民進黨這個管家替人顧了8年的房子後，2008年把「中華民國」交還給頭家國民黨。
國民黨回來持家後，現在大家要生存下去卻愈來愈困難，國民黨就一直往中國靠攏，想用這招來把直直往下掉的經濟統計數字拉上來，頭家的位子才能坐得穩。
若一直通，撈到好處的是什麼人？被犧牲幾10年的農民，會因為農產品互相開放，就有好日子過了嗎？勞動者會因為和中國簽下經貿協定，就更有工作做嗎？上班族會因為有中國這個大市場，職位就保得住嗎？原住民會因為多了這塊大餅，就找得到回家的路，不再被頭家四處趕來趕去嗎？
照這個趨勢來看，大部份人好像反而是愈來愈鬱卒，愈來愈難過。
有的人不願怪罪民進黨無能，卻賭爛國民黨吃我們太過，不顧我們的死活。可是，就算股票指數、房地產和消費量的數字能夠一直爬升，真正嚐得到甜頭是哪些人呢？
有的人不否認民進黨過去8年很腐敗，總而他們總是咬牙切齒地強調國民黨吞得更多。可是，整個心裡期盼著管家和頭家「輪流執政」、「換人做做看」，我們這些被強迫做長工、做奴隸的真的就有機會翻身嗎？
有的人無法再忍受國民黨亂搞，希望民進黨改革，好把「持家」的位子從頭家那裡再搶回來。可是，就算被他們搶得回來，管家難道會和長工、奴隸站同一邊嗎？
有人說台灣人就像牛，努力做能吃苦。
台灣人真的就像牛：牛知死，不知要跑，不但不知道要生氣，更不敢想要翻臉和他們拚！
民進黨chit ê管家替人顧8冬厝了後, 2008年kā「中華民國」交還hō͘頭家國民黨.
國民黨tńg來hōaⁿ家了後, taⁿ ta̍k-ê beh活--落-去ê勢面soah jú來jú bái, 國民黨choaⁿ-á直直beh chhu tùi中國去, 想beh用chit步來kā經濟ê統計數字giú hō͘ khah好看--leh, 頭家ê位chiah坐ē久長.
若一直通--去, 好--tio̍h-ê是siáⁿ-mih人? Hông犧牲kúi 10冬ê農民, kám ē因為農產品互相開放, tō來khah好過日? 做工á人kám ē因為經濟貿易協定kap中國簽--落, tō khah有sit頭thang做? Chia̍h頭路人kám ē因為有中國chit ê大市場, khang-khòe tō ē khah在穩? 原住民kám ē因為ke chit tè大餅thang pun, tō chhōe ē tio̍h tńg去部落ê路, bē koh hō͘頭家sì-kè hiàm來hiàm去?
照chit-má ê勢面kā看, 大部份人ká-ná顛倒péng, jú來jú ut-chut, jú來jú艱苦.
有ê人m̄願怪罪民進黨無能, soah tū-lān國民黨chia̍h lán到到, 無beh顧lán ê死活. M̄-koh準股票指數, 房地產kap消費量ê數字ē直直chhèng-kôan, 正經chhńg ē tio̍h--ê是siáⁿ-mih人?
有ê人無否認民進黨過去8冬真腐敗, 不jī過in總--是咬牙切齒強調講國民黨chia̍h koh-khah chē. M̄-koh, kan-taⁿ kui工siàu想管家kap頭家「輪流hōaⁿ家」,「換人做看māi」, lán chiah-ê hông押leh做長工, 做奴隸--ê, kám tō正經有châi-tiāu péng身?
有ê人bē擋leh國民黨烏白bú, ǹg望民進黨改革, thang kā「hōaⁿ家」hit位ùi頭家hia koh搶--tńg-來. M̄-koh, 準hō͘ in搶ē tńg--來, 管家kám ē kap長工奴隸khiā kāng pêng?
有人講台灣人ná像牛, kut-la̍t做, ē chia̍h苦.
台灣人有影ná像牛: 牛知死, m̄知走, m̄-nā m̄知thang siūⁿ-khì, koh-khah m̄敢想講beh phùi面kap in piàⁿ!
留言列表
