, 也會不滿現狀, 不過奴隸更崇拜奴才, 期待得到大奴才的「關愛」, 升級做小奴才, 一同站在奴隸的頭頂.
Ta̍k 冬 ê 228 到底 teh 記念 siáⁿ ? 228 到底有 siáⁿ-mih 意義?
Kap éng 年 kāng 款, 228 ê chit chūn, 政客 koh teh poaⁿ「和解」ê àu 戲, chiah thang 化解「族群衝突」; 運動 kap 學界頭人 mā 猶原 kā「228」講做是「政策失當」, 是「2 ê 社會 ê 文化 bē ha̍h」, 是「蔣政權威權統治引發 ê 事件」.
In 講--ê chiah--ê ná 像 lóng 解說 ē 通, m̄-koh 無人敢清清楚楚 kā lán 講: 中華民國對台灣是外來「殖民」統治! 雙重匯率, 公職名額 ê 省籍分配, 萬年國會, 軍公教優待......chiah-ê lóng 是民族差別 ê 殖民政策; 本土財團 ê 經濟 kap 剝削特權, 地方派系 ê 生存利益, 分化族群 ê 統治手路 lóng teh 穩固外來體制 ê 基礎; 戒嚴, 228 kap 白色恐怖 koh khah 是外來「殖民」統治必然 ê 鎮壓手段 !
Chit ê「殖民體制」到 taⁿ iáu-bōe 結束, 外來殖民政策 tī 政治, 經濟, 文化, 社會各層面到 taⁿ iáu teh kā lán 統治 ! Lán m̄-bat 結束「外來統治」, 台灣人反國民黨運動 kan-taⁿ 是 beh「民主化」, kan-taⁿ 是 beh「高度自治」──台灣人「統治」台灣人, m̄ 是 beh 清算歷史 ê 不義, thang 起造公平 ê 政治體制, 平等 ê 經濟結構 kap 合理 ê 社會價值 !
民進黨一直無 kā lán 騙, in 1995 年 tō 主張『聯合內閣』, siàu 想 beh kap「外來」國民黨政權分享統治權; koh kap 中國新黨 lim 和解咖啡, beh 得 tio̍h 優勢階級 ê 諒解; 1996 年趕緊 beh 批判「台獨基本教義派」, thang 順利轉型 hō͘「主流」接受......chit-má, 陳水扁 kā lán thuh kah chiâⁿ 清楚--a, 確實是 lán chiah-ê 被統治 ê 台灣人「ka-tī teh 騙ka-tī」!
『扁宋會』ê 10 項共識 kám 有意外?「和解」是落實藍綠精英聯合統治台灣人 ê 事實 niâ ! 『扁宋會』了後, 台派運動 kap 學界頭人雖 bóng 對民進黨大倒彈, m̄-koh in mā 真緊 tō ē 接受民進黨 kap 陳水扁 ê 安 tah, 繼續動員被統治 ê 台灣人來「正名制憲」, kā 不義 ê 體制『就地合法化』, 無脫離統治階級 ê 思考, mā 無瓦解體制霸權 ê 企圖, thang 繼續維持 in ê 地位, 利益 kap 資源.
被統治 ê 台灣人 mā ē「甘願」繼續做奴隸: 奴隸 ē 怨嘆主人, mā ē 不滿現狀, m̄-koh 奴隸 koh khah 崇拜奴才, 期待得 tio̍h 大奴才 ê「關愛」, 升級做小奴才, tàu-tīn khiā tiàm 奴隸 ê 頭殼頂.
留言列表
