清潔費事件後幾天，烏龍叫阿民把阿砲叫到廟後。烏龍一見到阿砲就對他說：「你自己看看，惹麻煩還要我幫你擦屁股。」阿民在旁邊對著阿砲說：「這次還好有師父幫你，萬一你被那些攤販遇到，恐怕會被拆吃落腹。」阿砲低頭不語，心想：「幹，是你們叫我做的，出問題還來怪我。」烏龍：「事情過去就算了，以後辦事要想周全一點，明天開始你就來這裡幫我。」阿砲點頭：「好。」烏龍：「等一下把房間清掃一下，下午幫我按摩，等天黑再回家。進出這裡要小心，別讓人看到，每天都要注意，知道嗎？」阿砲又點頭：「知道了。」烏龍接著對阿民說：「你等一下叫阿中、阿華和阿國把廟產資料整理好，你們四人今天就處理資料就好，明天要跟我報告，雜務就交代給阿砲。」阿民：「好，我馬上去辦。」
隔天烏龍睡到快中午，起床後，阿砲已把午餐準備好了。烏龍看著桌上的午餐笑笑說：「這些菜是誰弄的？」阿砲說：「是我準備的。」烏龍說：「不錯、不錯，辦事就是要這樣。」阿砲聽完烏龍對他的讚美，抓頭笑了笑。
用完午餐後，烏龍聽四個徒弟報告廟產。報告完後，烏龍對他們說：「廟斜對面那家金紙店也是廟產，你們去跟他說店要收回來自己經營，一個星期內叫他搬走，另外找建築工擴建店後的空地，建好後，我們搬過去住。」四人聽完後開心地點頭，阿中馬上說：「師父，我們馬上去辦。」
阿中等四人馬上到金紙店告訴店老闆要收回店面的事，店老闆聽完說：「我已經跟阿本叔租好幾年了，租金也都準時交給阿本叔，以前阿本叔也跟我說只要準時交租金，我可以一直在這裡賣金紙，怎麼忽然就要收回去？」阿國馬上說：「阿本叔已經不在這裡了，現在廟是我們管理，我們要把廟產做有效管理，給你一星期搬，一星期後東西若沒搬走，建築工人會進來施工，到時候東西會全部清空。」說完，四人就去找建築工。
隔天，來了一群人說是要測量，一下樓上、一下店後，進進出出，看樣子是真的準備擴建，店老闆雖然不爽，到處找鄰居訴苦，但也沒人可以幫他，每天邊罵邊搬東西。一星期後，工人進來把所有沒搬走的東西清空，後面空地也開始挖地基，準備擴建。
清潔費事件了後過kúi-nā工, 烏龍叫A民kā A砲叫來廟後. 烏龍chi̍t-ē見tio̍h A砲tō tùi i講:「Lí ka-tī看, 惹麻煩koh tio̍h góa替lí chhit-kha-chhng.」A民tī邊--á mā tòe leh講:「Chit pái ka-chài有師父替lí thèⁿ--leh, 萬一lí hō͘ hiah-ê hòan-á tú--tio̍h, 恐驚ē hông thiah-chia̍h落腹.」A砲頭àⁿ-àⁿ無應話, 心內想講:「Kán, 是lín叫góa án-ne做--ê, 出tāi-chì soah來怪--góa.」烏龍:「Tāi-chì過--去tō準soah, 後pái辦tāi-chì ài khah chiû-chn̂g--leh, bîn-á-chài開始lí tō來chia kā góa tàu-saⁿ-kāng.」A砲tìm頭:「好.」烏龍:「等--leh kā房間掃掃--leh, e-po͘ kā góa lia̍h-lêng, 等天暗chiah tńg--去. Tī chia出入ài sè-jī, m̄-thang hō͘人看--tio̍h, ta̍k工lóng tio̍h注意, 知--無?」A砲koh tìm頭:「知--a.」烏龍接續kā A民講:「Lí等--leh叫A中, A華kap A國kā廟產資料整理hō͘好, lín 4 ê今á日tō處理chiah-ê資料tō好, bîn-á-chài ài kā góa報告, 雜務tō交代hō͘ A砲去做.」A民:「好, góa sûi來去辦.」
隔tńg工烏龍khùn到beh óa tàu, 起床了後, A砲已經kā中tàu-tǹg chhôan好勢. 烏龍看tio̍h桌頂ê飯菜, 笑笑á講:「Chiah-ê菜是siáng chhôan--ê?」A砲講:「是góa chhôan--ê.」烏龍講:「Bē-bái, bē-bái, 辦tāi-chì tō是ài án-ne.」A砲聽tio̍h烏龍án-ne kā o-ló, ná jiàu頭ná笑.
中tàu-tǹg chia̍h飽, 烏龍聽4 ê徒弟á報告廟產. 報告soah, 烏龍kā in講:「廟前chho̍ah對面hia hit間金紙店mā是廟產, lín去kā頭家講店beh收tńg來ka-tī經營, 限i 1禮拜內搬走, 另外, koh chhōe建築工來擴建店後ê空地á, thèng-hāu起好, lán tō搬過去hia tòa.」4 ê人聽了真歡喜teh tìm頭, A中sûi應講:「師父, góan sûi去辦.」
A中in 4 ê sûi去金紙店kā頭家講beh kā店面收--tńg-來ê tāi-chì, 頭家聽了講:「Góa已經kā A本叔--á租kúi-nā冬--a, 租金mā lóng準時交hō͘ A本叔--á, khah早A本叔--á mā kā góa講租金若lóng準時交, góa ē-sái一直tī chia賣金紙, nah ē hiông-hiông tō beh收--tńg-去?」A國sûi應:「A本叔--á已經無tī chia--a, chit-má廟是góan teh管理, góan beh kā廟產做有效ê管理, hō͘ lí 1禮拜ê時間搬, 1禮拜後mi̍h-kiāⁿ若無搬走, 建築工人ē入來做khang-khòe, 時到mi̍h-kiāⁿ ē lóng kā piàⁿ hō͘ khang.」講soah, 4 ê tō去chhōe建築工.
隔tńg工, 有1 tīn人來講beh測量, chi̍t-ē-á樓頂, chi̍t-ē-á店後, 出出入入, 看--來有影chhôan beh擴建, 頭家sui-bóng bē爽, sì-kè kā厝邊tâu, m̄-koh mā無in ê法, ta̍k工ná kiāu ná搬mi̍h-kiāⁿ. 1禮拜後, 工人入來kā所有無搬走--ê lóng piàⁿ掉, 後piah空地á mā開始ó͘地基, 準備擴建.
留言列表
