60多年前的愛情故事，表現的是一個歷史事件：純情的台灣與懦弱不敢承擔的日本無奈地分手。日本在戰後並非「拋棄台灣」，而是被迫「放棄台灣」(舊金山合約)。分手後，對被「放棄」的那一方(台灣)而言，那七封動人心弦的情書，其實都是無濟於事又落落長的屁話。終究這是一部商業電影，串場情書成了不可或缺的浪漫賣點。
機車工人水蛙與老闆娘之間若有似無的戀愛感情，實在讓道德制約的凡人提心吊膽。但是水蛙他比喻說得好，誰說一個母的只能配一隻公的！台灣祖先平埔族原是母系社會，為了繁衍優質後代，一女多男最合乎自然！只是這道理卻是派給一個男人理直氣壯地說了出來，有些嘔氣。
情書對象家中的三個女人，其實代表著台灣的三個世代：承受日本背信的阿婆，一生在晦暗的鄉下老屋度過；第三代為了愛情，跟日本人生下私生子之後，從事基層勞動維生，卻磨不掉(不肯磨掉？不甘心磨掉？)傲然姿態；第四代(未來台灣)有天份且堅持自我價值，不屑理會週遭的人事物，直到自己真心認同之後，才願意跟上眾人節奏。至於消失的第二代(二二八)，片中甚至沒有任何提及，那一代徹底在影片中消失，代表台灣的二二八文化斷層。
這痛徹心扉的創傷，劇中以極其簡單的一句台詞表現，第三代說：「對她(第一代)做了很不好的事。」我認為那「很不好的事」，指的是很多人經驗過的──在家裡也要說北京話，「很不好的事」指的就是台灣人的文化背叛。因為文化的不連貫，第一代與第三代之間的價值衝突無法避免！第三代其實看不起第一代，卻也繼承了愛上日本人的命運，只是第三代比第一代堅強地承擔後果，她的選擇並非暗自落淚，而是獨自肩負養育責任。
鄉代主席是最政治性的角色，受到很多視聽者的喜愛。乍看跟我們的生活經驗完全矛盾，也聽到朋友抱怨說，現實生活根本不可能出現這種民代主席。我的看法是鄉代主席其實很傳神，現實生活也的確存在，只是他(他們)並非中華民國體制下的民代，而是台灣民眾心中的台派大老。
台派大老的理想，不就是民代主席分派到的台詞嗎：「我要把恆春鎮放火燒掉(革命)，然後把所有年輕人叫回來重建恆春。」「要自己回來當老闆，不要當人家(中國人、國民黨)的伙計。」他發現民代主席權力不足，或許參選鎮長才有辦法真正服務鄉民。現實上，台灣人也曾經有相同思維，只是當台灣人當上了中華民國總統之後，又服務了多少台灣人？滿足了台灣人獨立自主的願望了嗎？民代主席拼了老命，才成就了讓在地青年於演唱會熱身表演的機會；台灣人在自己的土地，必須突破層層封鎖與制約，才有一時發聲的機會。這難道不夠呈現現實嗎？
導演對台灣有很深刻的認識，他急於將知道的一切告訴觀眾。〈海角七號〉的缺點不是特效失敗，而是導演大心肝的包山包海。魏導或許擔心沒有下一部片子之餘，索性將他對台灣的所有深情塞入兩個小時的影片之中！他對自己心中對台灣的負責態度，讓我激賞卻也使我擔心，他的未來是否會遭受目前仍然緊緊掌控台灣藝術資源的中國一族迫害？但如果他無法繼續堅持，魏德聖就不是魏德聖了。
很期望年輕一代因著台灣文化的覺醒，展開一場文化革命的風潮！
60外冬前ê愛情故事, 表現--ê是1 ê歷史事件: 純情ê台灣kap nńg-chiáⁿ m̄敢承擔ê日本無奈來分手. 日本tī戰後m̄是「pàng-sak台灣」, 是被迫「放棄台灣」(舊金山合約). 分手了後, 對hông「放棄」ê hit-pêng(台灣)來講, hit 7張hō͘人感動ê情phoe, 其實lóng是lò-lò長koh無lō͘-ēng ê廢話. 講--起-來iáu是1齣商業電影, 情phoe是bē-tàng欠缺ê劇情.
