台灣正要開放中國觀光客自由行，好幾個縣市政府接連宣佈優待中國客的政策，有的要補助住宿費，有的要補助機票加酒店，更有的直接補貼一人3,500元。去年也有政策要補助中國學生一個月三萬元，中國藝術家一個月日六萬多元。拿我們的稅金給來台灣的中國人花，再告訴我們說他們這樣做會帶來商機。我們台灣人一隻牛不知被剝了幾層皮，真的被當成傻瓜！
不過坦白講，這也沒什麼好奇怪的。有個前輩說過，我們台灣人最大的事業就是養豬戶。這個譬喻實在一點也沒錯。我們養那些踩在我們頭頂的豬60年了，現在還被當成傻瓜，再被剝一層皮來養那些奧中國客，很多人也許還為了有錢可賺而沾沾自喜。
我們養那些豬60年了還不夠。18%、軍教免稅、眷村改建……這都還算是小case。60年來，台灣被壓迫階級大家努力工作辛苦度日，是在養那些高層的統治集團，我們看得到的那些政客、官僚、財團、買辦、專家，不過是維持這個統治體制和統治集團利益的代理人。
簡單舉個例：買賣武器給軍火仲介的佣金，國際行情是一成，台灣向外國買武器，卻得花超過好幾倍的佣金，這些錢跑到哪裡去了？部份款項必須拿去對岸中國買通關節？錯！不是買通關節。兩岸中國統治集團本是一家人，一起分食剝削自台灣人的利益，這也是理所當然的。
不過千萬不要誤以為他們是貪污！NO，這確實不是貪污，這是他們佔領台灣、統治台灣的戰利品。他們從佔領台灣第一天開始就把台灣當做他們戰勝佔領的財產，任由他們宰割，向他們效忠的當然能分到高級統治集團賞賜的利益。
要怎樣才能結束這種養豬事業？
和他們講道理，希望他們疼惜台灣、認同台灣？希望中國人認同台灣，就和強迫台灣人認同中國一樣荒謬！
強調民主、強調程序正義？沒問題，他們也能跟我們講民主、講程序。這陣子他們強行通過那麼多件環評案，例如明顯為了炒地皮和房地產，對交通一點都沒幫助的淡北道路，強力推動要讓案子通過的那些縣市長、立委、議員、里長，哪一個不是選票投出來的？法律規定的程序他們也都照走，只不過結論早就先確立了，反正法律是他們訂的，法律解釋權也在他們手中。這樣不是把我們裝肖仔？「是，啊無，lin是欲按怎？」
換人做做看，讓台灣人自己當總統（大管家、大總管）事情會不會比較改善？無論是參考第三世界的歷史經驗，或是回顧民進黨執政八年的事實，無論提出任何改革案，最後高級統治集團的利益根本不能撼動，差別只在多了較多台灣人升級為奴才，進去啃食他們賞賜的甜頭，踏在我們頭上的高級統治集團猶原老神在在。
如今養這些佔領台灣的統治集團還不夠，連台灣海峽對岸他們同國的兄弟，我們也必須一起養！
繼續相信理性、民主、合法那一套，繼續渴望他們疼惜台灣，繼續瘋選舉，繼續容忍台灣人政客胡搞瞎搞，就是繼續維持我們做奴隸、繼續養豬的命運。
台灣tng beh開放中國觀光客自由行, kúi-nā ê縣市政府sio連續宣佈優待chiah-ê中國客ê政策, 有--ê beh補助tòa飯店ê費用, 有--ê beh補助機票kap酒店, koh有--ê直接補貼in 1人3,500 kho͘. 舊年mā有政策講beh補助中國學生1月日3萬kho͘, 中國藝術家1月日6萬外. Kā lán ê稅金the̍h去hō͘來台灣ê中國人khai, chiah koh kā lán iāng講in án-ne teh提升lán ê經濟. Lán台灣人1隻牛m̄知hông pak kúi têng皮, 正經是hō͘人當做phàn-á!
