台灣組合

政治鬥爭？那是阿扁咎由自取！

阿扁將國民黨的追殺定位為政治鬥爭，首先衝擊到的將是台派團體的830遊行，勢必被操作成「挺扁」與「反馬」的戲碼，原本的爭主權、顧肚子訴求又會被模糊了。

其次，阿扁被國民黨追殺完全是他咎由自取。別忘了，他剛當選時就去緊握蔣家頭號鷹犬王昇的手；別忘了，他說過即使動搖國本拉法葉案也要水落石出；別忘了，是誰一次又一次地讓台灣人傷心絕望。

台灣人！這個是我們要的鄉愿國家嗎？台灣人！這種是非不分的政壇我們還要忍受多久？台灣人！如果我們不對政客殘忍，就是對我們的子孫殘忍！你知道嗎？

套用一位網友說的話，你看得見我螢幕上的字，可是你看不見我滴落鍵盤的淚！

歷經了這麼多事件，作為台灣人還是無法發展出正直的品格，那我只能說，我們的確沒有資格擁有一個新國家，該被奴役的工農漁原住民等勞動大眾也應該繼續被奴役。當你連自救的勇氣都沒有了，耶和華又何必遣天兵天將來幫助呢？

政治鬥爭? He是A扁--á ka-tī做得來--ê!

A扁--á kā國民黨ê追殺定位做政治鬥爭, siōng代先影響--tio̍h-ê是台派團體8/30 ê遊行, 百面ē hông操作做「挺扁」kap「反馬」ê戲齣, 本底「爭主權, 顧腹肚」ê訴求koh ē hông khàm無--去-a.

A扁--á ē hō͘國民黨追殺, 完全是i ka-tī做得來--ê. Mài bē記--得, i chhím當選tō去kap蔣家ê大特務頭王昇ak手; mài bē記--得, i bat講『即使動搖國本拉法葉案也要水落石出』; mài bē記--得, 是siáng 1 pái koh 1 pái hō͘台灣人傷心絕望.

台灣人! Che kám是lán beh ài ê國家? 台灣人! Chit款無是非ê政治, lán beh koh忍受jōa久? 台灣人! Lán若無對政客殘忍, tō是對lán ê kiáⁿ孫殘忍! Lí知--無?

借用1 ê網路朋友講ê話, lí看ē tio̍h góa tī網路頂ê文字, m̄-koh lí看bē tio̍h góa滴tī keyboard ê目屎!

經過chiah chē事件, 台灣人iáu是無法度發展出正直ê品格, án-ne góa kan-taⁿ ē-tàng講, lán確實無資格起造1 ê新國家, 該hông chau-that ê工人, 農民, 漁民, 原住民chiah-ê勞動大眾, mā應該繼續hông chau-that. Lí若連自救ê勇氣to無, 耶和華nah tio̍h派天兵天將來kā lí幫贊--leh?

──《TGB通訊》第108期(2008/9)