有村民阿砲聽到傳言後，帶著半信半疑的心情到百姓公廟找烏龍幫忙。烏龍焚香點燭後起乩，嘴裡碎碎念一堆沒人聽懂的話後，用毛筆畫了一張符，再用符紙包了一些掺有止洩藥的香灰拿給阿砲，交代說：「這是烏龍師向神明求來的，回家後符紙貼在門口，香灰用開水攪散後喝下。」阿砲帶著半信半疑的心情回家照做，果然，半天後肚子不拉了，而且還三天不大便。對一個連續漏屎好幾天的人來說，貼符喝香灰後馬上解決痛苦，這個烏龍師太神奇了！馬上找厝邊親友也去求烏龍師。
消息傳開，百姓公廟比菜市場還熱鬧。烏龍交代四個徒弟，晚上不用再去裝鬼嚇人，井裡的瀉藥也不再加放，慢慢藥效沒了，服用加了止瀉藥香灰的村民當然不再漏屎，也當然不鬧鬼了。烏龍成功建立在村民心中的地位，這一切，阿中、阿華、阿民、阿國四個人都看在眼裡，不用烏龍解釋，他們四個也知道怎麼回事了。
烏龍和他的徒弟日子改善了，有些村民會送來牲果感謝神恩，吃喝已經不是問題。有一晚師徒一起喝酒聊天，阿中問烏龍：「師父，我們現在雖然不愁吃穿，但是還沒賺錢neh。」烏龍：「快了，他們已經信任我，會再來找我，那就是賺錢的開始。」聽完，四個笨徒弟又點點頭。
忽然，外面有鐵馬唧唧響的煞車聲，回頭看，是阿砲。他停好鐵馬，走進來一張哭爸的臉：「烏龍師啊，你一定要幫我，我快撐不下去了。」烏龍說：「怎麼了？」阿砲：「求烏龍師幫我起乩向神明問明牌，不然我會死啦！」原來阿砲是個賭鬼，簽賭簽到快跑路了，心想烏龍師既然可和神明溝通，請烏龍師幫忙應該可以問到明牌。聽阿砲說明後烏龍一臉嚴肅：「神明不能幫人得不義之財。」阿砲：「拜託！烏龍師，你如果不幫我，我會被追殺的，你有神通，一定有辦法幫我，只要我能翻身，為你做牛做馬我都願意。」說完一把鼻涕一把眼淚跪著訴說自己有多悽慘。
烏龍心裡爽著但面無表情地說：「唉，這樣好了，下星期六我打算辦一場法會，感謝神明幫村民消除這次的瘟疫，到時候，我會提供鐵板神算數字秘笈跟鄉親結緣，你和鄉親都可以來索取。但是，能不能發財要看你們自己的功德造化到什麼程度，畢竟，上天只能渡化有緣人，你說是吧？」阿砲：「當然！當然！」烏龍說：「那就這樣吧，你先回去，明天開始幫忙貼通告，告訴鄉親要辦法會謝神的事，貼完公告宣傳後有時間就來幫忙整理打掃佈置會場。」阿砲：「謝謝烏龍師，我明天開始就過來幫忙。」說完騎著破鐵馬，邊吹著口哨回家作發財夢去了。
阿砲走後，阿國問烏龍：「師父，鐵板神算數字秘笈是什麼？」烏龍笑笑，隨手拿起筆，在紙上寫一堆亂湊的數字，每個數字都歪斜，有些互連有些重疊，寫完後拿給他們看：「這就是鐵板神算數字秘笈，明天你們去買一些紙筆信封，刻一個鐵板神算數字秘笈的橡皮章，回來後照我現在寫的一樣在紙上寫一堆數字，越歪越好，寫好後把鐵板神算數字秘笈的章蓋上裝進信封裡，下星期六好和鄉親結緣。」聽完後阿國說：「師父，你怎麼有這一招？」烏龍笑笑說：「這一招叫做一中各表，是一個叫做魚走的大師在一本失傳的秘笈裡寫的，以後再教你們，只要捉住一中各表的精神，絕大部份的事都可以解釋清楚。」說完又哈哈大笑，四個笨徒弟雖聽不懂卻也跟著大笑起來。
阿砲跟著烏龍忙進忙出佈置會場，星期六一早就有鄉親準備供品要來謝神。看到人潮漸漸多，烏龍叫阿砲又去搬一張桌子放在法會供桌旁，叫阿中和阿國把裝滿信封的箱子搬出來，桌旁立一張牌寫「鐵板神算數字秘笈結緣處」，左下角寫「每人限量索取一份，結緣金200元」。阿民把阿砲叫到一旁：「現在開始只要看到有人來，就要幫忙介紹鐵板神算數字秘笈，知道嗎？法會結束後有幫你準備一份師父特別加持過的要給你。」阿砲聽完高興的眼淚差點哭出來，猛點頭：「我知道，我知道，我馬上去招呼鄉親來結緣。」
