2002年台染工會顧問Kian-chi兄熱心牽線, TGB開始與樹林山佳的台染工會接觸, 台染是「染整廠」, 是南亞集團內底的事業單位.
TGB 2002年剛去台染工會時, 會員有400多個, 到現在只剩200出頭, 1年多來, 公司一直縮編, 訂單也愈接愈少, 很多業務卻遷徙去中國, 看來關廠是早晚的事; 不過台染工會幹部很難剃頭, 意識強又團結, 公司不敢胡亂搞, 至今仍一直安撫說有『永續經營』的打算.
上個月去工會時, A-peng兄告訴我們工會的處境和立場, 雖然公司1步1步有動作, 可是工會還未要出手, 此時比較要緊的, 是維護會員兄弟的工作保障, 廠裡任何人事調動, 若未尊重當事人的意願, 又不遵守與工會的約束, 讓調職者比較有保障的勞動條件, 工會一定會出面插手.
這個月又過去時, 工會要面對的, 卻已從「保障工作權」變做必須準備「爭取生存權」了. 廠裡長久來一直裁員, 業務量又一直縮減, 這都有可能是關廠的前兆. 現在又放風聲要實行「生產責任制」.
「生產責任制」若真的做下去, 第1, 勞工實際薪水變少, 若加班趕工作以達到預定工作量, 也沒有加班費, 這是剝削的手法; 第2, 平均工資基準會降低, 未來退休金或是資遣費的金額會縮水, 公司將省下很可觀的成本, 若要關廠, 也可以少付許多費用; 第3, 無論是景氣影響或是公司無心繼續經營, 虧損的卻要受雇者負擔, 然而勞工卻無相對參與管理, 經營及了解公司實際經濟和資金運用狀況的權力.
台染工會幹部有共識, 反對「生產責任制」這條底線一定要守住, 也得避免會員兄弟被公司騙去. 這項管理制度若未經過工會同意就硬闖, 算是沒有受雇者同意就改變勞動條件/勞動契約, 工會不會眼睜睜看公司這樣搞. 這是整個南亞及台塑集團, 甚至是台灣勞工勞動條件的鬥爭, 守住, 對工運將有鼓舞的意義.
南亞或是台塑, 一方面用經營困難做藉口, 慢慢地裁員, 一方面又繼續不斷地申請引進外勞, 像麥寮的六輕就又將引進上萬名外勞, 這表示生產線仍欠工人, 又為什麼要裁減台灣工人的員額? 口說經營困難必須縮小規模, 怎又提出中國投資計劃? 說資金緊縮經營不易, 卻有餘力一直關台灣廠, 資金轉去中國投資設廠?
台灣勞動者的工作權和生存權, 不為財團所顧慮, 剝削完就沒有價值了, 各黨政客和官僚, 也只有需要選票時, 才會將保障勞工的政治支票拿出來揮舞, 最後要交換分贓利益時, 被犧牲的, 猶原是佔做多選票也繳做多稅金的受雇階級.
A-peng一直強調, 台灣工人要團結一致, 才有活下去的機會, 不要一再被財團, 政客和官僚的白賊話騙不知, 一定要堅持勞動者的立場, 爭取勞動者的權益; 就算沒有路走了, 要死, 也要拚1次, 不要坐以待斃, 要做個有尊嚴的勞工.
2002 年台染工會顧問 Kiàn-chì 兄熱心牽線, TGB 開始 kap 樹林 á 山 á-kha ê 台染工會 chih 接, 台染是「染整廠」, 是南亞集團內底 ê 事業單位.
TGB 2002 年 chhím 去台染工會 ê 時, in ê 會員有 400 外 ê, 到 chit-má chhun 200 thóng ê niâ, 冬外來, 公司一直束編, 訂單 mā 愈接愈 chió, 真 chē 業務 soah 徙去 China, 看--來關廠是緊早慢 niâ; m̄-koh 台染工會幹部真 pháiⁿ thih 頭, 意識強 koh 團結, 公司 m̄ 敢 o͘-pe̍h bú, 到 taⁿ mā iáu 一直安 tah 講有『永續經營』ê phah 算.
