昨晚遇上一件事情，既然遇上就「必有緣故」，是甚麼緣故呢？除了物理上的原因之外，或許是為了留下這個紀錄。
昨晚，騎著バイク出門，回程時遇到紅燈，在70多秒的強迫發呆之後，綠色燈號終於亮起。像每一次一樣，我必須加足油門才趕得上下個路口的左轉燈號，在轉過那個彎道之後，就是約800公尺一路無號誌而且車輛稀少的「無障礙空間」，我一向很喜歡享受走在那段路上的輕鬆自在。
然而昨晚，第二次加足油門後，油門突然失控，後頭的バイク群一部部的超越離去，我趕緊打右轉燈，慢慢將バイク往右側滑行，大腦邊盤算著距離最近的機車行的位置應該在200多公尺外。但非常意外地，滑行的バイク竟然在一家我從未注意到的機車行門前靜止下來。從未注意是因為這家機車行與一般機車行不太一樣，老舊的燈管使店內不夠明亮，店內門口沒有停半部バイク，看了一下招牌然後問了老闆，這才敢確認我的好運氣。
老闆看了一下狀況，診斷是油線斷裂，他可以修理，要我給他30分鐘時間及600元新台幣。然後他開始拆解バイク。當他將我的好友拆到剩下骨頭及一堆螺絲時，我確實感受這600元真的不太好賺。老闆的手忙著拆解，嘴巴則忙著跟我聊天，我佩服他對機械的了解，他笑笑地說機車比電腦容易多了，然後抱怨他的小孩沉迷電腦遊戲，我說在我們那個沒有電腦的時代，童年時的遊戲比現在的小孩豐富且多樣。然後他高興地數著跳房子遊戲、橡皮筋跳高、偷挖番薯、偷摘水果、偷偷玩水……，放學後幫媽媽做家庭代工、撿鐵釘鐵罐換餅乾吃……，這跟我的童年太相似了，我好奇地請教他的出身地，才知他是台南永康人。
這真是太不可思議了，原來台北跟台南的小孩童年印象竟是一模一樣，看來這是我們這個年代的台灣小孩共同擁有的童年記憶；原來，我們都是一起這樣長大的。然後又聊到愛盲鉛筆、防癆郵票、捐錢造飛機……，老闆或許隱約感覺到，我們這個年代也是從小就被國民黨壓榨長大的。
30多分鐘後，我跟老闆有了共同結論：讓台灣一切重頭來過，讓我們的下一代有個免受壓榨的自由生活空間；讓台灣一切重新來過，對所有台灣人來說，才有一個公平的競爭機會。
很多人認為今日的台灣社會沒有革命的條件。除了為自己尋找藉口以掩飾自身無能的人之外，我認為抱持這種觀點的人，應該多花一點時間，聆聽台灣民眾真正的心聲。
Cha-hng暗tú-tio̍h 1件tāi-chì, 若ē tú--tio̍h tō「必有緣故」, 是siáⁿ-mih緣故--leh? 除去物理上ê原因, hōan-sè是為tio̍h beh hō͘ góa留1 ê記錄.
Cha-hng暗騎bái-kuh出門, tńg--來ê時tú-tio̍h青紅燈, hō͘紅燈強迫等70外秒了後, 青燈總算to̍h--a. Kap éng-kòe kāng款, góa tio̍h-ài油門催tah底chiah趕ē赴過後1 ê路口倒oat ê青燈, oat過hia了後, tō差不多有800米kui路無青紅燈, 車mā ke真chió ê「無障礙空間」, góa真kah意享受hit段路輕鬆自在ê心情.
M̄-koh cha-hng暗, 第2 pái催油門了後bái-kuh soah hoa--去, 後piah ê bái-kuh 1台1台走hn̄g去, góa緊phah正oat ê方向燈, ta̍uh-ta̍uh-á kā bái-kuh chhu tùi路邊去, 頭殼內ná想離siōng近ê o͘-tó͘-bái店應該tī 200外米外. M̄-koh真意外, chhu進前ê bái-kuh, soah tī 1間góa m̄-bat注意--tio̍h ê o͘-tó͘-bái店頭前停--落-來. M̄-bat注意是因為chit間o͘-tó͘-bái店kap一般無siáⁿ kâng, 店頭ê電火舊舊暗暗無kài顯目, 門chhùi無停半台bái-kuh, kā khanpang看--1-ē, koh kā頭家問--1-聲了後, chiah敢確認ka-tī真好運.
頭家kā góa ê bái-kuh巡--1-ē, 判斷是油線斷--去, 修理ài khai半點鐘ê時間kap 600 kho͘新台票. 講soah, i tō開始thiah bái-kuh. I kā góa ê bái-kuh thiah kah chhun骨頭kap 1堆螺絲ê時, góa感受tio̍h che 600 kho͘正港pháiⁿ thàn. 頭家ê手無閒teh thiah, 嘴mā無閒teh kap góa開講, góa真佩服i對機械ê了解, i笑笑講o͘-tó͘-bái比電腦簡單chē--lah, koh直直唸講i ê gín-á siuⁿ過siáu sńg電腦, góa kā應講tī lán hit ê無電腦ê gín-á時代, ē-tàng sńg ê齣頭比chit-má ê gín-á ke太chē--leh. 頭家tō真歡喜應講, 有跳格á, 跳橡奶soh-á, 偷挖番薯, 偷bán果子, 偷sńg水......, 放學了後kā老母tàu做家庭代工, khioh鐵釘á鐵罐á去換餅來chia̍h......, che kap góa gín-á時kāng款á kāng款, góa tō真hò͘ⁿ-hiân kā i請教, chiah知影i是台南永康ê人.
實在hō͘ góa chiâⁿ意外, 原來台北kap台南ê人gín-á時代ê生活是hiah-nī-á kāng款, 看--來che是góan chit代台灣gín-á共同ê記tì; 原來, góan lóng是kāng款án-ne大hàn--ê. Lō͘尾koh káng-tio̍h『愛盲鉛筆』,『防癆郵票』,『捐錢造飛機』......, 頭家hōan-sè mā lio̍h-á感受tio̍h góan chit代mā是自細hàn tō hō͘國民黨壓迫剝削大hàn--ê.
半點鐘後, góa kap頭家有共同ê結論: ài hō͘台灣一切lóng ùi頭重來--過, hō͘ lán後1代ê sī細thang有免受壓迫剝削, thang自由生活ê空間; hō͘台灣一切lóng ùi頭重來--過, 對所有ê台灣人來講, chiah有公平ê競爭機會.
真chē人認為今á日ê台灣社會無革命ê條件. 講chit款話除去是teh替ka-tī chhōe藉口, 來am-khàm ka-tī ê無能以外, góa認為有chit款觀點ê人, 應該ài ke khai chi̍t-kóa時間, 去聽看台灣民眾真正ê心聲.
留言列表
