因為到一個大型營業場所做工，營造承包商要求所屬下包施工人員都必須上勞工安全講習，並拿到勞安證書以應付勞安檢查，所以我去上了課，也有一些發現和感想。
上課那天，到達集合地點人員到齊後就進講習會場，接待人員帶我們進到會議室先叫我們自己找位置坐好，然後點名算人數，正確無誤後就告訴帶班的負責人，講習費用每人600元，你們共16人，總共9600元。帶班負責人掏錢付款，接待人員數完錢後走到投影機旁開電腦檔案，放影片，然後說：「你們看影片，我待會再來。」
影片開始放，是拿人家外國的工安影片，講英語，聽不懂，過一下字幕出現了，是一堆工安統計數字。怪的是，數據資料是中國的，連字也是簡體字，大家聽不懂英語也看不懂簡體字，放這些是要給誰看？後來又有2段影片，一看就知道是亂剪接的，無聊死了。影片放完，接待人員又出現發考卷，發完說：「現在開始考試，我等一下進來收卷。」每個人看著這張考卷開始寫和討論。過一下子接待人員又進來了，問：「寫完了嗎？」有人問說：第幾題是什麼意思？又有人問：第幾題好像沒答案？接待人員笑說：「現在公布答案。」然後把答案照順序念出來，念完後說，自己改分數，60分及格。等大家改完考卷收回，他說：「你們等一下，訓練證書等一下就送過來。」大家聊天等證書，等證書發下來大家都離開會場後，我看了一下時間，不到1小時，可是我的證書上面記載的上課時數是6小時。
這件是小事，因為我們從小就在一個說謊應付的環境成長的，不是嗎？從小學開始老師就叫我們要買參考書，買完後還教我們如果遇到有督學來查問有沒有買參考書，要說沒有。老師怕我們說謊不自然，還要情境教學，由其他同學演督學，另一人被問，要回答沒有，然後每個人都演一遍，下課還跟隔壁班的演，一直到遇見督學當面說謊臉不紅。督學走後，老師總會在台上誇獎，大家應該還記得這些事吧？
到現在，幾十年過去了，我們這個社會還是要靠作假才能維持下去。驗車，自己開到監理所一定驗不過，到代理驗車的維修場只要交錢，不管車有多爛一定能驗過。工安檢查時，老闆乾脆叫大家停工，等檢查人員走後再施工。工安檢查人員眼睛是瞎了嗎？那麼大的工地，那麼多工人，卻都沒在工作，他們沒發現嗎？當然不是，檢查人員心裡有數，大家只不過是在重溫小時候老師教我們應付督學的遊戲而已。好玩吧，作假的人生。
Chit-chām-á tī 1間大型ê營業場所做, 營造承包商要求góan chiah-ê工á lóng tio̍h去上勞工安全講習, the̍h tio̍h勞安證書thang應付勞安檢查, 所以góa去上課, mā有chi̍t-kóa發現kap感想.
上課hit 1工, 去到集合地點, 人lóng到位了後tō入去講習會場, 接待人員chhōa góan來到會議室tō先叫góan ka-tī chhōe位坐hō͘好, 點名算人數, koh來tō kā chhōa班ê負責人講: 講習費用1 ê人600 kho͘, lín 16 ê人, lóng-chóng 9600 kho͘. Chhōa班ê負責人kā chîⁿ la̍p了, 接待人員tō行去投影機邊--á開電腦檔案, pàng影片, 講:「Lín看影片, góa等--leh chiah koh來.」
影片開始pàng, 是sa人外國ê工安影片, 講英語, 聽lóng無, 過chi̍t-ē-á有字幕--a, 是1堆工安統計數字. 怪奇--ê是, 數字資料是中國ê, 連字oan-na是簡體字, ta̍k-ê聽無英語mā看無簡體字, pàng chiah-ê是beh hō͘ siáng看? 後--來koh有2段影片, chi̍t看tō知影是烏白剪接--ê, 有夠無聊. 影片pàng soah, 接待人員koh出現pun考卷, pún好講:「Chit-má開始考試, góa等--leh入來收考卷.」Ta̍k ê人tō考卷sa--leh開始寫kap討論. 過chi̍t-ē-á接待人員koh行--入-來, 問講:「寫好--a bōe?」有人問講第kúi題是siáⁿ-mih意思? Koh有人問第kúi題ná像無答案? 接待人員笑笑--á講:「Chit-má公布答案.」I kā答案照順序念--出-來, 念了tō叫góan ka-tī改分數, 60分入格. Thèng-hāu ta̍k-ê改好kā考卷收--tńg-去, i續leh講:「Lín sio等--chi̍t-ē, 訓練證書等--leh tō送--過-來.」Ta̍k-ê tō tī hia khai-káng等證書, thèng-hāu證書pun--落-來ta̍k-ê lóng離開會場了後, góa看時間前後iáu無1點鐘, m̄-koh góa ê證書面頂ê上課時數是6點鐘.
Che是sió-khóa tāi-chì, 因為lán chēng細hàn tō tī 1 ê講pe̍h-chha̍t應付ê環境成長--ê, kám m̄是? 國校á開始老師tō叫lán ài買參考冊, 買好koh教lán若是tú tio̍h『督學』來查kám有買參考冊, ài講無. 老師驚lán講pe̍h-chha̍t bē自然, koh tio̍h『情境教學』, 叫其他同學poaⁿ『督學』, 另外1 ê人hông問ê時ài應無, ta̍k ê人lóng tio̍h poaⁿ1遍, 下課ê時koh ài kap隔壁班--ê poaⁿ戲練習, 一直到tú tio̍h『督學』ē-sái tng面講pe̍h-chha̍t面bē紅.『督學』走了後, 老師koh ē tī台á頂kā ta̍k-ê o-ló, ta̍k-ê kám iáu ē記tit chit-kóa tāi-chì?
到taⁿ, kúi 10年過--去-a, lán chit ê社會iáu是ài靠講pe̍h-chha̍t poaⁿ戲chiah ē-ēng--ê維持--落-去. 驗車, ka-tī駛去監理所一定驗bē過, m̄-koh若去代理驗車ê維修場, lí若有交chîⁿ, m̄管車有jōa爛一定驗ē過. 工安檢查ê時, 頭家kui-khì叫ta̍k-ê停工, 等檢查人員走了後chiah koh開始做. 工安檢查人員ê目chiu kám lóng chheⁿ-mê--a? Hiah-nī大ê工地, hiah-nī chē工人, soah lóng無teh做, in kám無看--ê? 免講mā m̄是, 檢查人員心內有數, ta̍k-ê kan-taⁿ是koh teh sńg細hàn時老師教lán應付『督學』ê戲齣.Che tō是lán ê pe̍h-chha̍t人生.
留言列表
