Tek-hôa, Noya, Thài-thèu:

 

Lín ê bûn-chiuⁿ góa khòaⁿ-liáu chin hoaⁿ-hí, siá-liáu chin-hó. Góa tī tiong-ha̍k kà-chheh 6 tang ê siōng-tòa kám-sióng chiū-sī„:

 

Sin-ûi 1 ê "ROC" ê ki-chân kàu-su, tōa-to-sò͘ ê sî-kan sī teh chòe "put-tòng, chhò-gō͘ ê kàu-io̍k chèng-chhek ê『幫兇, 劊子手』"; sin-ûi 1 ê Tâi-ôan ê ki-chân lāu-su sî-siông ài "sim-koaⁿ lia̍h thán-hôaiⁿ, chhài-pō͘ ka khah kiâm", nā-bô, tiō ē sî-siông khòaⁿ-tio̍h ka-kī ê "pi-phí" kap "nńg-chiáⁿ".

 

M̄-kuh hō͘ góa kēng-ka kòa-ì ê sī: "ROC" ê lāu-su, in tōa-to-sò͘ lóng sóan-tek kè-sio̍k chòe chit-ê "ló-chhó put-liông ê kàu-io̍k chèng-chhek ê pōe-su-chiá kap chi̍p-hêng-chiá", it-ti̍t kàu in sí ûi-chí, in-ūi "ROC" ê chèng-hú kòe-khì it-ti̍t lóng hō͘ in『分贓』『分紅』. Che sī in Tiong-kok-lâng it-ti̍t ê『優良文化』.

 

Góa ê ǹg-bāng:

 

1. Tâi-ôan chheng-liân ài phah-piàⁿ kong-chiàm "Tâi-ôan ê kàu-io̍k hē-thóng", kái-kiù lán Tâi-ôan kiáⁿ-sun ê sim-lêng kap sìⁿ-miā.

 

2. Kàu-su khai-sí sán-seng piàn-hòa sī hó-sū. M̄-kuh nā-sī ūi-tiõh "khó͘-liân ê Tâi-ôan ha̍k-seng" lâi kiâⁿ koe-thâu, án-ne chiah sī "Tâi-ôan lāu-su liông-sim kap chun-giâm tōa-thôan-kiat" ê bí-lē sî-khek.

 

~~ Teng Hōng-tin 2002.9.27 tī Tâi-tiong

 

──TGB通訊》37(2002/10)


arrow
arrow
    全站熱搜

    台灣組合 發表在 痞客邦 留言(0) 人氣()