村民A砲聽tio̍h風聲了後真giâu疑, choaⁿ-á走去百姓公廟chhōe烏龍tàu-saⁿ-kāng. 烏龍點香kap蠟條á了後tō khí-tâng, chhùi--nih se̍h-se̍h念chi̍t-kóa無人聽有ê話, 續--落gia̍h毛筆畫1張符á, 用符á紙包chi̍t-kóa lām治làu屎藥á ê香灰hō͘ A砲, 交帶講:「Che是烏龍師kā神明求--來-ê, tńg--去了後kā符á紙貼tī門kha口, 香灰配滾水lim.」A砲半giâu疑kā the̍h tńg厝照hoan-hù--ê做, koh有影neh, 過半po͘久了後tō無koh làu屎, koh來3工lóng無pàng屎. 對連續làu屎kúi-nā工ê人來講, 貼符á lim香灰水了後sûi解決痛苦, chit ê烏龍師太厲害--leh! A砲sûi招厝邊親chiâⁿ朋友tàu-tīn去求烏龍師.
消息thòaⁿ--開了後, 百姓公廟比菜市á koh-khah lāu-jia̍t. 烏龍hoan-hù 4 ê 徒弟á eng暗時免koh裝鬼嚇驚--人, mā免koh tī古井iā làu屎藥á, ta̍uh-ta̍uh-á藥效退--去, chia̍h治làu屎藥á kap香灰ê村民免講mā無koh làu, mā無koh有鬼á出現--a. 烏龍成功tī村民心目中建立地位, chiah-ê A中, A華, A民kap A國lóng看現現, 免烏龍ke解說, in mā知是án-chóaⁿ.
烏龍kap徒弟á生活改善--a, 有ê村民ē送牲禮來拜百姓公, in chia̍h-chhēng自然bē出問題. 有1暗in chò-hóe lim酒khai-káng, A中問烏龍:「師父, lán chit-má sui-bóng免煩惱chia̍h-chhēng, m̄-koh iáu-bōe thàn tio̍h chîⁿ neh.」烏龍應講:「Liam-mi--lah, in已經真信任góa, ē koh來chhōe góa, hit-chūn tō ē開始thàn-chîⁿ--a.」聽soah, 4 ê gōng徒弟á koh緊tìm頭.
Hiông-hiông外口有鐵馬ê tòng-á聲, chi̍t-ē kā看, 是A砲走--來. I kā鐵馬chhah好行--入-來, 1 kho͘ khàu-pē面講:「烏龍師--ê ah, lí一定ài kā góa tàu-saⁿ-kāng, góa kiông-beh keng bē落--去-a.」烏龍問:「是án-chóaⁿ--a?」A砲:「求烏龍師--ê替góa khí-tâng kā神明問明牌, 若無góa ē死--lah!」原來A砲hèng po̍ah-kiáu, taⁿ輸kah thǹg褲kiông-beh 走路, 心內想講烏龍師--ê káⁿ若ē-tàng kap神明溝通, 請烏龍師tàu-saⁿ-kāng應該ē-sái問tio̍h明牌. 聽A砲說明了後, 烏龍真嚴肅講:「神明bē-tàng替人取不義之財.」A砲:「拜託--lah! 烏龍師--ê, lí若bòai chhap--góa, góa ē hông thâi neh, lí有神通, 一定有辦法kā góa tàu-saⁿ-kāng, góa若有法度翻身, 替lí做牛做馬góa lóng願意.」講soah目屎ná流ná跪落講ka-tī有jōa悽慘.
