台灣組合

Góa ùi以早tö hông認為是熱phut-phut ê人, 高中同學iah是國中同學lóng會問góa「熱phut-phut」ê問題. In lóng認為góa一定會chiâⁿ做社會ê thiāu-á, 就是講tī扭曲價值觀內底ê「中堅份子」.

Hōan-sè chit-má大學3年á--a, 最近chiok chia̍p接tio̍h真chē朋友ê電話, in對未來lóng茫茫渺渺, ǹg望góa kā in「開示」(góa ia̍h m̄是葉教授--a! ....><...).

其實góa早tō bē記得以早到底hām in講過siáⁿ-mih--a, ah chit-má góa會講siáⁿ-mih--leh?

一直ǹg未來看ê時, 面對未知, 當然會看bē-tio̍h siáⁿ-mih, 當然會感覺茫茫渺渺, kui-ê lóng霧sà-sà, 除非lán是千里眼iah是有特異功能!

Beh ǹg未來看chìn前, ài先看ka-tī, 面對ka-tī ê軟弱, 看māi-á ka-tī有--ê是siáⁿ-mih. 若án-ne, 面對未來ê時, tō bē hiah-nī驚惶--a.

Chit 2工一直teh giau疑:「Góa ê信心走去toeh?」

Kiám-chhái是壓力, 做社長ê壓力. Góa m̄是驚做tāi-chì, 因為góa有心, 為社團mā為ka-tī, góa是歡喜甘願--ê. M̄-koh hō͘ góa chheh心--ê, 是ta̍k-ê lóng無kā心hē tī chia. Góa無beh怪罪siáⁿ-mih人, 因為góa若m̄是社長, 免擔chit-ê責任, góa hōan-sè mā是會án-ne.

想tio̍h ài ka-tī做社團大部份ê tāi-chì, góa就lán--落-去-a, 借場地, 交企劃書, 228活動, 申請補助, 活動成果報告, 聯絡社員......, 差不多lóng góa 1 ê人ài擔, 真thiám.

最近, koh聽tio̍h副社長Chhiu-sûn後學期beh退出, Ngá-kî有心境ê矛盾, mā想beh mài koh參與, góa m̄知beh講siáⁿ. 心內有kóa感傷, m̄-koh che是個人ê選擇. Góa bat kap Ui-chì講--過:「社團親像teh戀愛.」M̄-thang hō͘對方感覺有壓力, ài是人歡喜甘願, che愛情chiah會久長. Góa盡量mài hō͘人壓力, m̄-koh人kám有心?

若有, 我想ta̍k-ê lóng會真快樂, 社團會tàng像Family. 若無心, 有人會做kah chiok thiám, 有人猶原過ka-tī本底自在ê生活, 想beh來就來, 無愛來就kui-khì講:「Pháiⁿ-sè, góa有tāi-chì, bē-tàng去--a!」辦活動ê人kan-taⁿ會tàng應講:「O͘h! Góa知--a.」心內soah chiok冷--ê. 若án-ne, ta̍k-ê beh án-chóaⁿ會tàng chiâⁿ做好朋友? Koh khah免講kā社團變做Family--a!

Chit-chām-á TGB發生chiâⁿ chē tāi-chì, góa個人mā tú-tio̍h 1-kóa困境, o̍at頭看行--過-來ê過程, hō͘ góa愈相信若信任ka-tī, 危機tō是轉機.

TGB是siáⁿ-mih款團體? Lán beh經營siáⁿ-mih款ê氣氛kap討論空間? Lán beh起造siáⁿ-mih款ê價值?

Lán tiāⁿ講ài面對ka-tī, 挑戰ka-tī, lán mā tiāⁿ講ài phah破權威, 尊重人性, m̄-koh tī lán ka-tī ê團體--nih, lán soah chhiâng-chāi用一般社會ê價值觀(lán beh phah破ê價值觀) teh束縛ka-tī.

講beh挑戰ka-tī, soah顛倒m̄敢面對ka-tī ê問題; 講beh phah破權威, soah顛倒ǹg望"權威" hō͘ lán "標準答案"; 講beh創造人性空間, soah顛倒無teh Care別人, kan-taⁿ顧ka-tī.

Tō是án-ne, chiah ē造chiâⁿ互相愈chē誤會, ka-tī愈chē問題(koh m̄敢面對, soah愈艱苦), Group成員互相愈無信任.

Tōa-thâu-liân lí hó:

Chin hoaⁿ-hí siu-tio̍h lí ê Mail. Tùi lí ê jī-kù lāi-té mā ē-tàng thé-hōe hit-chióng bô-nāi kap ut-chut. M̄-koh láu-si̍t kóng, che sī siáⁿ-mih lâng ia̍h bô hoat-tō͘ ê tāi-chì. Góa ê ì-sù sī kóng jīn-hô lâng lóng bô èng-kai sūⁿ beh khì kái-piàn pa̍t-lâng. Che pún-chiâⁿ tō-sī Mission Impossible. Che sī chòe-kīn ka-tī ê tām-po̍h-á thé-hōe.

