台灣ê Hō-ló話文獻有百外冬ê歷史, 款式, 內容lóng真豐富. M̄-koh1 êphāng等待lán chit代去修補: lán1套有實力ê母語百科全書. 百科全書ē-sái講是lánê智識資料庫. 1套有實力ê百科全書內容千萬款, ùi台灣恆春寫到台灣北投, ùi蔣渭水寫到Miłosz, ùi3國際寫到援助交際, ùi宇宙寫到phēng原子koh khahê粒子(particle)...... Ē-sáilánchēngtaⁿ ê一切事物lóng是可能ê題材. 面對chiah-nī-áê可能性, 大部份人ē希望有專家學者集體giâ, 5, 10ê時間完成1套台語百科全書. 甚至有人ē感覺che是精英份子, 政府, 商業出版社ê tāi-chì, kap insiáⁿ直接ê關係. 當然ia̍h有人感覺時機iáu-bōe, 應該等到音標, 文字穩定---chiah來進行.

 

--, 事實上自20037--已經有人開始編輯台語ê百科全書--lo͘h! 而且tī té-té 3月日內已經發起300外篇文章. kah現此時(200610--) to iābeh óa 2千篇ê白話字(羅馬字)文章. Chit ê產品góan kā號做「Holopedia, iHō-ló話版êWikipedia.Wiki」是Hawaii南島話「(速度)緊」ê意思, ahpedia」來自希臘話「έγκýκλιοò παιδεßα, 意思是「闊面ê教育」. 所以Wikipedia意思是1套「編了緊緊--a ê百科教育書」.

 

Wikipedia m̄-tāⁿ編了緊, 題材闊, i無疑誤是人類史上, siōng chē種語言版本ê百科全書. 200610--月為止, 229種語言, 除了各種主要, 次要ê歐洲語言以外, koh包括漢語系ê粵語(廣東話), 閩南語(台灣話, 廈門話=Holopedia), 閩東語(福州話), 吳語(江南話, 上海話), 南島語系ê Maori(紐西蘭), Hawaii, 北美洲原住民語言, 中東kúi-nā種語言(希伯來文, 阿拉伯文), 印度各省ê官方語言, 非洲ê Kiswahili. 論文章數量真驚--: taⁿ-á英文版(2001年創立, http://en.wikipedia.org/wiki/Main_Page) tō超過140萬篇, phēng傳統ê《大英百科全書》ke真有額.

 

到底Wikipediasiáⁿ-mih神通hō͘ i ē-tit展出chiah-nī-á豐富ê活力--leh? 若講有神通, ē-sái講是近來khiā tī網路建設頂kôan開發---ê集體合作技術kap文化. 其中1是強調「開放」,「隨人ē-tàng編寫/修改」ê Wiki編輯技術. 因為參與ê「戶tēngkē, 工具簡單好用, koh強調溝通/尊重ê合作態度, Wiki社區tiāⁿ-tiāⁿ有法tō͘ tī té-té時間內用團隊ê精神kā 1篇文件發展---. Wikipedia tōchit款數位時代ê社會性軟體產品(social software) siōng成功ê 1 ê. Wikipedia社區所有ê編輯lóng經過電腦網路 ho̍at-lo̍h. 網路無明顯ê國界, 親像英文版ê編輯者來自英國, 米國, 澳洲, 紐西蘭, 新加坡, 印度等等ê英語系國家, 另外kohchē-chē tiàm tī非英語系國家êtàu-lāu-jia̍t── án-ne tàu-tàu---來有chiaⁿ萬人khah ke. 因為有chit種人力資源配合編輯上ê彈性, i ê內容比傳統印刷做冊ê百科全書khah有法tō͘反映新ê時勢, 無論是政治, 科學, 文化潮流, 體育......

 

Wikipedia真適合lán目前階段ê母語發展ê現實需求. 就過去ê台文出版模式來看, 1 ê作者若無法tō͘tio̍h國家, 私人基金會或者是商業出版社ê支持(iahka-tī有經濟能力), tō無可能有流傳, 傳播思想文字ê機會. 若堅持行chit款傳統ê出版模式, 台語ê百科全書有可能等到2020to1 ê. 而且有可能排版khiohiáu-bōe, 部份內容已經過時--a. Ùi編寫模式ê角度來看, 過去ê著作大部份是個人phah---ê產品, 甚至chham超大型ê詞書to真罕得有設委員會來進行. 辭典iáu有可能1人完成(尤其有kóa早前ê著作thang參考), 百科全書tō khah oh. 而且chēngtaⁿ所有ê著作一定tio̍h等到印刷版出--來了後, 社會大眾chiah有機會利用--tio̍h. Che真可惜, 因為讀者群是siōng有效率koh siōng sio̍k êlia̍h-pau部門」(proofreading / fact-checking department). Tī出版了後chiah有機會發現ê錯誤通常無法tō͘更正, 尤其若無koh再版有可能繼續流傳, 傳播錯誤ê資訊.

