選一個週末, 我們大大小小一群共13個人, 往新竹山上出發. 很久沒有一大群朋友一起出去玩了, 以前我們TGB這群幼齒的常常有這種機會, 不過現在少有這種機會了.
要去新竹山上, 當然要來去拜訪我們的番親Lyiking Yuma, 她經營的民都有部落教室, 在2004年夏天被颱風和土石流沖毀, 接下來的日子都在忙重建工作, 這次是他們重建好了以後我們第一次去.
這次去, 同樣是Walis先招呼我們四處參觀, 介紹他們設計的想法與重建的過程, 接著邊喝咖啡邊聊天, 一段時間過去, 應該是Lyiking出現的時間了, 卻一直沒看到她, 整個下午都是Walis和我們聊. 到了快離開的時候, 才看見Lyiking從房間裡走出來, 聽她講才知道她生病了, 現在不太敢和人說話.
從清泉部落到民都有的路上, 有看到很像組合屋的木屋即將完工, Walis說那些房子沒打地基, 只是整好地, 就這樣蓋起來了. 我們是聽得直打寒顫, 房子後面那片山壁, 那次被颱風整個鏟平, 變成一條光凸凸的土石流溝, 木屋承受得起再一次的颱風或大雨嗎? 公益團體蓋的房子為何這麼草率?
接著, Walis談到他們自己重建過程的點點滴滴. 我還記得2004年中新竹山上被颱風掃得七零八落時, 我們和Lyiking聯絡, 談到要找朋友籌些錢幫忙, Lyiking馬上拒絕, 她認為台灣那麼多的危機, 要靠政府解決, 不能再向朋友伸手, 靠民間的力量再怎麼救也救不贏政府政策錯誤與官商勾結造成的破壞. 後來他們重建的材料費申請到政府補助, Lyiking和Walis夫妻倆帶領雕刻班學員, 從畫設計圖, 買材料, 鋸木頭, 釘木板, 大家邊做邊學, 把民都有雕刻班又重建起來.
Walis說他們買的木頭有粗有細, 木板size也不同(如果買工廠處理好同規格的要花比較多錢), 光是動腦筋想如何組織這些大小不一的材料就很頭疼, 常常蓋到一半, 就遇到2塊木頭怎麼樣就是組合不起來的情形, 想不出辦法來就先丟在一旁, 換做別的工作, 等到那項做完了再回頭來做這項, 卻往往就這樣又組合起來了, 所以Walis跟我們說, 他們重建的過程, 好像有祖靈在庇佑.
民都有雕刻班是他們2001年開始申請勞委會ê「永續就業」成立的, 在這之前, 是Lyiking從1998年回部落後經營的部落教室(泰雅部落文化學園). Lyiking想從文化產業的方向尋找部落的出路, 申請勞委會的永續就業剛好可以解決部落目前普遍又迫切的失業問題. Walis談到Lyiking剛回部落時, 被妖魔化, 講得很難聽, 但是Lyiking不會這麼簡單就放棄, 先全台灣的原住民部落跑一遍, 接著做部落老人的口述歷史, 再籌錢買地蓋部落教室, 一點一滴慢慢地累積才有今日的成果.
但是原住民部落長期面臨政治, 經濟, 文化, 教育弱勢, 使得原住民部落遇到的問題一層蓋過一層, 不是一天一夜就解決的了的, 回來部落面對的現實問題, 也讓他們的理想一直做調整. 永續就業的申請案, 一方面要克服繁雜的行政程序, 一方面要注意學員的狀況, 特別是重建過程, 有申請案上頭的行政壓力, 又有原住民的惰性要煩惱, 他們夾在中間, 壓力愈來愈大. 他們考慮不再申請永續就業, 何況也不能一輩子靠這個, 開始建立自己經濟獨立自主的方式及來源. 現在他們那裡開始要對外開放了, 先讓人進去參觀, 喝咖啡, 未來經濟自主要往哪個方向走他們還再考慮中.
大家如果有時間, 可以去Lyiking那走一走, 如果有什麼想法也可以提供給他們參考, 無論認識或不認識的朋友, 去他們的網站參觀一下, 留話鼓勵一下也很好. 我們每個人在不同地方打拚, 累積台灣人重生的基礎, 有一天, 我們總會看到辛苦耕耘開花結果.
◎民都有雕刻班http://035856505.emmm.tw/
Kéng 1 ê拜6禮拜, góan大大細細1 tīn 13 ê人, ǹg新竹山頂出發. Chiok久無kui大tīn朋友chò-hóe出去chhit-thô--a, khah早góan TGB chit tīn幼齒--ê chhiâng-chāi有chit lō機會, m̄-koh chit-má罕leh有chit種chhiàng-suh--a.
Beh去新竹山頂, 當然ài來去拜訪lán ê番親Lyiking Yuma, i teh hōaⁿ ê Mindoyo部落教室, tī 2004 ê jo̍ah--人hō͘風颱hām塗chhoah流chhiâng phàiⁿ--去, koh來ê日子lóng teh bú重建ê sit頭, chit chōa是in重建好勢了後góan頭1 kái去.
