新竹縣新豐鄉的紅毛港,在出海口附近有一處佔地約8.5公頃的紅樹林,它是北台灣地區唯一水筆仔與海茄苳混生的紅樹林。
我大約4~5年前曾來過這邊,茂盛的紅樹林,襯著紅色鐵橋,底下的彈塗魚、招潮蟹等紅樹林動物生機蓬勃。但是我無心觀賞這人間美景,在進入紅樹林的步道入口處,攤販載著整車的釣竿,一整排展示在眼前誘惑者遊客們。而穿梭在紅樹林內的遊客,一人一手釣竿,大部份來自入口處的攤販,有些則是自製的,每個人都專心地釣著招潮蟹。這些遊客(或者應該說釣客) 99.9%是全家出動,有些還三代同堂,右手拿著釣竿,左手提著水桶或塑膠袋,親子同樂。有個小朋友的水桶內,裝了大概20~30隻的招潮蟹,正高興地向媽媽展示「戰利品」,我問那位母親釣了那麼多的招潮蟹要幹嘛?他回答說帶回家給小朋友玩。
事隔很久我不曾再去過紅毛港,但是這件事一直印在我的腦海裡。因為這個週末正好會經過那邊,我便帶著照相機,想看看過了4~5年那裡有沒有什麼轉變。附近的池府王爺廟口一樣有著幾個小吃攤販,旁邊多了個公路工程在進行中,步道入口處已經沒有那麼囂張的釣竿攤販,而紅樹林還是那樣的茂密,但不變的是仍然盛行「釣蟹休閒活動」!一樣是全家出動,親子同樂!釣客們拿著簡易的自製釣竿,個個進入獵殺的忘我世界,無視佇立在一旁的告示牌:「為維護自然生態資源,招潮蟹、彈塗魚切勿捕捉,紅樹林請共同珍惜。」我向一位釣客說這裡不能釣,他無辜地回答我說:「是嗎?可是大家都在釣啊!」
無辜的招潮蟹,淪為人們休閒活動的獵殺對象,而苦悶的台灣奴隸,只好對一樣無反抗能力的生物下手,以消解心中的無奈與壓力,好一個悲慘世界!
新竹縣新豐ê紅毛港, óa出海口hia有1 tah 8.5公頃ê紅樹林, 北台灣地區kan-taⁿ chia是水筆á kap海茄苳thàu-lām chò-hóe生thòaⁿ ê紅樹林.
Góa 4~5冬前bat來--過, 紅樹林thòaⁿ kah ba̍t-chiuh-chiuh, 邊--á有hiáⁿ目ê紅鐵橋, hoe-thiàu kha-sian chiah-ê紅樹林動物活lèng-lèng tī thô͘-kha teh sô. M̄-koh góa soah無hit ê心chiâⁿ欣賞, 紅樹林外口, 販á載kui車ê魚釣á, 排kah好sè好sè bē-su teh kā人siâⁿ. Tī紅樹林內底ê觀光客, ta̍k ê人lóng gia̍h 1支魚釣á, 大部份是kā販á買--ê, 有ê是ka-tī做--ê, ta̍k-ê to注神teh釣kha-sian. Chiah-ê觀光客(kiám-chhái ài講釣客chiah tio̍h)有99.9%是kui家伙á chò-hóe出來chhit-thô--ê, 有ê koh 3代出動, 正手gia̍h魚釣á, 倒手kōaⁿ水桶iah塑膠lok-á, 大人gín-á釣kah歡喜kah. 有1 ê gín-á ê桶á內底, té有20~30隻ê kha-sian, 歡喜teh展hō͘ in老母看, góa問hit ê媽媽講釣hiah chē beh chhòng siáⁿ? I應講beh chah tńg去hō͘ gín-á sńg.
過chiok久góa m̄-bat koh去--過, m̄-koh chit ê tāi-chì一直記tiâu-tiāu無法tō͘ pàng bē記--得. Chit禮拜tú好ē經過hia, góa tō kha-mé-lah chah--leh, 想beh看māi-á過4~5冬了後hia kám有變. 附近ê池府王爺廟口kāng款有kúi ê擔á teh賣chia̍h--ê, 邊--á ke 1 ê公路工程teh進行, 紅樹林外口無koh看tio̍h hiah-nī chhàng-chhiu teh賣魚釣á ê販á, 紅樹林iû-gôan生kah hiah-nī-á ōm, 無變--ê是ta̍k-ê iáu是sio招teh釣kha-sian! Kāng款是kui家伙á chò-hóe出動, 大人gín-á釣kah歡喜kah! In gia̍h ka-tī做ê魚釣á, ta̍k ê to釣kah m̄知人, chhāi tī邊--á ê告示牌──『為維護自然生態資源, 招潮蟹, 彈塗魚切勿捕捉, 紅樹林請共同珍惜』tòng做無看--tio̍h. Góa kā其中1 ê人講chia bē-tàng釣, i chiâⁿ無辜kā góa應講:「是--o͘h? M̄-koh ta̍k-ê lóng teh釣a!」
無辜ê kha-sian, hō͘人tòng做chhit-thô mi̍h-á teh sńg, ah苦悶ê台灣奴隸, kan-taⁿ ē-sái對kāng款無反抗能力ê生物消解心內ê無奈kap壓力, 有iáⁿ是悲慘世界!
留言列表