台北縣升格成新北市，行政首長也換人做，但破壞淡水環境的公共工程依舊不停地進行。前任縣長嗆聲說「違法也要做」的淡北道路，到新市長就任，仍然不放棄這個聽說必定能改善淡水交通問題的計畫。4月15日，環保署「淡北道路」環境影響評估的第三次初審會議，即使面對各界的反對與質疑，會議結論仍是「有條件通過」。
淡北道路這個計畫案是要在捷運線與淡水河中間的綠地新闢一條快速道路。官方那麼堅持要開這條路，最原初提出的理由，是說要改善淡水到台北時常塞車的交通問題；日本大地震引發核災後，主張一定要開路的理由又多了一項：淡水對外交通要道只有台二線，萬一北海岸核電廠出問題，新闢這條淡北道路可做疏散之用。
開路的理由看似真的是為了地方設想，但說穿了，其實是為了炒地皮以及解套「淡海新市鎮」這個停頓十多年的開發案。硬要開這條新的快速道路，根本是為了少數財團和地方派系的利益，對一般淡水人實際上有什麼幫助？
上下班或假日淡水的交通確實會打結，但開更多路就能解決這種問題嗎？八里到新店的高架快速路開通後，上下班或假日，八里到五股不是依舊常常塞得昏天暗地嗎？要改善交通問題，優先選項應該是公共運輸與公共空間要夠方便與舒適。除了捷運，淡水對外的公車假日反倒減班，行人面對又是極不友善的公共空間，這樣能夠鼓勵人不要開車出門嗎？
更何況，「淡海新市鎮」的開發自始就是錯誤的，雖已是既定事實，但為了繼續進行錯誤的政策來開路、破壞環境，這樣更是不對！既然不應該開發，就更沒有開闢新路的必要。反對「淡北道路」自然不需要替官方找出其他解決交通問題的替代方案。
照官方公開的統計資料，淡水的人口數是14.5萬。「淡海新市鎮」開發比淡水市區更大面積的土地，打算容納30萬人口。多了這些人口進來，已經超過負荷量的淡水會變成什麼樣？要像汐止那樣雜亂擁擠、蓋滿房子？還是要成為失敗的林口新市鎮，蓋了一堆沒人住的空房子？假如淡水平時多了一萬輛車子在出入，開再多路都無法負荷，更不必談到生活品質和環境的惡化，商業思考更是早已把這個地方原本的氣味都掩蓋掉了。
淡水原本是個好地方，經濟發展這種誘人的口號，讓淡水的開發工程不斷地推動，整個淡水有如一座大工地，到處都在挖、到處都在拆，新的大廈一棟一棟站起來，遮住人們的視野，公共工程也一項接一項動工，青翠的草埔、樹林也跟著一塊一塊消失。
不斷開發來使得房地產一直上漲，這是對哪些人有利？帶來的商機是哪些人在賺？生活空間愈來愈擁擠，又是什麼人在承受？推動這種改變的那些力量，難道要把有利用價值的草埔、樹林都開發到底，才會想要停手？
台北縣升做新北市, 行政首長mā換人做, m̄-koh破壞淡水環境ê公共工程iáu是無chi̍t時停khùn. 前任縣長chhiàng聲講「違法mā beh起」ê淡北道路, 到新ê市長就任, oan-na無beh放棄chit ê聽講穩ē-tàng改善淡水交通問題ê計畫. 4月15, 環保署「淡北道路」環境影響評估ê第3 pái初審會議, sui-bóng面對chē-chē方面ê反對kap質疑, 會議結論iáu是「有條件通過」.
淡北道路chit ê計畫案是beh tī電車路kap淡水河中ng ê草埔地起1 chōa快速路. 官方hiah堅持beh開chit chōa路, siōng原初提出ê理由, 是講beh改善淡水到台北chhiāng-chāi that車ê交通問題; 日本大地動引起核能災變了後, 主張一定ài起路ê理由koh ke 1項: 淡水對外交通kan-taⁿ台2線, 萬一北海岸核電廠出問題, 新開chit chōa淡北道路thang做疏開ê用途.
Beh開路ê理由bē-su正經是為tio̍h地方設想, 拆明--ê講, 其實是為tio̍h炒地皮kap「淡海新市鎮」chit ê tiâu 10外冬ê開發案. Ngē beh開chit chōa新ê快速道路, 是為tio̍h chió數財團hām地方派系ê利益, 對一般ê淡水人實際上有siáⁿ幫chān?
上下班iah hioh-khùn日, 淡水ê交通確實ē phah結, m̄-koh開koh-khah chē路kám tōē解決chit款問題? 八里到新店ê快速路開通了後, 上下班時間iah是hioh-khùn日, 八里到五股kám m̄是iû-gôan不時that kah烏天暗地? Beh改善交通問題, 優先tio̍h改善--ê, 是公共運輸kap公共空間ài有夠方便kap sù-sī. 除去電車, 淡水對外ê公車hioh-khùn日顛倒減班, 行路ê人面對--ê koh是真無方便ê公共空間, án-ne beh nah有法度鼓勵人mài駛車出門?
Koh再講,「淡海新市鎮」ê開發自原初tō是m̄-tio̍h--ê, taⁿ koh為tio̍h beh繼續進行錯誤ê政策來開路, 破壞環境, án-ne koh-khah m̄-tio̍h! Káⁿ若hia無應該開發, tō koh-khah無開新路ê必要. 反對「淡北道路」自然無必要替官方chhōe出其他解決交通問題ê替代方案.
照官方公開ê統計資料, chit-má淡水ê人口數是14.5萬.「淡海新市鎮」開發比淡水市區koh-khah大phiàn ê土地, àn-sǹg 30萬人口入去hiah tòa. Ke chiah-ê人口入--來, 已經超過負擔量ê淡水ē pìⁿ做siáⁿ-mih款? Beh pìⁿ做像汐止án-ne e̍h-e̍h chiⁿ-chiⁿ, iah是beh像失敗ê林口新市鎮, 起kui phiàn厝宅teh飼báng? 假使淡水平常時á ke 1萬台車teh出入, 開koh-khah chē路mā bē-kham--tit, koh-khah免講生活品質kap環境ê惡化, 商業思考māē kā chit ê所在原底ê氣味lóng khàm了了.
淡水本底是1 ê好所在, 經濟發展chit款siâⁿ--人ê口號, hō͘淡水開發工程無停khùn一直bú--落, kui ê淡水tō bē-su 1 ê大工地, chi̍t-sì-kè to teh ó͘, to teh thiah, 新ê大樓1棟1棟chhāi kah ba̍t-chiuh-chiuh, kā lán開闊ê光景直直cha̍h--起-來, 公共工程mā 1項續接1項teh bú, 青翠ê草埔kap樹林á mā tòe leh 1 tè 1 tè無--去.
一直開發來hō͘厝價直直起價, che是好tio̍h toh chi̍t-kóa人? 開發帶動ê seng-lí熱潮koh是好tio̍h toh chi̍t-kóa人? 生活空間jú來jú chiⁿ, koh是siáⁿ-mih人teh承受? Chhui-sak chit款改變ê hiah-ê力, kám是ài kā有利用價值ê草埔kap樹林lóng開發到盡pōng, chiah ē知thang停khùn?
留言列表
