西鄉先生:
2005年底, 我來到你的故鄉, 鹿兒島, 1處緯度位於台灣北方10度的地方, 卻誕生1位有著南島面貌的你. 12/23到達鹿兒島時, 我差點有種錯覺, 以為自己能看見19世紀的薩摩. 那一天, 在你們誕生的街道上散步, 雖然此時只剩下1塊塊石碑矗立在那裡, 記念著你們在歷史上出發的原點, 不過鹿兒島將這些保留得很好, 使我能夠步隨著這些景點悼念你們. 在你誕生的小公園裡, 我坐在樟樹樹蔭下, 微風吹拂樹梢而擺動著, 洩露出你存在過的痕跡.
1位17歲就坐香蕉船去日本, 也待過鹿兒島的老台灣人, 聽我們說要去鹿兒島旅行, 告訴我們以前薩摩地方的語言沒有人聽得懂, 似乎也不在乎和別人不一樣. 強盛的地方主義確實是日本的特色. 我開始聯想, 堅持自己地方的語言, 不和別人一樣的特質, 影響薩摩武士的個性養成, 讓你們離開自己一手打造出來的明治政府, 毫不眷戀名利與榮華富貴, 回到薩摩, 要用自己的雙手開創另外1條出路. 這位老台灣人還說你是流氓頭子, 帶領1群武士要與政府對抗, 我想, 讓我們當它是尊敬與肯定的講法吧!
西鄉先生, 1873年你離開東京時在想什麼? 對那時候的日本, 或許你有你的思考和策略,「征韓論」對內你要解決武士階級人口過剩的問題, 對外有佔領韓國抵制俄羅斯南侵與中國威脅的國際策略, 從未出國留學也沒有接觸西方思想的你, 如何能有如此廣面的思考? 但是時勢並不如你所願地發展, 你曾埋怨嗎? 跟著你一起辭官回到薩摩的武士們, 要如何壓制他們的不滿, 也許是個大問題吧?
在「西鄉顯彰館」看到你那比普通人的體形足足大2倍的衣服後, 我就一直想起你說要辭官回薩摩時, 大家驚恐的表情, 還有三條實美因此而臥病在床的情形, 那時候的氣氛必定是既緊張又刺激吧! 你沒有要怎樣, 周圍的人卻害怕你會怎樣, 就好像托洛茨基到後來既無官位又沒掌權, 四處流亡, 但是史大林還是怕他, 必須天涯海角追殺到底.
西鄉先生, 你非但沒有「造反」的意圖, 還一再拒絕其他反政府士族的邀約連結, 並壓制著跟隨你的武士們的造反衝動. 1877年的西南戰爭確實是你選擇的道路, 1條結束反抗勢力, 鞏固明治政府的道路, 1場你欠那些武士們的戰鬥, 依我看, 或許也是1條切斷革命機會的路.
我從「私學校跡」, 走過「城山」, 「西鄉洞窟」, 到「西鄉終焉之地」, 只剩下幾10個人的你們, 1路走向早就看得見的死亡之路. 你把性命交給薩摩武士, 臨死前你說: 「我只能走到這裡, 我的生命即將結束了, 我並不要求任何名聲.」 我1步1步隨著你們的足跡邁進, 想要感受一些東西, 我還是無法了解你們日本人, 你們的武士精神.
在「南洲墓園」, 你們一起埋葬的地方, 看你們1個個的墓碑: 西鄉隆盛, 桐野利秋, 篠原國幹, 村田新八, 別府晉介, 永山盛弘, 池上貞固, 淵邊高照, 邊見十郎太, 平野正介, 西鄉小兵衛, 桂久武, 小倉知周, 貴島清......那時候好似有1種集體的精神力量感動著我. 南洲墓園也許是尊敬你們, 肯定你們, 最直接的做法.
我很喜歡1位朋友說的:「為了時代來走他該走的路, 這應當就是革命者的精神!」西鄉先生, 你和薩摩的戰士們給自己的生命與歷史任務劃下了最美的句點.
Saigo sàng:
2005年底, góa來到lí ê故鄉, Kagoshima, 1 tah緯度phēng台灣khah北pêng 10度ê所在, soah出世1 ê有南島面容ê lí. 12/23 chhím到Kagoshima ê時, góa hiám-á kioh是ka-tī ē-tàng看tio̍h 19世紀ê Satsuma. Hit工, tī lín出世ê街á路散步, 雖bóng現此時kan-taⁿ chhun 1支牌á iah石碑chhāi tī hia, 記念lín tī歷史出發ê原點, m̄-koh Kagoshima kā chiah-ê保留kah真好, hō͘ góa ē-tàng tòe leh siàu念lín. Tī lí出世ê所在, góa坐tī公園ê大樹kha, 風吹過樹oe teh tín動, 出破lí bat存在--過ê影跡.
