阿砲在隔天就跑來和阿本叔辦交接，阿本叔把廟產資料全部拿出來攤在桌上準備解說，這時阿中和阿國從外面走進來，對著阿本叔說：「師父交代我們兩個過來幫忙交接。」阿本叔也沒說什麼，只點點頭。阿砲聽到是烏龍師交代要他們來的，馬上站到阿中和阿國後面。阿本叔開始向阿中和阿國介紹，從建廟歷史、鄉野傳說、廟的建築圖，到廟務管理……等等一大堆資料。
說了十多分鐘，建廟歷史還說不到一半，阿中就說：「這些跳過去，資料留著，以後我們會慢慢看，交接實質的東西比較重要，比如廟產、土地和香油錢……等，這些交接前後如果有出入以後怎麼交代？」說完對著阿國笑，阿國也點頭說：「對啦，實質的東西如果交接不清楚，以後會麻煩。」阿本叔面無表情地放下手上的資料，拿起另一疊資料說：「這是廟所有的不動產權狀，我一件一件帶你們去看。」
阿本叔帶著三人，拿著權狀告訴他們這一筆是從哪裡到哪裡，那一筆又從哪裡到哪裡，這一筆是誰捐的，那一筆又是以後打算做什用途，說得清清楚楚。但是阿中和阿國根本沒聽進去，知道廟產有這麼多之後，兩個人都呆了，直到中午回到廟裡休息才稍微清醒。
阿中和阿國商量之後對阿砲說：「下午我們兩個陪阿本叔去就好，你去準備媽祖進駕後的慶祝活動，大戲要連演半個月。」阿砲：「好，我去準備慶祝活動。」阿中和阿國跟著阿本叔下午又一起去看廟產，看完最後一筆回到廟裡，太陽已經下山了。
阿本叔說：「明天請烏龍師過來一趟，我把金庫交給他。」阿中和阿國帶著權狀回去找烏龍師，烏龍師看著權狀，聽兩個徒弟說交接的情形後，張大眼說：「發了。」
隔天，烏龍師親自來找阿本叔，阿本叔照約定帶著烏龍師去開金庫，金庫裡信徒的還願金牌和香油錢，多得讓烏龍師差點昏倒，他這輩子別說是沒看過這麼多錢，連想像都沒想像過這麼多黃金和現金。阿本叔把金庫鑰匙交給烏龍師時，烏龍師手一直發抖。
阿本叔說：「今天交接完了，這裡交給你們了。」烏龍師準備了一個紅包給阿本叔，臨走前，阿華和阿民把大道公神像搬下神桌，讓阿本叔抱回家，說是要給他做紀念。
A砲隔tńg工tō走來kap A本叔辦交接, A本叔kā廟產資料lóng the̍h出來hē tī桌頂準備beh解說, chit-chūn A中kap A國ùi外口行--入-來, kā A本叔講:「師父交帶góan 2 ê來tàu交接.」A本叔mā無講siáⁿ-mih, kan-taⁿ頭tìm--chi̍t-ē. A砲聽tio̍h是烏龍師交帶in來--ê, sûi khiā tùi A中kap A國後piah去. A本叔開始kā A中hām A國紹介, ùi起廟ê歷史, 鄉野傳說, 廟ê建築圖, 到廟務管理……等等kui大堆資料.
講10外分鐘久, 起廟ê歷史to講iáu-bōe soah, A中tō講:「Chiah-ê先跳--過, 資料留--leh, 後pái góan ē ta̍uh-ta̍uh-á看, 交接實質ê mi̍h-kiāⁿ khah要緊, 像廟產, 土地kap香火chîⁿ……, chiah-ê交接前後若有出入後pái beh án-chóaⁿ交帶?」講soah對A國笑--chi̍t-ē, A國mā tìm頭講:「Tio̍h--lah, 實質ê mi̍h-kiāⁿ若交接bē清楚, 後pái ē真hùi-khì.」A本叔面á無表情, kā手--nih ê資料hē--落, kā另外1 tha̍h資料the̍h--起-來, 講:「Che是廟所有ê不動產權狀, góa 1件1件chhōa lín去看.」
A本叔kā 3 ê人chhōa--leh, 手the̍h權狀kā in講chit筆是ùi toh位到toh位, hit筆koh是ùi toh位到toh位, chit筆是siáng捐--ê, hit筆koh是後pái按算beh chhòng siáⁿ用途, 講kah清清楚楚. M̄-koh A中hām A國根本聽無入耳, 知影廟產有chiah-nī chē了後, 2 ê人lóng gāng--去, 一直到中tàu tńg來廟--nih hioh-khùn chiah sió-khóa回神.
A中kap A國參詳了後kā A砲講:「E-po͘ góan 2 ê陪A本叔去tō好, lí去chhôan媽祖入廟了後ê慶祝活動, 大戲ài連續做半月日.」A砲:「好, góa來去準備慶祝活動.」A中kap A國tòe A本叔e-po͘ koh tàu-tīn去看廟產, 看最後1筆soah tńg來到廟--nih ê時, 天已經暗--a.
A本叔講:「Bîn-á-chài請烏龍師來--chi̍t-chōa, góa beh kā金庫交--i.」A中hām A國kā權狀sa--leh tńg去chhōe烏龍師, 烏龍師看tio̍h權狀, 聽2 ê徒弟á講交接ê情形了後, 目chiu thí kah大大lúi, 講:「發--a.」
隔tńg工, 烏龍師親身來chhōe A本叔, A本叔照約束chhōa烏龍師去開金庫, 金庫內底信徒ê還願金牌kap香火chîⁿ, chē kah hō͘烏龍師險á hūn--去, i chit世人mài講m̄-bat看過chiah-nī chē chîⁿ, hām想to m̄-bat想過chiah chē黃金kap現金. A本叔kā金庫鎖匙交hō͘烏龍師ê時, 烏龍師手soah一直chhoah--leh chhoah--leh.
A本叔講:「今á日交接了--a, chia交hō͘ lín--lo͘h.」烏龍師kā事先chhôan ê 1包紅包the̍h hō͘ A本叔, beh離開chìn前, A華kap A民kā大道公神像ùi神桌頂搬--落-來, hō͘ A本叔mo͘h tńg厝, 講beh hō͘ i留leh做記念.
留言列表
