反體制運動
整個台灣反體制運動的發展過程，每次遇到挫敗時，政治界、學術界、運動界和媒體界那些台派頭人，總是趕緊迴避掉核心的原則問題，不是以是非來決定立場，而是先選定立場再來訂是非的標準，然後以空泛的「團結」口號，來把群眾引導到他們設定的方向。
80年代末至90年代初，台灣社會反國民黨運動的力量，使得民進黨體制內不斷拓展。接著，先是李登輝情結的發酵，以及將民進黨每次選舉都視為與國民黨的決戰，反體制運動因而被牽龜入甕，深陷入體制運作的思考。
許信良、施明德擔任民進黨主席時期，訴求「轉型」和「執政」，一再地向現實的中華民國體制妥協，運動界開始對民進黨不滿，但未進一步藉此來總結運動路線，檢討整體運動走向與民進黨的關係。當陳水扁鬥贏許信良，取得2000年總統參選權後，因為台派頭人的背書，人民運動的力量，再度被民進黨吸納回去。
再接下來，運動頭人正式以「體制內」「體制外」分進合擊的口號，來解釋他們和民進黨的關係。反體制的台獨運動原本是要反抗國民黨統治的不公不義，要瓦解中華民國體制殖民和資本主義性質的壓迫，卻變成只是要更換中華民國這塊招牌。制憲、正名、國家正常化，到保衛本土政權、台灣主體、轉型正義，這些訴求的脈絡，都是承認中華民國體制存在的現狀，要將這個體制「轉型」為台灣而已！
若依照所謂體制內和體制外的提法，主體是體制內還是體制外？領導權在體制內還是體制外？是體制內取資源來壯大體制外，還是體制外一直死挺體制內？是要反壓迫，要出頭天，還是在維護體制內的勢力？是要突顯體制的矛盾與不義，或是全心要贏得選舉？況且，所謂體制外運動的目標，是期待體制內的中華民國總統宣佈台灣獨立。這樣看來，哪有什麼體制外路線？哪是什麼分進合擊？所謂體制外終究是為體制內服務的！
延續這種主張下來，就是所謂的「法理台獨」：台灣事實已經獨立，須正式宣佈獨立，以完成法理上的獨立。台灣何時事實獨立了？中華民國體制難道不存在嗎？那麼，目前統治台灣社會的是什麼？為什麼我們繼續在反抗中華民國體制的壓迫？為什麼我們繼續在對抗中華民國體制的既得利益者？這是在承認中華民國體制的合法性，是在爭取中華民國體制的在地化，不是要拆除，反倒是在保留中華民國體制的統治結構及社會關係！
台灣社會生存的困境，不在沒有國際承認，也不在中國的虎視眈眈；運動是要反抗台灣社會實際面對的體制性壓迫，是要瓦解中華民國體制的統治結構，瓦解那個政治、經濟、文化上的統治體系，起造相對公平合理的新體制和新社會！
再來怎麼辦？
8月14日傍晚，卸任總統的陳水扁召開記者會，承認在海外有秘密帳戶。民進黨無法回應，以前一再替陳水扁背書的台派頭人見笑轉受氣，紛紛表態不屑陳水扁，過去依仗陳總統得權得勢的政客立即與陳水扁切割，支持者卻一時錯愕，不知道該如何面對這個事實。
只鬱卒兼賭爛了兩天，電視政論節目的名嘴們，隨即替眾人找到「出路」，翻轉了台派陣營的言論方向：法律還未證明陳水扁有罪；須待司法調查的結果再來論斷；這是國民黨追殺陳家；不要順了國民黨的意，痛罵陳水扁就是中了國民黨的計；海外密帳是建國基金…… 找了各種理由，坦白說，不是在維護陳水扁，而是在掩蓋自己的不安和見笑，承認陳水扁不對，承認民進黨不對，就是承認自己不對。
陳水扁這次事件，不是法律問題，而是政治問題；不是道德問題，而是原則問題；不是個人操守問題，而是路線問題；不是國民黨鬥爭陳家的問題，是體制的問題。
許多人心裡現在都有相同的疑問：我們再來要怎麼辦？
