自從大學畢業參與階級解放運動以來，我一直在思考為什麼台灣社會沒有階級意識？
原本我以為是因為除了藍領階級以外，廣大的受僱者都自認為是中產階級，最近這幾年在社會的最底層勞動，才發覺原因並不如此單純。台灣社會之所以沒有階級意識實其來有自：
一、勞動者的極度自卑：多數的底層勞動者都認為自己從事的行業「賺的錢最少、工作最辛苦、最會被人嫌」，他們窮盡一生沒有為自己爭取過勞動權益，即使是一句話也不曾說過。這種人只有到了公司關廠或被裁員，才會找立委或議員在電視上痛哭。韓國的清潔工一個月六萬六，台灣只有兩萬一，可是台灣的勞動者有沒有想過：那是多少韓國工人自焚、與鎮暴鬥爭，犧牲生命、流血流汗的結果。是呀！韓國的勞動者有錢、有尊嚴，可是那是他們奮鬥的成果，台灣呢？
二、習慣當抓耙仔：這點是無論男女都有的現象，為了博得資方的信任，每個人無不想盡辦法去揭同事的隱私，甚至出賣靈魂、無中生有。這當然跟國民黨六十幾年來的教育機制有關：當老師的總是在班上培養抓耙仔系統，讓同學間互相監視；最後這種習性也帶進社會，資方當然也樂得借力使力，職場的分化可想而知。
三、傲慢、自大、耍權威：這種現象男性比較常見。大概是受了軍隊文化的影響，老鳥欺負菜鳥似乎變成了一種慣例。無論該名勞動者在職場的地位如何，即使是最末端的勞動者，看到菜鳥進公司，就會頤指氣使地耍起權威起來，一副不可一世的樣子；好像他就是管理階級，這樣的心態勞工如何能團結起來？更遑論產生階級意識？
當然，這些問題不是無法解決，先鋒黨就是要積極扮演教育的角色。
所有革命都是由少數人發動的，就如同古巴建國剛開始也只有82人。然而只要這少數人有良好的特質，組織的發展與革命的進程也會隨之增進。
一個優秀的先鋒黨員至少要有以下三點特質：
一、思想：這裡的思想不是教成員整天捧著厚重的《資本論》去研讀，那是老學究的事情。這裡的思想指的是成員們必須理解我們要建構的社會主義國度是什麼狀態？為什麼社會主義國家比資本主義國家較有人性？為什麼社會主義國家可以保障人的出生、養護、教育、疾病和死亡？一旦國家保障上述的事務，個人還能貢獻出何種能力促進社會進步？
二、說服力：作為一個先鋒黨員，必須具備基本的唯物史觀及唯物辯證法。但是我們不是要絮絮不休地去強迫別人立即接受我們的論調。從教育心理學的角度來看，有時候「傾聽」比聒噪更為有效；只是在這傾聽的過程中，我們必須適時地切入我們的觀點，讓對方產生思考的空間。先鋒黨員要記住，說服永遠是一條漫長的路程。
三、勇氣：這裡的勇氣不是指推開拒馬，暴虎馮河的勇氣；也不是指站在指揮車上，等著被集遊法起訴的勇氣。而是開口對你隔壁同事進行組織的勇氣。我們知道有很多人在社運團體的場合總是侃侃而談，然而一旦回到工作崗位，就如同縮頭烏龜，什麼話也不敢講，什麼事也不敢做。搞革命就是要從自己的身邊做起，做得好不好是另外一回事，但什麼都不做，即使你是屬於街頭上的衝組，對這個體制還是沒有絲毫的影響。
這幾年來，我認為台灣人的奴性愈來愈深，老一輩的已經內化到內心深處了，而且漸漸延伸到年輕的一輩，對於下一代我則是不敢預測。不過我深信，只要我們的先鋒組織做得扎實、健全，我們遲早會脫離奴隸的命運的：世界所有的階級解放史都證明這是唯一的道路，台灣豈能例外？
Ùi大學出業參與階級解放運動到taⁿ, góa一直teh思考: 是án-chóaⁿ台灣社會無階級意識?
本底góa kioh是除去藍領階級, 大部份食頭路人lóng自認是中產階級, 最近chit kúi冬tī社會ê siōng低層勞動, chiah發現原因m̄是chiah單純. 台灣社會ē欠缺階級意識是有原因--ê:
1. 勞動者siuⁿ過頭自卑: 多數低層勞動者lóng認為ka-tī teh做--ê是「thàn ê錢siōng少, sit頭siōng辛苦, siōng ē hō͘人嫌」ê khang-khòe, in kui世人無替ka-tī爭取過勞動權益, 連1句話to m̄-bat講--過. Chit種人kan-taⁿ tú-tio̍h公司關廠iah是hông裁員ê時, chiah ē緊去chhōe立委iah是議員, tī媒體頭前啼啼哭哭. 韓國ê清潔工1月日6萬6, 台灣kan-taⁿ有2萬1, m̄-koh台灣ê勞動者kám bat想--過: he是jōa chē韓國工人自焚, kap鎮暴鬥爭, 犧牲性命, 流血流汗ê結果. 無m̄-tio̍h! 韓國ê勞動者有錢, 有尊嚴, m̄-koh he是in奮鬥ê成果, 台灣--leh?
