台灣的運動界向來就像Frantz Fanon所說的「新名稱俱樂部」，同樣的幾批人經常在成立新的團體、新的聯盟；台灣的運動界也很擅長發明「新名詞」，像最近在報紙論壇議論頻率極高的「體制內革命」。
20年前，群眾路線和選舉路線的鬥爭，最後用「進入體制反體制」做結論。20年的歷史，進入體制不但沒有反體制，反倒「捍衛起中華民國」，並幻想李登輝和國民黨本土派能成為「台灣國民黨」。民進黨陳水扁擔任中華民國總統的那8年，中華民國變成就是台灣，只差在還未「正名」：台灣事實獨立，只是法理尚未獨立。2008年謝長廷用「台灣維新」的口號競選中華民國總統，維新的前提是中華民國體制不變，台派卻呼籲「支持台獨就要票投民進黨」。到政權被中國國民黨拿回去之後，台派期待馬政權認同台灣不成，卻冒出「體制內革命」這個新名詞。
「體制內革命」主要的論點是認為「台灣沒有暴力革命的條件」，人民群眾應當繼續上街頭「合法而和平」地表達抗議，選舉時應支持民進黨，讓民進黨重新執政，然後發動「轉型正義」或「歷史清算」。相對的主張是「體制外革命」，坦白說也沒有跳脫出「體制內革命」的觀點。
長久以來台派運動圈嘴巴喊著要起造台灣國，實際上核心思考都圍繞在把「中華民國」改名成「台灣」，包括思考模式與價值認知都不曾跳脫出體制「文化霸權」的思想控制。以簽ECFA為例，既然會危害到台灣人的生存，就應否定到底，與「民主程序」或「公投」根本不相關；又如批評國民黨是列寧式政黨，反映的正是「蔣經國學校」反共洗腦教育的成功；其他像票選國旗/國歌/國花、台灣愛國歌曲、台語檢定、台灣反共青年救國團……等，同樣都是頭殼跟著國民黨文化霸權走的反射思考。
世間沒有「體制內革命」這種事！革命就是反體制。「體制內路線」事實上必須先接受、順從體制的權威、規則與是非價值，才能取得體制內的權力，體制內要鞏固的權力來源，正我們所要反抗的，「體制內」如何能「革命」？用選舉如何能終結中華民國體制？
運動必須面對具體的社會現實，反抗是要改變現狀！我們不爽的不是「中華民國」這塊招牌！台灣若事實獨立，為什麼還被外來殖民體制統治著？我們要抵制、要對抗的是中華民國體制的殖民與剝削，是中華民國體制對我們的思想洗腦與價值扭曲！掌握台灣社會的是中華民國這個「體制」形成的政治經濟結構，壟斷享受資源的是仰仗「體制」的優勢既得利益階層。這才是我們要改變的現狀！
取得體制內的執政權，能解散中華民國嗎？能剝奪中國國民黨的參政權嗎？能「依法」規定北京話是外國話嗎？能「依法」將土地還給各族原住民嗎？選票比較多，就能關閉核四廠嗎？能夠叫執行豬狗教育的老師和高級米蟲官僚回家吃自己嗎？能夠把擾亂台灣社會的媒體都趕走嗎？能夠把敗壞社會的司法與特務系統抓起來嗎？選贏國民黨，就可以把農會、漁會、水利會、產銷體系這些控制地方經濟命脈的勢力剷除嗎？可以沒收特權大財團的資產嗎？有能力阻擋優勢利益集團經濟開發優先的壓力嗎？「體制內」有可能把優勢階級的利益基礎革命掉嗎？
若不以「反體制運動」組織被壓迫階級來形成社會力，奪取政權，瓦解舊體制，起造新的體制與社會關係，如何能夠壓制舊體制的既得利益階層，如何能夠實現「歷史清算」？
在來台灣ê運動kho͘-á tō bē-su Frantz Fanon講ê「新名稱俱樂部」, sio-siâng ê kúi批人ta̍k不時to teh成立新ê團體新ê聯盟; 台灣ê運動kho͘-á mā真ài發明「新名詞」, 像chit-chām-á tī報紙論壇議論kah真熱ê「體制內革命」.
