台灣組合

有2個大頭兵, 都是1984年出生的, 1個國中畢業就在工地工作, 叫做「旭仔」, 是搬到豐原的泰雅族; 另外1個國中沒畢業, 也做了一陣子工作, 大家都叫他「董仔」. 旭仔老婆也娶了, 孩子也生了, 雖然年紀還算年輕, 不過可以說已經有些社會經驗了.

有1次, 旭仔放5天假, 照理說, 星期4那天要收假回來, 隊上規定7點前要完成收假程序. 到10點要熄燈睡覺了, 卻還看不到他的人影, 軍官和士官長煩惱他會出意外, 也想不通他有任何逃兵的動機: 感情穩定, 當兵的人薪水有限, 也沒聽過他在叫窮, 軍中的專業技術雖然學得比較慢, 總是「驗收」時都有通過.

1天, 2天, 3天, 到第5天, 隊長沒辦法再等下去了, 要將離營通報發出去, 這時還一直和他家裡的人連絡, 也都還沒有他的消息, 唯一確定的是他跑不久, 身上只有3千元. 第5天, 他家人總算接到他打回去的電話, 馬上跟隊上聯絡, 說會親自載他來左營. 等他回來, 才聽他們艇上的士官長講說, 該收假那天, 他到左營的時候已經遲到1個鐘頭了, 不敢打電話回隊上, 也不敢打電話回家, 只好在網咖逗留5天, 直到沒錢了才跟家裡聯絡.

逃兵在軍中常聽說, 不是待不下去, 就是感情因素造成, 還不曾像他這樣: 時間來不及了, 就乾脆不要回去. 這件事情顯示, 他沒有處理事情的能力, 遇到事情就想閃, 這樣要如何養育他的孩子? 比較讓人煩惱的是, 現在的年輕人難道都是這樣嗎? 先不談要打戰或者是建國, 連做人父親, 處理自己的事情恐怕就有問題了, 而且他還是有些許社會經驗的. 如果只有他1個人這樣, 也許是我想太多. 不過我們隊上另外1個卻更誇張.

董仔放假那天, 從左營坐巴士到高雄火車站, 到那邊才發現皮包不見了, 不敢打電話回去隊上, 也不敢跟家裡的人連絡, 就用走的, 走2天才回到左營(途中還迷路). 這實在是讓人想不通, 他難道不知道車站都有軍人服務站? 他難道不知道可以找警察嗎?

像這種奇奇怪怪的事情, 在我們隊上可以說很普遍, 較煩惱的是, 這就是現在年輕人的素質, 包括之前聽到草莓世代的種種誇張行徑, 難道我們不煩惱嗎? 到時候, 是他們要來經營這個國家的?

仔細想想, 這是如何造成的?

有 2 ê 兵 á, lóng 是 1984 年出世--ê, 1 ê 國中出業 tō leh 工地做 khang-khòe, 號做「旭--á」, 是搬 sóa 落來豐原 ê Tayal (泰雅); 另外 1 ê 國中讀無透, mā 有做 chi̍t-chām-á khang-khòe, 人 lóng 叫 i「董--ê」. 旭--á bó͘ 娶--a, kiáⁿ mā 生--a, 雖 bóng 年歲 iáu 算 chió, m̄-koh ē-sái 講已經有 tām-po̍h-á 社會經驗--a.

有 1 pái, 旭--á hioh 5 工假, 照理講, 拜 4 hit 日 ài 收假 tńg--來, 隊--nih 規定 7 點 chìn 前 ài 完成收假 ê 程序. 到 10 點 beh 睏--a, soah iáu 無看見人, 軍官 hām 士官老--ê 煩惱 i ē 出意外, mā 想無 i 有任何逃兵 ê 動機: 感情穩定, 做兵 á 人月給有限, mā 無聽過 i teh 哀, 軍中 ê 專業技術雖 bóng o̍h 了有 khah 慢, 總--是「驗收」mā lóng 有過.

1 工, 2 工, 3 工, 到第 5 工, 隊 á (隊長) bē 堪得等--a, beh kā「離營通報」發--出-去, tī chit ê 時 chūn, koh 一直 hām in tau ê 人連絡, mā lóng iáu 無 i ê 消息, 唯一確定--ê 是 i 走 bē 久, 身軀 taⁿ-á 3 千 kho͘. 第 5 工 ê 時, in tau ê 人總算接 tio̍h i khà--tńg-去 ê 電話, 隨 tō kā 隊--nih 講, ē 親身 kā i 載來左營. 等 i tńg--來, chiah 聽 in 艇上 ê 士官老--ê講, 該收假 hit 工, i 到左營 ê 時 tō chhiân 1 點鐘久--a, m̄ 敢 khà 電話 tńg 隊--nih, mā m̄ 敢 khà 電話 tńg 厝--nih, choaⁿ-á tī『網咖』chiú 5 工, 無錢--a chiah hām 厝--nih 連絡.

逃兵 tī 軍中 tiāⁿ 聽講, m̄-koh 若 m̄ 是 tòa bē tiâu, tō 是感情因素, iáu m̄-bat 有像 i án-ne: 時間 bē 赴--a, tō kui-khì mài tńg--去. Chit chân tāi-chì 顯示, i 無處理 tāi-chì ê 能力, tú tio̍h tāi-chì tō 想 beh 閃, án-ne beh án-chóaⁿ chhiâⁿ i ê gín-á ? Khah hō͘ 人煩惱--ê 是, chit-má ê 少年人 kám lóng án-ne ? Mài 講 beh sio 戰 iah beh 建國, 連做人 ê 老 pē, 處理 ka-tī ê 事項恐驚 to 有問題--a, i koh 是有 tām-po̍h-á 社會經驗--ê. 若 taⁿ-á i 1 ê án-ne, hōan-sè 是 góa 想 siuⁿ chē. M̄-koh góan 隊--nih 另外 1 ê soah koh jú hàm-kó͘.

董--ê 放假 hit 工, ùi 左營坐 bá-suh 到高雄火車頭, 到 hia chiah 發現錢袋 á pháng--去, m̄ 敢 khà 電話 tńg 去隊--nih, mā m̄ 敢 kap 厝--nih 連絡, tō 用行--ê, 行 2 工 chiah tńg 到左營 (中 ng koh 行無--去). Che 實在 hō͘ 人想無, i soah m̄ 知車頭 lóng 有軍人服務站? I kám m̄ 知 ē-sái chhōe 警察?

像 chit 款奇奇怪怪 ê tāi-chì, tī góan 隊--nih ē-sái 講真 sù 常, khah 煩惱--ê 是, che tō 是 chín 少年家 ê 素質, 包括 chìn 前聽 tio̍h『草莓世代』ê 種種 hàm-kó͘, lán kám bē 煩惱? 到時 chūn, in ài 來 keng chit ê 國家 neh?

詳細 kā 想, che 是 án-chóaⁿ 造 chiâⁿ--ê?

──《TGB通訊》第66期(2005/3)