Góa siūⁿ, lán lóng sī kiâⁿ kāng chi̍t-tiâu lō͘ ê lâng. Lán ê sim-lāi mā ū chi̍t-ki lán siūⁿ beh peh ê soaⁿ-thâu. Lán ē-sái éng-óan thiau-chiàn kāng chi̍t-ê lí-sióng, khiok-sī bô èng-kai sí-siú chi̍t-ê hong-hiòng. Kî-si̍t kap chit-má ê TGB kāng-khóan ê būn-tê, góa mā bat tú--tio̍h, kóng khah chèng-khak--ê, èng-kai kóng che chiū-sī lán só͘ bīn-tùi ê siā-hōe ê sok-iáⁿ. Kám m̄-sī? Lán ta̍k-kang chhut-mn6g, tī tiān-sī khòaⁿ--ê, tī lō͘--ê tú--tio̍h-ê, chha-put-to lóng-sī kāng-khóan ê lâng kap sū. Che tio̍h-sī seⁿ lán chhī lán tōa-hàn ê Tâi-ôan siā-hōe ê chin-siòng. Chit-chióng tāi-chì m̄-sī chi̍t-kang nn̄g-kang ē kái-piàn--ê, nā bô chá tō kái-koat--a. Sīm-chì hō͘ lán ka-tī koh khah kan-khó͘--ê sī, tī lán ka-tī ê sim-lāi, lán mā ta̍k-put-sî ài bīn-tùi ka-tī ê put-an, bóng-tōng, kiau-ngō͘, mô͘-tún kap tô-phiah. In-ūi lán ē-tàng thé-hōe chit-kóa tāi-chì ê khó͘, só͘-í lán mā hi-bāng ē-tàng chiong lán ka-tī kā chit-ê siā-hōe tùi che lāi-té lī-thoat--chhut-lâi, kám m̄-sī? Khó-lêng án-ne lí ē kám-kak kî-kòai, kóng kàu bóe--á, m̄-sī kāng-khóan ài chō-sêng kái-piàn? Bô m̄-tio̍h! Chí-sī chit-ê kái-piàn ài ùi lán ka-tī khai-sí. Iau-kiû pa̍t-lâng kái-piàn sī siōng kán-tan iā-sī siōng khùn-lân ê tāi-chì. Lâng só͘ ē-tàng 100% khak-si̍t ū pá-ak chò ē kàu--ê, chiū-sī kái-piàn ka-tī. Che sī góa ka-tī ê chi̍t-sut-á keng-giām. Lán bô khó-lêng iōng lán ê la̍t khì kái-piàn sè-kài, tān-sī tong lán kái-piàn ka-tī, kái-piàn ka-tī ê hong-hiòng, kái-piàn ka-tī ê kak-tō͘ liáu-āu (góa m̄-sī kóng kái-piàn lí-sióng kap bo̍k-phiau), chi̍t-ba̍k-nih, lí ē hoat-hiān lēng-gōa chi̍t-ê ôan-chôan bô-kâng ê sè-kài. Hit ê khì-hun, iah-sī hit-tang-chūn ê lí, chū-jiân ū kái-piàn seng-khu-piⁿ ê lâng ê le̍k-liōng. Iōng bu̍t-lí-ha̍k ê kak-tō͘ lâi khòaⁿ mā kài chū-jiân, tong chi̍t-ê kín-tiuⁿ ê Closed System kái-piàn jīn-hô chi̍t-ê tiâu-kiāⁿ ê sî, put-kóan chit-ê piàn-hòa hoat-seng tī siáⁿ-mih só͘-chāi, kui-ê System tio̍h ē hoat-seng piàn-hòa, m̄-thang bē-kì-lih lán mā sī chit-ê hiān-chōng kap būn-tê ê chi̍t pō͘-hün. Beh kái-piàn sè-kài, thâu-chi̍t-pō͘ tō-sī tùi kái-piàn ka-tī khai-sí.

Che sī gún bó͘ kā góa kà ê tō-lí. M̄-chai kap lí siūⁿ beh thiaⁿ--ê chha jōa-chē, hi-bāng tùi lí ū tām-po̍h-á chham-khó ê hāu-kó. Chòe-kīn SARS tng liû-hêng, ta̍k-ê lóng ài pó-tiōng.

Chheng-sioong

Tong gōa-lâi kap chāi-tē kài-sòaⁿ hun-bêng ê sî, kè-têng-chhia ùn-chiàng ē-tàng chiâⁿ-chò ke-thâu phêng-lūn-ka. In chai-iáⁿ, gōa-lâi--ê tāi-piáu "ap-pek kap pak-siap", chāi-tē--ê tāi-piáu "kong-gī kap tháu-pàng".

