台灣組合

這幾年來, 雖然台灣人的母語意識慢慢在加強, 但是我認為, 我們母語被消滅的危機仍然存在. 這是目前的現實. 我們要繼續推行母語的草根運動, 鼓勵家庭的母語意識, 影響並監督政府的語言政策. 我們還在搶救母語的第一階段.

前幾天和阿公在公車站等公車, 遇到2位少年媽媽帶著3個孩子, 用北京語在講學校的母語教學. 我聽他們的口音明明就是台灣人, 聽沒5分鐘我就忍不住說:「真失禮, 請問lin kam是台灣人?」「是阿!」他們說是. 接下來我又說:「Lin kam是beh hou lan e母語消失?」雖然是軟軟的口氣, 我還是被自己嚇一跳. 我看到那位媽媽的眼睛睜得大大的, 她說:「可是我會聽.」 「M-koh li be-hiau講, tioh--無?」少年媽媽點頭.

既然開始了我就繼續追下去:「Goa講--e li long聽有, tioh--無?」少年媽媽又點點頭, 我又繼續追:「等gun chiah-e e-hiau講台語--e死了了, siang beh講hou li聽? 等到hit時台語ma e死--去, an-ne kam e-sai?」另外1 e少年媽媽講:「Gun tau e gin-a台語long講kah真好.」我心裡想是這樣嗎?「真失禮, goa tu-chiah有聽tioh lin 2 e媽媽e對話是用北京語teh講, an-ne kam be無意中造成gin-a e價值錯亂?」

沒時間詳細說明, 不知道他們是不是聽得懂我想要表達的意思.「我也很想學, 可是不知道怎麼開始......」Bingo! 中獎了.「Goa e建議li chhoe好朋友tau-saN-kang li練習, li若有決心beh學, 朋友總--是e ka li包容.」「我會開始試試看的.」少年媽媽這樣說, 同時我聽到阿公在喊:「Phek-ian, 車來--a-ou......」

Chit kúi冬來, 雖bóng台灣人ê母語意識ta̍uh-ta̍uh-á teh增加, m̄-koh góa認為, lán ê母語被消滅ê危機原在. Che是目前ê現實. Lán ài繼續推sak母語ê草根運動, 鼓勵家庭ê母語意識, 影響kap監督政府ê語言政策. Lán iáu tī搶救母語ê第1階段.

前kúi工kap gún a公tī公車站等公車, tú tio̍h 2 ê少年媽媽chhōa 3 ê gín-á, 用北京語teh講學校ê母語教學. Góa聽in ê口音明明tō是台灣人, 聽無5分鐘góa tō擋bē-tiâu講:「真失禮, 請問lín kám是台灣人?」『是阿!』In講是. 續--落góa koh講:「Lín kám是beh hō͘ lán ê母語消失?」雖bóng是軟軟ê口氣, góa mā是hō͘ ka-tī驚--tio̍h. Góa看tio̍h hit ê媽媽目chiu thìⁿ kah真大lúi, i講:『可是我會聽.』「M̄-koh lí bē-hiáu講, tio̍h--無?」少年媽媽tìm頭.

既然開始--a góa tō繼續追--a:「Góa講--ê lí lóng聽有, tio̍h--無?」少年媽媽又koh tìm頭, góa koh繼續追:「等gún chiah-ê ē-hiáu講台語--ê死了了, siáng beh講hō͘ lí聽? 等到hit時台語māē死--去, án-ne kám ē-sái?」另外1 ê少年媽媽講:「Gún tau ê gín-á台語lóng講kah真好.」Góa心肝內想講kám是án-ne?「真失禮, góa tú-chiah有聽tio̍h lín 2 ê媽媽ê對話是用北京語teh講, án-ne kám bē無意中造成gín-á ê價值錯亂?」

無時間詳細說明, m̄知in kám聽有góa想beh表達ê意思.『我也很想學, 可是不知道怎麼開始......』Bingo! 中獎--a.「Góa ē建議lí chhōe好朋友tàu-saⁿ-kāng lí練習, lí若有決心beh學, 朋友總--是ē kā lí包容.」『我會開始試試看的.』少年媽媽án-ne講, 同時góa聽tio̍h a公teh hoah:「Phek-iàn, 車來--a-o͘......」

──《TGB通訊》第79期(2006/4)