再一個多月你才周歲。在你出生前,我寫過一封信要給你,裡面提到很不甘願讓你出生在這種環境。看到現在社會的變化和時勢的發展,我不時想到就很怨嘆,等到你長大,我們這代人交給你們的,不知道會是什麼樣的社會、什麼樣的環境。
兩禮拜前,一個過去曾在國民黨體制裡做大官的人,宣佈要參加民進黨的總統提名初選,在電視新聞轉播的記者會畫面,看到台下坐滿許多我所熟悉的前輩。起初我滿腹怒火,後來愈想愈覺得悲哀。為了要讓我們脫離奴隸的命運,那些前輩過去確實付出很大的代價,但是現在他們在那場記者會出現,讓我對他們僅存的一點尊重,都能夠收回來了。你來不及認識的Sin阿叔,曾在一篇文章裡用「政治老猴」這個語詞來不屑他們,那時候我還跟他說不要這樣講,現在我連那句話都要收回來。
這一兩個月,常常聽到身邊很多認識的人,對那個要選總統的人讚賞不已,好像那個人真的能帶我們脫離奴隸的生活。今天我若和他們一樣去肯定那個人,將來我有什麼立場教你對與不對的道理?
這陣子來,新聞常常報導學生「霸凌」事件,學校裡學生若發生衝突,動不動就找靠山替自己出頭,小學生找國中生,國中生找高中生,大欺小、眾凌寡,這種行為實在是很卒仔,卻又很普遍。
年輕學生變得這麼卒仔、這麼惡質,難道是本性原本就這樣?或者是大人的世界做壞示範讓他們有樣學樣?讀世界史,讓我看到一樣要從奴隸翻身做主人的民族,他們是大學生帶中學生、中學生帶小學生講自己的母語,教自己的歷史,養成和奴隸主不同的世界觀與價值觀。
我們的社會只會指責打人的學生,從不反省是大人的世界在鼓勵這種卒仔行為,遇到難解決的糾紛,就是比關係、比靠山,拳頭若夠大粒,不對的事也要拗到贏。大家講到這種事都會咬牙切齒,但真的面對那些拳頭大的,像有權的、有勢的、有錢的,最厲害的就是「kha-chhng後幹死皇帝」、「西瓜偎大邊」,才會都是那種人在浮頭與猖狂。我不願跟著別人去肯定那個要選總統的人,就是要強調這種道理。
這個社會沒有教人要有志氣、要有責任感、要有正義感。我們的原則就是「不必有原則」,我們的立場就是「站在奴隸主的立場」,嘴裡說著要帶我們脫離奴隸生活的那些前輩,就是叫人這樣走!
留給你們的如果是這種社會、這種環境,是我們這代人不知羞恥!
Koh月外日lí chiah tō͘-chè. Tī lí出世chìn前, góa bat寫1張phoe beh hō͘--lí, 有講tio̍h真m̄-kam hō͘ lí出世tī chit款環境. 看tio̍h chit-má社會ê變化kap勢面ê發展, góa不時想--tio̍h tō ē真怨嘆, 等到lí大hàn, m̄知góan chit代交到lín手頭--ê, ē pìⁿ做siáⁿ款ê社會, siáⁿ款ê環境.
2禮拜前, 1 ê古早bat tī國民黨體制內底做過大官ê人, 宣佈beh參加民進黨ê總統提名初選, tī電視新聞轉播ê記者會畫面, 看tio̍h台á kha坐chiok chē góa se̍k-sāi ê sianpai. Chhím頭á góa看kah kui腹肚火, lō͘尾soah jú想jú悲哀. 為tio̍h beh hō͘ lán脫離奴隸ê運命, hiah-ê sianpai過去確實付出chiok大ê代價, m̄-koh chit-má in tī hit場記者會出現, hō͘ góa對in iáu chhun ê chi̍t-sut-á尊重, lóng ē-sái收倒tńg--來-a. Lí bē-hù se̍k-sāi ê Sin a叔, khah早bat tī 1篇文章用「政治老猴」chit ê詞來phìⁿ-siùⁿ--in, hit-chūn góa iáu kā講m̄免án-ne講, chit-má góa hām hit句話to beh收--tńg-來.
Chit 1~2月日, 不sam時góa to ē聽tio̍h身軀邊真chē se̍k-sāi ê人, 對hit ê beh選總統ê人o-ló kah ē tak-chi̍h, bē-su hit ê人正經ē chhōa lán脫離奴隸ê生活. 今á日góa若kap in kāng款去肯定hit ê人, 後日á góa有siáⁿ-mih立場教lí tio̍h kap m̄-tio̍h ê道理?
Chit-chām-á來, 新聞tiāⁿ-tiāⁿ teh報學生á sio欺負ê tāi-chì, 學校內底學生á若發生衝突, kha̍p-bē-tio̍h tō chhōe bá-kuh替ka-tī出頭, 國校á chhōe國中--ê, 國中--ê chhōe高中--ê, 大hàn phah細hàn, kúi-nā ê phah 1 ê, chit款--ê講--起-來實在是真su̍t-á, soah pìⁿ做真sù-siông.
少年學生pìⁿ kah chiah su̍t-á chiah惡質, kám是本性本chiâⁿ tō bái? Ah是大人ê世界做pháiⁿ模樣hō͘ in看? 讀世界史, hō͘ góa看tio̍h kāng款beh ùi奴隸péng身做主人ê民族, 人是大學生chhōa中學生, 中學生chhōa國校á講ka-tī ê母語, 教ka-tī ê歷史, 養成kap奴隸主無kāng ê世界觀hām價值觀.
Lán ê社會kan-taⁿ知怪罪phah--人ê學生gín-á, soah無tì覺大人ê世界tú-tú teh鼓勵chit款su̍t-á步, tú tio̍h hùi-khì oh解決ê tāi-chì, tō比siáⁿ關係好, bá-kuh chāi, 拳頭母若有夠大粒, m̄-tio̍h--ê to beh áu kah贏. Ta̍k-ê講tio̍h chit款tāi-chì lóng ē kā牙切齒, m̄-koh正經對hiah-ê拳頭母大粒--ê, 像講有權--ê, 有勢力--ê, hó-gia̍h--ê, siōng gâu tō是「kha-chhng後kàn死皇帝」, 「西瓜óa大pêng」, chiah ē lóng hit款人teh浮頭, teh chhàng-chhiu. Góa bē-sái tòe人去肯定hit ê beh選總統ê人, tō是beh強調chit款道理.
Chit ê社會無teh教人ài有志氣, ài有責任感, ài有正義感. Lán ê原則tō是「m̄免有原則」, lán ê立場tō是「khiā tiàm奴隸主ê立場」, 講beh chhōa lán脫離奴隸生活ê hiah-ê sianpai, mā是teh叫人án-ne行!
留hō͘--lín-ê若是chit款社會, chit款環境, 是góan chit代m̄知kiàn-siàu!
留言列表