最近因為八德國中事件，社會輿論一片撻伐。台灣的教育問題到底出在哪裡？出在只問名利，不問過程；出在家庭教育，出在台灣人根本沒有道德是非的判斷能力，學校、家庭、社會，甚乃至一個國家，都是彼此環環相扣的。
友人最近認識一位小學教師，因為接學校行政，目前攻讀博士學位，所以平均一天四堂課，一個月平均薪資7萬。聽說該名教師在準備考主任，若主任考上、博士學位順利取得，那麼薪資更會往上加給。更厲害的是，他還有副業，副業賺的錢比薪資還要多，兩者皆不必繳稅。所幸這位老師唸的學位跟教育還扯上點邊。
我的一些小學老師朋友，有的去唸企業管理，有的唸國際貿易、資訊管理的碩士班，更扯的是，其中有位朋友，上學期有一科學分的得法是和老師去北京參訪，回來寫篇報告，這學分就拿到了，當然啦，團費、學分費都還是要繳的啦。不知道我們的小學課程是否以後會加入這些課程，因為大家都想成為郭台銘？
試想，幾位老師每星期1、2天一起包車去讀碩士班，那麼學校的學生呢？我在私人機構上班，要領碩士加給，必須就讀相關科系，且該科系必須與執業範圍相關，並且每年要發表文章，是要相關性的文章喔！
台灣的教育問題出在哪裡？教育部對老師的考核制度是否有缺失？不否認還是有些盡心盡力的教師堅守己任，但實際上，我們周遭所聽到、所遇到的很多教師，都是為了加給去攻讀學位，就社會大眾的眼光而言，他們所讀的學位和教育有關係嗎？錢大家都想賺，且越多越好，但社會的公平正義呢？
老師教我們，想要的東西要取之有道，這道，是光明大道的道？還是旁門左道的道？
最近八德國中事件, 引起社會批評討論. 台灣ê教育問題到底出tī toh位? 出tī kan-taⁿ重名利, 無重過程; 出tī家庭教育, 出tī台灣人根本無道德是非ê判斷能力, 學校, 家庭, 社會, 甚至1 ê國家, lóng是互相關連互相影響--ê.
朋友最近se̍k-sāi 1 ê國校á老師, 因為接學校行政, koh目前teh讀博士學位, 所以平均1工4節課, 1個月薪水平均有7萬kho͘. 聽講chit ê老師teh準備考主任, 若主任有考--tio̍h, 博士學位順利the̍h--tio̍h, i ê薪水ē koh-khah chē. Koh-khah厲害--ê是, i iáu有副業, 副業thàn ê chîⁿ phēng薪水koh-khah chē, chit 2項koh lóng免la̍p稅. Ka-chài--ê是chit ê老師讀--ê kap教育iáu有關係.
Góa chi̍t-kóa做國校á老師ê朋友, 有ê去讀企業管理, 有ê讀國際貿易, 資訊管理ê碩士班, khah hàm--ê是, 其中1 ê朋友, 頂學期有1科學分是kap老師去北京參觀訪問, tńg--來寫1篇報告, án-ne學分tō the̍h--tio̍h-a, 當然--lah, 團費, 學分費chiah-ê mā是ài la̍p--lah. M̄知影後pái lán ê國校á課程是m̄是ē加入chit-kóa課程, 因為ta̍k-ê lóng想beh chiâⁿ做郭台銘?
想看māi, kúi ê老師ta̍k禮拜1-2工chò-tīn包車去讀碩士班, án-ne學校ê學生beh án-chóaⁿ? Góa tī私人機構上班, 若beh領碩士加給, tio̍h讀相關科系, hit ê科系koh tio̍h kap執業範圍相關, ta̍k冬koh tio̍h發表文章, 是ài有相關性ê文章chiah ē-sái--o͘h!
台灣ê教育問題出tī toh位? 教育部對老師ê考核制度是m̄是有缺失? Lán無否認iáu是有chi̍t-kóa盡心盡力ê教師tī--leh, m̄-koh實際上, lán身軀邊聽--tio̍h tú--tio̍h ê老師, chiok chē是為tio̍h薪水加給chiah去the̍h學位, 就社會大眾ê眼光來看, in讀ê學位kap教育kám有關係? Chîⁿ ta̍k-ê to想beh thàn, thàn jú chē jú好, m̄-koh社會ê公平正義--leh?
老師教lán講, 想beh ài ê mi̍h-kiāⁿ ài『取之有道』, chit ê『道』, 是『光明大道』ê『道』? Iah是『旁門左道』ê『道』?
留言列表