Tong si̍t-bîn chèng-kôan sī Tâi-ôan-lâng teh hōaⁿ-pôaⁿ, koh sam-put-gō͘-sî-á to leh hoah『中華民國萬歲』, koh kóng: "Siáng nā beh thui-hoan『中華民國』, tō-sī góa ê te̍k-jîn!" ê sî-chūn, ke-thâu phêng-lūn-ka tō thâu-khak gông-gông, tōa-chhùi khui-khui, bô hoat-tō͘ koh phêng-lūn.

──《TGB通訊》第45期(2003/6)

Tekhôa hiaⁿ,

Tī lí kóng-ōe ê tiong-kan, góa ē-tàng khòaⁿ-tio̍h lí ê jia̍t-sim kap sèⁿ-miā-la̍t. Lí góa tio̍h-ài ū kak-ngō͘, chai-iáⁿ sèⁿ-miā tī gia̍t-liû (anti-current) kap chiàn-tàu tiong ê jîn-seng, chiah sī chin-chiàⁿ ê jîn-seng. Chiàn-tàu tiong ê pêng-an chiah sī chin-chiàⁿ ê pêng-an.

Góa chit lé-pái tō beh tńg khì Bí-kok. Nā-sī Siōng-tè gōan-ì, góa ē-ha̍k-kî ē koh tńg--lâi. Tâi-ôan kàu-hōe tiong ê o͘-àm bûn-hòa, si̍t-chāi chin kiaⁿ--lâng, pí kàu-hōe gōa ê bûn-hòa koh khah o͘. Góa tē 1 pái chhim-chhim cham-tio̍h chit-chióng Tâi-ôan kàu-hōe ê hú-pāi.

Tâi-ôan chéng-thé ê bûn-hòa lóng sī beh chò hó-lâng ê hiong-gōan(『鄉愿』) bûn-hòa, í-kip im-hiám ê tàu-cheng bûn-hòa. Chit-chióng hú-pāi ê Tiong-kok bûn-hòa sī bô hi-bāng--ê-lah

Hi-bāng chin kín koh kap lín kìⁿ-bīn. Chiok pêng-an.

Tân Phek-siū 2003.6.17

有1 kái聽tio̍h 1節課, 是有關原住民tī電視節目--nih分佈情形ê探討, 會--nih teh討論應該製作siáⁿ-mih款ê節目, chiah有法tō͘代表原住民真正ê精神, chiah有法tō͘ hō͘ ta̍k-ê接受. 會--nih ê討論有討論講, chiah-ê觀點tī商業市場kap資本主義運作ê Logic內底, 根本就chiok pháiⁿ chhui-sak--ê.

Chit-lō氣氛, hō͘ góa想tio̍h chìn前參與1-kóa母語運動團體ê活動, mā lóng tú-tio̍h kāng款ê情形, ta̍k-ê為tio̍h beh án-chóaⁿ包裝, beh án-chóaⁿ行銷, beh án-chóaⁿ hō͘主流社會接受, kiōng beh kek破頭殼.

舊年, 中華民國體制講beh開放1禮拜1點鐘ê母語課, 真chē熱心ê朋友拚性命beh chiⁿ去做母語老師, bē-su che tō是lán當初時beh ài--ê, bē-su講án-ne落--去, 台灣人tō會開始重視母語--a.

Lán翻頭kā看, chit-ê社會到taⁿ iáu teh phìⁿ-siùⁿ台語, 看最近少年朋友時行teh kâng笑ê用詞----『台客』, tō ē-tàng了解, 家長mā bē án-ne tō開始beh hām gín-á講母語. Taⁿ-á 1點鐘ê母語課, 到尾--á, tō像lán ùi國中開始學英語, 學到高中大學, ta̍k-ê原在bē-hiáu講mā m̄敢講, 反省了後ē發現, chit-ê社會根本無保護母語ê觀念, taⁿ-á是熱心者tī邊--á熱phut-phut.

Tī chia tō講tio̍h要緊ê tāi-chì: 到底原住民運動kap母語運動beh追求siáⁿ? Kám m̄是過去ê日本殖民政權, kap chit-má ê中華民國殖民政權kā lán壓迫, sianpai chiah ē beh來追求「自治」kap「獨立」? 高一生kám m̄是為tio̍h beh chhui-sak「高砂族自治區」chiah hông thâi--死-ê? 母語運動, 環保運動, 勞工運動......是建立新體制ê大旗á ē-kha, 分--出-來ê專業niâ? Kám m̄是chiâⁿ百冬來, lán自認為是民主ê國家--a, soah無ka-tī ê文字權häm語言權, chiah beh來運動--ê?

All of TGB:

Tī chia (Hái-kun Ki-su̍t Ha̍k-hāu) tē 2 lé-pái í-keng khah kòan-sì--a, téng lé-pái phòa-pēⁿ, kui-ê lâng siān-tauh-tauh, bē-su beh sí--a, chit lé-pái koh o̍ah--khí-lâi-a.