M̄-koh講實--ê, che mā無siáⁿ thang怪奇. 有1 ê sianpai講--過, lán台灣人siōng大ê事業tō是飼豬. 實在有影無m̄-tio̍h. Lán飼hiah-ê踏tī lán頭殼頂ê豬to飼60冬--a, taⁿ koh hông當做phàn-á, koh ke pak 1 têng皮來飼hiah-ê àu中國客, 真chē人hōan-sè koh為tio̍h án-ne有chîⁿ thang thàn teh thiòng--leh.
Lán飼豬飼60冬iáu無thang停khùn. 18%, 軍教免稅, 眷村改建…… che lóng iáu是sió-khóa chîⁿ niâ. 60冬來, 台灣被壓迫階級ta̍k-ê kut-la̍t choh-sit艱苦過日, 是teh飼hiah-ê高層ê統治集團, lán看ē tio̍h ê hiah-ê政客, 官僚, 財團, 買辦, 專家, kan-taⁿ是維持chit ê統治體制kap統治集團利益ê kha-á.
簡單講1條做例: 買賣武器hō͘ khan-kau-á ê kho͘-ní-sióng國際行情是1 siâⁿ, 台灣kā外國買武器, soah tio̍h khai超過kúi-nā倍kho͘-ní-sióng, chiah-ê chîⁿ走tùi toh位去? 1部份chîⁿ tio̍h the̍h去對岸中國phah關係? M̄-tio̍h! Che m̄是teh phah關係. 2岸中國統治集團本底tō是1家伙, 剝削台灣人ê利益in chò-hóe pun, che mā無siáⁿ怪奇.
M̄-koh千萬m̄-thang kioh是in che號做o͘-se貪污! 無, che確實m̄是o͘-se貪污, che是in佔領台灣, 統治台灣ê財產. In自佔領台灣第1工開始tō kā台灣當做in戰贏佔領ê財產, 據在in ho̍at-lo̍h--ê, kā in效忠--ê當然有thang pun tio̍h高級統治集團賞賜ê利頭.
無愛koh飼豬beh án-chóaⁿ?
Kap in講道理, ǹg望in疼惜台灣, 認同台灣? Ǹg望中國人認同台灣, tō kap ngē迫台灣人認同中國kāng款酷刑.
強調民主, 強調程序正義? 無問題, in mā ē-sái kap lán講民主, 講程序. Chit-chām-á in ngē通過hiah-nī chē件環評案, 像明顯為tio̍h炒地皮kap房地產, 對交通chi̍t-sut-á to無幫贊ê淡北道路, 強力chhui-sak beh hō͘通過hiah-ê縣市長, 立委, 議員, 里長, toh 1 ê m̄是選票tǹg--出-來-ê? 法律規定ê程序in mā lóng照行, 總--是結論自早tō先定--a, 橫直法律是in訂--ê, 法律ê解說mā la̍k tī in手--nih. Án-ne m̄-tō kā lán裝siáu--ê?「是, a̍h無, lín是beh án-chóaⁿ?」
換人做看māi, hō͘台灣人ka-tī做總統(大管家, 大總管) tāi-chì kám ē khah改善? 無論beh參考第3世界ê歷史經驗, iah是beh看chìn前8冬民進黨hōaⁿ政權ê事實, 無論提出siáⁿ款改革案, 到lō͘尾高級統治集團ê利益根本to bē tín動--tio̍h, 差別kan-taⁿ是ke khah chē台灣人升級pìⁿ奴才, 入去內底chhńg in pun ê利頭niâ, 踏tī lán頭殼頂sōan尿ê高級統治集團iû-gôan老神在在.
Taⁿ飼佔領台灣ê統治集團iáu無夠, 連台灣海峽hit pêng岸in kāng國ê兄弟, lán mā ài kā飼chham--落!
繼續相信理性, 民主, 合法hit套, 繼續ko͘-chiâⁿ in tio̍h疼惜台灣, 繼續siáu選舉, 繼續容允台灣人政客亂bú, tō是繼續維持lán做奴隸, 繼續飼豬ê運命.
留言列表