1960年代反抗獨裁政權的捷克作家曾說：「悲劇不是有人相信和接受了謊言，有的是出於害怕，有的人則是誠實地相信這樣做是在為正確的事業服務。悲劇在於……我們曾努力說服我們的讀者，要他們相信謊言是正確的，我們曾使整個一代人誤入歧途、產生混亂……對這一代，我們必須還給他們自信、信任和真理；但首先我們必須在自己的心中找到這些東西。」
不必煩惱我們將一路敗退，將被國民黨聯合中國吞食掉；不必急著憂慮如何運用、結合民進黨；不必浪費心神擔憂台派不團結。不必以現實的困難或技術層次的借口，來否定原本的目標，逃避思想辯證與自我批判。腳步沒有站穩，能夠走去哪裡？
賭爛、不滿國民黨惡質又如何？得先把問題看透：若沒有讓國民黨在台灣消失，台灣社會能有什麼根本性的改變？繼續瘋選舉，繼續相信體制內的權威，繼續遵循體制的規則，卻又期盼國民黨在台灣消失，那是自欺欺人！
有人說，依當前的局勢，台派應趕緊團結起來，不要互相批判，抵銷我們的力量；也有人認為，不要再虛耗於藍綠或統獨惡鬥，趕快在社會面發揮具體的作用。照這樣的話，要立足於什麼樣的基礎來開展我們的工作？
要重頭來過，最要緊也最無法閃躲的是，20年來，我們到底在追求什麼？我們到底面對什麼困境？到底在對抗什麼？我們到底想改變什麼？到底要起造什麼樣的新國家、新社會、新體制？我們到底該結合被壓迫階級來反抗體制性壓迫，或是由上而下來改變權力者和優勢階層？到底是中華民國「台灣化」，還是台灣在「中華民國化」？
若沒有將自發性的賭爛、不滿，提升到自覺性地反省與批判，就跳不出政黨輪替及改革體制(改良主義、機會主義路線)的思考，也跳不出統治霸權的掌控。
須先總結過去20年的失敗經驗，面對過去20年的自我矛盾和錯誤，透過運動的對話和批判，透過思想和路線的辯證，將思想武裝起來，重頭來組織新的社會力和政治力。不這樣做，如何能對抗體制整體性的壓迫，如此能瓦解當前的統治體制和社會結構，如何能起造公平合理的新體制及新社會？
最基本的第一步就是：我們的是非、我們的立場到底是什麼？壓迫者的是非、優勢者頭人的立場？或是被壓迫者的立場、反抗者的是非？若不願面對這個選擇，就趕快放棄反抗，選擇投降！
反體制運動
Kui-ê台灣反體制運動ê發展過程, piān-nā tú-tio̍h困境, 政治界, 學術界, 運動界kap媒體界hiah-ê台派頭人, 總--是趕緊kā核心ê原則問題閃--開, m̄是用是非來決定立場, soah顛倒頭先選擇立場, chiah來訂是非ê標準, chiah koh sa khang-lòng-lòng ê「團結」口號, 來kā群眾引chhōa到in設定ê方向.
80年代尾期到90年代初期, 台灣社會反國民黨運動ê力量, hō͘民進黨thang tī體制內jú來jú拓展. 續--落-來, 先是李登輝情結ê影響, koh來是kā民進黨ta̍k pái ê選舉看做是ián-tó國民黨ê決戰, 反體制運動choaⁿ-á hông牽龜入甕, lak入去體制運作ê思考.
Tī許信良kap施明德做民進黨主席ê時期, 訴求「轉型」kap「執政」, 直直ǹg現實ê中華民國體制妥協, 運動界開始對民進黨不滿, m̄-koh無koh進1步借chit-ê機會總結運動路線, 檢討整體運動走向kap民進黨ê關係. Tī陳水扁tak贏許信良, 搶tio̍h 2000年總統參選權了後, 因為台派頭人ê背書, 人民運動ê力量, tō koh hō͘民進黨收束--tńg-去.
