台灣組合

這是我第1次參加生活營, 收獲很多, 本以為只是逛逛稻田, 卻在青松兄的穀東俱樂部裡找到我天馬行空想法可以實現的印證.

農業問題百百種, 也一直被長期討論再討論, 但是從沒有1種比較根本解決穀賤傷農的事實, 白米炸彈楊儒門的事件, 我開始思考如果農業由土地作物種類耕作者收成分配等都由國家介入的可能性, 我自己把它稱為「農業國家化」, 這樣的想法提出後被很多人笑, 也被污名所謂共產黨, 但我還是認為可行, 只是我沒能力去印證實踐罷了.

參加生活營之前, 我一直以為穀東俱樂部只是強調無農藥有機生產, 但在晚上跟青松兄聊天後, 才發覺他主要的是顛覆以往的生產者跟消費者的從屬關係, 青松兄把生產者的地位和決定權及基本保障提昇了, 生產者只負責生產安全的作物, 遇天災或其他原因的損失不再由生產者負擔, 遇豐收生產者更可得到獎勵, 我發現這就是「農業國家化」的示範農場, 如果可以由國家介入, 生產者由國家培訓及分配工作範圍並給予公務員般的待遇, 現在的老農也分配各區當顧問, 收成作物由國家統一處理分配或買賣, 這樣不就可以解決農業問題了嗎?

我很高興看到在青松兄的努力下, 顛覆傳統生產者被壓迫的處境開1條新大道, 我書念太少, 寫文章不行, 也許無法詳述宜蘭行帶給我的收穫與快樂, 我想, 我會再去, 只有快樂的地方才會讓人想再去吧.

謝謝Tekhoa和Toathaulian為這次的宜蘭行努力的安排, 謝謝青松兄一家的招待, 也謝謝同行的所有朋友, 祝大家平安順心!

Che 是 góa 第 1 pái 參加生活營, 得 tio̍h 真 chē, 本底 kioh 是 kan-taⁿ beh tī 田 hia se̍h-se̍h--leh, soah tī 青松兄 ê 穀東俱樂部內底 chhōe tio̍h góa 頭殼內 ê 想法 ē-tàng 實現 ê 印證.

農業問題百百種, mā 一直 hông 長期 teh 討論, m̄-koh m̄-bat 有 1 種 khah 根本解決剝削農民 ê 事實. 白米炸彈楊儒門 ê 事件, góa 開始思考農業由土地-->作物種類-->耕作者-->收成-->分配等 lóng 由國家介入 ê 可能性, góa ka-tī kā che 號做「農業國家化」. Chit 款想法提出了後 hō͘ 真 chē 人笑, mā hông 污名化做所謂 ê 共產黨, m̄-koh góa iáu 是認為 chit ê 想法 ē 通, 是 góa 無能力去印證 kap 實踐 niâ.

參加生活營 chìn 前, 我一直 kioh 是穀東俱樂部 kan-taⁿ 是強調無農藥有機生產, m̄-koh tī 暗時 kap 青松兄開講了後, chiah 發覺 i 主要是 beh『顛覆』éng 過生產者 kap 消費者 ê 關係, 青松兄 kā 生產者 ê 地位, 決定權 hām 基本保障提昇, 生產者 kan-taⁿ 負責生產安全 ê 作物, tú-tio̍h 天災 iah 是其他原因 ê 損失, 免 koh 是生產者 teh 負擔, tú-tio̍h 豐收, 生產者 koh ē-tàng 得 tio̍h 獎勵, góa 發現 che tō 是「農業國家化」ê 示範農場. 若 ē-tàng hō͘ 國家介入, 生產者由國家培訓 kap 分配工作範圍, koh hō͘ in 比照公務員 ê 待遇, chit-má ê 老農民 mā 分配到各區做顧問, 收成作物由國家統一處理分配 iah 買賣, án-ne m̄ tō ē-tàng 解決農業問題--a ?

Góa 真歡喜看 tio̍h 青松兄 ê phah 拚,『顛覆』傳統生產者 hông 壓迫 ê 處境, 開 1 條新路出--來, góa 冊讀 siuⁿ 少, 寫文章無才 tiāu, hōan-sè 無法 tō͘ kā chit chōa tī 宜蘭得 tio̍h--ê 詳細表達--出-來, góa 想, góa ē koh 去, kan-taⁿ 有快樂 ê 所在 chiah ē hō͘ 人 koh 想 beh 去.

多謝 Tek-hôa kap Tōa-thâu-liân 為 chit pái 活動 ê 安排, 多謝青松兄 kui 家伙 á ê 招待, mā 多謝 tàu-tīn 參加 ê 所有朋友, 祝 ta̍k-ê 平安順心!

──《TGB通訊》第71期(2005/8)