最近 kúi , 原住民為 tio̍h 呂秀蓮 ê 言論, 一再抗爭, 原住民 ê 問題 台灣 chit ê 所在, tiāⁿ-tiāⁿ 是媒體炒作----ê, , tō 是選舉 ê 爭議話題.

 

Chit pái tī 台中 ê 台文營, 有機會 hām Paiwan (排灣族) ê A-wu 面對面座談, góa 有真深 ê 感觸.

 

Tī lán「平地人」hām「原住民」A-wu 交流 ê 過程中, góa hiông-hiông 發覺--tio̍h, 雙方面對對方 ê 了解 chiaⁿ 實太 chió--a, 甚至 ē-tàng 講完全無交 chhap ! Chit 種完全無交 chhap ê 情形, góa 真懷疑 lán chiah-ê 平地人 kám 真正有法 tō͘ 理解原住民 ê 問題? án-ne, 自國民黨到民進黨政府, in 所制定 ê 原住民政策, 提供 ê 補助......kám 正經對原住民有 lō͘ ?

 

Góa 發覺原住民問題 pun 2 , 1 ê 是原住民對內 ê 內部矛盾, 1 ê 是原住民 hām「平地人」ê 外部矛盾.

 

原住民內底 有真 chē óa ROC 體制 ê 頭人, A-wu , chiah-ê chiâⁿ chē 以早 是做原住民運動--ê, chiah-ê 人入去 ROC 體制了後, 真知 iáⁿ 原住民 ê 問題 tī toh, m̄-koh in soah 顛倒 teh 操弄原住民 ê 議題.

 

O̍at 頭來看 lán 平地人 ê 社會, kám m̄ mā kāng ? Lán ê 頭人入去 ROC 體制了後, mā 是繼續 teh 操弄群眾, in 向壓迫--lán ê 集團 hām 體制妥協, che kap 原住民頭人 ê 狀況 lóng kāng .

 

Chit pái hām A-wu ê 座談內底, góa 感覺平地人對原住民 ê 誤解實在真大, 有人問:Chit-má 網路真發達, án-chóaⁿ 偏遠山區 ê 原住民無愛用網路來教學?」「是 án-chóaⁿ 原住民 ka-tī lóng『不知上進』, ta̍k lim , koh beh 叫政府 hō͘ 原住民補助?」「是 án-chóaⁿ 原住民 ê gín-á lóng beh 好好 á 讀冊?.....

 

原住民後 1 tǹg lóng m̄ tī toh ê , nah hiah chē khùi 力去考慮 tio̍h 文化, 教育, 母語 ê 問題--leh ? Lán 對原住民 ê 不滿 kap 懷疑, chiah-ê 種種 ê 問題 lóng chit ê 體制造 chiâⁿ ê 結果. beh 解決問題, tio̍h-ài chhōe tio̍h 問題 ê 源頭, m̄ 是先談結果.

 

對談--nih, 簡單來講, lán m̄ in teh chhòng siáⁿ, in mā m̄ lán teh chhòng siáⁿ. Lán 認為原住民是「援助民」, kui chhú thàn, kan-taⁿ teh 等待補助. 原住民認為 lán 平地人 所有 ê 資源 lóng 霸佔了了, 社會對 in tō 是無公平, tō 是充滿歧視. 欠缺對話, tō ē 欠缺互相理解, 若欠缺互相 ê 理解, beh koh siáⁿ-mih 族群融合 hām 族群尊重--leh ?

 

1 ê 學員問 A-wu:『你認為原住民運動的願景是什麼?A-wu 真無奈, kan-taⁿ 笑笑, 有可能是感覺 chit ê 問題真『老套』, mā 真抽象, 真無實際. M̄-koh góa , chit ê 問題背後 ê 語詞應該是:「原住民運動到底是 beh chhòng siáⁿ ?

 

類似 ê 問題 the̍h 來問 ka-tī :「台灣人 ê 民族性格 hiah-nī-á nōa, án-ne, 做運動是 beh chhòng siáⁿ ? án-chóaⁿ ài 獨立?Góa , tō lán ê 民族性格太 nōa--leh, tī lán 台灣人 ê 性格內底, 欠缺 chi̍t-kóa --ê, 正確 ê mi̍h . án-ne, m̄-chiah lán beh 來做運動, tī 運動 ê 過程中, ta̍uh-ta̍uh-á 來建立有原則 kap 主體 ê 價值觀. Chit mi̍h 件是 lán beh 獨立 ê 內涵 kap 品質. 若是欠缺內涵 kap 品質, tō kan-taⁿ 1 ê 獨立 ê niâ, chit ê 獨立是無意義--ê.

 

──TGB通訊》60(2004/9)


arrow
arrow
    全站熱搜

    台灣組合 發表在 痞客邦 留言(0) 人氣()