四年前的總統選舉，很多人說「投票率愈高，國民黨會贏愈多票」；今年年初投票日，不少人說著「天氣這麼好，國民黨的票會愈多」。不過在2008年以前，最常聽到的卻是「投票率愈高，民進黨票會拿愈多」。人云亦云，講出這些話前，有多少人曾先想過這樣說合理不合理？
就如對支持的政客神化成能飛天鑽地，對不屑的政客卻什麼都不對，這些認定大部份是從電視政論節目聽來的，我們沒有先判斷這些講法可信不可信，就跟著講、跟著信，前後講法衝突也不自以為意，簡直就是拿香跟拜。像以前批「十一寇」風潮時，許多人跟著電台主持人在不屑那些政客，以為自己是在維護台灣立場，卻不知道那是政客權力鬥爭的手法，不屑的理由有的毫無根據，有的甚至否定了運動的腳步。
這次選舉的過程，也有許多流行的講法，像馬英九若當選，這將是台灣最後一次選總統；若蔡英文當選，馬政府必定不會交出政權；又像對選舉議題選擇性的講法，有的是選舉陣營的政治操作，有的是電視政論節目的口水，我們輕易地聽信，並隨之起舞，講出口前，我們真的想過這樣講合理嗎？有可能嗎？
選舉後，「國民黨作票」的謠言滿天飛，一樣是拿香跟拜的心態。「作票論」先設定「蔡英文應該當選」這個前提，再找「證據」來強化。頭腦夠清醒、夠冷靜的話，就會發現「作票論」舉出的很多理由根本站不住腳，更何況，若以「蔡英文當選」為前提，國民黨至少要作超過80萬票，80萬票這麼大的差距，難道能夠天衣無縫？若果真被國民黨作掉80萬票，台灣社會還能那麼有「民主風度」來接受？有可能嗎？
民進黨選舉陣營這次選戰的選舉策略成功地帶動社會熱潮，「三隻小豬」讓一群群支持者有如陷入流行潮一樣，「蔡英文」也變成一種「進步」的品牌。「台灣NEXT」、「公平正義」和「現在決定未來」這些口號行銷得也非常成功，但實質的內涵呢？支持者熱情四射，然而社會真的產生了「要改變」那種強烈躁動的氣氛？要追求公平正義，那麼相對的壓迫者是誰？難道讓國民黨下台，社會正義就必然會實現？
為什麼認為蔡英文當選，台灣社會的公平正義就能夠實現？為什麼國民黨下台，就能阻止台灣繼續向中國傾斜的趨勢？為什麼政黨輪替就能給我們不同的未來？這些空思妄想不都是拿香跟拜，人云亦云？希望社會改變，若仍停留在一廂情願的寄望，沒有實際觀察與理解社會力量的變化，沒有要瓦解社會既有的權力結構，沒有直接指向社會矛盾的源頭，我們的空思妄想永遠只是空思妄想！
4冬前總統選舉ê時, 有聽人講「投票率jú kôan, 國民黨ē贏jú chē票」; 今年年初投票日, 真chē人講「天氣chiah好, 國民黨ê票ē jú chē」. M̄-koh tī 2008年chìn前, siōng chia̍p聽--tio̍h-ê soah是「投票率jú kôan, 民進黨票ē the̍h jú chē」. 人講lán tòe leh講, chiah-ê話講出chhùi chìn前, 有jōa chē正經ē先想看án-ne講有影iah無影?
Tō像kā支持ê政客講kah ē飛天ē鑽地, phìⁿ-siùⁿ--ê tō講kah jōa bái tú jōa bái, chiah-ê認定大部份是tùi電視政論節目聽--來, lán無先判斷講ē信iah bē信--tit, tō sa leh講, sa leh信, jú講jú有影, 前後講法sio衝突mā無tì覺--tio̍h, tō ká-ná giâ香tòe拜kāng款. 像khah早kek『十一寇』tng teh jia̍t ê時, chiâⁿ chē人tòe電台主持人teh phìⁿ-siùⁿ hiah-ê政客, kioh是ka-tī是teh維護台灣立場, soah m̄知講he是政客權力鬥爭ê手路, phìⁿ-siùⁿ ê理由有--ê是無影無隻, 有--ê koh soah顛倒teh否定運動ê kha-jiah.
Tī chit pái選舉ê過程, oan-na有chiok chē時行ê講法, 像馬英九若tiâu, che tō是台灣siōng尾1 pái選總統; 若蔡英文tiâu, 馬政府tiāⁿ-tio̍h無beh交出政權; koh像講對選舉議題選擇性ê講法, 有--ê是選舉陣營ê政治操作, 有--ê是電視政論節目ê chhùi水, lán聽ē入耳, tō tòe in kā hiah-ê話講出chhùi chìn前, lán kám正經想過有合理--無? 有可能--無? Án-ne講kám有影?
選舉後,「國民黨做票」ê風聲chi̍t-sì-kè teh thòaⁿ, che oan-na有khang無sún, 是人講tòe leh講niâ. 「做票論」是先kā「蔡英文應該當選」chit ê前提cha̍h chìn前, chiah chhōe「證據」來證明. 頭殼若有夠清醒, 有夠冷靜, tōē發現「做票論」ê真chē理由lóng bē-kham-tit檢驗, koh再講, 若以「蔡英文ē當選」做前提, 國民黨siōng無tio̍h chhòng-khang 80萬票, 做票若有影, 80萬票chiah-nī大ê票數, kám lóng bē有siáⁿ-mih khang-á-phāng? Hō͘國民黨chhòng掉80萬票, 台灣社會oan-na ē thang hiah有「民主風度」來接受? Kám有可能?
民進黨選舉陣營chit pái ê選舉策略真成功帶動社會熱潮,「3隻豬公á」hō͘ kui-phâng支持者bē-su tòe時行kāng款,「蔡英文」pìⁿ做1款「進步」ê品牌.「台灣NEXT」,「公平正義」kap「chit-má決定未來」chiah-ê口號行銷kah真成功, m̄-koh kám有實質ê內涵? 支持者真jia̍t, m̄-koh社會kám正經有「beh改變」hit款kiōng-beh tiô--起-來ê氣氛? Beh追求公平正義, án-ne相對ê壓迫者是siáng? Kám講hō͘國民黨落台, 社會正義tō百面ē實現?
是án-chóaⁿ認為蔡英文當選, 台灣社會ê公平正義tō thang實現? 是án-chóaⁿ國民黨落台, 台灣tō bē繼續chhu tùi中國去? 是án-chóaⁿ政黨輪替tō ē hō͘ lán無kâng ê未來? Chiah-ê空思妄想kám m̄是giâ香tòe拜, 人講tō tòe leh信? Ǹg望社會改變, 若iáu停留tī chit款主觀ê寄望, 無實際觀察kap理解社會力量ê變化, 無瓦解社會現有權力結構ê認知, 無直接thuh tùi社會矛盾ê源頭, lán ê空思妄想tō一直是空思妄想!
留言列表
