對台派chiâⁿ chē無妥當kap錯亂ê現象, TGB 1 pái koh 1 pái提出批判, bē chióTGB真肯定kap期待ê有志soah tehgóan煩惱, chiah-ê朋友kap sianpaiê認為現此時藍--ê chiahlán ê敵人, 應當ài thīn民進黨, thang kā舊勢力瓦解; ê認為chit-má批判台派iah是民進黨, ē得失真chē, 支持群眾無法tō͘接受, ngē beh án-ne, ē hō͘ ka-tī愈來愈無空間, 變做孤鳥......

 

Chiah-ê有志ê顧慮TGB lóng理解, m̄-koh TGB m̄是頭殼khiàu, mā m̄ài that鐵枋. 批評ê話若mài thuh kah hiah lāi, mài kā tāi-chìkah hiah ngē-táu, 實踐信念ê空間kám tōiáⁿ ē khah? Kám tō ēkhah chē ē-tàng運用ê資源? bòai挑戰hiah-ê o͘-lok-bo̍k-chê ê權威者, bòai計較hiah-ê投機, 妥協, 出賣kap投降ê事實, 顛倒容忍hiah-ê tò-páiⁿ ê是非價值, tòe hiah-ê政客kap學客chò-hóe lā-kiáu, kám正經ē tio̍h權力kap資源thangkoh khah chē tāi-chì? Kám chiaⁿtō khah有機會實踐信念?

 

過去到taⁿ, lán beh追求ê理念, 是民進黨體制內改良路線成功, iah是人民運動ê意識kap力量hām舊體制鬥爭得---ê? 體制內改良路線實際上一直teh推進運動ê目標, iah是一再人民運動ê信念phah? 台派體制內掌握愈來愈chē席次kap權力了後, 台灣社會ê主流án-chóaⁿ teh改變? 運動ê價值koh án-chóaⁿ teh演變? 人民運動提出ê訴求kohán-chóaⁿ "hông" 扭曲kap轉換--ê?

 

320了後, 舊國民黨勢力亂hiah, 有真chē台派頭人認為, tō是過去4lán siuⁿ過頭強調「和解」, siuⁿ過頭為tio̍h選票來妥協, m̄敢堅心做 "tio̍h" ê tāi-chì, chiah ēchiâⁿ chit-má是非顛倒péng ê局面. Intoiáu-bōe soah--leh, soah隨主張接續 4, beh hō͘政局穩定, lán tio̍h-ài kap--ê和解, tio̍h-ài tī維持現狀ê前提進行改革. Chit款互相矛盾ê主張, lán kám ē-tàng接受? Lán kám甘願hō͘歷史失敗ê教示koh重頭來 1 pái?

 

過去, 民進黨頭人為tio̍h選票考慮, 提出「選舉總路線」, 『招降納叛』, lim咖啡大和解」, 「民進黨轉型」, 「西進」, 「放棄歷史包袱á......ê, lán m̄ta̍k-pái to堅決反對, m̄-koh到尾--á, toh 1hō͘民進黨áu---? Lán m̄-tāⁿ敢」放棄對民進黨ê ǹg, lō͘koh soah lóng接受in扭曲是非ê主張, kám m̄?

 

民進黨真早tō hoah出「選舉總路線」, kā運動ê力量kui-ê kōaⁿ去做 in選舉ê資源, 「群眾路線」kap「草根經營」變做 in tī體制內搶權力hām利益ê動員手段; chit-má來檢驗, in體制內堅決進行鬥爭, 顛倒一再向舊勢力kap舊價值屈服, 選舉到chiah koh呼召lán kā選票tǹg hō͘--in; 1 pái koh 1 pái ê經驗, iáubē hō͘ lán覺醒, 平常時á bóng kàn-kiāu, 時到koh自動變做政客ê助選員, lán m̄敢抵制, kan-taⁿ 1 pái koh 1 pái kā ǹghē tiàm民進黨.