Koh來, 運動頭人正式用「體制內」「體制外」分頭合作ê口號, 來解說in kap民進黨ê關係. 反體制ê台獨運動本底是beh反抗國民黨統治ê不公不義, beh瓦解中華民國體制殖民kap資本主義性質ê壓迫, soah變做是beh換中華民國chit-tè khanpang niâ. 制憲, 正名, 國家正常化, 到保衛本土政權, 台灣主體, 轉型正義, chiah-ê訴求ê前提, lóng是承認中華民國體制存在ê現狀, beh kā chit-ê體制「轉型」做台灣niâ!
若照所謂體制內kap體制外ê講法, 主體是體制內iah是體制外? 領導權tī體制內iah是體制外? 是體制內kōaⁿ資源來壯大體制外, iah是體制外一直死挺體制內? 是beh反壓迫, beh出頭天, iah是teh維護體制內ê勢力? 是beh突顯體制ê矛盾kap不義, iah是kui心肝想beh贏選舉? Koh再講, 所謂體制外運動ê目標, 是teh期待體制內ê中華民國總統宣佈台灣獨立. Án-ne來看, nah有siáⁿ-mih體制外路線? Nah是siáⁿ-mih分頭合作? 所謂ê體制外終其尾iáu是teh替體制內服務--ê!
延續chit款主張落--來, tō是所謂ê「法理台獨」: 台灣事實已經獨立, ài正式宣佈獨立, thang完成法理上ê獨立. 台灣kám有事實獨立? 中華民國體制kám是無存在--ê? 若án-ne, chit-má統治台灣社會--ê是siáⁿ? 若án-ne, 是án-chóaⁿ lán繼續teh反抗中華民國體制ê壓迫? 是án-chóaⁿ lán繼續teh對抗中華民國體制ê既得利益者? Che是teh承認中華民國體制ê合法性, 是teh爭取中華民國體制ê在地化, m̄是thiah破, 顛倒是teh保留中華民國體制ê統治結構kap社會關係!
台灣社會生存ê困境, m̄是無得tio̍h國際承認, mā m̄是有中國ê威脅; 運動是beh反抗台灣社會實際面對ê體制性壓迫, 是beh瓦解中華民國體制ê統治結構, 瓦解hit-ê政治, 經濟, 文化ê統治體系, 起造相對公平合理ê新體制kap新社會!
Koh來beh án-chóaⁿ?
8月14暗頭á, 落任總統ê陳水扁召開記者會, 承認tī海外有秘密口座. 民進黨無法tō͘回應, chìn前一直替陳水扁背書ê台派頭人kiàn-siàu tńg siūⁿ氣, 開始phìⁿ-siùⁿ陳水扁, 過去靠勢陳總統teh hiau-pai ê政客sûi kap陳水扁切割, 支持者chi̍t時間soah gāng--去, m̄知beh án-chóaⁿ面對chit-ê事實.
Chiah ut-chut兼tū-lān 2工niâ, 電視政論節目hiah-ê thi̍h-sian, sûi替眾人chhōe-tio̍h「出路」, kā台派陣營ê言論kui-ê se̍h--過: 法律iáu-bōe證明陳水扁有罪; lán ài等司法調查ê結果chiah來評斷; che是國民黨teh追殺陳--家; m̄-thang順tio̍h國民黨ê意, chit-chūn罵陳水扁tō是hō͘國民黨騙--去; 海外口座ê chîⁿ是建國基金...... Chhōe chiah-ê各種理由, 坦白講, m̄是teh am護陳水扁, 是teh am-khàm ka-tī ê不安kap kiàn-siàu, 承認陳水扁m̄-tio̍h, 承認民進黨m̄-tio̍h, tō是teh承認ka-tī m̄-tio̍h.
