台灣各種社會問題與社會矛盾，一直都被藍綠鬥爭掩蓋住，一次選舉誰贏誰輸，誰上台誰下台，大家就跟著開心或辱罵。不過一項政策的實施或廢止，例如是否開放三通，農地是否開放買賣，蘇花高是否興建，涉及的利益實際上比我們情緒的起伏更大。真的是人家吃米粉，我們在旁邊喊燒。
「誰會做這種事？更重要的是他們的動機為何？誰最能從中得利？」《潘朵拉處方》(The Pandora Prescription) 這本冊就是描述這些事情。
作者James Sheridan在研究美國醫療體制的過程中，發現大製藥廠為了利益，控制美國甚至全世界醫藥產業的運作秘密。在資本主義社會，這又牽涉到政治、經濟，還有全球化的角力。「藥品對美國的重要性，一如石油之於中東。藥品是對世界貿易和制裁的談判籌碼，舉足輕重。」「金錢會左右政治。誰的競選資金最多、靠山最夠力，就能贏得選戰。金錢是掌控政府的關鍵。勢力最龐大的企業也最佔優勢，能夠選擇符合自己利益的候選人。」
醫藥與武器是美國控制世界的兩項利器，也是美國最龐大的利益來源。「許多國家害怕得罪美國，是因為美國經濟制裁的能力。這些制裁有很多是醫藥。還有武器。醫藥與武器，這兩者從商業立場來看是完美的組合——傷害與治療，這能顧及所有市場。如果削弱美國的醫療，不僅美國經濟會大受打擊，美國最有利的籌碼之一也會從檯面消失。」
世界上，許多國家內戰或是是兩國交戰，實際上雙方的武器都是美國提供的，無論誰輸誰贏，都是美國軍火商得利。戰爭造成傷害，美國再提供醫藥「援助」，變成是美國製藥廠得利。接下來的重建，換美國工程商出場，以該國的資源壟斷做為交換代價。許多國家就是被美國這麼操縱著。
一切都是利益思考！就像開醫院和學校，不是為了社會服務和教育，而是為了賺錢！
統治集團利用人民的恐懼穩固自身利益，醫學機構將一些身體不適塑造為疾病，藥廠再利用媒體行銷藥品；藥品會引發副作用，對藥廠而言這是重複性的商機。美國將第三世界國家都當成是恐怖份子，號召全世界打反恐戰爭，好維持我們原本穩定的生活，以處罰不聽話跟不受控制的第三世界國家。「恐懼是決定人類行為的關鍵。恐懼正是推動世界的力量。恐懼讓電視網與報社能經營下去，恐懼讓百姓乖乖聽話，向政府及其他機構求助。這正是社會運作的基本方式——一切皆出於恐懼。」
這些利益背後的真相，我們一般人難以得知，媒體也是大利益掛鉤集團的一份子。「想讓人們不去管真相，最佳辦法是鼓勵大家打口水仗，但要限制民眾爭辯的範圍。」這就是台灣的新聞台24小時放送，一堆政治評論節目和名嘴的作用。
當然這也反映憨百姓的心理，大家只想維持現狀，過穩定的生活，任何變動都會危及現在所擁有的。就像是大家寧願繼續支持民進黨，也拒絕相信民進黨和台派頭人實際上是在阻擋台獨運動的事實，如此一來才能繼續說服自己過去做的是對的，不用付出代價就有人替我們跟國民黨車拚。「有時候，人們想相信世間有一股比我們強大的力量控制一切。那有點像是成年人拿來用作代替父母角色的東西。他們最想要的是穩定和舒適的生活。」
面對真相就得承擔責任，我們如果不願面對真相，實際上就是維護利益結構的幫兇。
台灣各種社會問題kap社會矛盾, 一直hō͘藍綠鬥爭am-khàm tiâu--leh, 1 pái選舉siáng贏siáng輸, siáng chiūⁿ台siáng落台, ta̍k-ê tō tòe leh歡喜iah kàn-kiāu. M̄-koh 1項政策實施iah廢止, 像beh三通iah m̄, 農地beh開放買賣iah bòai, 蘇花高beh起--無, 牽涉--tio̍h ê利益, 實際上比lán情緒ê起落koh-khah大. 有影是人teh chia̍h米粉, lán tī邊--á hoah燒.
「Siáng ē做chit款tāi-chì? In ê動機sī siáⁿ? Siáng siōng ē-tàng ùi chit內底得tio̍h利益?」《潘朵拉處方》(The Pandora Prescription) chit本冊tō是講chiah-ê tāi-chì.