 

許信良當初時主張『招降納叛』beh『到執政之路』ê, lán lóng chiâⁿ倒彈; chit-má m̄-tāⁿ無人質疑chit ê路線, m̄-tāⁿ bē要求 in交帶, 顛倒『帶槍投靠』ê國民黨政客當做 lán ê英雄, 愈是體制權威者, hō͘ lán「感動」; 中華民國是外來體制, 『吹台青』政策hiah-ê台籍政客kám m̄是國民黨外來政權ê幫兇? Lán m̄-bat beh kā in譴責, soah tòe李登輝, 王金平kap陳水扁beh接受中華民國體制lán ê國家, 「放棄歷史包袱ámā tōbeh放棄追討歷史kap社會ê不義; 台灣人khiā是本土化, 面對歷史ê選擇, bóng in kiàn-pái to向舊體制kap既得利益者妥協, m̄-koh lán kāngē-tàng lóng mài計較?

 

民進黨1995hoahlim咖啡大和解」, chiah ēchiâⁿáê局面, kám m̄? 「大和解」chit ê口號hō͘被壓迫ê階級kap族群『繳械』, hō͘外省權力集團sa來壓制追求獨立kap公義ê進步社會力, hō͘追求歷史kap社會正義ê思想kap行動, ài phāiⁿ『挑起族群仇恨』ê罪名; 今年520了後, lán koh tio̍h正式同意強勢ê華語霸權ê支配地位, 任何挑戰kap不滿tio̍h-ài面對社會主流ê道德壓制!

 

歷史hō͘ lán ê教示án-ne: tio̍h beh kap舊體制舊勢力鬥爭, lán一直容忍民進黨/台派投機, 妥協, 出賣kap投降, māin個人權位利益ê考慮, lóng合理化做「策略性思考」, 期待ê公義kan-taⁿ ē-tàng一直hē tiàm對後1回選舉來到ê ǹg--nih, tiām-tiām繼續做民進黨/台派搶個人權位利益ê kho͘-jí-á.

 

1998年底台北市長選舉, 民進黨批判對手陣營是新賣台集團, soah, 羅文嘉代表陳水扁公開講: 『外省人較怕我們, 可能是因為我們在演講台上都使用台灣話,所以現在要用國語來演說。』; 2000ROC總統選舉, 民進黨訴求是「台灣路線kap中國路線e競爭」, tiâu soah隨走去鎮壓台灣人反抗ê軍頭『郝柏村』道歉; 2004年選舉, 講是「台灣人kap中國人ê戰爭」, bōe-chēngsoah tōhoah選後ài「大和解」!

 

台灣人kap舊體制勢力ê戰爭--nih, tī台灣人kap既得利益者ê鬥爭--nih, 民進黨/台派lóng利用代理人ê身份, 動員lán去替in ê權位利益sio, lán ê熱情消tháu了了, lán ê信念mā hō͘ in so kah無看見影: Beh消滅中華民國外來體制, 起造新國家, taⁿ soah變做tio̍h承認不義ê外來體制是lán ê國家; beh挑戰特權kap既得利益, 落實公義ê新社會, chit-má chiah-ê特權kap既得利益者免付出任何代價, 猶原teh主導lán ê未來, lán soah tio̍h吞忍; beh phah破文化, 族群kap階級ê壓迫, chín soah ài接受一切不合理ê既有現實, 因為一切不義 lóng hō͘頭人『就地合法化』--a!

 

Lán ê熱情, lán ê信念, lán ê意志kap lán ê力量, hō͘民進黨/台派當做褲袋á--nih êjí-á, 需要êchiah the̍h---, 體制換權力kap利益, soahkoh---, 若無in允准, lán bē-tàng chhìn-chhái要求, 若無利用價值 iah是對inkha絆手--a, tōkā tàn, koh用體制ê價值kap語言, kā群眾熱情kap要求chàm落塗kha! Lán m̄kā in chhiàng, 顛倒 ē kā ka-tī, che tōlán ê價值!

 

Lánkohbeh屈服, koh beh chhui-sak「革命」, koh beh瓦解不義ê「體制」, tio̍h-ài面對體制ê封鎖kap台派頭人ê道德譴責, tī 320了後lán ê頭人藉舊勢力ê政治操作, kā「革命/對抗體制」áu做是「暴力」--a; 無承認不義體制--ê, m̄接受無合理ê既有現實--ê, beh繼續chhui-sak人民民主革命--ê, tō是「暴力」!

 

──TGB通訊》56(2004/5)


arrow
arrow
    全站熱搜

    台灣組合 發表在 痞客邦 留言(0) 人氣()