Tī chia tō ká-ná tī ha̍k-hāu teh siōng-khò, 6:00 khí-chhn̂g, piàⁿ-sàu, chia̍h chái-khí, 8:00~12:00 siōng-khò, e-po͘ siōng kàu 16:20, e-àm ū-tang-á『晚自習』, ū-tang-á sī "piàⁿ-sàu", ē-tàng lō͘-iōng siōng-khò ê khang-phāng khòaⁿ-chheh, siá-phoe iah sī khòaⁿ pò-chóa.

Cha-hng 12/17, China Sî-pò ê phiau-tê sī:『國親不反獨, 民進黨主打組織戰』, khòaⁿ 1-ē soah gāng--khì, éng-kòe lóng sī Kok-bîn-tóng teh phah cho͘-chit-chiàn, chín soah ōaⁿ Bîn-chìn-tóng? Kok-bîn-tóng ūi-tio̍h sóan-phiò, chin-chiàⁿ ǹg to̍k ê chit-pêng sió sóa--kòe-lâi-a, in kóng ê『台獨也是台灣人未來的選擇之一』, hām Bîn-chìn-tóng ê "Tâi-to̍k Tóng-kong"『5個如果』, koh ka-siōng kong-tâu ê ì-sù kám m̄-sī chiok sio-siâng? Kám m̄-sī lóng beh sêng-jīm China Bîn-kok? Lóng sī beh î-chhî hiān-chōng, beh tán sí?

Chōe-kīn, Kok-bîn-tóng ê sóan-kí chhek-lio̍k hóan-èng ke chin o̍ah, ùi kong-tâu li̍p-hoat, kàu bô hóan Tâi-to̍k, hōan-sè ū 1 kang, chin-chiàⁿ ē chhiūⁿ Chhoan-peh--á kóng--kòe-ê, ōaⁿ Kok-bîn-tóng hoah Tâi-to̍k, ōaⁿ gōa-séng-lâng teh hoah Tâi-to̍k!

行政院文建會最近1期ê機關報《文化視窗》內底, 講70年代出世ê學運份子是「後學運世代」, 講 lán m̄-bat見證過學運ê歷史. Chiâⁿ好笑, siáⁿ-mih是學運世代? Kan-taⁿ是1 tīn tòe優勢階級peh起lih ê狗á niâ, 基層群眾ê痛苦in kám了解? In kám體驗--過? 人民真實ê聲in kám感受--過? In kan-ta° ë-hiáu操作選舉機器, kioh是án-ne tō ē-tàng hō͘群眾幸福! Kám有iáⁿ? Án-ne in憑siáⁿ-mih「學運」ê khanpang sa leh o͘-pe̍h騙? 笑破人ê嘴!

Sin, tī花蓮, 2004.3.2

──《TGB通訊》第55期(2004/4)

Tek-hôa, 多謝 lí寄--來ê文章〈無魚蝦mā好?〉, góa想, che hōan-sè是新台獨運動形成ê路線, góa tiāⁿ teh想 1 ê問題: 民族運動kap階級(勞工)運動 tī政治利益ê計算kap鬥爭過程--nih, 關係對新社會關係 iah是價值形成ê思考, beh án-chóaⁿ統合做 1 ê無kāng核心價值之間, 形成互相參照mā互相影響ê「運動ê觀念論體系」, tī chit-ê基礎上展開運動ê路線kap策略? Che是góa頭殼內hiông-hiông想--tio̍h-ê, kap lí分享, hōan-sè iáu無夠成熟, m̄-koh che是góa che 1~2冬內一直khǹg tī心肝內ê疑問, 有機會lán chiah koh káng.

良榮, tī Hokkaito, 2004.3.2

──《TGB通訊》第55期(2004/4)

Î-kun:

55期ê《TGB通訊》刊--ê, ká-ná是lí第1篇文章, tī做兵chiah無聊ê生活--nih, 看tio̍h舊年ê學員開始投稿, hō͘ góa真歡喜, 關係lí寫ê主題, 真值得lán討論.

應當是2冬前, góa tòe BONG報去參加民視舉辦ê台語研討會, 會--nih, 有kóa人質疑民視m̄是真正重視台語, in ê台語節目m̄是發音無標準, tō是無用台語語法, 甚至koh用舊時代戲齣ê外殼包裝, kan-taⁿ是北京話改做台語niâ.

大多數人是用肯定ê態度teh看民視, in認為有電視台beh做台語節目tō bē-bái--a, 其他--ê ta̍uh-ta̍uh-á chiah koh要求, 若一直嫌--落, hōan-sè民視ē起tū-lān bē-giàn做--a.