烏龍爽tī心內, m̄-koh面á iû-gôan無表情:「Aih, án-ne好--lah, 後禮拜6 góa àn-sǹg辦1場法會來答謝神明替村民消除chit pái ê災瘟, 到時góa ē提供鐵板神算數字秘訣來kap鄉親結緣, lí kap鄉親lóng ē-sái來the̍h. M̄-koh, ē發財iah bē tio̍h-ài看lín ka-tī ê功德造化到siáⁿ-mih程度, 畢竟, 上天kan-taⁿ渡化有緣人, lí講tio̍h--無?」A砲:「當然! 當然!」烏龍講:「無tō án-ne--lah, lí先tńg--去, bîn-á-chài開始tàu貼公告, kā鄉親講beh辦法會謝神ê tāi-chì, 公告貼了宣傳了, 若有時間tō來chia tàu整理piàⁿ掃kap佈置會場.」A砲:「多謝烏龍師--ê, góa bîn-á-chài開始tō來tàu-kha手.」講soah騎hit台破鐵馬, ná騎ná kho͘-si-á, tńg厝去夢發大財--a.
A砲離開了後, A國問烏龍講:「師父ah, 鐵板神算數字秘訣是siáⁿ?」烏龍笑笑á續手kā筆gia̍h--leh, tī紙--nih寫1堆亂tàu ê數字, ta̍k ê數字lóng oai-ko-chhi̍h-chho̍ah, 有ê liâm chò-hóe有ê sio-tha̍h, 寫了the̍h hō͘ in看:「Che tō是鐵板神算數字秘訣, bîn-á-chài lín去買chi̍t-kóa紙筆kap phoe-lông, 刻1粒鐵板神算數字秘訣ê印á, tńg--來了後照góa chit-má寫--ê án-ne, tī紙--nih寫1堆數字, jú oai jú好, 寫了kā鐵板神算數字秘訣ê印á tǹg-tǹg--leh, té入去phoe-lông內底, 後禮拜6 thang好kap鄉親結緣.」A國聽soah講:「師父ah, lí nah有chit步?」烏龍笑笑á應講:「Chit步號做『一中各表』, 是1 ê號做魚走ê大師tī 1本失傳ê秘訣內底寫--ê, 後pái chiah kā lín教, 若lia̍h tio̍h『一中各表』ê精神, 大部份ê tāi-chì lóng thèng好解說清楚.」說soah大笑, 4 ê gōng徒弟á sui-bóng聽無mā tòe leh大聲笑--出-來.
A砲tòe烏龍走出走入佈置會場, 拜6透早tō有鄉親chhôan牲禮beh來拜. 看tio̍h人jú來jú chē, 烏龍叫A砲koh去搬1 tè桌á khǹg tiàm法會ê桌á邊, 叫A中kap A國kā phoe-lông té kah tīⁿ-tīⁿ-tīⁿ ê箱á搬--出-來, 桌á邊koh chhāi 1 tè牌á寫講「鐵板神算數字秘訣結緣處」, 倒手pêng角á寫「1人限定the̍h 1份, 結緣金200 kho͘」. A民kā A砲khiú去邊--á:「Chit-má來若看tio̍h有人來, tio̍h-ài tàu介紹鐵板神算數字秘訣, 知--無? Thèng-hāu法會結束, 有chhôan 1份師父特別加持--過-ê beh hō͘--lí.」A砲聽了歡喜kah目屎 kiông-beh liàn--落-來, 直直tìm頭:「Góa知, góa知, góa sûi去招鄉親來結緣.」
留言列表
