Gî-lîn hit phiⁿ “Chhòng-chō Lán ê Liû-hêng Bûn-hòa” siá liáu chin chán ! Góa chit ê chiân (former) New Yorker tùi Tâi-ôan ê liû-hêng (fashion) mā chin tòng-bōe-tiâu. Gí-giân lâi kóng, ū chi̍t-kóa siàu-liân-lâng, phian-phian ài o̍h lāu-hòe-á kháu-khì, Pak-kiaⁿ-ōe kóng sī『少年老成』, ū-kàu tò-tōaⁿ koh gāi-ge̍k.
Tha̍k hoat-lu̍t ê Gî-lîn ē chù-ì kàu liû-hêng bûn-hòa, mā sī bô kán-tan koh chin chhù-bī ê tāi-chì.
Kóng tio̍h KMT ê si̍t-bîn thóng-tī, tio̍h-ài kóng tio̍h Hàn-bûn-hòa ê bûn-jī thóng-tī. Lán chit-má iōng POJ tō sī teh phah-phòa chit chióng thóng-tī hē-thóng. Góa mā ū kám-kak, ài kóng bó-gí (Hō-ló, Hak-fa.....) ê gín-á ê piáu-ta̍t kap su-sióng lóng khah o̍ah.
Lán ū chin chōe thui-sak Tâi-gí-bûn ê ha̍k-chiá, ūi tio̍h thóng-phài chhiò Hō-ló bô bûn-jī, tō kóng “Ū! Ū! Ū!”, tō kóaⁿ-kín khì chhōe kó͘-chá Hàn-jī lâi tàu, kóng: “Lí khòaⁿ, Tâi-gí hiah-nī-á súi!” Góa khòaⁿ tio̍h si̍t-chāi sī thó͘͘ tōa-khùi!
Hàn-jī ē-tàng tàn-tiāu sī bān-hēng ê tāi-chì, soah koh thâu-khak pháiⁿ--khì kā khioh tńg-lâi thoa-pêⁿ. Che sī Tâi-ôan-gû cheng-sîn, “kam-gōan chò gû m̄-kiaⁿ bô lê tang thoa” ê tōa khoat-tiám!
Khan-khan-thoa-thoa kóng kàu gí-giân, sī in-ūi Gî-lîn ū thê-khí『流行符碼』ê mi̍h-kiāⁿ. Ah chit chióng『符碼』ūn-chok ê gôan-thâu, chin chōe lóng sī ùi gí-giân lâi--ê. Iû-kî sī gí-giân thóng-tī ê bûn-hòa, bián kóng tō sī koh khah bêng-hián.
Tha̍k “Ō͘-kóe siuⁿ chē ê só͘-chāi” liáu, mā kám-chhiok chin chōe. Ē kì-chit hit chūn tńg-lâi Tâi-ôan ê sî, khòaⁿ tio̍h hit khóan khôan-kéng ê kiat-kò kòai-kòai, tō bô siūⁿ ài khì. Góa mā tī Silicon Valley (矽谷) chò kòe 1 tōaⁿ sî-kan, lâng tō bô chhiūⁿ Tâi-ôan án-ne ûi--khí-lâi. Góa kóng che sī ROC philosophy.
Hàn-bûn-hòa si̍t-chāi sī chin kiaⁿ kho-ha̍k/kho-ki iah sī chū-jiân ê mi̍h-kiāⁿ. Án-ne hoah kóng beh hiān-tāi-hòa, thài ū khó-lêng? Lóng sī hau-siâu--ê!
Henry 7/6
回應Henry
Henry 兄講--ê, góa 有 chi̍t-kóa 看法.
Tī 資訊, 電子媒體大發展了後, 電子媒體快速進入都市人 ê 家庭, 差不多侵入 ta̍k ê 人 ê 生活. Gín-á bat 漢字 ê 年歲 kap 速度不斷提早, 6 歲 ê gín-á, 40 歲 ê pa-pa, 60 歲 ê a-má chò-hóe tiàm tī 客廳, chò-hóe 看『搞笑有理, 整人無罪』ê 無聊綜藝節目, 無 chi̍t-sut-á『代溝』, 同齊笑 kah. 看 tio̍h 各台新聞 SNG 放送 ê 暴力事件, 犯罪現場 ê 血跡 kap 屍體. Chit 款生活情境 m̄-tāⁿ bē chheⁿ 疏, koh mā 是都市人放學下班了後 ê 實際生活情形.
Gín-á, 青少年 kap 大人活 tī kāng 款 ê 資訊內底, gín-á kap 大人 ê 差別 jú 來 jú bē 清楚, 甚至有 kóa 大人吸收新資訊 ê 能力比 gín-á khah 害. 台灣 ê 校園, sì-kè 是身軀無大 m̄-koh 手 the̍h 手機 á, 講話 khùi 口 ná『小大人』ê E 世代 (siáⁿ-mih 世代 chhìn-chhái 媒體亂號--lah~), che 是『消逝的童年』. Hōan-sè m̄ 是少年人 thiau-kang beh 學大人 ê khùi 口, 顛倒是少年人看--tio̍h 聽--tio̍h-ê, lóng 是 án-ne.
Gî-lîn 7/12
回應Gî-lîn
Hit phiⁿ góa ê hôe-èng, Gî-lîn thãk liáu ū chi̍t-kóa têng-tâⁿ. Khòaⁿ--khí-lâi i bô siáⁿ liáu-kái góa ê ì-sù. Góa kóng--ê m̄ sī it-poaⁿ ê hiān-siōng.
M̄-koh, góa chai-iáⁿ góa kóng--ê hit khóan hiān-siōng, ē-tàng kóng sī kôan-le̍k ê éng-hióng só͘ chō-sêng ê 1 chióng ké-siōng.
Gî-lîn kóng ê sè-tāi-kau-thè ê hiān-siōng, tī New York sī kài chèng-siông, m̄-koh cho̍at-tùi bô lâng beh o̍h lāu-hòe-á pān; tian-tò sī lāu-hòe-á ài o̍h siàu-liân-á ê pān.
Henry 7/14
留言列表