Hit chūn góa mā hoe-sà-sà, 尾--á詳細kā想, 民視做台語節目是商業考量, 頭前批評--ê是運動思考(看kui-ê價值觀ê問題), chit 2項m̄是無『對焦』ê可能, 運動界若無tī chit-ê社會--nih kā koh khah深化ê思考空間phah--開, 商業台無可能hē hiah chē khùi力tī chia.

1.「中華民國」chit ê名有iáⁿ真害, España (西班牙) ê庄kha所在, 有ê人根本m̄-bat聽過「台灣」, hit工góa去到Ronda, 1 ê tī Andalucia ê山城, ho͘-thé-luh (hotel) ê人chhím看tio̍h góa ê護照頂頭國籍寫做「Republic of China」, tō tī ho͘-thé-luh ê名簿kā góa ê nacionalidad (國籍)登記做「China」, góa kā講寫了m̄-tio̍h--去-a, 應該是「Taiwan」, nah知i真頂真直直比護照頂頭講「Chi-na...Chi-na...」(Español ê英語無講kài通, in有iáⁿ ka China讀做支那), góa是hō͘氣kah beh死, m̄-koh護照ê nationality明明tō án-ne寫, khah講mā講bē hoan-chhia.

2. España西北部是Catalonya地區, in用ka-tī ê語言Catalan來做官方語言, tī街路頂ê號頭, iah是tī餐廳內底ê菜單, lóng用Catalan來寫, 雖bóng Catalan kap Castellano (一般講ê Spanish西班牙語)真sio-siâng, 有ê字kan-taⁿ增差1~2 ê字母niā-tiāⁿ, m̄-koh tī khah大ê車頭等等, in猶原kā 2種語文lóng寫--出-來(有時chūn koh ke寫第3種語文─英文), koh是Catalan寫tī頭前/頂頭, Castellano寫tī後piah/ē-kha, tī Bacelona siōng大ê美術館Palau Nacional內底, góa看tio̍h 1份印kah真súi ê展覽說明, 甚至分做Catalan語kap Castellano語印做2份, hō͘ góa看--tio̍h真感慨, 台灣惡質ê語言環境kap母語ê危機, tī hia看--起-來koh ke真清楚.

3. España有4種官方語言, tī中部kap南部用Castellano (一般teh講ê Spanish), 北部有1 ê地區是Basque, 西北是Garlician (kap Portugal葡萄牙語khah sêng), 東北是Catalan, tī無kāng地區, in lóng用ka-tī ê語言來寫官方ê文書, 街á路ê號頭, 文學ê創作等等, Castellano m̄是in唯一ê官方/文學語言.

──《TGB通訊》第57期(2004/6)

Góa今á日看〈台灣心聲〉, 聽謝志偉講若台灣有革命, 國民黨早tō hông清算--a, koh thang hō͘ in tī chia khàu-iau; i koh講若照東德ê例, 國民黨甚至連參選ê資格to無......

聽講陳水扁「就職演說」--nih,「228, 白色恐怖, 本省人hām外省人lóng有人受害, che m̄是族群問題, 是權力濫用ê問題」, chit段話tō是 i hām吳錦發提供ê意見.

看--起-來 i 頭殼koh chiâⁿ清楚, i想--ê hām lán對tāi-chì ê判斷差不多, m̄-koh in kan-taⁿ kā核心問題lia̍h tī民主, lán是teh強調體制問題.

若beh講民主, tō無應該有外來政權ê問題, m̄-koh in koh一直講「台灣人ê悲哀」,「hō͘外來統治者chau-that hiah久」.

Ùi in ê話, góa koh khah確定, 體制ê問題chiah有法tō͘解說chit chūn ê局勢kap歷史.

Taⁿ米kheⁿ人tī 921地動了後, 開始走chhōe in kap Taⁿ米kheⁿ chit tè土地ê新關係. 台灣真chē所在kap Taⁿ米kheⁿ kāng款分頭teh思考beh án-chóaⁿ kap土地結合, 因為án-ne, 社區運動chit-ê詞不時tī媒體頂kôan, iah是tī政府官員kap文史工作者hia看--tio̍h, 聽--tio̍h. Koh ē記得tī Taⁿ米kheⁿ聽tio̍h 1句話:「Tī chia, 4-kha-á ē-sái hō͘ Taⁿ米kheⁿ tín動--起-來.」Hō͘ góa tì覺tio̍h社區運動m̄是硬體ê建設, mā ē是觀光thàn-chîⁿ, 是beh透過社區運動hō͘社區ê人來發覺ka-tī ê重要性, 提升ka-tī ê自信.

社區到底是siáⁿ? 社區運動是beh做siáⁿ? 社區ê概念m̄是「空間」, 是1 tīn人chò-hóe使用共同ê資源teh生活, 所以重點是tī「人」, 1 tīn人共同生活, 共同面對生活問題, 產生--ê tō是「社區意識」, chit-tīn人去思考, 去討論解決問題siōng好ê方法, tō是「社區運動」.

