自九份下山已經兩個禮拜了，腦海裡卻還縈繞著《礦工囝仔》演出片段及叫賣油條聲。「燒兮哦！哦油兮炸粿哦！」
吹著東北季風的九份，是歸鄉的靠岸。這裡有一群尚年輕就「退休」回鄉的礦工子弟，也有深受九份吸引而來的「新住民」。水南洞、金瓜石、九份，接在一起用台語念變成了「水真久」，他們說「歡迎大家常常來這裡，你們會水真久。」
說到九份金瓜石，大家想到的不是金礦便是《悲情城市》，再不然就是宮崎駿《神隱少女》的創作靈感來源。蕭條沒落後的水金九地區，大家去看去玩的只剩下觀光商業化過頭的九份老街。在地人不願生長土地隨著礦產採盡而蕭條沒落，同時也感念由此而生的礦山文化，這群大多數是經營民宿的九份人，找回以前人的故事，成立「水金九社區劇場─礦山藝文劇坊」。
因為工作之便，2009年正月初的一天，我們一群人來到水金九社區劇場位於金瓜石黃金博物園區內的上課兼排練場。剛開始的自我介紹，便讓大家聽的津津有味。他們的創作《礦工囝仔》便是描述礦工一家六口，雖然爸爸每天辛勤地在礦場工作，還是付不出子女的學費，後來媽媽受不了這種生活離家出走，11歲的大兒子期望母親能早日回家，便賣油條幫忙家計的故事。
燒兮哦！哦油兮炸粿哦！
憨直的礦工阿爸未曉偷金，柑仔店的賒帳是愈賒愈深
三餐米甕仔是臨臨臨，阿母仔離家出走，也才是曉悻
每晚攏是阿爸甲阮相依為命，透早兮九份仔是特別冷
走佇兮暗街仔的巷仔底，大聲來哭出思念阿母兮話
燒兮哦！哦油兮炸粿哦！
阿伯阿姨快緊來這買，卡早阮嘛是阿母兮寶貝
燒兮哦！哦油兮炸粿
阿母沒你來燒大灶，阮今嘛嘛會曉起火
燒兮哦！哦油兮炸粿
遠方兮阿母你甘有聽到阮的話
（詞：陳銍勇 曲：小高）
「Mai koh講阮金瓜石有金仔啊......」鄭老伯這樣說著。金礦曾經為金九地區帶來繁榮，可是繁榮背後是無數勞力付出、職業病拖磨、家庭破碎，以及開發過後的蕭條沒落。父親40多歲就因職業病過世的勇哥說，做礦工就是愈勤勞的愈早「回去」，他開玩笑地說所以做人愛懶惰。
這裡的人愛聽故事也愛說故事。2005年他們自己出版《礦山音樂故事劇場》CD，一首歌就是一段活生生的故事。〈油車粿流浪兒〉即《礦工囝仔》的故事來源，現實生活中那位賣油條的孩子才11歲。〈逗陣七天守寡一世人〉描述一對新婚夫妻，當礦工的老公因不想讓老婆擔心，所以改途出海補魚，然而天不從人願，漁船卻失事，這時老婆才發現自己已經有了身孕。
五十年前的彼一天，媒人婆仔講欲甲阮來介紹尪
害阮歹勢，想到阮自己，正經會曉兮是無半項
洞房兮彼一天，山哥講欲來疼痛阮一世人
新婚才七天，山哥驚阮兮煩惱尪
為著愛，伊離開了金礦坑
依依難捨兮基隆港，竟是咱絕別的海港
礦山兮春天是一片白茫茫
等待你兮心，是一天過一天
阮無怨歎，姻緣註定你一人
無奈今生咱逗陣才七天
阮無怨歎，姻緣註定你一人
無奈今生咱逗陣才七天 啊～
為你，守寡一世人
（詞：陳銍勇 曲：小高）
成立社區劇場之前，這群人早以自己的方式默默地付出了。有人喜歡攝影，有人整理當地文史資料，還有前面提到的創作出版CD，還在戲院外擺攤講古唱歌給過路人聽，最有趣的是他們還有一個「講爽俱樂部」，平時大家就聚在一起哈拉講爽。有這些累積，他們才得以在2008年順利組織社區劇場，也才沒迷失在表演、曝光的成就感中。
不管是民眾劇場還是社區劇場，都是讓基層群眾有自主發聲的力量，為世代斷層找回了缺漏的拼圖，也讓社區民眾因此凝聚、連結、產生共鳴、進而行動。當我們知道自己從何而來時，才知道該往哪裡走。
Ùi九份á落山已經2禮拜--a, m̄-koh《礦工囝仔》ê故事kap油車粿ê hoah賣聲iáu tī頭殼內teh tńg-se̍h. “燒--ê o͘h, o͘h~油--ê車粿o͘h!”