1 ê 17歲tō坐kin蕉船去日本, mā tòa過Kagoshima ê老台灣人, 聽góan講beh去Kagoshima chhit-thô, kā góan講早前Satsuma講ê話人聽無, mā bòai hông lām. 地方主義強確實是日本ê特色. Góa開始o͘亂想, 堅持ka-tī地方ê腔口, bòai kap人kâng ê特質, 造chiâⁿ Satsuma武士ê個性, hō͘ lín離開ka-tī起造--出-來ê明治政府, 放棄大官大位hām榮華富貴, tńg來Satsuma, beh用ka-tī ê khùi力開另外1條新路. Chit ê o͘-jí-sáng koh講lí是lô͘-môa頭, chhōa 1 tīn武士beh kap政府kiat, góa想, lán tō kā che當做是尊chhûn ê講法--lah!
Saigo sàng, 1873年lí離開Tokyo ê時teh想siáⁿ? 對hit chūn ê日本, kiám-chhái lí有kui盤ê思考hām策略,『征韓論』對內lí beh解決武士力量siuⁿ過頭chhiaⁿ-iāⁿ ê問題, 對外有佔韓國抵制Russia kap China ê國際策略, 無出國留學, mā無chih接西方思想ê lí, beh nah ē有hiah闊面ê思考? M̄-koh時勢無beh照lí按算--ê行, lí kám ē怨嘆? Tòe lí辭官tńg Satsuma ê武士, beh án-chóaⁿ àn-nāi in ê不滿, kám是hō͘ lí 1粒頭2粒大?
Tī「西鄉顯彰館」看lí hit su phēng普通人ê體形足足大2倍ê衫了後, góa tō一直想tio̍h lí講beh辭官tńg Satsuma ê時, ta̍k-ê lóng chhoah leh等ê表情, koh有三條實美驚kah破病ê情形, hit chūn ê氣氛一定是chiâⁿ緊張koh刺刻. Lí無beh án-chóaⁿ, 邊--á ê人soah煩惱lí ē chhòng siáⁿ, tō ná像Trotsky lō͘尾無khiā位, 無la̍k權, sì-kè teh流亡, m̄-koh Stalin iáu是驚i, tio̍h追殺到底.
Saigo sàng, lí無beh「造反」, 一再拒絕各地反政府勢力ê聯繫, koh tio̍h安tah hit-kóa tòe tī lí邊--á ê武士ê反政府chhóng-pōng. 1877年ê西南戰爭確實是lí選擇beh行ê路, 1條結束反抗勢力, 鞏固明治政府ê路, 1場lí欠hiah-ê武士ê戰鬥, 在góa看, hōan-sè mā是1條斷絕革命機會ê路.
Góa ùi「私學校跡」, 行過「城山」, 「西鄉洞窟」, 到「西鄉終焉之地」, chhun kúi 10 ê人ê lín, 1路行ǹg早tō看ē tio̍h ê死亡之路. Lí kā性命交hō͘ Satsuma武士, beh死chìn前, lí講: 「Góa kan-taⁿ ē-tàng行到chia, góa ê性命teh beh結束--a, góa無beh要求任何名聲.」 Góa 1步1步tòe lín行, 想beh感受chi̍t-kóa mi̍h-kiāⁿ, góa iáu是無法tō͘了解lín日本人, lín ê武士精神.
Tī 「南洲墓園」, lín tâi chò-hóe ê所在, 看lín 1 ê 1 ê墓牌: 西鄉隆盛, 桐野利秋, 篠原國幹, 村田新八, 別府晉介, 永山盛弘, 池上貞固, 淵邊高照, 邊見十郎太, 平野正介, 西鄉小兵衛, 桂久武, 小倉知周, 貴島清......hit chūn ká-ná有1種集體ê精神力量teh感動góa. 南洲墓園kiám-chhái是尊chhûn lín, 肯定lín, siōng直接ê做法.
Góa chiâⁿ kah意1 ê朋友講--ê:「為tio̍h時代來行i該行ê路, che應當tō是革命者ê精神!」 Saigo sàng, lí kap Satsuma ê戰士hō͘ ka-tī ê性命hām歷史任務1 ê siōng súi ê ending.
留言列表
