台灣組合

牽動整個社會步調的選舉結束了，選舉期間我們跟著政客熱情四射，選舉後，回到原本的生活，那時候喊出口的許多口號和議題，好像都不曾發生過。

選舉前，我們說要維護民主，我們強調「不分族群」，可是『小英女媽祖』、『台灣第一女總統』、『客家妹仔總統』、『屏東出總統』、『小英元年』這些口號卻被我們喊得洋洋得意。

選舉前，我們說讓馬英九當選會分裂台灣、會破壞民主、會向中國傾斜，也許哪一天睡醒，路上插的已經變成五星旗了。我們若真的相信自己說的這些話，為什麼選後也跟著政客說我們要有風度地接受「民主選舉的結果」，只能任由他們把台灣亂搞四年，坐視台灣分裂、坐視民主被破壞？

選舉前，我們說若蔡英文當選，馬政權將不交出政權，還說島內支那人會動亂，讓中國有藉口出兵。我們若真的在意自己這些憂慮，除了投那張選票外，怎麼只是坐在家裡怒罵，等憂慮成事實依舊坐著怨嘆台灣人的無奈與悲情，完全看不出有什麼樣準備因應的行動？

這些講法有可能發生嗎？其中很多說法難道不是四年前就說過了嗎？四年來，我們做了哪些準備？四年後，我們又把這些說法重講一次，說出口後，我們的生活和思考同樣沒有任何改變，這些煩惱、這些控訴是在麻痺自己、在恐嚇自己嗎？

現在，看到民進黨荒唐的選舉總檢討，我們為何一點都不生氣？

我們真的煩惱著台灣社會的未來嗎？是的話，除了投票，我們有什麼準備？有什麼改變？我們只全心期待蔡英文一定要當選，而不是考慮著若馬英九當選，台灣再來會怎樣？若蔡英文當選，又會怎樣？面對不同的發展可能，我們應有怎樣的觀察、思考和準備？

我們真的有面對現實嗎？我們真的有面對自己嗎？

牽bán kui-ê社會步調ê選舉結束--a, 選舉期間lán tòe政客熱phut-phut, 選舉soah, tò-tńg來本底ê生活, hit時chūn hoah出chhùi ê真chē口號kap議題, bē-su lóng無發生--過.

選舉前, lán講beh維護民主, lán強調「mài koh h族un群」, m̄-koh『小英女媽祖』, 『台灣第一女總統』, 『客家妹仔總統』, 『屏東出總統』, 『小英元年』chit款口號soah koh hō͘ lán hoah kah真iāng.

選舉前, lán講hō͘馬英九當選ē分裂台灣, ē破壞民主, ē向中國chhu--去, hōan-sè toh 1工khùn-chhéⁿ, 路--nih插--ê已經pìⁿ做五星旗--a. Lán若正經相信ka-tī講ê chit-kóa話, 是án-chóaⁿ選後mā tòe政客hoah講lán ài有風度接受「民主選舉ê結果」, 目chiu金金kì-chāi in kā台灣亂bú 4冬, 目chiu金金等台灣分裂, 等民主hông破壞?

選舉前, lán講若蔡英文tiâu, 馬政權ē m̄交出政權, koh講島內China人ē動亂, hō͘中國有借口出兵. Lán若正經有要意ka-tī chiah-ê煩惱, 除去tǹg hit張選票, nah ē kan-taⁿ坐tī厝內chhò-kàn-kiāu, thèng-hāu tāi-chì發生iû-gôan是坐leh怨嘆台灣人ê無奈kap悲情, lóng看bē出來有beh做siáⁿ款準備ê行動?

Chiah-ê講法kám有可能發生? Chiah-ê chiok chē講法kám m̄是4冬前tō teh講--a, 4冬來, lán有做siáⁿ款準備? 4冬後, lán kā hiah-ê講法koh重講1 pái, 講出chhùi了後, lán ê生活kap思考iû-gôan無任何改變, chiah-ê煩惱, chiah-ê控訴是teh麻痺ka-tī, teh恐嚇ka-tī?

Chit-má, 看tio̍h民進黨a-lí-put-tat ê選舉總檢討, lán nah chi̍t-sut-á to無siūⁿ-khì, mā chi̍t-sut-á to bē狂--起-來?

Lán kám正經有teh煩惱台灣社會ê未來? 若有, 除去tǹg票, lán kám有準備? Kám有siáⁿ款改變? Lán kan-taⁿ kui心期待蔡英文一定ài tiâu, m̄是teh想若馬英九tiâu, 台灣koh來ē án-chóaⁿ? 若蔡英文tiâu, ē án-chóaⁿ? 面對無kāng ê發展可能, lán tio̍h做siáⁿ款ê觀察, 思考kap準備?

Lán kám正經有teh面對現實?Lán kám正經有teh面對ka-tī?

──《TGB通訊》第149期(2012/2)