透東北風ê九份á, 是歸鄉ê靠岸. Chia有1 tīn iáu少年tō「退休」歸鄉ê礦工子弟, mā有欣慕九份á choaⁿ-á搬徙--來ê「新住民」. 水南洞, 金瓜石, 九份, kap chò-hóe用台語念tō是「súi真久」, in講「歡迎ta̍k-ê khah chia̍p來--ê, án-ne lín ē súi真久.」
講tio̍h九份á金瓜石, ta̍k-ê sûi想--tio̍h-ê m̄金á tō是《悲情城市》chit齣電影, 無tō是宮崎駿《神隱少女》ê創作靈感來源. Pha-hng了後ê水金九, ta̍k-ê去看去sńg--ê kan-taⁿ chhun觀光商業化過頭ê九份á老街. In m̄願chhiâⁿ養ka-tī ê所在tòe ku̍t金來pha-hng, mā感念ùi chia生thòaⁿ ê礦山文化, chit-tīn大部分是經營民宿ê九份á人, kā éng-kòe人ê故事chhōe--tng2-來, 成立「水金九社區劇場─礦山藝文劇坊」.
Khang-khòe ê關係, 2009年chiaⁿ月初其中1工, góan 1 tīn人來到水金九社區劇場tī金瓜石黃金博物園區內底ê上課兼排練場. Chhím頭á聽in sûi人ka-tī ê紹介, tō hō͘ ta̍k-ê聽kah chhùi-á lī-sai-sai. In ê創作演出《礦工囝仔》tō是poaⁿ khah早礦工家庭普遍ê現象, 1家伙á 6 ê人, 老父ta̍k工koh-khah án-chóaⁿ kut-la̍t做工, iáu是la̍p bē出gín-á ê註冊chîⁿ, 後--來老母擋bē-tiâu chit款生活choaⁿ-á離家出走, 11歲ê大hàn hāu-seⁿ為tio̍h beh tàu thàn所費thang好hō͘老母趕緊tńg--來, 走去賣油車粿ê故事.
燒兮哦！哦油兮炸粿哦！
憨直的礦工阿爸未曉偷金，柑仔店的賒帳是愈賒愈深
三餐米甕仔是臨臨臨，阿母仔離家出走，也才是曉悻
每晚攏是阿爸甲阮相依為命，透早兮九份仔是特別冷
走佇兮暗街仔的巷仔底，大聲來哭出思念阿母兮話
燒兮哦！哦油兮炸粿哦！
阿伯阿姨快緊來這買，卡早阮嘛是阿母兮寶貝
燒兮哦！哦油兮炸粿
阿母沒你來燒大灶，阮今嘛嘛會曉起火
燒兮哦！哦油兮炸粿
遠方兮阿母你甘有聽到阮的話
（詞：陳銍勇 曲：小高）
「Mài koh講góan金瓜石有金á ah......」鄭a伯án-ne講. 金礦bat hō͘ chia chhiaⁿ-iāⁿ過, m̄-koh發展後piah是sǹg bē出ê勞動付出, 職業病拖磨, 家庭破碎, kap開發過頭了後ê稀微chhìn市換--來-ê. 老父40外歲tō tio̍h肺病過身ê勇--哥講, 做礦工tō是jú kut-la̍t--ê jú早「tńg--去」, i講sńg笑講所以做人ài「pīn-tōaⁿ」.
Chia ê人ài聽故事, mā愛講古hō͘人聽. 2005年in出一張《礦山音樂故事劇場》, 1條歌tō是1段活lèng-lèng ê故事.〈油車粿流浪兒〉tō是《礦工囝仔》ê故事來源, 實際生活中hit-ê賣油車粿ê gín-á chiah 11歲.〈逗陣七天守寡一世人〉講1對chhím結婚ê ang-á-bó͘, 做礦工ê ang-sài驚súi-bó͘ ē煩惱, tō改途出海去lia̍h魚, nah ē知漁船á soah péng船, chit-chūn chit-ê bó͘ chiah發覺ka-tī已經有身--a.
五十年前的彼一天，媒人婆仔講欲甲阮來介紹尪
害阮歹勢，想到阮自己，正經會曉兮是無半項
洞房兮彼一天，山哥講欲來疼痛阮一世人
新婚才七天，山哥驚阮兮煩惱尪
為著愛，伊離開了金礦坑
依依難捨兮基隆港，竟是咱絕別的海港
礦山兮春天是一片白茫茫
等待你兮心，是一天過一天
阮無怨歎，姻緣註定你一人
無奈今生咱逗陣才七天
阮無怨歎，姻緣註定你一人
無奈今生咱逗陣才七天 啊～
為你，守寡一世人
（詞：陳銍勇 曲：小高）
Tī成立社區劇場chìn前, chit-tīn人tō用in想ē tio̍h ê步數teh pháng--a. 有人hèng hip相liap影, 有ê人去chhōe在地ê文史記錄, koh有頭前講--tio̍h-ê出CD, tòa戲院外口排tàⁿ-á講古唱歌hō͘人聽, siōng kài趣味--ê是in koh有1 ê「講爽俱樂部」, 不sám時tō tàu chò-hóe phah-lā-liâng練siáu話. 有chiah-ê苦工累積, in chiah有thang tī 2008年順利組織社區劇場, mā chiah ē無迷失tī風神ê表演成就感--nih.
無論是民眾劇場iah是社區劇場, lóng是beh hō͘基層人民有自主發聲ê力量, mā替無kāng世代牽接--起-來. Tng lán知影ka-tī ùi toeh來ê時, chiah ē知影ài行tùi toh位去.
留言列表
