「搞學運的，攏嘛是學長學弟制。」有一次和工會幹部開講，他講出這句，讓我心頭一驚，突然間了解自己性命的牽掛和未來。
雖然每次講到柏霖的死，我大姐總認為我有被政治迫害妄想症；也因為參與運動，故意與家人疏遠，我兩個妹妹也怨嘆說：阿兄攏無好好仔照顧他們。
廖柏霖，1969年生，逢甲大學會計系，參加過地下學運社團「逢星社」和「阿草俱樂部」。
逢星社屬「民學聯」系統，較傾向左派；但社團當時的同志畢業後，個個都「向右轉」：像沈發惠（前立法委員，今年要選汐止鎮長）、蔡其昌（前立法委員，急著推動西進）、史哲（前台中縣長機要秘書、前勞保局總經理，現任高雄市新聞局長，抹壁雙面光的外省優勢階層第二代）……，不知道在天上的柏霖，現在有什麼感想？
阿草俱樂部是個主張台灣獨立的學生組織。後來我發現，只要是結合獨派和左派，都會遭受殘酷的打壓：像1995年「430反金權怒火之夜」，我們號召一大群支持台獨的地下電台群眾，我就被新潮流解除職務；接著，由「全國國公營事業工會聯合會」舉辦的「反私有化大遊行」，也因為找來史明老師的「獨台會」車隊，主事的台灣石油工會幹部王文祥，一直被打壓至今。
可見這個外來殖民政權心裡很清楚：獨派和左派的結合，才是推倒這個體制的力量。我想，柏霖的死，也是因為這樣。
因為要將社團「地上化」，「阿草俱樂部」決定用「台灣歌謠研究社」向學校提出申請，但我們犯了一個重大的錯誤：除了申請人是柏霖外，其他都是我拿去班上簽來的中文系學生。情報系統創辦的逢甲大學，當然會殺雞儆猴，在送件前一天，柏霖就遇上車禍，1991年11月27日宣佈死亡。
從那時起我就決定：若沒有找出事件的真相，我就不結婚。雖然有時候想到這些事，就會偷偷掉眼淚，可是他也是我繼續奮鬥的原因之一。
先進的鮮血不能忘記。當我們要踏出每個腳步，都要考慮清楚，我們的思想、精神、意志都準備好了嗎？對自己性命的定位夠清楚嗎？我們要讓歷史重演嗎？我們要終結400年的殖民史，還是要被人終結？看得透，想得清，我們的奮鬥才有意義。
「Bú學運--ê, lóng mā是學長學弟制.」有1 pái kap工會幹部開講, i講出chit句, hō͘ góa心頭chhia̍k 1 ē, hiông-hiông了解ka-tī性命ê牽bán kap未來.
雖bóng ta̍k-pái講tio̍h柏霖ê死, góan姐--á lóng講góa有被政治迫害妄想症; mā因為參與運動, thiau故意kap厝--nih ê人疏遠, góan 2 ê小妹mā怨嘆講: a兄lóng無好好á照顧--in.
廖柏霖, 1969年出世, 逢甲大學會計系, 參加過地下學運社團「逢星社」kap「阿草俱樂部」.
逢星社屬「民學聯」系統, khah óa左派; m̄-koh社團hit tang-chūn ê同志出業了後, ta̍k-ê to『向右轉』: 親像沈發惠 (前立法委員, 今年beh選汐止鎮長), 蔡其昌 (前立法委員, 急beh推動西進), 史哲 (前台中縣長ê機要秘書, 前勞保局總經理, 現此時是高雄市新聞局長, 抹壁雙面光ê外省優勢階層第2代)......, m̄知tī天頂ê柏霖, chit-má有siáⁿ-mih感想?
阿草俱樂部是主張台灣獨立ê學生組織. Lō͘尾góa發現, 只要是結合獨派kap左派, lóng ē受tio̍h殘酷ê打壓: 親像1995年「430反金權怒火之夜」, góan招1大tīn支持台獨ê地下電台群眾, góa tō hō͘新潮流辭頭路; 續--落-來, 由「全國國公營事業工會聯合會」舉辦ê「反私有化大遊行」, mā因為招史明老師ê「獨台會」車隊, 主事ê台灣石油工會幹部王文祥, 一直hō͘人打壓到taⁿ.
可見chit ê外來殖民政權心內chiâⁿ清楚: 獨派kap左派ê結合, chiah是ián倒chit ê體制ê力量. Góa想, 柏霖ê死, mā是因為án-ne.
因為beh kā社團「地上化」,「阿草俱樂部」決定用「台灣歌謠研究社」kā學校提出申請, iah m̄-koh góan犯tio̍h 1 ê chiok大ê錯誤: 除了申請人是柏霖以外, 其他lóng是góa the̍h去góan班簽ê中文系學生. 情報系統創辦ê逢甲大學, 當然ē thâi雞教猴, tī送件ê前1工, 柏霖tō tú-tio̍h車禍, 1991年11月27宣佈死亡.
Ùi hit-chūn góa tō決定: 若無chhōe出tāi-chì ê真相, góa tō bòai結婚. 雖bóng有tang-chūn想tio̍h chiah-ê tāi-chì, tō ē偷偷á流目屎, iah m̄-koh i mā是góa繼續奮鬥ê原因之一.
先進ê血bē-tàng bē記--得. Tng lán beh踏出每1腳步, lóng ài想hō͘詳細, lán ê思想, 精神, 意志kám lóng準備好--a? 對ka-tī性命ê定位kám有清楚? Lán kám beh hō͘歷史重演? Lán beh終結400冬ê殖民史, iah是beh hō͘人終結? 看hō͘透, 想hō͘清, lán ê奮鬥chiah有意義.
留言列表