2. 慣勢做jiàu-pê-á: che是無論cha-po͘ cha-bó͘ lóng有ê現象, 為tio̍h beh得tio̍h頭家信任, ta̍k ê人lóng想辦法beh去iah同事ê隱私, 甚至出賣靈魂, 烏白生話. Che當然kap國民黨60 kúi冬來ê教育機制有關係: 做老師--ê總--是ē tī in班--nih培養jiàu-pê-á系統, hō͘同學互相監視; lō͘尾chit種歹性癖mā chah入去社會, 資方當然tō順勢借力, khang-khòe場ê分化免想mā知.
3. 傲慢, 自大, kek權威: chit種現象cha-po͘ khah chē. 大概是受tio̍h軍隊文化ê影響, 老鳥欺負菜鳥bē-su pìⁿ做1種慣例. 無論hit ê勞動者tī khang-khòe場是siáⁿ地位, 準是siōng低級ê勞動者, 看tio̍h菜鳥入來公司, tō ē對菜鳥kek權威khùi, ná ka-tī jōa gâu tú jōa gâu; bē-su i tō是管理階級, 有chit款ê心態, 勞工beh án-chóaⁿ團結--起-來? Koh-khah免講beh產生階級意識.
當然, chiah-ê問題m̄是無法度解決, 先鋒黨tō是beh積極扮演教育ê角色.
所有ê革命lóng是少數人發動--ê, tō ná像Cuba建國chhím頭mā kan-taⁿ有82 ê人. M̄-koh chiah-ê少數人若有真好ê特質, tōē加速組織ê發展kap革命ê進展.
1 ê優秀ê先鋒黨員siōng無ài有ē-kha 3項特質:
1. 思想: chia講ê思想m̄是教成員kui工kā《資本論》mo͘h-tiâu-tiâu, 讀死冊ê人chiah ē án-ne. Chia講ê思想是成員tio̍h-ài理解lán beh起造ê社會主義國家是siáⁿ-mih狀態? 是án-chóaⁿ社會主義國家比資本主義國家khah有人性? 是án-chóaⁿ社會主義國家ē-tàng保障人ùi出世, chhiâⁿ養, 教育, 破病到死亡? 國家若ē-tàng保障chiah-ê tāi-chì, 個人koh ē-tàng貢獻siáⁿ款能力來促進社會進步?
2. 說服力: chiâⁿ做1 ê先鋒黨員, tio̍h-ài知影基本ê唯物史觀kap唯物辯證法. M̄-koh lán m̄是beh lo-lo-so-so強迫別人ài隨接受lán ê觀點. Ùi教育心理學ê角度來看, 有時á「聽」比講koh-khah有效; tī聽人講ê過程, lán tio̍h-ài把握時機切入lán ê觀點, hō͘對方產生思考ê空間. 先鋒黨員ài ē記--得, 說服永遠m̄是chi̍t-ē做tō隨看ē tio̍h效果ê khang-khòe.
3. 勇氣: chia講ê勇氣m̄是拆鐵絲網á, phah鎮暴警察hit款勇氣; mā m̄是khiā tiàm指揮車頂kôan, 等leh hông用集會遊行法起訴ê勇氣. Chia講ê勇氣, 是開嘴對lí隔壁同事做組織ê勇氣. Lán知影chiâⁿ chē人tī社運團體ê場總--是講kah嘴角全波, m̄-koh若tńg去到ka-tī ê khang-khòe場, 隨tō kiu--起-來, siáⁿ-mih話to m̄敢講, siáⁿ-mih tāi-chì to m̄敢做. Bú革命tō是ài ùi ka-tī身軀邊開始做, 做kah好iah bái先mài講, m̄-koh若siáⁿ to m̄做, tō準lí是街頭hit款衝組--ê, 對chit ê體制iáu是無任何影響.
Chit kúi冬來, góa認為台灣人ê奴隸性格愈tiâu愈深, 老1輩--ê已經內化到心肝底--a, chit款歹性癖mā已經tò͘去到少年輩, 對後1代góa m̄敢預測. M̄-koh góa深深相信, lán先鋒組織ê khang-khòe若做kah有夠實在, 有夠健全, lán早慢有才調脫離奴隸ê命運: 世界所有ê階級解放史lóng證明che是唯一ê路, 台灣kám ē-sái例外?
留言列表
