雖然在台北出生，然後一直住了20多年，但是自出外之後，每到台北，不管身體或精神上都變成一種折磨。
830因為放心不下，只好陪阿公上台北走街頭。1025阿公又要上台北，這次我的身體實在受不了，就拜託台北的親友就近陪阿公上街頭。昨晚阿公又要參加在台中公園的集會，我只好又陪他去公園散步兼聽屁話了！陪阿公不是因為要孝順阿公，實在是怕萬一遇到突發狀況，91歲的阿公無法應變。
每有這種場合，站著聽台上的屁話不如觀察身旁愛台人士的對話。一如往常，身旁人士的對話仍是一些人云亦云的觀點。高雄的和尚議員似乎很有群眾魅力，領著近千人高喊「阿扁加油」。我實在無聊，就在公園走來走去，觀察現場的警員們，跟在台北時一樣，每人的腰間都配著一支警棍，我不知道他們的「上級單位」何時會下令他們攻擊台灣人。不過不管何時開始攻擊，我都不會奇怪就是了。
突然群眾一陣騷動，原本坐著的人全站了起來，原來是阿扁也到場了。我放心不下阿公，走進場子裡頭，緩緩移位到阿公附近，問阿公何時離開。阿公回我說要聽阿扁講話，我只好站在原地等阿公。
從我的位置可以就近看清舞台全貌，甚至可以看到阿扁站在大約30公分高的木盒子上，身邊還站著募了一堆錢說要拍228紀實，卻連顆鳥蛋也沒孵出來的人。這兩個人有個共同點，他們都沒犯中華民國的法，但是道德上有明顯瑕疵。我看著這兩個，一個大瑕疵，一個小瑕疵。心想，他們還真是不要臉啊！最後，這個中華民國前任總統還帶著群眾高喊：「建國！建國！」台上台下一片激昂。今晚，我又看見台灣人的沒是非、沒邏輯，更糟糕的是太過健忘了！
阿扁前腳走人，麥克風就傳來要大家捐款的呼籲。不過今晚還是有令人高興的事情，首次聽到群眾裡頭發出革命的怒吼，聽到「一定要有組織」三次，愈多人清楚就愈可能形成多數共識。但如果大家仍無法破除以民進黨這個騙子政黨為領導的思考，那麼台灣人就還需要很長時間的刺激與努力，才可能出現真正的民眾組織。
我真心祈禱，希望一切都還來的及。
Sui-bóng tī台北出世, mā tī hia tòa 20外年, m̄-koh出外了後, piān-nā koh去到台北, 無論對身體iah精神, lóng pìⁿ做1種折磨.
830因為bē放心, choaⁿ-á陪a公去台北行街頭. 1025 a公beh koh去台北, chit-pái góa ê身體實在bē堪--得, tō拜託台北ê親chiâⁿ陪a公去行街頭. Cha暗a公koh beh去參加tī台中公園ê集會, góa姑不衷koh陪i去公園散步兼聽屁話! 陪a公m̄是為tio̍h beh iú孝a公, 實在是驚萬不一tú-tio̍h狀況, 91歲ê a公無法度反應.
Tī chit種場, 觀察身軀邊愛台灣人士ê對話, phēng khiā leh聽台á頂講屁話khah贏. Kap éng-kòe kāng款, 身軀邊chiah-ê人講--ê, mā iû-gôan是人講tòe leh講hit款觀點. 高雄ê和尚議員ná真有群眾緣, chiâⁿ千人tòe i大聲hoah「A扁--á加油」. Góa實在無聊kah, tō tī公園內行來行去, 觀察現場ê警察, kap tī台北ê時kāng款, in ta̍k ê人腰--nih to插1支棍á, góa m̄知影in ê「上級單位」tang時ē下令in攻擊台灣人. M̄-koh無論tang時開始攻擊, góa lóng bē感覺奇怪.
群眾hiông-hiông jia̍t--起-來, 本底坐--leh ê人lóng khiā--起-來, 原來是A扁--á mā來--a. Góa對a公pàng bē落心, 行入去內底, ta̍uh-ta̍uh-á chiⁿ去到a公邊--á, 問a公tang時beh走. A公應góa講i beh聽A扁--á講話, góa choaⁿ-á khiā tī hia等a公.
Góa khiā tī hia, kui-ê場看kah chiâⁿ清楚, 甚至看ē tio̍h A扁--á khiā tī有30公分kôan ê柴箱á頂kôan, 身軀邊koh khiā 1 ê人, hit-ê人募1堆chîⁿ講beh phah 228 ê影片, 到taⁿ soah連1 ê影to無. Chit 2 ê人有1 ê共同點, in lóng無犯中華民國ê法, m̄-koh道德上明顯有問題. Góa看chit 2 ê, 1 ê是大問題, 1 ê是小問題. Góa心內teh想, in正港是bē kiàn-siàu! Lō͘尾, chit-ê中華民國前任總統koh chhōa群眾hoah:「建國! 建國!」台á頂kap台á kha hoah kah氣氛jia̍t-phut-phut. Chit暗, góa koh看tio̍h台灣人hiah無是非, hiah無思想, koh-khah害--ê是, chìn前發生--ê lóng bē記了了--a!
A扁--á人chiah離開niâ, mài-khuh sûi叫ta̍k-ê ài寄付. M̄-koh eng暗tī現場iáu是有hō͘人ē歡喜ê tāi-chì, 頭1 pái聽tio̍h群眾hoah出「ài革命」ê聲, 聽tio̍h「一定ài有組織」3 pái, jú chē人清楚tō jú有可能形成多數ê共識. M̄-koh ta̍k-ê若iáu無法度破除以民進黨chit-ê pián-sian-á政黨做領導ê思考, án-ne台灣人koh tio̍h真長時間ê刺激kap phah-piàⁿ, chiah有可能出現真正ê民眾組織.
Góa真心祈禱, ǹg望一切lóng iáu ē赴.
留言列表