作者James Sheridan tī研究美國醫療體制ê過程內底, 發現大藥廠為tio̍h利益, 控制美國甚至全世界醫藥產業ê運作秘密. Tī資本主義社會, che koh牽涉tio̍h政治, 經濟, koh有全球化ê kà力.「藥品對美國ê重要性, tō ná石油對中東hiah-nī重要kāng款. 藥品是對世界貿易kap制裁ê談判棋jí-á, 不止á關鍵.」「Chîⁿ ē影響政治. Siáⁿ人ê競選資金siōng chē, bá-kuh siōng chāi, siáⁿ人tō ē-tàng當選. Chîⁿ是掌控政府ê關鍵. 勢力siōng大ê企業mā siōng佔優勢, ē-tàng選擇符合ka-tī利益ê候選人.」
醫療藥品kap武器是美國控制世界ê 2項工具, mā是美國siōng大ê利益來源.「Chiâⁿ chē國家驚得失美國, 是因為美國經濟制裁ê能力. Chit-kóa制裁有真chē是醫療kap藥á. Koh有武器. 醫療藥品kap武器, chit 2 ê ùi商業立場來看是完美ê組合——傷害kap治療, chit ê seng-lí包山包海, 所有ê市場lóng無làu-kau. 若是美國ê醫療產業衰退, m̄-nā美國經濟ē受tio̍h chiok大ê打擊, 美國siōng有力ê其中1 ê棋jí-á tō無效--a.」
世界上, 真chē國家內戰iah是2國sio戰, 實際上雙pêng ê武器lóng是美國提供--ê, 無論siáng戰贏戰輸, 利益lóng美國軍火商teh ba̍uh. 戰爭造chiâⁿ傷害, 美國chiah koh提供醫療kap藥品ê「援助」, 利益換美國藥廠teh thàn. 續--落ê重建, 換美國工程商出場, 順續用hit國ê資源壟斷做交換ê代價. 真chē國家tō是án-ne hō͘美國bú害--去-ê.
一切lóng是利益思考! Tō親像開病院kap學校, m̄是為tio̍h社會服務kap教育, 是為tio̍h beh thàn-chîⁿ!
統治集團利用人民ê驚惶穩固in ê利益, 醫學機構kā chi̍t-kóa身體無爽快ê症頭講做是病, 藥廠chiah koh利用媒體放送藥品廣告; 藥á會引起副作用, 對藥廠來講che是重複性ê商機. 美國kā第三世界國家lóng當做是恐怖份子, 號召全世界phah『反恐戰爭』, thang維持lán本底穩定ê生活, 來處罰無聽話koh無受控制ê第三世界國家.「驚惶是決定人類行為ê關鍵. 驚惶是推動世界ê力量. 驚惶hō͘電視公司kap報社ē-sái經營--落-去, 驚惶hō͘人民乖乖á聽話, 向政府kap其他機構要求協助. Che正是社會運作ê基本方式——一切lóng是為tio̍h lán心內ē驚惶.」
Chiah-ê利益後piah ê真相, lán一般人oh了解, 媒體mā是大利益掛鉤集團ê 1部分.「無想beh hō͘人民知影真相, siōng好ê辦法tō是鼓勵ta̍k-ê去sio-chèⁿ, m̄-koh ài限制in sio-chèⁿ ê範圍.」Che tō是台灣ê新聞台24點鐘放送, 1堆政治評論節目kap『名嘴』móa-sì-kè ê作用.
當然che mā反映gōng百姓ê心理, ta̍k-ê kan-taⁿ想beh維持現狀, 過穩定ê生活, 任何變動lóng ē威脅tio̍h i chit-má有--ê. Tō ná像ta̍k-ê甘願繼續支持民進黨, mā拒絕相信民進黨kap台派頭人實際上是teh阻擋台獨運動ê事實, án-ne chiah ē-tàng繼續說服ka-tī講過去做--ê是tio̍h--ê, 免付出代價tō有人替lán kap國民黨chhia-piàⁿ.「有tang時á, 人想beh相信世間有1股phēng lán khah大ê力量teh控制一切. He有tām-po̍h-á親像是大人sa來做代替父母角色ê mi̍h-kiāⁿ. In siōng想beh ài--ê是穩定kap sù-sī ê生活.」
面對真相tō ài承擔責任, lán若m̄願面對真相, 實際上tō是維護利益結構ê共犯.
留言列表