O͘-tó͘-bái工人水雞kap頭家娘中ng有ná無ê愛情, 實在hō͘受tio̍h道德制約ê一般人看kah ē chheⁿ-chhoah. M̄-koh水雞i比喻kah chiâⁿ chán, siáng講1 ê母--ê kan-taⁿ ē-sái配1隻公--ê! 台灣祖先平埔族本底tō是母系社會, 為tio̍h生thòaⁿ優質ê後代, 1 ê cha-bó͘配chē ê cha-po͘ siōng ha̍h自然! Kan-taⁿ是chit-ê道理soah交hō͘ 1 ê cha-po͘人講kah理路直, 有khah iàn氣.
情phoe ê對象hit家伙á 3 ê cha-bó͘人, 其實tú-tú代表台灣ê 3 ê世代: 承受日本背信ê a婆, kui世人tī暗sàm ê庄kha舊厝度--過; 第3代為tio̍h愛情, kap日本人生1 ê gín-á了後, 靠基層勞動過日, m̄-koh soah磨bē掉(m̄願磨掉? bē-giàn磨掉?) kiūⁿ骨ê khut勢; 第4代(未來台灣)有天份koh堅持自我價值, 對身軀邊ê人hām tāi-chì看lóng bē chiūⁿ目, 一直到ka-tī真心認同了後, 才願意tòe眾人ê tempo行. Ah若消失ê第2代(228), chit齣戲內底m̄-bat講--tio̍h, hit 1代徹底tī影片--nih消失, 代表台灣ê 228文化斷層.
Chit款疼到心肝底ê苦thàng, 影片內底用chiok簡單ê 1句話來表示, 第3代講:「對i (第1代)做過真無好ê tāi-chì.」Góa認為「真無好ê tāi-chì」講--ê是真chē人經驗--過-ê ── tī厝內mā beh講北京話,「真無好ê tāi-chì」tō是台灣人ê文化背叛. 因為文化無接--起-來, 第1代kap第3代中ng ê價值衝突無法tō͘避免! 第3代其實看第1代無目地, soah mā繼承第1代愛tio̍h日本人ê運命, 增差tī第3代比第1代khah堅強teh承擔後果, i無選擇偷偷á流目屎, 顛倒kā io飼gín-á ê責任taⁿ--起-來.
鄉代表會主席是siōng政治性ê角色, hō͘ chiok chē人chiâⁿ kah意. Chit-ê角色ná像kap lán ê生活經驗完全矛盾, mā聽tio̍h朋友teh講, 現實生活根本無可能出現chit款代表會主席. Góa ê看法是, 代表會主席chit-ê角色做kah真tú好, 現實生活內底mā確實存在, m̄-koh m̄是中華民國體制內底ê民意代表, 是teh poaⁿ台灣民眾心目中ê台派大老.
台派大老ê理想, tú-tú tō是ùi代表會主席chhùi--nih講--出-來hiah-ê話:「Góa beh kā kui恆春鎮放火燒掉(革命), chiah koh kā所有ê少年人叫tńg來重建恆春.」「Beh ka-tī tńg來做頭家, bòai做人(中國人, 國民黨) ê薪勞.」I發現代表會主席ê權力無夠大, hōan-sè參選鎮長chiah有法tō͘真正服務鄉民. 實際上, 台灣人mā kāng款bat án-ne想--過, m̄-koh做中華民國總統了後, 到底服務jōa chē台灣人? Kám有滿足台灣人獨立自主ê ǹg望? 代表會主席piàⁿ老命爭取, chiah換tio̍h hō͘在地少年人ē-tàng tī演唱會開場表演ê機會; 台灣人tī ka-tī ê土地, tio̍h-ài突破1層koh 1層ê封鎖kap控制, chiah有chi̍t-sut-sut-á發聲ê機會. Che kám無夠符合現實?
導演對台灣有很深ê了解, i急beh kā ka-tī知影ê一切講hō͘觀眾知.〈海角七號〉ê缺點m̄是特效失敗, 是導演大心肝想beh包山包海. 魏導演hōan-sè是煩惱無機會thang phah後1齣影片, chiah kā i對台灣所有ê深情lóng that入去chit 2點鐘ê影片內底! I對ka-tī心內對台灣ê負責態度, hō͘ góa koh欣賞koh煩惱, 台灣ê藝術資源iáu la̍k tī China人手頭, i ê未來kám ē受tio̍h hiah-ê人壓制? M̄-koh i若無法tō͘繼續堅持, 魏德聖tō m̄是魏德聖--a.
真ǹg望少年輩ē因為對台灣文化ê覺醒, 開展出1場文化革命ê風潮!
留言列表
