新店面落成那天，烏龍把媽祖金身請到店前坐鎮，還擺了長長的桌子，桌上排滿了媽祖牌供品，供桌前面還擺了一個大香爐，新來的一百多人全部叫過來幫忙。有了這些人，烏龍的四個徒弟和阿砲晉級了，只需出一張嘴。擺設完了後阿國叫八家將先去化妝，20幾個八家將分成三團，化好妝後就在廟前廣場練習踏步互相比試。20幾個八家將很壯觀，好奇的村民越聚越多。阿國看圍觀的人潮差不多了，就進店裡告訴烏龍，烏龍聽到阿國的報告後說：「時辰差不多了，叫大家一起來拜拜吧！」
烏龍的徒弟把所有人集合起來，等烏龍出來，點了一大堆香分給大家，連圍觀的村民也有。香分好後，大家站在烏龍後面，跟著烏龍拜媽祖。烏龍嘴裡念念有詞，邊念邊拜，拜了好幾分鐘後才把香插進香爐，後面的人也依序把香插進香爐裡。拜完後烏龍往店裡面走去，和店裡的村民打招呼喝茶。茶喝不到半杯，外面有人喊：「著火了！」阿中衝到外面看，在外面喊：「發爐了！」又衝進店裡面大聲說：「師父，發爐了！」烏龍低頭沒反應。有村民說：「烏龍師，外面金爐發爐了，你要不要去看一下？」烏龍還是低頭。大家正覺得奇怪，烏龍忽然一直打嗝和搖頭。阿民說：「師父起乩了！神明附身了！」剛說完，烏龍起身往外走，大家跟了出去。
烏龍走到媽祖神像前大聲用女聲說：「眾將官。」說完，在外面的20幾個八家將也起乩，紛紛擺陣勢在烏龍前面。圍觀的村民被這樣的聲勢嚇到嘴開開，只有烏龍的徒弟不慌不忙地說：「媽祖降駕有何吩咐？」說完四人一起跪下，村民看到他們跪也跟著跪。接著烏龍用女聲和阿中一搭一唱，大意是說今天是好日子，媽祖帶著天兵天將來祝賀，供品很美味，問是哪裡來的，今後供品都用這一個牌子，媽祖派烏龍師來村子表現很好，要大家捐錢捐地建設地方……等等，就這樣演了半個鐘頭。他們一搭一唱的同時，八家將手拿法器怒目村民，嚇得村民沒人敢動。烏龍和阿中的對話很大聲，現場都聽得很清楚，表演完了不忘再交代供品很美味，天兵天將也都表現一副很滿足的表情才集體退駕。退完駕，烏龍被扶到樓上休息，八家將繼續表演。烏龍的四個徒弟則是和村民討論剛剛媽祖的談話，並且介紹店裡的善書，說是媽祖要大家多看善書，還有告訴他們有鐵板神算數字秘笈，還有晚上慶祝新店開幕有辦桌和歌舞表演，這些事很快地在村裡傳開了。
晚上烏龍辦桌請村民，除了廟裡的人保留十幾桌外，其餘都開放給村民，大家邊欣賞歌舞邊吃辦桌邊欣賞煙火，晚到坐不到位子的也有炒米粉可吃。村民對烏龍讚不絕口紛紛過來敬酒，烏龍和阿中、阿華、阿民、阿國還有阿砲整晚笑到合不攏嘴。烏龍看到歌舞團有個女生唱歌好聽身材又好，現場包了個大紅包給她，並交代阿國，表演結束後安排到他房間，說是要請教她歌唱技巧，阿國知道烏龍師的意思並且照辦。當晚，全村好像辦喜事一樣，整晚都在談論媽祖和天兵天將降乩的神蹟，還有烏龍師的善舉。
新店面落成hit工, 烏龍請媽祖金身去到店頭前ah-tīn, koh kā桌á排kah長長長, 媽祖牌供物khǹg kah kui桌頂, 神案桌前koh khǹg 1 kha大香爐, 新來ê百gōa人全叫來tàu-saⁿ-kāng. 有chit-kóa細hàn--ê thang hoah, 烏龍ê 4 ê徒弟á kap A砲kan-taⁿ出1隻chhùi tō好--a. Mi̍h-kiāⁿ排好了後A國叫八家將先去化妝phah面, 20 kúi ê八家將pun做3團, phah面好了後tō tī廟埕練習踏kha步互相比試. 20 kúi ê八家將看--起-來chiok大tīn, hò͘ⁿ-hiân ê村民jú來jú chē. A國看tio̍h來tàu-lāu-jia̍t ê人來kah差不多--a, tō入去店--nih kā烏龍講, 烏龍聽tio̍h A國ê報告了後講:「時辰差不多--a, 叫大家chò-hóe來拜拜!」