 

Wikipedia某種程度有法tō͘閃避以上ê缺點. 因為是數位產品, Wikipedia百科全書免承擔印刷, 材料, 運送等等ê開銷. (Wikipedia主要ê開銷是電腦設備kap通訊線路.) 因為是公開性質ê編輯模式, Wikipedia ê內容隨時接受外界ê評論kap指正. M̄-tāⁿ án-ne niâ, Wikipedia mā歡迎外界人士親身liâu落去改進, 補充, 發起新條目. --, 讀者隨時ē-tàngtio̍h目前siōngê文章內容; --, 編輯者隨時有法tō͘tio̍h讀者ê評論, 而且即時修訂. (實際上, 讀者ham編輯者ê身份tiāⁿ-tiāⁿ têng-tha̍h.) 因為Wikipedia保存而且公開每1篇文章ê舊內容(舊版本), 文章演變ê脈絡真好調查. Siōng kài特別--ê, Wikipedia是集體ê編輯文化, 無設「總編輯」,「副編輯」等等ê權力中心, 所有關係內容ê爭議, 衝突, 理論上由所有參與者tàu-tīn討論, 解決. Chit款「民主」過程得--tio̍h ê結果通常是得人滿意--ê. 另外, 因為Wikipedia有支援多種語言ê優良傳統, 台語版, 台語文字ê技術問題有技術人員tàu解決, 編輯者ē-sái專心寫作. Wikipedia mā有互相翻譯ê傳統, 所以寫1篇台語文章理論上有翻譯做別種語言ê可能性. Tùi政治面來看, 台語人參與Wikipedia mā算是1款草根性ê「國民文化外交」. 透過ham別國語言人士ê事務性交流, lán ē-sái促進互相ê瞭解, 而且得tio̍h外交經驗. 當然, Wikipedia ê內容chāi人提去印刷, 出版(只要滿足基本ê許可條件), 所以Wikipedia ham傳統ê出版模式並無衝突.

 

一般由學者專家寫作, 國家/基金會/出版社出版ê百科全書無以上ê優點. 有能力用台語操作智識ê學者專家真有限. 網路百科全書有法tō͘滿足Hō-ló話現實ê需要( 1套人類chai-bat ê資料庫), 而且提供一般Hō-lóùi草根chhap「文字文化」, 接觸數位文化ê機會, siāngmā thèng好加添數位化母語文獻ê. 當然, 百科全書ê存在本身有i歷史性, 時代性, 教育性ê意義, 對建立健康, 活潑ê Hō-ló語文文化應該ia̍h有幫chān.

 

Holopedia目前面對ê問題是結構性--ê: ē-hiáu寫母語ê人口iáu siuⁿ chió. Bat pē母話koh ē-hiáu上網操作--ê, 更加chió. Koh, 台語文字標準化ê速度慢, 致使oh chhan像粵語廣東人ē-sái khiā tī「書寫同文」ê基礎來合作編輯. Che iā是目前Holopedia採用「全羅」, 無用「全漢字」ê原因之1 : 漢字ê書寫傳統非常無一致, ē-sái講「1人寫1款」, oh得用Wiki技術saⁿ-kap. 羅馬字1套標準. 而且上網人口年歲khah, chē-chē少年人母語無chāi, 強迫寫拼音字有訓練發音ê附帶作用, 思考khah無去受tio̍h頭殼內強勢ê華語文漢字影響, 自然母語ē tòe leh khah. Tī chia góan beh建議lán ê sī大人, 若有機會, 請考慮o̍h電腦, o̍h chiūⁿ. Mā beh建議已經ē-hiáu chiūⁿê少年家, 請考慮o̍h母語, o̍h祖先á.

 

總講1, góa認為雖然lán祖公無留半套百科全書hō͘ lán, m̄-koh現在已經有1套好用ê編輯ke-si, tī過去無可能有, 所以lán ta̍k ê人應該疼惜chit ê歷史機會, 發揮集體ê力量, 親身入去Holopedia編輯看māi. 有大眾參與ê精神, 百科全書ê品質自然ē緊來緊好, 內容êmā ē ná chē. Jú chē種人參加, 內容ê觀點, 使用ê語言ē jú活潑, jú多元化, 錯誤mā ē ná chió.

 

[] 本文發表暗光鳥ê

Holopedia: http://zh-min-nan.wikipedia.org/wiki/Holopedia

Wikipedia: http://zh-min-nan.wikipedia.org/wiki/Wikipedia

Wiki: http://zh-min-nan.wikipedia.org/wiki/Wiki

 

──TGB通訊》88(2007/1)


創作者介紹
創作者 台灣組合 的頭像
台灣組合

台灣組合

台灣組合 發表在 痞客邦 留言(2) 人氣()