20冬前, 群眾路線kap選舉路線ê鬥爭, lō͘尾用「進入體制反體制」來收soah. 20冬ê歷史, 進入體制--ê m̄-tāⁿ無反體制, 顛到teh『捍衛中華民國』, siàu想李登輝kap國民黨本土派ē pìⁿ做「台灣國民黨」. 續接tī民進黨陳水扁做中華民國總統ê hit 8冬, 中華民國pìⁿ做tō是台灣, 差tī iáu-bōe「正名」: 台灣事實獨立, kan-taⁿ是法理iáu-bōe獨立. 2008年謝長廷用「台灣維新」ê口號競選中華民國總統, 維新ê前提是中華民國體制無變, 台派soah呼籲講「支持台獨tio̍h-ài kā票tǹg hō͘民進黨」. 到kah政權hō͘中國國民黨sa--tńg-去了後, 台派ko͘-chiâⁿ馬政權認同台灣bē成, soah bùn出「體制內革命」chit ê新名詞.
「體制內革命」主要ê論點是講「台灣無暴力革命ê條件」, 人民群眾tio̍h-ài繼續chiūⁿ街頭「合法koh和平」來表達抗議, 選舉ê時ài支持民進黨, hō͘民進黨koh執政, chiah來發動「轉型正義」iah是「歷史清算」. 相對ê主張「體制外革命」, 論真講mā無脫出「體制內革命」ê觀點.
久長來台派運動kho͘-á chhùi--nih hoah beh起造台灣國, 實際上核心思考lóng是beh kā「中華民國」換名做「台灣」niâ, 包括思考模式kap價值認知lóng跳bē出體制「文化霸權」ê思想控制. 像簽ECFA kah若ē傷害tio̍h台灣人ê生存, tio̍h-ài否定到底, kap「民主程序」iah「公投」根本無關係; 像teh批評國民黨是Lenin式ê政黨, 反映--ê tú-tú是「蔣經國學校」反共洗腦教育ê效果; 其他像票選國旗/國歌/國花, 台灣愛國歌曲, 台語檢定, 台灣反共青年救國團……chiah-ê, kāng款lóng是頭殼tòe國民黨文化霸權行ê反射思考.
世間無「體制內革命」chit款tāi-chì! 革命tō是beh péng體制.「體制內路線」事實上ài先接受kap順從體制ê權威, 規則kap是非價值, chiah the̍h ē tio̍h體制內ê權力, 體制內ài鞏固ê權力來源, tú-tú是lán beh反抗--ê, án-ne「體制內」beh án-chóaⁿ「革命」? 用選舉beh án-chóaⁿ péng中華民國體制?
運動tio̍h面對具體ê社會現實, 反抗是beh改變現狀! Lán m̄是bē爽「中華民國」chit tè khanpang! 台灣若事實獨立, 是án-chóaⁿ iáu hō͘外來殖民體制teh統治? Lán beh抵制kap對抗--ê是中華民國體制ê殖民kap剝削, 是中華民國體制對lán ê思想洗腦kap價值扭曲! 掌握台灣社會--ê是中華民國chit ê「體制」形成ê政治經濟結構, 壟斷享受資源--ê是靠勢「體制」ê優勢既得利益階層. Che chiah是lán beh改變ê現狀!
爭取tio̍h體制內ê執政權, kám ē-tàng kā中華民國解散? Kám ē-tàng取消中國國民黨ê參政權? Kám ē-tàng「依法」規定北京話是外國話?「依法」kā土地hêng hō͘各族原住民? 選票the̍h khah chē, kám tō ē-sái kā核四廠thiah掉? Kám ē-sái叫執行豬狗教育ê老師kap高級米蟲官僚tńg去chia̍h ka-tī? Kám ē-sái kā擾亂台灣社會ê媒體lóng趕走? Kám ē-sái kā敗害社會ê司法kap特務系統lia̍h--起-來? 選贏國民黨, tō有法度kā農會, 漁會, 水利會, 產銷體系chiah-ê控制地方經濟命脈ê勢力thuh掉? 有法度沒收特權大財團ê資產? Kám有châi-tiāu阻擋優勢利益集團經濟開發優先ê壓力?「體制內」kám有可能kā優勢階級ê利益基礎革命掉?
若無用「反體制運動」組織被壓迫階級來形成社會力, 奪取政權, kā舊體制khà掉, 起造新ê體制kap社會關係, beh nah有châi-tiāu kā舊體制ê既得利益階層ah落底, beh nah有機會實現「歷史清算」?
留言列表
