先前讀A-ka兄的文章〈刁難失業給付可能成為馬政權最後的救命仙丹？〉，當時我正好在申請失業給付。3個月後，依規定得參加一次就業促進研習，一次4小時。我參加的課程名稱為「打造百年黃金履歷」。
上課當天，就業服務站不怎麼大間的教室內，40幾人坐得擁擠。時間到，承辦人員(委外執行的人力資源公司的小姐)宣佈說：今天上課4小時，前面2小時看DVD影片，後面2小時會有講師來上課。
什麼？看DVD看兩小時？這種安排不會太隨便嗎？這種辦理方式，主辦單位(就業服務站)不會太不負責、承辦單位(人力資源公司)不會太草率嗎？
講完，承辦人員打開電腦影片，關起電燈，他人走出去，門關上。現場40幾人就像小學生似的，得乖乖坐在椅子上，看影片。
影片是一位會計師事務所人資部協理的錄音，配合電腦簡報畫面，全程不知這個人長得圓或扁。影片一開始放，我看見前頭有人直接就趴在桌子上睡覺了。10分鐘過去，將近一半的人打起瞌睡了，至於另外一半的人，看起來眼神渙散一臉茫然，我看也差不多了。在這樣高溫的大熱天，坐在暗淡的冷氣房內，還有不見人影的聲音在耳邊「伴奏」，的確會令人想睡覺。
一個小時過去，門突然被打開，電燈亮起，剛才那位承辦人員走進來，影片被暫停。小姐說：現在休息10分鐘。「放封」時間到。休息時間過後，我走進教室。咦......怎麼會換成講師在上課了？自己內心猜想可能是講師提早到，先上課，結束後再將剩下的影片看完。
講師是一間飯店的總經理，也在學校教授相關課程。我仔細聽，前一小時都在話虎爛，糟的是聽得出來他連話虎爛都沒準備，話講得結結巴巴的。中間同樣休息10分鐘，之後才開始進入主題，聽起來同樣是應付應付的上課內容。我好不容易熬到講師上完課，看時間只剩半小時而已，這樣剩下的影片看得完嗎？承辦小姐走進來說今天的課程結束，又交代了一些注意事項，就放人了。那麼剩下的影片呢？
這個時候我才知道，原來承辦小姐開頭宣佈的時間安排是為了配合講師時間調度的，才會用放影片的方式填補講師未到的時間。現在講師課上完了，自然就可以下課了，充當臨時演員角色的影片當然就不用再看了。可是，難道都不用解釋、不用交代？
這就是台灣的官僚文化！向來以管理替代服務，官僚管理上的方便大過民眾的需求。就業服務站依規定必須舉辦研習活動，也依規定將事情委外辦理，外包公司依規定承辦執行，民眾也依規定去上課，大家一起度過規定的4小時。公務單位的事務一項一項發包出去，預算也這樣一條一條被消化，官僚省事省工，外包公司賺錢，大家相安無事。政府提供「服務」(若稱的上服務的話)的品質和效率，以及民眾的需要是否被滿足，在這過程一點都不重要。
雖然早就知道台灣官僚是這種特質，然而再一次遇到，同樣令我氣憤不已。
Chìn前讀A-ka兄ê文章〈刁難失業給付可能成為馬政權最後的救命仙丹？〉, hit chūn góa tú好teh申請『失業給付』. 3個月後, 照規定tio̍h參加1 pái『就業促進研習』, 1 pái 4點鐘. Góa參加ê課程名號做『打造百年黃金履歷』.
上課hit工,『就業服務站』無jōa大間ê教室內底, 40 kúi ê人坐kah kheh-kheh-kheh. 時間到, 承辦人員(委外執行ê人力資源公司ê小姐)宣佈講: 今á日上課4點鐘, 頭前2點鐘看DVD影片, 後piah 2點鐘ē有講師來上課.
Siáⁿ? 看DVD看2點鐘? Chit款安排kám bē siuⁿ chhìn-chhái? Chit款辦理方式, 主辦單位(『就業服務站』) kám bē siuⁿ無負責, 承辦單位(人力資源公司) kám bē siuⁿ ló-chhó?
講soah, 承辦人員kā電腦影片pàng--落, 電火phiak hō͘ hoa, i人行--出-去, 門關--起-來. 現場40 kúi ê人tō ná小學生, tio̍h乖乖á坐tī椅á頂, 看影片.
影片是1 ê會計師事務所人資部協理ê錄音, 配合電腦簡報畫面, 全程m̄知chit ê人生kah圓iah扁. 影片chi̍t-ē pàng, góa看頭前tō有人直接phak tī桌á頂khùn--a. 10分鐘過--去, kiông-beh 1半ê人tuh--去-a, koh另外1半ê人, 看起來gōng神gōng神, góa看mā差不多--a. Tī chit款sio-jo̍ah ê大iām天, 坐tī暗淡ê冷氣房--nih, koh有無khòaiⁿ人影ê聲tī hīⁿ-khang邊「伴奏」, 有影是ē hō͘人起ài-khùn.
1點鐘過--去, 門hiông-hiông hông phah--開, 電火hông phiak光, tú-chiah hit ê承辦人員行--入-來, 影片hông暫停. 小姐講: chit-má hioh-khùn 10分鐘.「Pàng-hong」時間到. Hioh-khùn soah, góa koh行入教室. Î...... nah ē換講師teh上課--a? Ka-tī心內想講phah-sǹg是講師提早到, 先上課, soah chiah koh kā chhun ê影片看hō͘了.
講師是1間飯店ê總經理, mā tī學校教相關課程. Góa chim-chiok kā聽, 頭前1點鐘lóng teh ōe-hó͘-lān, 害--ê是聽ē出來i連ōe-hó͘-lān to無準備, 話講kah thih-thih-thu̍h-thu̍h. 中ng kāng款hioh-khùn 10分鐘, 了後chiah開始進入主題, 聽--起-來iû-gôan是應付應付ê上課內容. Góa無簡單tòng到講師上課上了, 看時間chhun半點鐘niâ, án-ne chhun ê影片kám看ē了? 承辦小姐行入來講今á日ê課程結束, koh hoan-hù chi̍t-kóa tāi-chì, tō pàng ta̍k-ê走--a. Ah iáu-bōe看了ê影片--leh?
Chit chūn góa chiah知, 承辦小姐siōng頭á宣佈ê時間安排是為tio̍h配合講師ê時間調度--ê, chiah ē用pàng影片ê方式thap講師iáu-bōe到ê時間. Taⁿ講師課上了--a, 自然tō ē-tàng下課--a, ná臨時演員角色ê影片當然tō免看--a. M̄-koh, kám lóng免解說? 免交代?
Che tō是台灣ê官僚文化! 在來用管理替代服務, 官僚管理ê方便khah大過民眾ê需求.『就業服務站』照規定tio̍h辦研習活動, mā照規定kā tāi-chì委外辦理, 外包公司照規定承辦執行, 民眾mā照規定去上課, ta̍k-ê chò-hóe度過規定ê 4點鐘. 公務單位ê sit頭1項1項發包出--去, 預算mā án-ne 1條1條消化--去, 官僚省事省工, 外包公司thàn tio̍h chîⁿ, ta̍k-ê平安無tāi-chì. 政府提供「服務」(若是chit款處理方式mā ē-sái算是服務) ê品質kap效率, 民眾ê需要是m̄是有滿足, tī che過程chi̍t-sut-á to無重要.
Sui-bóng早tō知台灣官僚是chit款特質, m̄-koh koh 1 pái tú--tio̍h, iû-gôan hō͘ góa chiok siūⁿ-khì.
留言列表