烏龍ê徒弟á kā人lóng集óa--來, 等烏龍出--來, 點chi̍t大堆香pun hō͘ ta̍k-ê, 連tī邊--á看lāu-jia̍t ê村民to有. 香pun好了後, ta̍k-ê khiā tī烏龍後piah, tòe烏龍拜媽祖. 烏龍chhùi--nih se̍h-se̍h念, ná念ná拜, 拜kúi分鐘久了後chiah kā香插入香爐, 後piah ê人mā sûi-ê-á kā香插入香爐--nih. 拜好了後烏龍tùi店--nih行--去, kap店--nih ê村民ai-sat-chuh lim茶.茶iáu lim無半杯--leh, 外口tō有人teh hoah:「To̍h火--a!」A中衝出去外口看, tī外口hoah講:「發爐--a!」Koh衝入店--nih大聲講:「師父, 發爐--a!」烏龍頭àⁿ-àⁿ無反應. 有村民講:「烏龍師, 外口金爐發爐--a, lí beh出去看--chi̍t-ē-無?」烏龍iáu是頭àⁿ-àⁿ. Ta̍k-ê tng感覺怪奇, hiông-hiông烏龍一直kho͘-ù-á koh hàiⁿ頭. A民講:「師父khí-tâng--a!神明附身--a!」Chhím講soah, 烏龍tō khiā起來ǹg外口行, ta̍k-ê mā tòe leh行--出-去.
烏龍行到媽祖神像頭前大聲用cha-bó͘人聲講:「眾將官.」講soah, tī外口hit 20 kúi ê八家將mā khí-tâng, sûi-ê-á kek khut勢khiā tī烏龍頭前. Tī邊--á看lāu-jia̍t ê村民hō͘ án-ne ê聲勢háⁿ kah嘴á開開, 烏龍ê徒弟á ûn-ûn-á講:「媽祖降駕有siáⁿ hoan-hù?」講soah 4 ê chò-tīn跪--落-去, 村民看in跪mā tòe leh跪.續--落烏龍用cha-bó͘聲kap A中1 ê tâng-ki 1 ê桌頭來來去去, 大概ê意思是講今á日是好日, 媽祖chhōa天兵天將來慶祝, 供物真好chia̍h, 問講是àn toh來--ê, 後pái供物lóng用chit ê牌子, 媽祖派烏龍師來庄--nih表現真好, 叫ta̍k-ê ài捐chîⁿ捐地建設地方……, tō án-ne poaⁿ半點鐘久. Tī in 1句來1句去ê時chūn, 八家將手the̍h法器pháiⁿ面chhiuⁿtùi村民, háⁿ chi̍t-ē無人敢tín動. 烏龍kap A中ê對話chiok大聲, 現場lóng聽kah清清楚楚, 表演soah koh 1 pái交帶講供物chiok好chia̍h, 天兵天將mā lóng kek kah chiok滿足--ê chiah集體退駕. 退駕soah, 烏龍hông chhah去樓頂hioh-khùn, 八家將繼續表演.烏龍ê 4 ê徒弟á kap村民討論tú-chiah媽祖講ê話, koh介紹店--nih ê善冊, 講是媽祖叫ta̍k-ê ài ke看善冊, koh kā in講有鐵板神算數字秘訣, iah koh有eng暗慶祝新店開幕有辦桌kap歌舞表演, chiah-ê tāi-chì chiok緊tō tī庄--nih傳--開-a.
Eng暗烏龍辦桌請村民, 除去替廟--nih ê人保留10外桌, chhun--ê lóng開放hō͘村民, ta̍k-ê ná欣賞歌舞ná chia̍h辦桌ná看煙火, khah òaⁿ到無位thang坐--ê oan-na有炒米粉thang chia̍h. 村民對烏龍o-ló kah ē tak-chi̍h, sûi-ê-á kā i敬酒, 烏龍kap A中A華A民A國koh有A砲kui暝笑kah chhùi-á lī-sai-sai. 烏龍看tio̍h歌舞團有1 ê cha-bó͘唱歌好聽身材koh好, 現場sûi包1 ê大紅包hō͘i, koh hoan-hù A國, 表演soah安排去i ê房間, 講是beh請教i歌唱技巧, A國知影烏龍師ê意思tō照辦. Hit暝, kui庄頭ná teh辦喜事--leh, kui暗lóng teh講媽祖kap天兵天將降駕ê神jiah, koh有烏龍師做ê好事.
留言列表