Ka-tī面對問題, ka-tī解決問題, 當然失敗ê責任, tō是社區ê人ka-tī來承擔, 成功ê感動, 社區ê人ka-tī來歡喜; 成功ê經驗, mā ē-tàng分享hō͘其他有問題ê社區來參考. M̄-koh社區tú-tio̍h問題, tio̍h-ài ka-tī產生動機kap意願來解決, che tō是「社區意識」ê養成, tī Taⁿ米kheⁿ, m̄-tāⁿ共同解決經濟問題, koh解決過去對土地錯誤ê使用觀念, 進1步產生「社區意識」. 過去政府tiāⁿ-tiāⁿ無好好á了解問題, kan-taⁿ知iáⁿ消費預算來建設明顯ê硬體, 顛倒造chiâⁿ浪費kap破壞. Ta̍k-kái放假, 觀光客to kheh kah滿sì-kè ê八里tō是1 ê失敗ê例. 政府無去思考社區運動ê意義, kan-taⁿ kioh是「社區營造」tō是萬靈丹, chit 2冬tī八里出現真chē硬體設備, 詳細注意, 無1項硬體設備是以在地人做出發點來設計--ê, lóng是為tio̍h beh服務觀光客, 政府kan-taⁿ ē-hiáu用粗魯ê步數消化預算, kā基層人民參與ê權利mā剝削掉. 是án-chóaⁿ嘴--nih teh hoah社區營造, soah lóng是為tio̍h利益kap選票? 社區運動ē-sái hō͘人民增加自信, 有行動力, 連社區運動lóng hō͘政客kap chió數學者扭曲做換選票. 運動tō是ài追求公平正義, tī共同解決社區問題ê同時, lán ē-sái不斷追求對ta̍k-ê siōng好ê生活方式, che tō是siōöng簡單mā是siōng重要ê運動原則.

──《TGB通訊》第57期(2004/6)

Pòaⁿ-mê 3 tiám, góa iáu teh kek thâu-khak siá TGB Thong-sìn 59 kî ê bûn-chiuⁿ, soah ū lâng lâi lòng-mn̂g. Chit chióng tāi-chì kan-taⁿ Uichì chò ē chhut--lâi, m̄-koh i chit-má lâng tī peng-iâⁿ, to bô thiaⁿ i kóng beh tô-peng--leh, tō chún beh tô-peng, mā bē gōng kah cháu lâi Tām-chúi bih. Mn̂g chi̍t ē khui, chiah chai sī Noya, khòaⁿ i chhiú koh kōaⁿ 2 kòan bì-luh, sǹg i iáu ū liông-sim.

“Góa siūⁿ lí mā bē hiah chá khùn.” Noya kiâⁿ góan chhù ná teh kiâⁿ in tau ê chàu-kha--leh, góa mā chiâⁿ kòan-sì--a. Góa chò góa kiâⁿ ji̍p-khì pâng-keng kè-sio̍k kek thâu-khak, chit kî nā bô siá 1 phiⁿ-á chhut--lâi, góa ē hō͘ góan chóng--ê pak-phôe.

“Lí teh chhòng siáⁿ? Siá lī-chit-su--o͘?” Noya phâng 2 au bô bì-luh phang-bī ê mi̍h-kiāⁿ ji̍p--lâi.

“Bô--lah, lī-chit-su chá tō siá hó--a, chit-má teh siá bûn-chiuⁿ. Oeh, lí m̄-sī kōaⁿ bì-luh--o͘? Au-á lāi-té té siáⁿ?”

“Heh! Heh! Che sī góa te̍k-pia̍t ūi lí tiâu--ê, lí cho̍at-tùi ioh bē chhut--lâi, che sī『酪梨牛奶』, lí kín lim khòaⁿ-māi--ê, koh khǹg,『維他命C』tō cháu-cháu--khì-a.”

「Tng...tng...tng......」Seh tī lak-tē-á ê 手機 á, tàm tiām 靜 ê 課堂發出規律 ê 聲. 教室--nih 教授講 kah 嘴角全 pho, 學生 gín-á 配合 i 講課 ê tempo, ná tìm 頭 ná 流嘴 nōa.

Góa ê 心早 tō 飛出學校, 想 tio̍h cha-hng chih 接 ê hit ê 運動者, 想 tio̍h cho̍h--日見面 ê 黃媽媽, 教授講--ê chi̍t-su̍t-á to 無法 tō͘ 滿足 góa 對台灣社會 ê hò͘ⁿ-hiân.

看手機 á, taⁿ, 是 siáⁿ-mih 人傳『簡訊』來? Ta̍k-ê lóng teh 做 ka-tī ê tāi-chì, 無, góa kā 聽看 māi--leh, 橫直 bē 影響 tio̍h 別人.

