5月19日是運動者詹益樺自焚的日子, 17年前, 他在外來殖民政權的統治中心總督府前, 以結束自己的性命對抗中華民國國民黨的高壓統治.
對20多歲的年輕人來說, 鄭南榕多少有聽過, 不過若談起詹益樺, 就少有人知道. 我讀大學參加台語文社後才開始知道詹益樺, 剛開始, 總會聽到有人不認同的說:「為什麼要自焚? 活著不是可以做更多事情嗎?」是啊, 活著可以做很多事, 但是我們活著的人有做些什麼事呢?
這幾天重看了胡慧玲的《我喜歡這樣想你》, 我很欣賞她看鄭南榕的角度, 沒有哀怨, 沒有悲情, 她說她常常快樂的想念鄭南榕. 我們是不是也可以用這樣的心情來理解詹益樺?
讀完這本書, 又想起以前許多前輩為了打倒國民黨統治, 大家拚命衝撞, 但是一回頭看此時的台灣社會, 我卻不知要如何看待台灣這段過去, 歷史上的反抗經驗. 是那時候的理論思想不夠深沉, 致使人民運動只能走到這裡, 還是現在這種狀態就是彼時辛苦追求的目標? 現在在中華民國政府當官的人, 是放棄了以前堅持的理想, 還是他們自認仍然可以在目前的位置從事運動的累積?
過去的反體制運動, 和「不願屈服在豬槽下, 鬥陣吃phun(餿水), 做一隻快樂的豬.」那種迫切的盼望, 是我們沒有經歷過的, 對年輕人來說, 沒有參與過的時代, 台灣反抗歷史上的光榮印記, 我們能承接多少? 要如何把這些轉換成啟蒙之窗與行動的刺激? 像詹益樺這種選擇走入基層, 同基層人民一起生活, 共同面對經濟與生活上的壓迫, 後來又追隨鄭南榕化成「偉大而美好的種子」, 對這樣的人及精神, 在我們這一代就好像是歷史故事上的傳奇, 又像煙火, 放完後就找不到摸不著了.
尼采曾說過, 當我們不能再驕傲的活下去時, 就應該驕傲的死去, 自由的死去, 安詳愉快的擁抱死亡, 由於對生命的熱愛, 任何人都不願懦弱的死.
詹益樺的死有什麼意義? 詹益樺無需回答我們, 是看我們要讓詹益樺有什麼意義. 我們若是仍堅持著什麼, 或是不對什麼妥協, 不用認為是為了台灣人而犧牲奉獻, 我們是為了自己, 為了自己的信仰, 為了要活的安詳自在, 不遺憾.
5月19是運動者詹益樺自焚ê日子, 17冬前, i tī外來殖民政權ê統治中心總督府頭前, 結束ka-tī ê性命對抗中華民國國民黨ê高壓統治.
對20外歲á ê少年人來講, 鄭南榕加減bat聽--過, m̄-koh若講tio̍h詹益樺, tō罕leh有人bat. Góa讀大學參加台語文社了後chiah開始知iáⁿ詹益樺, chhím頭á, 總ē聽tio̍h有人chiâⁿ無認同講: 「是án-chóaⁿ beh自焚? 活--leh m̄是ē-tàng做koh khah chē tāi-chì?」是--a, 活--leh ē-tàng做chiok chē tāi-chì, m̄-koh lán活--leh ê人有做siáⁿ-mih tāi-chì?
Chit kúi工koh重看胡慧玲ê《我喜歡這樣想你》, góa chiâⁿ欣賞i看鄭南榕ê角度, 無哀怨, 無悲情, i講i chhiâng-chāi用快樂ê心情teh siàu念鄭南榕. Lán是m̄是mā ē-tàng用chit款心情來理解詹益樺?
讀chit本冊了, koh想tio̍h khah早chē-chē sianpai為tio̍h beh phah破國民黨ê統治, ta̍k-ê拚性命teh衝teh lòng, koh hoan頭看現此時ê台灣社會, góa soah m̄知ài án-chóaⁿ看待台灣chit段過去, 歷史頂kôan ê反抗經驗. 是hit tang-chūn ê理論思想無夠深沉, 致使人民運動kan-taⁿ行到chia, iah是chit-má chit lō狀態tō是hit tang-chūn beh ài ê目標--a? Chit-má tī中華民國政府khiā位做官ê人, 是放棄khah早堅持ê理想--a, iah是in自認猶原tī hit ê位teh累積?
Éng過ê反體制運動, kap「m̄願khut tī豬tiâu內底, tàu-tīn chia̍h phun, 做1隻快樂ê豬」ê ǹg望hām心情, 是góan無經歷--過-ê, 對少年人來講, 無參與--tio̍h ê時代, 台灣反抗歷史上ê光榮hō-jiah, góan有才tiāu承接jōa chē? Beh án-chóaⁿ kā chiah-ê pìⁿ做啟蒙ê窗á kap行動ê刺激? 像詹益樺chit款選擇行入基層, kap基層人民chò-hóe生活, tàu-tīn面對經濟hām生活頂頭ê壓迫, lō͘尾koh tòe鄭南榕pìⁿ-chiâⁿ「偉大koh美好ê種籽」, 對chit款人kap精神, tī góan chit代bē-su是歷史故事ê傳說, koh ná煙火, pàng--過了後tō chhōe無bong無--a.
尼采bat講--過, tng lán無thang koh活kah chiok驕傲ê時, tō應該用驕傲ê khut勢kap平靜爽快ê心情選擇死亡, 因為thiàⁿ惜性命, 任何人lóng m̄願死kah siuⁿ軟chiáⁿ.
詹益樺ê死有siáⁿ意義? 詹益樺無需要kā lán講, 是看lán beh hō͘詹益樺有siáⁿ意義. Lán若是有beh堅持siáⁿ, iah是無beh對siáⁿ妥協, 免認為是為tio̍h台灣人teh犧牲奉獻, lán是為tio̍h lán ka-tī, 為tio̍h ka-tī ê信仰, 為tio̍h beh活kah khah爽快, bē遺憾.
留言列表