這次過年放了九天，我跟老公參加旅行團去了日本關西。這是我第一次去日本，很喜歡日本，會想要再去關東、北海道、九州等等地方看看。日本總是給人很乾淨、治安很好的印象，沒錯，到了那裡就是這種感覺。網路上有太多日本旅遊的資訊或是評價，但是我就說說我自己感覺還有遇到的事情。
日本導遊說，日本人很少近視的人，因為他們小時後都是吃魚肝油。沒錯，在路上幾乎看不到眼鏡行，也很少看到牙醫診所。反觀台灣，三步一間眼鏡行，五步一間牙醫診所的盛況，而且生意都很不錯喔！台灣人眼花齒搖的比例真的高多了吧！
還有，他們的商店也都九點準時關店，路上除了7-11或全家、萊爾富，根本沒有商家，大家都回家睡覺去早睡早起；而且他們食物很清淡，自來水可以生飲，雖然是大城市，但是空氣還算清新。我想這就是日本人長壽又健康的主要原因。
台灣的夜生活太豐富了，夜市、宵夜攤、KTV、PUB、電影院等等，晚上不怕沒地方去，想消費的人還有做生意的人，都是這樣「拚命」，越夜越美麗，蓬勃夜生活，難怪身體會差，大小診所滿街都是。
我是真的很認真地想這個問題：日本從二次大戰之後，力行富國強兵，注重國民健康，訓練下一代的體魄，在古蹟景點還看到中學生在跑步。
身為教育者，我在想，台灣孩子是受怎樣的教育思維？還有，他們的體能是怎樣的呢？一個星期只有兩小時不到的體育課，平時一堆功課，有很多時間運動嗎？戴眼鏡的學生一堆，屁股大大的、肉鬆鬆的，動作看來很遲鈍的孩子更是一堆。
我想，功課再怎麼好，身體不好那是枉然的。反之，沒有好的體力，怎會有好的注意力？沒有好的注意力，怎會有好的成績或是其他表現呢？如果是家長、老師，看到這你不擔憂嗎？如果是學生，看到這你該如何呢？
但是聽在日本留學的學長說，日本的課業壓力不會小於台灣，只是他們也很注重身體健康。
孩子們，週末多出去打打球、運運動，別只是在家裡看電視、打電動、上網聊天，就算去公園走走也是很不錯的！我深信，四肢不發達，頭腦必簡單！共勉之！
Chit-pái過年pàng 9工, góa kap góan ang參加旅行團去日本關西chhit-thô. Che是góa頭1 pái去日本, 真kah-ì日本, ē想beh koh去關東, 北海道, 九州...... chiah-ê所在看māi. 日本總--是hō͘人chheng-khì, 治安好ê印象, 無m̄-tio̍h, 去到hia tō是chit款感覺. 網路頂有chiok chē去日本chhit-thô ê資訊iah是評價, góa tō就ka-tī ê感覺koh有tú--tio̍h ê tāi-chì kap ta̍k-ê分享.
日本導遊講, 日本人chiâⁿ chió有近視--ê, 因為in細漢時lóng是chia̍h魚肝油. 無m̄-tio̍h, tī路--nih ē-sái講差不多是看bē tio̍h眼鏡行, mā罕leh看tio̍h齒科診所. Ah若台灣是3步1間眼鏡行, 5步1間齒科診所, seng-lí koh不止á好leh! 台灣人近視koh chhùi齒bái ê比例有影是kôan人chiok chē!
Iáu koh有, in ê店頭mā lóng eng暗9點準時關門, 街á路除去7-11 iah是Family Hi-life, chhōe無其他iáu teh做seng-lí ê店, ta̍k-ê lóng tńg厝hioh-khùn, 早睏早起床; in mā chia̍h chiok chiáⁿ, 水道頭chūn--開, 水tō ē-sái直接lim, sui-bóng是大都市, 空氣iáu算好. Góa想che無的確tō是日本人長歲壽koh健康ê主要原因.
台灣ê夜生活siuⁿ過豐富--a, 夜市á, 宵夜tàⁿ-á, KTV, PUB, 電影院......, eng暗免驚無所在thang去, 想beh消費ê人kap做seng-lí ê人, lóng chiah-nī「piàⁿ命」, jú òaⁿ jú lāu-jia̍t, 莫怪身體ē bái, 大細間診所滿街路.
Góa是有影chiok認真teh想chit ê問題: 日本ùi二次大戰了後, 推行改革政策hō͘國家變強, 注重國民健康, 訓練後1代ê體格, tī古蹟景點koh看ē tio̍h中學生teh走標.
Chiâⁿ做1 ê教育者, góa teh想, 台灣ê gín-á是接受siáⁿ-mih款ê教育思維? In ê體能siáⁿ款? 1禮拜kan-taⁿ有無到2點鐘ê體育課, 普通時á功課1堆, kám有時間運動? 掛目鏡ê學生1堆, kha-chhng大大ê, 肉phàⁿ-phàⁿ軟軟, kha手慢鈍ê gín-á koh-khah chē.
功課koh-khah好, 身體bái mā是了然. 無好ê體力, beh án-chóaⁿ有好ê注意力? 無好ê注意力, beh án-chóaⁿ有好ê成績iah是其他ê表現leh? Lí若是家長iah老師, 看tio̍h che lí kám bē煩惱? Lí若是學生, 看tio̍h che lí beh án-chóaⁿ?
聽tī日本留學ê學長講, 日本ê課業壓力bē phēng台灣khah chió, 是講in mā chiok注重身體健康.
Gín-á, hioh-khùn日khah chia̍p出去phah球運動--leh, mài kan-taⁿ tiàm tī厝內看電視, phah電動, chiūⁿ網開講, 準去公園行行--leh mā是bē-bái! Góa深深相信, 體格若無好, 頭殼一定簡單! Kap ta̍k-ê互相勉勵!
留言列表