「Lí 好, góa chia 是 TNT 寶島新聲, 請 lí hām góan 聯絡.」

『Kant 的第二理性批判是在說明......』Góa a̍h 管 thāi lí siáⁿ-siâu "Kant", koh "Marx" 來 mā kāng 款, 照教授 lí chit-kóa 步調 kap 心態, koh 過 kúi 百冬, 台灣 mā 是 chiah àu. TNT chhōe--góa, m̄ 知發生 siáⁿ tāi-chì ?

6 月底 ê TGB 生活營, kap Pi-thâu-pòe ê Chì-hun 兄討論真 chē 問題. 8 月初, ùi 南部 tńg 來淡水 ê 路途--nih, góa kap Tōa-thâu-liân koh 走 1 chōa Pi-thâu-pòe, 去 chhōe Chì-hun 兄開講.

生活營 ê 時, Chì-hun 兄有提起 in 庄--nih 外國新娘語言溝通 ê 問題, hit pái 對話 ê 結論, 是 ài 招 chiah-ê 外國新娘開台語羅馬字 ê 班, thang 改善 chit ê 問題.

Chit chōa 去, mā kā Chì-hun 兄問 tio̍h che. Chì-hun 兄正經有去 chông chit 項 tāi-chì, 有外國新婦--ê, i ta̍k 口灶去 ko͘-chiâⁿ, m̄-koh 真無順 sī, 外國新婦 ê 家庭無愛 hō͘ in 新婦出來「pha-pha 走」.

Chì-hun 兄講, lán ē 防 chiah-ê 外國新婦, 驚 in 走--去, m̄-koh lán koh 無 kā in 當做「人」teh 平等看待, 無 kā in 當做「ka-tī 人」, án-ne in kám 有可能 ē 認同 chia? Lán ê 心態若無改變, kám 留 in ē tiâu? 外國新婦 ê 家庭若 kā in 當做外勞 iah 是 cha-bó͘-kán, in ê gín-á 心理發展 kám ē 正常? 以後 kám bē chiâⁿ 做台灣 oh 解決 ê 社會問題?

Chì-hun 兄 ê 話, soah hō͘ ka-tī tio̍h-ài 面對 ka-tī 心肝底論戰真久 ê giau 疑 hām 矛盾: chhōa 外國新娘 iah 是 chhiàⁿ 外國勞工, chit ê 趨勢真 oh 改變--a, lán tio̍h án-chóaⁿ 來面對--leh?

7 月初 3 風颱大雨, 雖 bóng 阻擋 tio̍h kúi ê 朋友落南, TGB同窗會 iáu 是照常 tī 台南聚會, kúi-nā ê 朋友是頭 1 pái 見面, ná 開講 ná 互相了解, 氣氛真緊 tō 燒 lo̍h--起-來, ta̍k-ê mā ǹg 望散 tī 各地 ê 朋友, ē-tàng ta̍uh-ta̍uh-á kā 聯絡 ê 線路牽牽--起-來.

Chit 暗聚會, 地頭 Ûi--á 兄專工紹介 teh phah 記錄片 ê A-kai 兄 kap 眾人熟 sāi. A-kai 兄講 ê 話, hō͘ góa chiâⁿ 深刻 ê 感觸.

A-kai 兄 chhím 到 tō 問 ta̍k-ê siáng koh ē 記得詹益樺, i 講 hiah-ê 做官--ê kap 學者頭人不時講 tio̍h 鄭南榕, 無人 beh 肯定詹益樺, 因為詹益樺無社會地位, m̄-chiah bē-sái 講--得, 肯定詹益樺 ē 影響 in chiah-ê 頭人 ê 權威, 利益 kap 地位, i 強調 che 是 lán ài 反省 kap 思考--ê.

尾--á i 愈講愈激動, 問 ta̍k-ê 認為民進黨政府 kám 有 iáⁿ 是本土政權? 民進黨政府 kám 正經是台灣人立場? Kám chiaⁿ 實有替勞動階級 phah 拚? I 講, 台灣 hō͘ 外來者統治 hiah 久--a, 準 chit-má 是本土政權, kám m̄ 是 tio̍h 全力來落實本土化 kap 主體性 ê 意識 kap 政策, 是 án-chóaⁿ ta̍k 項主張 to tio̍h phah 折 koh 再 phah 折? 是 án-chóaⁿ 不時 to tio̍h 先考慮既得利益者 kap 外來權力者? 民進黨政府根本 m̄ 是本土政權, 根本 m̄ 是台灣人 ê 政府, in 是「奴才政府」!

I mā 批判台北智識 kho͘-á hiah-ê 所謂 ê「左派」, 講 kah 嘴角全 pho, 正經 tú--tio̍h tō 知. I phah ê 記錄片主題 lóng 針對勞動者, hiah-ê「左派」tiāⁿ-tiāⁿ sa i ê 作品去放, 放--落了後--leh? Kám 有 beh「牽教」無產階級? 對像 i chit 款 ê 無產階級 kám 看有目地? 無學歷無社會地位--ê tō m̄ 是 kiò-siàu, che tō 是 hiah-ê 人 ê 階級立場!