陳水扁chit-pái事件, m̄是法律問題, 是政治問題; m̄是道德問題, 是原則問題; m̄是個人操守ê問題, 是路線ê問題; m̄是國民黨鬥爭陳--家ê問題, 是體制ê問題.
Chiâⁿ chē人心肝底lóng teh問: lán koh來beh án-chóaⁿ?
1960年代反抗獨裁政權ê Česko作家bat án-ne講: 「悲劇m̄是有人相信kap接受pe̍h-chha̍t, 有--ê因為ē驚, 有--ê是正經相信án-ne做是tio̍h--ê. 悲劇是....... lán bat認真說服lán ê讀者, 叫in ài相信pe̍h-chha̍t是tio̍h--ê, lán bat害kui代人行m̄-tio̍h路, 自我混亂...... 對chit代人, lán tio̍h-ài還hō͘ in自信, 信任kap真理; m̄-koh siōng tāi先, lán tio̍h-ài tī ka-tī心肝底chhōe-tio̍h chiah-ê mi̍h-kiāⁿ.」
M̄免ke煩惱lán ē kui路敗--落, ē hō͘國民黨聯合China kā lán thiah-chia̍h落腹; m̄免先考慮beh án-chóaⁿ運用kap結合民進黨; m̄免了khùi力驚台派bē團結. Mài lia̍h現實ê困難iah是技術層次ê借口, 來否定本底ê目標, 閃避思想辯證kap自我批判. Kha步無先踏hō͘ chāi, ē-tàng行tùi toh位去?
Tū-lān不滿國民黨hian-nī o͘-ló͘-bo̍k-chê kám有khah-cho̍ah? Tio̍h先kā問題看hō͘透: 若無hō͘國民黨tī台灣消失, 台灣社會beh án-chóaⁿ有根本性ê改變? 繼續siáu選舉, 繼續相信體制內ê權威, 繼續照體制ê規則行, 繼續khut tī體制ê文化霸權--nih, koh siàu想beh hō͘國民黨tī台灣消失, he是teh ka-tī騙ka-tī!
有人講, tī chit-má chit-ê勢面, 台派ài緊團結khiā tàu-tīn, m̄-thang koh互相批判, 消磨lán ê力量; mā有人認為, mài koh lā藍綠iah是統獨鬥爭, ài緊tī社會面發揮具體ê作用. 若án-ne, 是beh踏tī siáⁿ款基礎來開始lán ê khang-khòe?
Beh重頭來--過, siōng要緊mā bē-tàng逃閃--ê是, 20冬來, lán到底teh追求siáⁿ? Lán到底面對siáⁿ-mih困境? 到底teh對抗siáⁿ? Lán到底beh改變siáⁿ? 到底beh起造siáⁿ款新國家, 新社會, 新體制? Lán到底是beh結合被壓迫階級來反抗體制性壓迫, iah是tio̍h團結來做權力者kap優勢階層ê bá-kuh? 到底是中華民國「台灣化」, iah是台灣teh「中華民國化」?
若無kā自發性ê tū-lān不滿, 提升做自覺性ê反省kap批判, tō跳脫bē出政黨輪替hām改革體制(改良主義, 機會主義路線) ê思考, mā跳脫bē出統治霸權ê控制.
Ài先總結過去20冬ê失敗經驗, 面對過去20冬ê自我矛盾kap錯誤, 透過運動ê對話kap批判, 透過思想kap路線ê辯證, kā思想武裝--起-來, 重頭來組織新ê社會力kap政治力. 若無án-ne, beh nah有châi-tiāu對抗體制整體性ê壓迫, beh nah有可能ián ē tó chit-má ê統治體制kap社會結構, beh nah有機會起造公平合理ê新體制kap新社會?
Siōng基本ê第1步tō是: lán ê是非, lán ê立場到底是siáⁿ? 壓迫者ê是非, 優勢者頭人ê立場? Iah是被壓迫者ê立場, 反抗者ê是非? 若m̄願面對chit-ê選擇, tō緊放棄反抗, 選擇投降!
留言列表
