當遊行變成嘉年華式化之後,5月2日走上街頭的平埔原住民正名遊行,是少見的主題明確、訴求清楚的遊行。
多個平埔族團體都到了,大家各自穿上傳統服飾,遊行隊伍拉得長長的,隊伍每個段落中間也安排著宣傳車,沿路每台宣傳車都帶領著呼喊口號跟訴求,保持遊行群眾的能量,也向道路兩旁的人潮宣傳。隊伍最後還有一輛宣傳車跟著,不需要糾察隊,遊行隊伍就展現出精神跟秩序。
而在遊行前三天,就有「飛番大隊」騎著腳踏車從台南出發,將一份1957年省政府講熟番可以登記做平地原住民的公文送至其他平埔族部落,5月2日騎到總統府前跟遊行隊伍會合。
到了凱達格蘭大道,幾個長年來推動平埔族正名運動的頭人輪番上台講話,遊行總指揮也再一次正式向群眾宣佈訴求。之後幾名代表相偕進總統府。在接續的活動進行中,主持人也一再跟群眾報告說「現在總統府還沒有消息出來......」,讓群眾知道目前進度。
這次遊行也看到台南縣縣長蘇煥智和副縣長顏純左全程參加,不知道是不是跟陳水扁一樣沒有連任包袱了,才敢用心計較推動平埔族正名?
一位教授上台講話,整場台語佔1/3、華語佔2/3,他說講華語是為了與高山原住民朋友對話。可是在場沒看見有高山原住民,只有一位夷將‧拔路,或者他是跟媒體對話?
副縣長顏純左用華語說完,反被主持人虧說這是他第一次聽顏純左用北京話演講,如果換成是他,早就舌頭打結了。
夷將‧拔路上台時,怕大家不知道他的身份似的,將自己的身份逐條列出,其中一個還有「前原民會主委」的身份。他批評原民會不將平埔族正名納入原住民,可是也沒聽他說他在任時,就這部份做過什麼努力。
政客、學者一個接一個上台演講,好像變成了現今遊行的規則了。
整體來說,這一場遊行設計從群眾立場出發,有顧慮到參與遊行的群眾,而不是將群眾當作動員的人頭工具。現場不只有阿公阿嬷,還有許許多多的年輕人參加。然而不見噶瑪蘭團體出來,難道正名成功後,這個議題就和他們不相關了?
現場也看到很多電視台的SNG車都來採訪,回到家打開電視一看,新聞台全是H1N1的新聞,唯一播出的是原住民電視台,七點新聞預告時第一個便是平埔族正名遊行,可是正式報導時卻被安排在很後面,而且連遊行訴求都沒交代清楚這條新聞就播完了。看來真的是被操作成平埔族若正名成功,將排擠現有原住民權益跟資源,所以低調處理。
在強調「唐山公」歷史的台灣社會裡,母系認同將會撼動中華民國外來統治體制,想當然爾,政治、媒體、教育體系將會全力圍堵,平埔族的認同跟正名,還有一段長路要走。
Tī遊行pìⁿ做ná party了後, 5月初2行chiūⁿ街頭ê平埔原住民正名遊行, 是少數罕leh看tio̍h--ê有明確主題kap清楚訴求ê遊行.
真chē平埔族群lóng到位--a, ta̍k-ê chhēng ka-tī族群傳統ê衫, 遊行隊伍giú kah長長長, 隊伍1 chat 1 chat中ng koh有安排宣傳車, 沿路ta̍k台宣傳車lóng chhōa群眾hoah口號kap訴求, 保持遊行群眾ê力量, mā對沿路雙pêng邊ê人宣傳. 隊伍siōng尾--á mā 1台宣傳車tòe tiâu--leh, 免糾察隊, 遊行隊伍tō chiok有精神kap秩序.
Tī遊行chìn前3工, tō有「飛番大隊」騎腳踏車ùi台南出發, kā 1份1957年省政府講熟番ē-sái登記做平地原住民ê公文送去其他平埔族部落, 5月初2騎到總統府頭前kap遊行隊伍會合.
行到Ketagalan大道, kúi ê久年來chhui-sak平埔族正名運動ê頭人, 輪流chiūⁿ台講話, 遊行總指揮mā koh 1 pái正式kā群眾宣佈訴求. 了後, kúi ê代表chò-hóe入去總統府. Tī外口chia, 活動繼續進行, 主持人mā一直kā群眾報告講「chit-má總統府hia iáu無消息出來......」, hō͘群眾知影目前ê進度.
Chit-pái遊行mā看tio̍h台南縣縣長蘇煥智kap副縣長顏純左全程參加, m̄知kám是kap陳水扁kāng款無連任ê包袱á, chiah ē用心計較chhui-sak平埔族正名?
1 ê教授chiūⁿ台講話, kui場台語佔1/3, 華語佔2/3, i講, 講華語是為tio̍h beh kap高山原住民朋友對話. M̄-koh在場無看tio̍h有高山原住民, kan-taⁿ 1 ê Icyang Parod, iah是i是teh kap媒體對話?
副縣長顏純左用華語講soah, 顛倒hō͘主持人虧講che是i頭1 pái聽tio̍h顏純左用北京話演講, ah若換做i, 早tō chhùi-chi̍h phah結--a.
Icyang Parod chiūⁿ台ê時, m̄知kám是驚人m̄-bat i, kā ka-tī ê身份1條1條講kah清清楚楚, 其中1 ê是「前原民會主委」ê身份. I teh批原民會m̄願認定平埔族是原住民, m̄-koh mā無聽i講i做主委ê時, tī chit部份有phah-piàⁿ過siáⁿ-mih.
政客, 學者sûi-ê-á chiūⁿ台演講, che ná像pìⁿ做chit-má遊行ê規則--a.
整體講--來, chit場遊行設計有ùi群眾ê立場出發, 有考慮tio̍h參與遊行ê群眾, m̄是kan-taⁿ kā群眾當作動員ê人頭工具niâ. 現場m̄-nā a公a-má, koh有chiok chē少年人參加. 是講, 無看tio̍h Kavalan團體出--來, kám講是正名成功--a, che議題tō kap in無tī-tāi--a?
現場mā看tio̍h chiok chē電視台ê SNG車來採訪, tńg到厝chūn電視看, 新聞台全是H1N1 ê新聞, kan-taⁿ原住民電視台有報, 7點新聞預告ê時頭1 ê tō是平埔族正名遊行, 正式報新聞ê時soah排tī chiok後piah, 連遊行訴求to無交待清楚chit條新聞tō播soah--a. 看--來有影是hông操作做平埔族若正名成功, ē影響tio̍h原住民ê資源kap利益.
Tī強調「唐山公」歷史ê台灣社會, 對lán祖má歷史ê認同ē影響中華民國外來統治體制ê基礎, 當然政治, 媒體, 教育chiah-ê統治工具ē全力阻擋, 平埔族ê認同kap正名, iáu有1段chiok長ê路ài行--leh.
留言列表