去年此刻, 抱著既興奮又期待的心情等待當兵, 沒有緊張的情緒, 也沒有哀怨的哭啼, 只想說這關如果走得過去, 世界就是我的. 這是年輕人「不知天地有多寬闊」的氣魄.

出發的前1天晚上, 不知道在忙什麼, 拖到1點才睡, 隔天一早, 阿爸載我去市政府會同台南市的役男一同去兵營, 秋天的氣味, 涼涼的, 參雜些許的哀愁. 軍教片中, 阿媽送孫去車站, 女孩子送男朋友去坐車, 那種不忍辭別的畫面, 1幅幅在腦海裡閃過, 坐在駕駛座的阿爸, 像10年前載我去高中聯考, 去私立中學住宿一樣, 安靜地, 也沒有特別交代什麼, 不知道是對自己的兒子有信心? 還是傳統的價值觀, 讓他不知道如何開口?

在新兵訓練中心時, 差點失去自信心, 一直被罵, 要去廁所, 要喝茶都得請示班長, 一些操課的內容學得很慢, 卻開始對自己產生懷疑, 我怎麼什麼都不會? 我在害怕什麼? 每天早上眼睛睜開後, 最期待的就是看到傍晚的晚霞, 曾經在某天的手記裡寫著: 什麼理想, 什麼人生的意義都不重要了, 現在只求可以活下去. 也曾在另外1天寫著, 書讀那麼多要幹嘛? 增加煩惱而已, 每1句不受尊重的話語, 都會引起憤怒也引起評論, 幹嘛要這樣? 這樣的管教方式有效嗎? 我是1個自主的個體, 你們怎麼可以取代我的自由意志? 內心的對話若增加, 心情就愈無法釋放, 反而是一些國中學歷的朋友, 都簡單1句話「就遇到了啊, 不然要怎麼樣?」就解決了.

1年過去了, 若問我改變最多的是什麼, 我會說, 比起以前比較有辦法接受既定事實和適應環境. 以前如果計畫要做什麼, 結果出狀況, 不能照計畫進行, 我就會很難接受, 情緒也會卡在那裡無法做事情. 軍中的事情是我們無法掌握的, 自己如果不趕快調整, 在怎麼艱苦也得做, 不如高興一點. 現在我也盡量做到這樣, 不用去想如果我有......什麼就好了, 應該是要用有限及現有的資源, 創造最大的空間. 這趟路還有半年才到盡頭, 觀察到的一些現象, 我會慢慢地將它們寫下來.

PS: 當兵滿1年叫做「破(小)冬」, 下單位滿1年叫做「破大冬」.

「台語復興運動」做了10~20年了, 隨著政治局勢的轉變, 有前輩進入到體制內, 學校裡的教授也愈來愈多人主張要講台語, 還有現在中小學的鄉土教育, 即將制定的語言平等法......等, 有台語界的頭人在打拚, 讓我對台語愈來愈有信心, 台語的發展一定可以愈走愈開闊.

另外, 也讓我比較不用煩惱找工作的事情, 怎麼講? 第1, 自己長久以來受台語界前輩的啟蒙, 認同每一個人都得堅持說母語, 讓我們土地的母語可以繼續存活下去(這樣我們的文化才能繼續傳承). 再說, 自己若堅持說台語, 漸漸的也會影響身邊的朋友或同事說台語. 第2, 說台語也是人權, 資方不能排斥員工或是前去應徵的人說台語. 第3, 前輩說會講台語就是增加1項語言能力, 比較好和人家競爭, 我的台語還算可以, 要找工作應該很有機會.

找工作之前, 還有1件事情要先處理----修理手機. 怕人家打電話來要約面試時間, 或者是要通知結果的時候找不到人, 我先去解決手機的問題. 在修理店說完要走時, 年輕店員卻突然問說:「你是鄉下小孩嗎? 怎麼都說台語?」這是什麼意思?

先不管這是否是找工作的惡兆. 我找的第1個工作, 很快就叫我去面試. 那家是賣有機產品的店面, 老闆很中意我的資歷, 馬上說要雇用我. 雖然他不會排斥我說台語(他自己也穿插著講), 說到最後, 卻問說:「你的國語沒問題吧?」他解釋說他們店裡的客人都是中產階級, 素質普遍較高, 也比較習慣說華語, 店員最好可以用華語和客人溝通. 他說我們得「顧客至上」.

接下來找的第2個工作, 在店裡填應徵資料時, 店長看我都講台語, 就問說:「你會說國語嗎? 我們這種服務業跟客人溝通時都要說國語.」媽的! 我難道會不知道嗎! 全台灣被教得都會說豬仔話, 消費者的語言習慣難道不就是被他們洗過的嗎? 店長說2天後會通知我面試的時間, 不過一直沒接到他們的電話, 就這樣無消無息了.