頂月日去工會 ê 時, A-pêng 兄 kā góan 講工會 ê 處境 kap 立場, 雖 bóng 公司 1 步 1 步 teh 動作, m̄-koh 工會 iáu 無 beh 出手, 現此時 khah 要緊--ê, 是維護會員兄弟 ê 工作保障, 廠--nih 任何人事調動, 若無尊重當事人 ê 意願, koh 無遵守 kap 工會 ê 約束, hō͘ 調職者 khah 有保障 ê 勞動條件, 工會一定 ē 出面 chhap 手.
Chit 月日 koh 去 ê 時, 工會 ài 面對--ê, soah ùi「保障工作權」變做 ài 準備「爭取生存權」--a. 廠--nih 長久來一直裁員, 業務量 koh 一直束--去, che lóng 有可能是關廠 ê 準備. Chit-má koh 放風聲 beh 實行「生產責任制」.
「生產責任制」若正經做--落, 第 1, 勞工實際薪水變 chió, 準加班趕 khang-khòe thang 達到預定工作量, mā 無加班費, che 是剝削 ê 手路; 第 2, 平均工資基準 ē 降低, 未來退休金 iah 是資遣費 ê 金額 ē kiu 水, 公司 ē-tàng 省不止 á 大筆 ê 成本, 準 beh 關廠, mā ē-tàng 減納 chiâⁿ chē 費用; 第 3, 無論是景氣影響 iah 是公司無心 beh 繼續經營, 了--ê soah 徙來叫薪勞負擔, m̄-koh 勞工無相對參與管理, 經營 kap 了解公司實際經濟 hām 資金運用狀況 ê 權力.
台染工會幹部有共識, 反對「生產責任制」chit 條底線 ài 守 hō͘ tiâu, mā ài 避免會員兄弟 hō͘ 公司 pián--去. Chit 項管理制度若無經過工會同意 tō ngē 行, 算是無員工同意 tō 改變勞動條件 hām 勞動契約, 工會 bē tiām-tiām 據在公司 án-ne bú. Che 是 kui-ê 南亞 hām 台塑集團甚至是台灣勞工勞動條件 ê 鬥爭, 守有 tiâu, 對工運 ē 有鼓舞 ê 意義.
南亞 iah 是台塑, ná 用經營困難做借口, ta̍uh-ta̍uh-á teh 裁員, koh ná 繼續 teh 申請引進外勞, 像麥寮 ê 六輕 koh beh chhiàⁿ 萬 thóng ê 外勞, che 表示生產線 iáu 有欠工人, án-ne 是 án-chóaⁿ koh beh 裁台灣工? 講經營困難 beh 束 sió 規模, nah koh teh 提 China 投資計劃? 講資金 chiâⁿ ân 經營食力, soah 有才 tiâu 一直關台灣廠, 徙資金去 China 投資設廠?
總--是台灣勞動者 ê 工作權 kap 生存權, m̄ 是財團 teh 顧慮--ê, 剝削了 tō 無價值--a, ta̍k 黨 ê 政客 hām 官僚, mā kan-taⁿ beh ti̍h 選票 ê 時, chiah ē kā 保障勞工 ê 政治支票 sa 出來 lāng, 最後 beh 交換, 分贓利益 ê 時, 犧牲--tio̍h-ê, 猶原是佔 siōng chē 選票 mā 納 siōng chē 稅金 ê 勞動階級.
A-pêng 兄一直強調, 台灣工人 ài 團結, ài 一致, chiah 有活--落-去 ê 機會, m̄-thang hō͘ 財團, 政客 kap 官僚騙 koh 再騙, 一定 ài 堅持勞動者 ê 立場, 爭取勞動者 ê 權益; 準行 kah 無路--a, beh 死, mā tio̍h 拚 1 tù, mài chhāi--leh 等死, ài 做有尊嚴 ê 勞工.
留言列表