Chit chōa去, 猶原是Walis先招呼góan sì-kè參觀, 紹介in設計ê想法kap重建ê過程, koh來lim ka-pi bóng phò-tāu, 講chi̍t-khùn-á過, 應當是Lyiking出現ê時間--a, soah一直無看tio̍h i, kui e-po͘ lóng Walis teh kap góan開講. 到kah góan beh走--a, chiah看tio̍h Lyiking ùi房間行--出-來, 聽i講chiah知iáⁿ i破病, chit-má無siáⁿ敢kap人講話.
Ùi清泉部落beh來in chia ê路--nih, 有看tio̍h ná組合屋ê枋á厝tng起beh好, Walis講hiah-ê厝無phah地基, kan-taⁿ是塗kha lu hō͘ pêⁿ, 柴枋tō án-ne chhāi--起-lih. Góan是ná聽ná chhoah leh等, 厝後hit片山壁, hit piàn風颱kui ê siah pêⁿ--去, pìⁿ做1條塗chhoah流溝, 枋á厝kám ē堪得koh來ê風颱iah大雨? 公益團體起ê厝nah ē chiah ló-chhó?
接續--落-去, Walis講tio̍h in ka-tī重建過程ê ta̍p-ta̍p滴滴. Góa iáu ē記2004年中新竹山頂hō͘風颱掃kah li-li-lak-lak ê時, góan kap Lyiking聯絡, 講tio̍h beh招朋友khêng kóa chîⁿ tàu-saⁿ-kāng, Lyiking sûi tō講免, i認為台灣chē-chē ê危機, ài靠政府解決, bē-tàng koh kā朋友chhun手, 靠民間ê力koh án-chóaⁿ救mā救bē贏政府政策錯誤kap官商勾結造chiâⁿ ê破壞. Lō͘尾in重建ê材料費申請tio̍h政府補助, Lyiking kap Walis in ang-á-bó͘ chhōa in雕刻班ê學員, ùi畫設計圖, 買材料, 鋸柴kho͘, 釘枋á, ta̍k-ê ná做ná學, kā Mindoyo雕刻班koh重建--起-來.
Walis講in買ê柴kho͘ 大支細支lóng有, 枋á ê size mā無kâng (若是買工場處理好ê kāng規格--ê ài khah chē chîⁿ), kan-taⁿ想beh án-chóaⁿ組織chiah-ê無kāng大細ê柴tō不止á hō͘人頭殼疼, chhiâng-chāi起到1半, tō tn̄g tio̍h 2 tè柴枋siān tàu to tàu bē起--來ê情形, 想kah無步--a tō先tàn--leh, 換做別ê sit頭, thèng候hit項做了chiah koh tńg來做chit項, soah tiāⁿ-tiāⁿ án-ne tō koh ē tàu--chit-a, m̄-chiah Walis kā góan講, in重建ê過程, ká-ná有祖靈teh保庇.
Mindoyo雕刻班是in 2001年開始申請勞委會ê『永續就業』成立--ê, tī chia chìn前, 是Lyiking ùi 1998年tńg部落了後經營ê部落教室(泰雅部落文化學園). Lyiking想beh ùi文化產業ê方向chhōe部落ê出路, 申請勞委會ê『永續就業』tú好ē-tàng解決部落目前普遍koh急ài處理ê失業問題. Walis講tio̍h Lyiking tú tńg來部落ê時, hō͘部落ê人妖魔化, 講kah chiâⁿ pháiⁿ聽, m̄-koh Lyiking無hiah簡單tō放棄, 先全台灣ê原住民部落走1 chōa, koh來做部落老人ê口述歷史, khêng chîⁿ買地起部落教室, án-ne ûn-á lia̍p chiah有今á日ê成果.
M̄-koh原住民部落長期政治, 經濟, 文化, 教育ê弱勢, hō͘原住民部落tn̄g--tio̍h ê問題1 têng khā過1 têng, m̄是1工1暝tō有thang解決--ê, tńg來部落面對ê現實問題, mā hō͘ in ê理想一直teh調整.『永續就業』ê案, 1方面ài克服lo-li-lo-so ê行政程序, 1方面ài tèng學員ê狀況, 特別是重建過程, 有申請案頂頭ê行政壓力, koh有原住民ê nōa性ài操煩, in夾tī中ng, 壓力jú來jú大. M̄-chiah in ē考慮mài koh申請『永續就業』, che mā無thang chia̍h 1世人, 開始建立ka-tī經濟獨立自主ê方式kap來源. Chit-má in hia開始beh對外開放, 先hō͘人入去參觀, lim ka-pi, 未來in ê經濟自主beh行siáⁿ-mih款方向iáu koh teh chim-chiok.
Ta̍k-ê若有時間, ē-sái去Lyiking hia行行--leh, 若有siáⁿ-mih想法mā ē-sái提供hō͘ in參考, 無論有熟sāi iah無熟sāi ê朋友, 去in ê網站參觀--chi̍t-ê, 留話鼓勵--chi̍t-ê mā無bái. Lán ta̍k-ê人tī無kāng所在teh phah拚, 累積台灣人重生ê基礎, 有1工, lán總ē看tio̍h滴落塗ê血汗開花koh結籽.
◎Mindoyo雕刻班http://035856505.emmm.tw/
留言列表