軍公教在來享受特殊ê待遇, 像18%, 退休iáu thang領年終獎金, 學費補助, 在額ê薪水iah是退休金lóng phēng一般社會ke真kôan......etc, chiah-ê chhiâng-chāi chiâⁿ做社會爭論ê議題, m̄-koh iáu是m̄-bat有通過任何正經beh改善ê政策.
Kiàn-nā tú tio̍h社會不滿, 總--是有軍公教hoah聲講, in jōa認真tú jōa認真, 無, tō是哀講若kā in ê siáⁿ-mih待遇減少iah取消, in ē活bē落--去.
看tio̍h 1條新聞, 訪問1 ê主管級ê公務員, 講1975年i chhím開始做公務員ê時月給kan-taⁿ 3,000 kho͘, m̄-koh i感覺真有尊嚴. 話語--nih暗示講in過去薪水無kài chē.
Chiūⁿ網入去主計處ê中華民國統計資訊網, 1975年台灣人平均年所得是33,497 kho͘, 換算做月給無到3,000 kho͘. Kan-taⁿ講月給, koh無算軍公教其他實物補貼, 專業加給等等實質收入, án-ne tō已經kôan過台灣人平均所得--a, 軍公教生活若算pháiⁿ過, in ê待遇若算無kôan, án-ne其他大多數台灣人kúi 10冬來是án-chóaⁿ活--落-來-ê?
M̄-koh講--tńg-來, chiah-ê議題ta̍k不時teh ká, nah ē總--是一直m̄-bat解決? 軍公教是米蟲chit ê tāi-chì, m̄免人講, lán生活經驗lóng知, m̄-koh若m̄是有政治iah是選舉需要, hō͘政客kap選舉班á iah是政論節目sa來lā, 社會kám正經有teh chùn-būn? 講--tio̍h ê時, kiāu bóng kiāu, sōan bóng sōan, kiāu soah, sōan soah, koh續--落-來, 若無等到後1 táu chit ê議題koh hông lā出來thi̍h ê時, bē-su lóng無要無緊, siōng好是, ka-tī ê sī細有夠gâu thang考tiâu公務員, 享受tio̍h hit款phēng人khah好ê待遇.
攻擊軍公教優待政策ê眾運動團體, kiàn-pái to hoah講in提出chiah-ê議題m̄是beh製造階級對立, tō ná勞工運動kiàn-pái to強調in是為tio̍h勞資和諧kāng款. Lán hông thún-ta̍h, beh哀出聲koh tio̍h先安tah壓迫者ê感受. 無論khiā tī「民族解放」iah是「階級解放」ê立場, 台灣社會矛盾ê源頭tō是統治lán ê chit ê體制kap社會權力結構, 軍公教tō tú-tú是teh執行有效統治, 有效剝削ê工具, kám m̄是--leh?
Hoah beh追求公平正義, m̄-koh koh驚ē得失權勢者kap in ê執行工具, che tō是lán台灣人認定ê公平正義!
軍公教一直以來享受著特優的待遇,如18%、退休仍領年終獎金、學費補助、在職的薪水或退休金都比一般社會多很多……等,這些問題常成為社會輿論的爭議點,然而卻又總是不曾通過任何真正改善的政策。
每當社會不滿四起,總有軍公教喊說他們多麼盡忠職守,或者哀嘆說若減少或取消他們的什麼待遇,他們會活不下去。
看到一則新聞,訪問一個主管級的公務員,說1975年他剛進入公務體系時月薪只有3,000元,不過他覺得很有尊嚴。話語裡暗示他們過去薪水不多。
上網到主計處的中華民國統計資訊網,1975年台灣人平均年所得是33,497元,換算月薪不到3,000元。只計月薪,還沒把軍公教其他實物補貼、專業加給等等實質收入算在內,這樣就已經高過台灣人平均所得了,軍公教生活若算艱辛,他們的待遇若算不高,這樣其他大多數台灣人幾十年來是怎麼活過來的?
然而話說回來,這些議題不時被挑起,為何總是一直沒有解決?軍公教是米蟲這件事,不必別人講,我們生活經驗人盡皆知,但若不是有政治或選舉需要,被政客和職業選舉家或政論節目提起,社會大眾真的在意嗎?提到時,嘴巴罵完、情緒一過,接下來,若不是等到下一次這個議題又被挑起時,好像一點都不要緊,最好是自己的子女夠厲害考上公務員,享受到那種比別人好的待遇。
攻擊軍公教優待政策的眾運動團體,每次都得強調他們提出這些議題不是要製造階級對立,就好像勞工運動每次都強調他們是為了勞資和諧一樣。我們被踐踏,要喊痛前還得先顧慮壓迫者的感受。無論站在「民族解放」或「階級解放」的立場,台灣社會矛盾的源頭就是統治我們的這個體制和社會權力結構,軍公教正是執行有效統治、有效剝削的工具,不是嗎?
口喊追求公平正義,卻又怕得罪權勢者和他們的執行工具,這就是我們台灣人追求的公平正義!
──《TGB通訊》第160期(2013/1)
留言列表